يا أميرة محمد منير

ابراهيم ميخفش الا من الغشيم

عرقين خشب
عمدان لسقالة شقـا
وايدين فقير متعلقة فى الكام جنيه
طب يعمل ايه
الدنيا اخدت ضحكته وضحكت عليه
والخوف مكتف خطوته
ويوماتى علشان لقمته
الموت بيلعب لعبته قدام عنيه
ومفيش هزار
العمر مش لعبة قمار
والتضحية...
اوقات مبتكونش اختيار
لكنه علشان الصغار
علق سنين عمره ف هوا
عشان رغيف علشان دوا
علشان يحوش كام امل ضد الظروف
محتاج يشوف
من تحت عقب الحلم حبة ضى جى
رغم انه بيموت م التعب
لكنه حى


محمد محسن _ عرقين خشب

آخر سيجارة

عُقب السيجارة الاولى
قال اوعى ترميني
ولَّع بناري التانية
فـ التانية تحييني

عُقب السيجارة التانية
قال اوعى ترميني
ولَّع بناري التالتة
فـ التالتة تحييني

قاعد ومستنِّيكي مع قهوتي السادة
مع وشها المجروح باتملَّى فـ غيابِك
حيران وباسأل فين فـ الحلم باتمادى
عطشان وروحي ايدين بتدق على بابِك

عُقب السيجارة التامنة
قال اوعى ترميني
ولَّع بناري التاسعة
فـ التاسعة تحييني

عُقب السيجارة التاسعة
قال اوعى ترميني
ولَّع بناري العاشرة
فـ العاشرة تحييني

فاتح قصادي كتاب متلخبطة سطورُه
هشَّة الحروف م الخوف مش قادرة تتماسك
بيني وبين الناس الليل نصب سورُه
مستنِّي ييجي النور ممزوج بأنفاسِك

آخر سيجارة معايا
شافت دموع عيني
قالتلي يا ابني كفاية
قوم ياللا واطفيني
----------------------------------
كلمات والحان : أنطونيوس نبيل
توزيع : وليد ميمني

آخر سيجارة - جوني

تخيل لما كل الناس دى تتجمع مع بعض فى عمل فنى و أدبى واحد
يبقى أكيد دي مفاجأة المفاجآت 
هانى عادل
ميدو زهير
ممدوح فوزى
مصطفى ابراهيم
مروة جمال الدين
محمد السيد
محمد ابراهيم
مايكل عادل
ضياء الرحمن
سالم الشهبانى
دعاء عبد الوهاب
أمير صلاح الدين
أحمد النجار
أحمد الطحان
أحمد البوهى

تسجيل حصري من حفل الإعلان عن الصحبجية و بمشاركة الفنان علي الهلباوي

https://www.facebook.com/elsohbgia

الصُحبَجيَّة

بيحب كل حاجه _مسلسل خاتم سليمان

الحلوة دى - حديث الصباح والمساء

4 - Da5l 3la El 30

الفاجومى

نوستالجيا اغاني الافلام 2000

  سيرة الأراجوز  (( من أكتر الأغاني الحقيقية في الحياة ! )) 
كلمات : خالد عبد القادر 
ألحان : يحي نديم 
غناء  :فريق عمدان نور 

جيبت ليه صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته

**

حزن يا بقال ورا الجامع هات بنص ريال عسل فى الكوز
دة اللى كان عيل بقى شاعر واللى كان ضاحك بقى أراجوز 

**
حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

**

عدى فيا القمح سمرنى 
عدى فيا الفجر صبرنى 
عدى فيا الحزن غيرنى
عدى فيا العمر كبرنى

**

خدنى م اللفة لمريلتى 
خدنى م التسنين لحصلتى 
خدنى من مدرستى ع الجامعة 
خدنى م الترعة على الاسفلت 

**

خدت م الاتوبيس مراياته 
خدت م السواق حكاياته
خدت م الركاب تذاكر موت 

** 


حزن يا بقال ورا الجامع هات بنص ريال عسل فى الكوزل
دة اللى كان عيل بقى شاعر واللى كان ضاحك بقى أراجوز

**

ياللى وحشانى متوحشنيش 
ضحكك السكر محلانيش 
خفت م المطرة قفلت الشيش 
ليه فضل اسمك على الشباك 

**

كنت جايب دبلة وغويشة 
كنت شارب خمرة مغشوشة 
شفت شبهك قاعدة فى الكوشة 

**

قلت هى لا مش هى 
فتشتنى المعة عن ميا 
كنت أنشف من حطب محروق 

**

حزن يا محول خطوط سيرى 
حزن يا عطار فى باب اللوق 
شوفلى تحويجة لتفسيرى 
حط ريحة بن لضميرى 
شوفلى عود أصلب من المغشوش

**

حزن يا بقال ورا الجامع هات بنص ريال عسل فى الكوز 
دة اللى كان عيل بقى شاعر واللى كان ضاحك بقى أراجوز

**

ردنى عالباب عطب روحى 
جابلى ناى وزتونة مطروحى 

**

جيبت ليه صاحب وحبيته
زقنى فى المنترو زقيته
واما مات فيا ومت انا فيه 
روحتله بيته وعزيته

**
ردنى عالباب عطب روحى 
جابلى ناى وزتونة مطروحى 
**
مر انا يا صاحبى لو دقتنى 
جيت اقول الأه ما صدقتنى 
يطرح ايه الملح غير مالح 
يطلع ايه م الجرح غير مجروح

**

ليه ما تصفاشى لغير صافى 
ليه فى عز الحوجة بتجافى
شوفتنى غاطس ولا طافى 
كنت بندهلك حلاوة روح 

**

حزن يا بقال ورا الجامع هات بنص ريال عسل فى الكوز 

**
خد سنين الجرى وسنينى 
هاتلى سن غزال دهب عينى
قطع الاسفلت شرايينى 
هات بياض القطن شاش اللوز 

**

حزن يا بقال ورا الجامع هات بنص ريال عسل فى الكوز
دة اللى كان عيل بقى شاعر واللى كان ضاحك بقى أراجوز

بيحب كل حاجه _مسلسل خاتم سليمان

Sasoo Ghareeb

Related tracks