mine

SLUT ME OUT (feat. Sexyy Red)

Pare Pare

GET IT SEXY!! - Sexyy Red

Nothing Compares 2 U

 پیره  هه‌ڵۆ

پاییـــــــزه‌، دار و ده‌وه‌ن بێ به‌رگـــــــــه‌

 دڵ په‌شـــــــۆكاوی خـــــــه‌یاڵی مه‌رگه‌

هـــــه‌ر گه‌ڵایێ كه‌ لـــــه‌ دارێ ده‌وه‌رێ

نووســـــراوێكه‌ به‌ ناخــــــۆش خه‌وه‌رێ

تاو هـــــه‌ناوی  نیه‌ وا مـــــات و په‌شێو

له‌شــــی زامــــــاری  ده‌كێشێته‌ نشێو

رۆژپه‌ڕه‌، ســــارده‌ كـــزه‌ی بای زریــــان

كاتـــه‌ بــــۆ ژینی  له‌ ده‌س چوو ، گریان

دڵی پڕ بوو لــــه‌ په‌ژاره‌ و لـــــه‌ دڵـــــــۆ

ژینی خـــــۆی هـــــــاته‌وه‌ بیر پیره‌هه‌ڵۆ

به‌ قســــه‌  خۆشه‌ ،  مــــه‌ترسی مردن

تاڵه‌ ئه‌و هه‌ستی به‌ مـــــردن كـــــــردن

كاتی كۆچ كــــــــردنه‌، وه‌ختی سه‌فه‌ره

‌داخه‌كه‌م، ســــه‌ختی نه‌مـــــانم له‌به‌ره‌

هه‌ر بینا هـــــات ئه‌جـــــه‌ل  و من مردم

با لــــــه‌ شیوێ په‌ڕ و باڵــــــــــــی بردم

تۆ بڵێی پاشـــــی نه‌مـــــــان ژینێ بێ؟

بۆ لــــــــــه‌شی سارده‌وه‌بوو  تینێ بێ؟

تۆ بڵێی ئه‌و خـــــــــه‌وه‌ هه‌ستانی بێ؟

یانـه‌ ئه‌و قــــــافڵه‌ وه‌ستانــــــــــی بێ؟

مه‌رگه‌ دێ و دوا به‌ هه‌موو  شت دێنێ

هه‌مــــــوو ئاواتێ لـــــه‌ دڵ  ده‌ستێنێ

پاشه‌رۆكێكــــی بكه‌م لــــــــــــه‌و باخه     

‌تاكــــــــوو باڵ و په‌ڕی مـــــــن په‌رداخه‌

نابمه‌ ڕێبواری كـــــــه‌لی هات و نه‌هات

چاره‌كــــه‌م به‌شكوو ئه‌وا هات و نه‌هات

شاره‌زای ڕێگه‌یی مــــــــــــــردن كێیه‌؟

چیه‌ ئه‌و مــــــــه‌نزڵه‌، كـــوێنه‌ی جێیه‌؟

شاره‌زای ڕێگه‌یی مــــــــــــــردن كێیه‌؟   

چیه‌ ئه‌و مــــــــه‌نزڵه‌، كـــوێنه‌ی جێیه‌؟

 هـــه‌ر بڕۆم نابه‌ڵه‌د و بێ سه‌ر و شوێن

دیار نیه‌  خێڵی هــــــــــه‌ڵۆیان له‌ كوێن

خۆی به‌ خۆی گوت كه‌ ده‌چم بۆلای قه‌ل

كه‌یخودای پیر و به‌ بیری گـــــــه‌لی مه‌ل

هه‌ڵفڕی ڕاوكـــــــــه‌ری زاڵی كـه‌ژ و كێو

له‌ چیای به‌رزه‌وه‌ ڕووی كــــــــرده‌ نشێو

كــــه‌وته‌ ئه‌و ده‌شته‌ له‌ ترسا ته‌ق و ڕه‌و

ده‌رپه‌ڕی كـــوڕكـــوڕ و  كڕ مـــــایه‌وه‌ كه‌و

هاته‌ لای قـــــه‌ل به‌ كـــــزی و بێ وازی

قه‌ل گـــــوتی: مامــــــه‌ هه‌ڵۆ، ناسازی؟

گــــــوتی قـــــــــاڵاوه‌ ڕه‌شه‌ی پسپۆرم!

پیــــــرم و پێیه‌ له‌ لێـــوی گـــــــــــــۆڕم

باخی ژینم به‌ خـــــــه‌زان ژاكـــــــــــــاوه

‌كاتی مـــــــــــــه‌رگه‌ و ئه‌جه‌لیش ناكاوه‌

پێم بڵێ، چــــــــــۆنه‌ كه‌ تۆ هه‌ر لاوی؟!

زۆر به‌ ساڵ پیری،به‌ڵام چــــــــا ماوی؟!

هێــــــزی ئه‌ژنۆم  نیه‌، باڵ بێ هێــــــزه

‌هه‌مــــــــوو گیاندارێ ژیان پارێــــــــــــزه‌

قه‌ل گــــــــــوتی: باشه‌ كه‌ گوێ ڕادێری

په‌نــــــــــدی  من پاكی به‌ دڵ بسپێری!

ئه‌و ده‌مه‌ی بابی به‌هـــه‌شتیی من مرد

دوور له‌ تۆ، ده‌رد و به‌ڵای ئێــــــــوه‌ی برد

پێی گــــــوتم ڕۆڵه‌ هـــــــه‌وای ڕاز و نزار

هه‌یه‌تی ده‌رد و  نه‌خۆشی به‌ هـــــه‌زار

دێق و زه‌ردوویــــی و ئاهــــــۆ و وه‌رهه‌م

به‌ گـــــــژه‌ی بای به‌ قوه‌ت دێن به‌رهه‌م

گۆشتی که‌و چه‌نده‌  که‌ تام داره‌ به‌ ناو

هه‌نگ و هاڵاوێ ده‌هه‌نــــوێته‌ هــــه‌ناو

تا وزه‌ی بیـــــــر و  خه‌یاڵ  سه‌رده‌که‌وی

که‌ له‌ گۆر کـــــه‌وتی  وه‌ها  وه‌رده‌که‌وی

پــــه‌ین و پاڵـــــێ کــه‌ له‌  پاڵی دێ یه‌

مـــــه‌نزڵی نه‌وکــــــه‌ری خۆتی لێ یه‌

کـــــه‌ره‌ تۆپیـو و کـــــــه‌لاکی گـــــوێلک

هه‌ڵمی دڵ روون که‌ره‌وه‌ی سه‌ر گوێلک

پێکــــــه‌وه‌ چینه‌ بکــــه‌ین لـــــه‌و په‌ینه‌

بۆی ســـه‌نێر مه‌ڵهه‌می بیـــــر و زه‌ینه‌

ورد به‌وه‌ چــــه‌نده‌ به‌ مـــــــــانا قووڵه‌!

مه‌سه‌له‌ و گفتی قه‌لـی ماقـــــــووڵه‌!

بیکه‌ ســــــه‌رمه‌شقی ژیان ئه‌و ئیشه‌

هه‌ر له‌ ســـــه‌ر داری نه‌وی هه‌ڵنیشه‌

هاتــــه‌وه‌ بیری هـــــــه‌ڵۆ رابــــوردووی

پاکـــــی بۆژانه‌وه‌ یادی مـــــــــــردووی

گـــــۆڵ کـــــرا راخــــــه‌ر و  پایـــه‌ندازم

چـــــــه‌نده‌ ئاژوا  لــــه‌شی کێو ئاوازم؟

چه‌نــــده‌ روانیومه‌ زه‌وی لــــــــه‌و بانه‌ ؟

کێو و ده‌شت له‌و سه‌ره‌وه‌ چه‌ند جوانه‌؟

چه‌ند چکــــۆله‌ن په‌له‌وه‌ر لــــه‌و به‌رزه‌ ؟

ئاخ که‌ چه‌ند خوێڕی گه‌ڕه‌  ئه‌م عه‌رزه‌ ؟

کۆلکــــه‌زێڕینه‌ وه‌کــــوو تاقی زه‌فــــه‌ر

ئاسمان بۆ منی به‌ست کاتی سه‌فه‌ر

حـــــه‌وته‌وانان بوو میداڵی  شه‌ڕی من

چه‌نده‌ شۆراوه‌  به‌ خوێن شاپه‌ڕی  من

چه‌نــــده‌ راوی کــــه‌و و کـه‌وباڕم  کرد ؟

دوژمنی تاقمی  شمقــــارم  کـــــــرد ؟

ئێسته‌ بــــۆ وا  ڕه‌بـــــه‌ن  و  دامـــــاوم؟

من هه‌ڵــــــۆ چـــــاو له‌  ده‌می  قاڵاوم!

ساكـــــــــــه  ئه‌و كاره  وه‌هـــــا ساكاره

مه‌رگـــــه‌  میوانی گــــــــه‌دا  و خونكاره

هــــــه‌وری  ئاسمان  ‌بێ خه‌ڵاتم باشه

یا له‌شم  خاشـــــــه‌  بكێشـــــن باشه

گوتی وا ژینی درێژ پێشكه‌شی خــــۆت

گۆشتی مرداره‌وه بوو هه‌ر به‌شی خۆت

ژینی كـــورت  و به‌ هـــه‌ڵۆیی مـــــردن

نه‌ك په‌نا بۆ قـــــه‌لی ڕووڕه‌ش بــــــردن

لای هــــــه‌ڵۆی  به‌رزه‌فڕی به‌رزه‌مـــژی

چۆن بژی خوشه نه‌ وه‌ك چــــه‌نده‌ بژی



Jesse Kramer - Hallelujah

Прошу Оплатити

Related tracks