إن قلت أحط بداخل العين لك بيت
خايف يحول الرمش بينك وبيني
وإن قلت أحطّك داخل القلب عيّيت
صعبٍ علي أخفيك عن ناظريني

ودّي بشوفك كل ما أصبحت وأمسيت
ممساك في قلبي وصبحك بعيني
والله ما به ساعةٍ عنك سجّيت
ولا مرّ يومٍ فيه يضعف حنيني

أنتِ مناي وسلوتي لا تمنّيت
وأنتِ هواي وصادق الشوق فيني
ما فيه غيرتس بالبشر له ترجّيت
ولا أحدٍ ملا قبلتس خوالي سنيني

ودّي بشوفك - مزعل فرحان

جنود الحرب تطعن بالسناقي
وطعنك بالعيون أكبر مصيبة
حرير أزرق خضر ناعم رقاقي
ألا يا سِعْد من حاشه نصيبه

حبيبي عايشٍ مع شعب راقي
خواله حرب.. وأعمامه عتيبة
ما بين السيف وأطراف العراقي
بلادٍ أرضها عذبة حبيبة

ألا يا أهل الكويت القلب تاقي
يتوق وراحت أضلاعي حطيبة
أجرّ الصوت وأشكي عظم ساقي
ومن ينسى عسى ربّي يصيبه

ألا يا زين ضاق الصدر ضاقي
وصرت أجيب دمع العين أجيبه
نسيت أيّام ما حلّ الفراقي
نهار أروح وتصير المغيبة

نقضت العهد بعد الاتفاقي
يا لولو يا ذهب قصّة غريبة
الأمّة فانية.. والله باقي
تجمّل بالرضا ما من غصيبة

جنود الحرب تطعن بالسناقي - خلف بن هذّال

تعبت في حبّكم ياللي رميتوني 
الرمية اللي لها بالجسم أماريّة

لإن شفتكم عشت وإن غبتوا شغلتوني
صابر على البعد والأسرار مخفيّة

من يوم فارقتكم بالحب مفتوني
سهران وأرعى النجوم اللي سماويّة

عاشق مولّع بكم ياللي هجرتوني
أمشي مع الشمس وأحسبني مع الفيّة

يا أحباب قلبي وش الأسباب تنسوني
وأنا على العهد معكم صادق النيّة

مدري من البعد ولّا أنتم جفيتوني
بعد الصداقة ومن بعد الموديّة

بالله بالله عليّه لا تغلّوني
لإن كان في قلبكم رحمة وماويّة

شكيت يا أهل المحبّة لا تلوموني
أبكي علاهم بعد فاتوا من إيديّه

فيما مضى والقضى كانوا يزوروني
واليوم عيّوا يلدّون النظر فيّه

فيهم لطيف الحشا بالحيل مزيوني
الزين مرغوب من عصر الهلاليّة

تعبت في حبّكم ياللي رميتوني - جارالله السواط

يا مالكٍ قلبي من أدناه لأقصاه
يا ماسكٍ حبل الوصل في يمينك
حرام قلبٍ يطلب رضاك تنساه
يا كيف يالمزيون تنسى ضنينك؟
يكفي فؤادي من الغرابيل ما جاه
ديني وفيته وأنت ما أوفيت دينك
يا ما بكت عيني وقلبي شكى الآه
مدري متى أشبك يديني بيدينك
اللي يحبّك يا أريش العين تجفاه
ويش السبب يا زين تجفى ضنينك؟

يا مالكٍ قلبي - مزعل فرحان

شيلوا معي يا هل الوادي.. ما قلت لازم تشيلونه
شيلوا معي زين الأنشادي.. خويّكم لا تخلّونه
عليك يا ساكن الوادي.. وسط الشرافة يقولونه
النار في الصدر وقّادي.. قلب العنا يبست غصونه
يا هيه يا سارق فؤادي.. عندك أمانة تردّونه
ودّي بجلسة و مقعادي.. مع صاحبٍ كحّل عيونه

شيلوا معي - عبدالله غريب

ألا يالطيف الروح قلبي من أجلك ذاب
كما ذاب معجون الذهب عند صبّابه 
أعالج عيونٍ دمعها دايمٍ صباب
وأعالج فؤادٍ ذاب من حر ما صابه 
ألا ياوجودي وجد من راح مع الأجناب
ترك دنوته وأقفى على شان طلابه 
على صاحب من طول فرقاه راسي شاب
ثلاث سنوات ما وقفت رجلي على بابه 
دلال وجمال صويحبي والثمان عذاب
دوا علّتي ودواي إذا قال لي جابه 
ألا يابعد روحي ترى صاحبك: منصاب
اذا ماوزى به يالغضي أنتوا أدرى به 
عسى الله يعافي من ذبحتوا بدون أسباب
غليلٍ عليل الروح وأنتوا من أسبابه 
رموه العذارى حسبي الله على الأصحاب
طريح الهوى.. سبعين علّة تلوّى به 
أنا معفيٍ عن حربهم والغضي حرّاب
نكست السلاح ومحزمي ما أتعنّى به 
أنا حزب واحد والعذارى يجون أحزاب
سطوا بالضمير البيض ما عاد لي ثابه 

ألا يا لطيف الروح - طاهر الأحسائي

بلا خطيّة صاحبي باح الأسرار
بلا خطيّة عافني.. ما يبيني
بلا خطيّة صاحبي ولّع النار
بلا خطيّة عافني.. ما يبيني
لامن زهمت الزين جامل بالاعذار
والزين كذابٍ.. علومه تجيني
أكيد خلّي سامعٍ هرج الأشرار
وإن كان ظنّي صح.. لازم يبيني
يا قلبي اصبر لو تحدّتك الأقدار
واسال وليٍّ بالسما لك يعيني

بلا خطيّة - سعد جمعة

تولّعت بك والله كتب لي عنا فرقاك
حسبي على الحظ الردي كانه أشقاني
أنا ما شعرت إني مع الناس قبل ألقاك
ولا ذقت للدنيا طعم قبل تلقاني
ولا كنت أحس بلوعة الحب قبل أهواك
لولا عيونك ما كتبت أجمل ألحاني
سقى الله ليالي خالدة عشتها ويّاك
بدرب الحويّة بين عشبٍ وغدراني
تذكّرت يوم أقبلت كنّك تحسب خطاك
تمايل بعودٍ نايف الطول روياني
ترا اللي يسلّيني عن مشاهدك ذكراك
أنا مستحيل أنساك أخاف انت تنساني

تولّعت بك  - سلامة العبدالله

نادوا لي المحبوب ملهوف الحشا
نادوه باسمه وقولوا يا رشا
أنا قتيل الهوى يا أهل الهوى
والله بالناس يفعل ما يشا
الله يخليك يا زين الشباب
ياللي جمالك لمن شافه عذاب
ودي عن العين زولك ما يغاب
شيٍ عجيبٍ.. وشيٍ يدهشا 
الله يخليك يالدم الخفيف
لاجيت لاجيت لابس لك رهيف
اللي يعرفوك وقالوا يا لطيف
يا قبلة الله عليهن ليا مشى
قلبي على كامل الزين احترق
من العام الاول وجرحي ما برد
واليا ذكرته بساعات الفرح 
هلّت دموعي وجوي شوّشا
وأقول هذا الذي بينه فرق
اللي خدوده كما لون الورق
لولاه انا ما طرق لي ما طرق 
ولا غدى القلب يصحى ويغشى

نادوا لي المحبوب - عابد البلادي

مجنون شافك واصبح اليوم صاحي 
صاحي لمستي كفّه اليوم مجنون 
ليلي غدا من نور خدّك صباحي 
والفجر بين أهدابك السود مسجون
إن كان همّك ياحبيبي صلاحي 
ارحل وخل الناس تسبح في هالكون 
أخشى أحقق في خفوقك نجاحي 
وأصير لقلوب المحبّين.. مديون 
غيري يبيك ولا عرف عن جراحي 
وشلون يعرفني وأنا فيك مدفون؟ 
أرجوك تطلق من عيونك سراحي 
وش فايدة حبي وأنا منك مجنون﻿؟

مجنون شافك - حسين العلي

لا ما أريدك في حياتي رفيقي
والقلب لو قدّمت الأعذار ما لان
شفت بعيونك دمع ماهو حقيقي
أثريك بالتمثيل والغدر فنان
كلمة ومن بعده تغير طريقي
وصدّقت إني بأول الأمر غلطان
ابعد تراك اليوم لي ما تليقِ
وان قلت أحبّك تراه كذبٍ وبهتان
نشفت دموع العين ثـم نشف ريقي
وما أبيه ينشف دم وريدٍ وشريان
لا واحسايف توّي أشعر وأفيقِ
لا واحسايف ليه أنا منك سهران

لا ما أريدك - عبدالله السالم وفهد عبدالمحسن

قلت هينّ.. وكل هويّنٍ صار كايد
ومن وقع في الهوى وأخطاه ضيّع دليله
الهوى سمّني والحب كلّه نكايد
والمسافة على من دش بحره طويلة
أصفق الكفّ من عقب الرخا بالشدايد
وأتجلّد من فراقه وروحي عليلة
الهوى سمّني والحب كلّه نكايد
والمسافة على من دش بحره طويلة
فيه موت وحياة وفيه مفلس وصايد
وفيه جنّة نعيم لمن صفى له خليله
من تفارقت أنا ويّاه والهم زايد
يا هلي شالعمل والراي كيف الوسيلة؟
ليت منهو يشوف خفيّف الدم عايد
كود قلبي بعد هجره يهوّن غليله
ما خبرت إن جفن العين في الليل نايد
ودمع عيني على خدّي تزايد هميله

قلت هيّن - بشير حمد شنان

ودّعتني يا زين.. قلت اللقا بعدين
تغيب لك يومين.. ترجع من الفرقى
يا ناعس الطرفين.. طوّلت لك شهرين
ما قلت غايب وين.. طوّلت بالفرقى
شحّيت بالمكتوب.. ما كنّ لك محبوب
ساهي مع المشروب عفته من الفرقى
ياويل قلبي ويل.. هجرك يهد الحيل
اسهر طوال الليل واشكي من الفرقى

ودّعتني يا زين - سعد جمعة

يا وجد روحي يا مداوي جروحي
يا اللي دواي وعلتي بين أشافيك
يا من صوابه بالحشا له فتوحي
جرحتني يا زين.. ربي يجازيك
جرحٍ عميقٍ يا عرب وين أروحي؟
ما لي طبيبٍ غير طبّك.. وأراجيك
تشفي صويبٍ من سهومك ينوحي
ترا انتهى صبري.. ولله أبشكيك
ما ينفعك يا عزوتي سلب روحي
ولا هو طريقٍ يم الأبرار يدّيك

يا وجد روحي - عبدالله الصريخ

أنا إن مت اذكروني بعد موتي
ويا آمالي بعد فرقاه موتي
بساعة بساعة 
فرقة الأحباب موتي

يا قلب كيل الندم
ويا عين هلّي دموع
جودي بدمع الأسى
ما للحبيب رجوع
ما دام مالي أمل
يا عين جودي به

شدّي أزر ظالمي
واطفي علي شموع
يفرح قلوب العِدا
اللي وراي جموع
واللي مضى لي انتهى
ما كنّي أدري به

لأنسى حياتي أبد
لأجله مشيت بطوع
وأصير رمز الوفاء
كان الغلط مرجوع
روحي وعيني وأنا
وقلبي نهلّي به

حبّه في قلبي نبت
وسط الحشا مزروع
ورّد وورده ذبل
والماء عنه مقطوع
يالله منهو السبب
ترميه بمصيبة

شالفايدة لا منع
عنّي وأنا ممنوع؟
واللي منعنا يبي
عنه الزعل مرفوع
وأنا فؤادي 
توقّد به لواهيبه

يا قلب كيل الندم - عقلا الفهيقي

يا ناس قلبي من عروقه تجرّر
كن السواني يوم تقفي تجرّه
على الذي يلبس حريرٍ مزرّر
زودٍ على ذلك.. متونه تزرّه
الله لا يسقي نهارٍ تكرّر
بمشاهده لين ابتلينا بشرّه
ضحك وقلت العفو مرّة ومرّر
من مبسمٍ يذبح حماره ودرّه
قلت اعتق المملوك كلٍّ تحرّر
قهرتني وأحرقتني، قال: حرّة
جيت الطبيب اللي فحصني وقرّر
دكتور علم أهل الهوى ما يغرّه
يقول قلبك من سهامه تضرّر
في الثانية يدق عشرين مرّة
جنى علي جنايةٍ ما تبرّر
لو ضرّني عسى الدهر ما يضرّه
وأرسلت له شكواي والراء مكرّر
في الشطر الأوّل وآخر البيت كرّة

يا ناس قلبي - عقلا الفهيقي

يا جرّ قلبي جرّ لدن الغصوني
وغصون سدرٍ جرّها السيل جرّا
على الذي مشيه تخطٍّ بهوني
والعصر من بين الفريقين مرّا
يا ليتهم بالحب.. ما ولّعوني
كان أبعدوا عنّي بخيرٍ وشرّا
ولا انهم يوم انهم قرّبوني
خلّوني آخذ حاجتي وأتدرّى

يا جرّ قلبي - فهد بن سعيد

يا عود رمّان في وادي
يسقيك من رايح القنفان
ما فادني منك ما فادي
ليت الهجر والجفا ما كان
منّك غدا شربي وزادي
يا وارد الما وأنا ظميان
قلبي على جمرك الهادي
تصليه يا مشعل النيران

يا عود رمّان - مانع اليامي

يا سعد لا تحاول.. كل شيٍ تعرفه 
خل الأسرار تبقى بالقلوب الحزينة

ياما الأيّام تخفي كل علمٍ تصرفه
ما تخلي وراها.. كل شينة وزينة

ان نظر لايغرّك، لي غمز لك بطرفه
عنك لابد يسلى بعد عشرة متينة

هذي وحدة وباقي داخل القلب ظرفه
لو فتحته تلاقي.. من علومٍ دفينة

بس خلّه على الله، مانبي ذكر حرفه
أنت لاشك تفهم.. بالعقول الرزينة

يا سعد لا تحاول - عبدالرحمن النخيلان

اطلب تدلّل وش تبي بس يرضيك؟
ما غيرك أحدٍ بالملا قلت له: سم

تطلب حياتي كلّها.. بين أياديك
ما قلت من شيٍ، فأنا أقول لك: تم

أعزّ من عزّك، وأعادي معاديك
أصبحت في روحي وفالقلب والدم

أصرخ بعالي الصوت: يالترف.. وش فيك؟
هذا الغلا من قلب، ما هوب من فم

الله عطاك الأمر.. وأظن يكفيك
إنك تنام الليل.. وأسهر على هم

قلبٍ طواه الشوق يصرخ ويرجيك
خلّك حنون القلب.. لا تزوّده هم

اطلب تدلّل - عبدالله الجسّاس

نحت أنا لو ابرا.. نوح الحمامة.. نحت أنا لو ابرا
ما يطيق الصبرا.. يا ملّ قلبٍ.. ما يطيق الصبرا

ويا نظير عيوني.. ودّعتك الله.. يا نظير عيوني
هلّلوا يا سادة.. ثم اذكروا الله.. هلّلوا يا سادة

وفي منامه غافي.. حيث الحبيّب.. في منامه غافي
للحبيب وسادة.. لاحط زندي.. للحبيب وسادة

وان نطحني شوقي.. نذرٍ عليّا.. إن نطحني شوقي
لاصوم عامين.. ثم ازيده شهرا.. ثم ازيده شهرا

نحت أنا لو ابرا - حمد الطيّار

طيرٍ نظرته معلّي.. تايه بوسط الغمامة
يا طير عوّد، وقل لي.. أناشدك يالحمامة

في وسط نجدٍ هلٍ لي.. بلّغ عليهم سلاما
وصّل سلامي لخلّي.. قل له تراني عداما

يا نجد، أنتِ محلّي.. وأنتِ زهور الخزامى
عايش وحيدٍ بظلّي.. وهلّ دمعي لزاما
بموت أنا قبل حلّي.. مثلي ترا ما يلاما

íÇäÌÏ

يا نجد - حسين العلي

ولّ يا زولٍ بوسط السوق شفته يمشي يمشي مع طلوع الشمسِ
لابسٍ ثوبٍ قصير، ولا تعلّم لبسة البشت الطويل الضافي

آه واعيني، ويا راسي، ويا قلبي وألا يا حمس كبدي حمسِ
من محبّة واحدٍ شفته، ومن شفته وانا عيني تهلّ دموع دمٍّ صافي

صابني باربع خناجر كلّهن وسط الحشا نجسٍ رمسهن رمسِ
كل خنجر ما قضبه الّا حباكٍ صابها يضرب بزندٍ جامدٍ متعافي

آه واويلاه يا من سنّها يوم حسبوا لي سنينها ما غير عشر وخمسِ
صورةٍ تخضع لها العشّاق والخلق الجميل من العروشِ ينزّل الاشرافي

طالبك يا سيد عيني لا تحيّرني وتسهرني ترا نومي من امسِ عمسِ
ما دريت ان المحبّة.. المحبّة.. المحبّة.. المحبّة علّةٍ دخلى وسمٍّ خافي

يا وليفي كفّ، كفّ اكفاك من يكفى العيون السالمة من شرّ لطم اللمسِ
كيف ترخص واحدٍ يغليك، وانت من اوّلٍ تعطف عليه وتاصله وتمد حقّه وافي؟

أربع خناجر - خلف بن هذّال

يا طير يا خافق الريش.. بلّغ سلامي وثنّه
واثنه على ابوعكاريش.. اللي سبى العقل فنّه
جيته يهلّ العكاريش.. في روشنٍ مدهلٍ له
وقذيلته كنّها الريش.. ريحه زبادٍ وخنّة

يا طير يا خافق الريش - سالم الحويل

لا تعاتبني على وقتٍ مضى
انتهى وضعي ووضعك ما يفيد

اعتبر ما بيننا شيٍ قضى
!ولا تكثّر في الكلام ولا تعيد

ولا تشكّى لو يضيق بك الفضا
كل كلمة منك ما فيها جديد

احترق قلبي على جمر الغضا
وانت عنّي يا معذّبني بعيد

كيف تطلب بعد ذا منّي رضا؟
!وانت لا منّي ترضّيتك.. عنيد

الهوى اللي يطلبه قلبي خطا
وانت توّك ما عرفت اللي تريد

لا تعاتبني - حمد الطيّار

لابس البرقع عليّ أخطر خطر 
لا نظر بالعين فيّه وين أروح؟ 
كنّ عينه من وراي بتظهرا 
نظرةٍ وحدة تعيّفنا الحياة 

يا بدو عسى ديَركم للمطر 
من بروقٍ في مناشيها تلوح 
لين يصبح عشبها فوق الثرى 
لأجل لبّاس البريقع في حماه 

قلبي اللي تِلّ منّي وانجمر 
مع بنات البدو حلوات المزوح 
انهبنّه.. ما بقي كود العرى 
قلبي ارفق يا بعد روحي علاه

ضامر السرجوف برّاق النحر 
كنّ ريح العود من قربه يفوح 
له بيوتٍ بالفؤاد تعمّرا
سوق كامل فيه بيع ومشتراة 

ضاع دربي وأتقدّى بالقمر 
وأثر نوره خذ من سنّي طموح 
الطموح اللي دوام أتذكره 
مثل ريمٍ جافلٍ له من رماه 

عود موزٍ مال غصنه وانهصر 
شاهرينه بالوصايف والمدوح 
زود فنّه بالشباب الأخضرا
ليت من غصنه على عذبه حناه

يا بدو مرّوا على دار الحضر 
وارحموا قلبٍ بدت فيه الجروح 
ليت محبوبي عن جروحه درى 
حيث هو شرّه، وهو داه ودواه

حارت الأفكار.. وأدير الفكر 
وين أنا عن عالم الدنيا بروح؟
كل هاجوسٍ على قلبي طرى 
واعذاب القلب مني واعناه

Popular tracks by شعبيّات