شادية .. معلش النوبه دي عشان خاطري

محمود درويش "انتظرها " ثلاثي جبران

واقف 
علي خط المترو قصادك 
وانتِ قصادي الناحية التانية 
وانا رامي عيوني علي شفايفك 
مستني تقولي هتــــو....
وحاشني 
المترو الجاي 
عن اني أشوف الكلمة 
أو ألمح باقي الضي ف نن عيونك 
فقعدت ... واستنيته لحد ما عدي 
لقيتك سايبه 
ف عين الناس ... النـــــــــــــــــــــور 
تتصـــــوري !!!

https://www.facebook.com/sayed.basheer

سيد بشير _ تتصوري

ريحة سجايرك 
طفشت كل الملايكه 
المرسله من ربنا لاجلك 
لكنها بتسكر ... حبيبتك 
تنتشي بيها ...
ترتعش ... لحظة ما تتخبط ف صدرك 
صدرها ..يسبق طلوعه
 طلعة النظره 
اللي راسمه
 فوق  عيونها فرحتك 


ضحكة الفتنه
 اللي نايمه بين جدايل شعرها 
تسحرك 
 همسك ف ودن حبيبتك 
فكك ضفاير شعرها   
المجـدول خجل 
ترعش تنايا جسمها العطشان ونس 
ف ترشك ع الوجود برفان 
ف ماتستحيش ...
وارسم بايدك
 كل تنيه ف جسمها عطشانه ليك 
سمعها كل الذكر والتسابيح 
ف مبدع صنعها 
لوّن عيونها بلون عينيك 
لحظة شروقها بين إيديك  

بخرها بالنفس اللي خارج 
بــرّه منك ...
وارقيها من همسك ونوّك 
واعزف علي  شفايفها اسمك    
عشق كل أشجانك ف كل تفاصيل فرحها 
رشرشها  ع الوجود برفان ....

https://www.facebook.com/sayed.basheer

سيد بشير _ برفان

مصلوب بشكل سيريالي 
نفض تراب ....
لوِّث مشاعرك بالسواد ...
تبت ف آخر مطرقه ...
رايحه تدق ف نعش قلبك 
قلبك ....
مسمار خشب مدقوق ف صدرك 
تكميل للوحة 
صلب جسمك ع الطريق 
أشباح طفوله واختلافك عنهم 
أشباح حياتك جوّه واحد يشبهك 
شوهة موكب 
صعودك 
                           لـ 
                              لـ 
                                 نـ
                                    ــــز ول 
وقت المطر ...
وبرغم ألوان الشروق ...
قوس قزح مطفي ...
مطفي ورافض  يشرقك...
والملايكه رافضه حتي تبص ليك 
ودموع يا هوذا لسه راسمه بحر غدر 
إنجيل جديد ...
 لابس ومتشيك ... وفارض سلطته 
ودموع يا هوذا ... لسه راسمه له الطريق 
جرد مشاعرك م الثبات ...
يلا ابتسم ....
غمض عيونك ....
بدل ملامحك ...
من وسامه لقبح بَيِّنْ....
واكتب عناوين الحواري ....
علّك ف يوم تحتاج لهم ....
" وارتدي ... وجه الحبيبة وانتشي " 
البسه تنوره بيضا ...
مزركشه ...
واعزف بصوتها لحن صوفي ....
وابدأ الدوران وردد 




جيت لك أنا .....     مستنصراً
جيت لك أنا .....     مستسلماً
يا الـ لا إله ...
لولاك ما كانت حياتي .... أشهد 
كوني لي عوناً وزيحي كربتي  .... آآمل 
ياللي عنيكي راسمه خط الإمدادات 
بيني وبين كونك ......... أنا 
ياللي إيديكي فارده مُر التهديدات 
مافيش .... غيرك 
ماليش .... غيرك 




ف محرابك أنا جايلك 
وبتأمل ... ملامح عطفك المكنون 
مابين سنك .... وبين ثغرك 
عساني ف مره ألمح ضحكه م الجنه 
تنوّر وشي .... 
تمحي لي ... ذنوب خوفي 
أدووور تاني ...
وألاقي عنيكي لمحاني 
فأدوور تاني 
وأقول يمكن ...
لعل البحر ماؤه يجف ...



لعل القلب وزنه يخف ...
فاأتبخر علي درجات  من اللؤلؤ 
ضيا عنيكي 
وهستني قتيل روحك ...
وهستني قتيل عينك 
وهفضل جنب عرشك ده 
ومستني ليوم البعث....

https://www.facebook.com/sayed.basheer

سيد بشير_ مصلوب بشكل سريالي

يابنت الفكره ... والأحلام 
يا جنيه ...
نروح نمشي ...
لغاية ألف عام قدام ....
                                   أنا ..... وإنتي .....
فتعند فينا سكتنا ...
توقفنا ...
نسايسها ...
ونلوي دراعها بالضحكات 
وبالفرحه نآنسها ...
فنبقي أصحاب مع الدنيا 
                                             أنا وإنتي 
حدود فاصله .... مابين الآه 
وبين  لآه 
حدود فاصله مابين الآه 
وبين كونك .....
أساس الفرح ... ف ضلوعي ...
فتتشبه ملامح وشك الفرحان 
بلون وشي 
ويوجعني انسلاخ فرح لأساس حزني 
        ودا إنتي 





ف هزي الجزع ف العالي ....
تقع ترانيمك الطاهره ....
فألم رطبها وأحفظها .... فتحفظني 
   كما إنتي 
وجوّه الشق بين روحك تلاقيني ....
مخلخل روحي وياكي ....
نكون واحد                      
             انا إنتي 
وخلي الجسم ياكله الدود ...
كعادته بليد عنيد وحسود ....
كعادته الدود ما يفهمشي ....
ان الاساس جوّه الحياه 
أنا ....
                                       .... و ....
                                ..... إنتي ،،،  
https://www.facebook.com/sayed.basheer

سيد بشير _ إزدواج

تـــــــــــوازى
رامي عيونك جـوَه النيل 
باصص ع الدنيا بضهرك 
ولإنك ..
أول واحد ...
يعمل زعلان م الدنيا 
حاولت بخباثه تصالحك ....
                                       رفعت منسوب النيل 
                                       لعيونك 
                                       حاولت تلعب بالافكار 
   بعتت لك صورة الدنيا  
	 للي انت بتعشق ضي عينيها ..
ونفسك تلمس نور لياليها .....
فـ                     
   ــتــ
       ــحـــ
                ــــا 
                      ول 
ترفع عينك ...
لكن ...
 ( لساك زعلك طابق فيك )
ف نسيت الصوره ولون الموج 
وفضلت مكانك .....
...................................
...................................
باصص ع الدنيا بضهرك 
رامي عيونك جوَه النيل 
فتحاول تاني
 الدنيا تباغتك 
وتلاعب تلافيف الفكر ف عقلك 
لكن كونك 
أول واحد  يزعل منها 
خلي صعوبه فـ 
قربك ليها ...

https://www.facebook.com/sayed.basheer

سيدبشير _ تــــوازي

سيد بشير _ تيمبو

لازم تعرف ...
إمتي تشد فرامل اليد 
علشان تتفادي 
تشابك روحك 
مع لياليها 
تشبيك قلبك 
جــــوّه ايديها 
فتقدر توقف ...
آخر نفس الطالع نازل 
جوّه ف صدرك 
لكن واضح ... إنك دايس ع البنزين 
وإن مشاعرك 
ف الأمبير ... علي آخر شرطة 
وإنك رافض إيدك تلمس إلا إيديها 
فرميت .... فراميل اليد من الشباك  
ووافقت إن انت تكون 

متصادم 

https://www.facebook.com/sayed.basheer

سيدبشير_ تصادم

سيدبشير _ سبنسة

بلادي بلادي ... 
الذل عشش في حشايا 
بلادي بلادي ... 
كل يوم تطلع حكايه ...
بلادي بلادهم ... 
كل يوم ... بتموت معايا ... 
يابلادي .... موتنا فيكي ... وانتي رافضه تكفنينا 
ياجرايد يا بليده ... 
اكتبي النعي الجديد ...
اكتبي قد مات فداكي .....كل يوم عشرين شهيد 
اكتبي تمت بحمده ... المعجزه 
والحق بسهوله اتخرس 
ياشاشات العاهرات ... ذيعي علي العالم بيانك 
اكتبي آخر قصيده ... بدم واحد مات شهيدك ... 
اكتبي آخر سطورك .... دا اللي فيكي مش بتوعك ... 
اكتبي علي بوباتك .... انا مستباحه لكل خاين ...
يمكن الخاين يصونك

"يسقط يسقط حكم العسكر "

سيد بشير _ بلادي بلادي

سيدبشير _ فرح

محمد منير ... كل الحاجات بتفكرني ... بعيون حيرتها تحيرني :))

كل الحاجات بتفكرنى

سورة ق بصوت الشيخ احمد رجب

عارفه علي الحجار ... موسيقي الرائع عمر خيرت 

Sayed Basheer

Popular tracks