في احلام كتير اتحوشت طلعت  كلها سراب 

❤️❤️❤️❤️❤️❤️❤️❤️

الكلام بيمد ايدو عليا بجد   كل كلمه حصلت ❤️‍🩹

توته توته .. خلصت الحدوته .. من قبل ما تبدأ ..
عشان الحاجه الوحيده اللي هتتعبني فى اني اعيش بعدك .. اني مش فاكر كنت عايش ازاي قبلك 
عشان كده حاسس اني عامل زي واحد خارج من فقدان ذاكره و محتاج يتعرف على شكل و طعم و ريحه الحاجه من غيرك ..
انا مش مضطر اتعامل مع حد شايفني سد خانه .. مش مضطر اكون رقم 2 في حياه حد .. مش مضطر اكون في علاقه انا مش فاهم نفسي فين فيها !! 
لو مكنتش ف اولويات البني ادم اللى تاعب نفسي عشانه .. ف انا مش مضطر اني افضل ..
مكانش ينفع افضل ماسك فيكي لوحدي وانتي بتبعديني عنك بكل ما فيكي ..
مكانش ينفع افضل افرض نفسي عليكي اكتر من كده وانتي مبررك انك بتعملي كده عشان متظلمنيش !
مفيش ظروف تقدر تخلي الوحد يخلف وعده .. غير ان الوعد ده كان كدب من البدايه ..
الفشل مش عيب .. وانك تبدأي من جديد مش غلط ..الغلط انك تفضلي تعيطي على اللى فات و توقفي نفسك و طموحك .. جايز ربنا بيديلك فرصه تانيه !! ركزي و حققي هدفك بدل ما تفضلي تندبي حظك ع اللى فات ف يضيع منك اللى معاكي .. و اهو ضاع ..
الفراق كافر .. و انا تعبت من كتر ما بعمل مجهود وانتي مش بتقدري ده .. طاقتي خلصت .. ف انتي لو هتفضلي تهملي فيا كده و تفضّلي كل حاجه في حياتك عليا وانا دايما اكون في اخر اولوياتك .. يبقى البعد عنك راحه .. 
انا راضي كل الرضا بالبعد .. بس محدش ياخدك مني ولا حد غيري يلفت انتباهك ..
انا خسرتك .. و فوق اني خسرتك .. انا خسرت نفسي .. و بيتهيألي خساره النفس مبتتعوضش .. ازاي ارجّع كل حاجه اكأنها مكانتش !! محدش متخيل مدي صعوبه اللى انا حاسه :") ..
عارف ان الرساله ديه هتوصلك .. عشان كده انا عايز اقولك ان ف يوم من الايام قولتيلي انك بتحبيني قد رحمه ربنا :") .. و وعدتيني الف وعد انك عمرك ما هتسيبيني .. و قولتي بردو انك هتفضلي معايا و مش هيفرقنا غير الموت .. و اديكي سبتيني :") ..
لعبتي على وتر حلو اوى .. بيت يجمعنا .. و حياه حلوه .. بس في الاخر مشيتي .. انا كل ما افتكرك مش بقولك حسبي الله و نعم الوكيل .. لأ ! .. انا بقول ربنا يسعدك بجد .. رغم اني كان نفسي سعادتك تبقى معايا :") ..
انا ف عتمه .. و انتي الحاجه الوحيده اللى باينه فيها .. 
اللى قال " البعيد عن العين بعيد عن الفلب " .. اكيد مقابلش الناس اللى في لحظه وداعهم لينا بياخدوا عينينا و قلبنا معاهم .. لا و روحنا كمان :) ..
عارفه !! 
البدايات كانت حلوه جداَ لدرجه توجع دلوقتي ..

#سيد_مصطفى
#الحدُوتَه ..

Comments

هبه محمد

Mahmoud Roshdy

Monda Fayez

Azamy

Alon My

Zaynab Elarabi

Mohamed Ahmed

محمد صقر

المشمهندسه فاطمه

Mezo Ahmed