يا قائد الجند - مصطفى سعيد

يمه مويل الهوا _ فرقة  حبايبنا _حفلة عمان

أحبك حبين حب الهوى. وحب لأنك أهل لذاك
 فأما الذي هو حب الهوى. فشغلي بذكرك عمن سواك
 و أما الذي أنت أهل له. فكشفك الحجب حتى أراك
 فلا الحمد لي في ذا وذاك. ولكن لك الحمد في ذا  و ذاك 

المولوية المصرية - أحبك حبين -عامر التوني - By Mohamed AbdElnaby

ابوح يا ابوح - فاطمة عادل

فاطمة عادل.. الموهوبة الشابة القديرة، وابنة الفنان الكبير عادل ماضي، الذي هو رب عائلة فنية مدهشة، تعد ظاهرة رائعة في حياتنا الفنية والمسرحية منذ سنوات، بدءاً من الأب، وزوجته الفنانة “سمر عبد الوهاب”، وأبنائهما “فاطمة”، و”حنان” (الصغيرة بطلة فيلم “عين شمس”).. ومحمد عادل المسرحي المقتدر الذي أمتعنا وأشجانا بـ “قهوة بلدي”.

مصر يا امى - فاطمة عادل

هم هم هم - فاطمة عادل

وجيه عزيز .. رباعيات

اسكيندريلا   حيوا اهل الشام

فرقة حبايبنا - خفيف خفيف

كلمات بديع خيري
وألحان سيد درويش

ده بأف مين اللي يألس
على بنت مصر بأنهي وش...
و النبي يجري يتليس
ماطلع كلامه طظ! فش!
النوه النووه
هي هي هيه
شغل البكش ده يا أختي
مابقاش ينفعنا دلوقتي
دي المصرية كتّر خيرها
في التربية سبقت غيرها
يا جدع إنت

البنت تفضل محبوسة
قال جوه بيتها يكون أظبط
لحد ما تبقى عروسة
بدال ما تفضل تتنطط
العفو العفو
يا سلام
يا سلام يا إخوانا دي العبرة
ماهيش في جوة و لا برّة
عمر الحرة ما تبقى عرّة
عمر العرّة ما تبقى حرة
يا جدع إنت

باردون يا فندي بالذمة
إيه بس عيب المصرية
الدنيا ضاقت بيك لما
ماتاخدش غير الأفرنجية
إفهم
و إعقل
يا أهبااال
يا أهبل ليه غيرنا يفارقنا
ماتخلي زيتنا في دقيقنا
دي المصرية تبيض وشك
الأفرنجية عينها في قرشك
يا سيدي إنت

اللي ماتكتبش و تقرا
الدجالين قالعين عينها
وتو ما تقع البقرة
مالحق ما تكتر سكاكينها

إخه إخيه ..إخييييه
تفوا عالجهل ميت تفة
يالا نكسر وراه شقفة
من تعليمنا أهلنا خايفة
واقعين ليه من قعر القفة
يا جدع إنت

خليها دي حلقة في ودنك
من قبل ما تقري الفتحة
أول كلام تقوليه لابنك
وطنك مافيش زيه دحه
م النيل إمبوه
حبووووه
حبه يا نونو كدا أكتر
من بابا و ماما والسكر
منه الـتسة و منه المما
إوعك تنسى فرض الأمة
يا جدع إنت


فرقة حبايبنا - بنت مصر

ستفتش عنها يا ولدى فى كل مكان"

صدقنى هتموت م التعب 
واللمعه فى عيونك هتدبل
الناس بتفرح بالوصول لو بعد جهد 
والرحله ممكن تبقى احيانا لطيفة 
طب وانت فى مكانك كده من اربع سنين 
لا بلغت نشوة لانتصار زى اللى وصلوا
ولا رحلتك ضافت لعمرك تجربه
واقف على الاعراف فى حيرة ومندهش
نفسك تجرب ..تنطلق ..تلعب ..... تحب !
لكن قلبك زى اطلال القمر لو شمسه غابت
مطفى ..وموحش ..وابتسامتك ميته
مين اللى يكسب لو حاربت ؟
الدنيا ولا انت ؟ 
نَفَسك يجارى السكه والحمل التقيل ؟
تقدر تنام ؟
ياخى دا انت حتى فشلت فى اجابة السؤال
الجملة واضحة
(ستفتش عنها يا ولدى ..فى كل مكان)
طب هى ايه ؟؟ 
وازاى هفتش عن حاجات معرفش كونها ؟
وازاى هقابل الدنيا عريان الامل عاوز احارب
وانا وانت الناس كلها عارفين بأنى وللأسف دايما زبونها
عارف !
دايماً بشوفك واخد القرعة الغلط 
كل ماتشاتك على ارض المنافس 
وكأن علشان تمشى خطوه فى تصفيات الدنيا محتاج كام جريمة
دلوقتى هقدر اسألك
 تقدر تقول تعريف مناسب للهزيمة ؟
 سواء حاربت بخبث او حتى بشرف.
 اعتقد ان الطريقه الوقتى ملهاش اى قيمة 
 زى اللى صارع الموج عشان ينقذ حبيبته 
 وطلع من الميه التقاها بتحضن الشخص الغريب وتقوله اسفه . 
 زى لما الشعر يغرز وبغباء سيف الشعور الحي فى 
قلوب الفلاسفة 
زى ما تكون انطلقت باقصى سرعه فى سكه صعبه 
تقوم ..تقع .. تضرب ..تزق ..تدوس على دماغك كعوب المشكلات ...تكسب أخيراً
تكتشف انك بتجرى دا كله فى سباق مش سباقك 
وانك خسرت 
وانك بقالك ييجى ستاشر سنه بتدعم قضيه اقل من حجم انتمائك
وان المعانى اللى انت بتدرسها للاطفال غلط 
وحبيبتك اتعشت بقلبك 
وان اللى عامله عشانها ميكفيش تدوق طعم اشتياقك
صدقنى هتموت م التعب 
ولسانك المربوط بأستك صمت مش هيقول قصيدتك
وخطاوى عمرك مهما كانت واثقه متداريش غبائك
 
"وسترجع يوماً يا ولدي ..مهزوماً مكسور الوجدان
وستعرف بعد رحيل العمر .. بأنك كنت تطارد خيط دخان"

اهى دى الهزيمة الحق يا ابنى 
ونزار مبيهزرش خد بالك 
وان كنت عاوز الحسبه كامله مكمله
فانت الصراحه فى عمر عداد الهزايم متساويش اصلا ثوانى 
فبلاش تمثل ان خساراتك فريده 
فكر بعمق ازاى هتتقبل حياتك كل يوم خسارات جديدة
ومتفتكرش انك كده عايش فى بؤس وحزن خام
لسه الليالى الكحل جايه بالانتقام
فاصبر بقا وبطل قلق
او اقولك الافضل كتير عن كل دا !
اقفل نزار واجمد كده وحاول تنام 

محمود عبد الناصر
١٣_١٢_٢٠٢٠

ابوح يا ابوح - فاطمة عادل

sayed sob7y

Recent comments

Marwan3lewa

Related tracks