حمد السعيد - غلطتي

حمد السعيد - قصيدة أحبك ؟ إيه أحبك

حامد زيد - تبيني صدق ولا ما تبيني ؟

الحب مايعرف قبيله ولا دين - عبدالله علوش

سعد علوش - بتفقدني مع الايام

حمد السعيد - عمر مع جنابك

العيّون

دخيّـل الغلا!

بلال الماضي X اصاله

شقينا واسترحنا من عنا الشاقين
‏لان الرّاحة.. الرّاحة من الأوهام

‏وإذا بتقفين أنا ما اتبع المقفين
‏أنا أستقبل المقفين من الآلام

‏يا كم مرّوا علي يا غاليه غالين
‏ما هم ب أكرام بس مرّوا مرور أكرام

‏لأن قلبي كريم وما يعرف يهين
‏موالينه ولو هم عبّسوا بسّام

‏يا كم في واقعك أشياء لو تدرين
‏ترى بالنسبة لِـ غيرك من الأحلام

بتفقدني مع الأيام ما هو الحين
‏أنا ذاك اللي تفتقده مع الأيام

‎⁨سعد بن علوش | قصيدة الارقام⁩

على حسب ما مرني ومن تجارب لاولين
وجهة نظر ويجوز فيها الإتفاق و لانقسام
 
 
اترك مسافه كافيه بينك وبين الاخرين
بعض البشر ودك حدود المعرفه معهم سلام
 
 
اصمت ولاتحرص على كثرالكلام الصمت زين
اللي سكوته ساتره يمكن يعرّيه الكلام
 
 
واذا تكلمت احذر تكون اطول المتكلمين
السالفه لاطولت يضعف معاها الاهتمام
 
 
وامزح ومزحٍ باللسان اخير من مزح اليدين
مزح الرجال العاقله على حدود الاحترام
 
 
اضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام
 
 
واكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام
 
 
واحلم ولا تعجل ولا تغضب ولا تشري بدين
وشاور ولو رايك معك لا شرت عدّاك الملام
 
 
واذا شريت بدين لاتبطي على المتجملين
كلٍ حلاله غاليٍ عنده لو انه مايسام
 
 
ولاجاك مديونك معه بعض الوفى وبعضه لحين
فأستد باللي جاك وش دراك لله الدوام
 
 
وترى التغافل فيه لذه وانشد المتغافلين
لا جات كلمه توجع اطلقها معى سرب الحمام
 
 
وارضى ليا جاك الرضى لو العذر ماهو سمين
وترى التسامح ميزة الساده رفيعين المقام
 
 
وصادق واذا صادقت ماجربت ماصادقت لين
اما يطول بك السهر والا يطيب لك المنام
 
 
واصدق مع نفسك وتلقى نفسك من الصادقين
والنفس خيل ابليس لاتعطيه نفسك واللجام
 
 
وليانصحت انصح خفى لاتفضحه فالحاضرين
ترى الرجال يقودها لين الحكي قود الخطام
 
 
ولا اتواضع في حضور العالم المتكبرين
تكلم بنفس الطريقه معهم ونفس النظام
 
 
واخلاقك وتواضعك عامل بها المتواضعين
ونصف الادب مجامله جامل ولاتجامل لئام
 
 
واذا تسولف عن طموحاتك مع المتفرغين
كنك تسولف للنصارى فالحلال و فالحرام
 
 
والعمر ماهو فرصةٍ وحده ولاهو بفرصتين
مع كل مطلع شمس لك فرصه وخطوه للامام
 
 
هذا ولازلنا تعلمنا الليالي والسنين
والعلم اخِير من الجهل والنور جلاي الظلام.

الحب مايعرف قبيله ولا دين - عبدالله علوش

sara

Recent comments

ً

ً

ً

💍

Related tracks