شعر شعبي

‎⁨القواعد الخمسة || حسين علي المطوري⁩

الشاعر جبار رشيد .. قصيدة جمالك جيش من اروع القصائد .mp4

صوتيات درر العراق

تسيورة حلم 2017 - للشاعر الراحل ذياب كزار ::: بصوت محمد الاميري

الشاعر عقيل العرد _ لاتقرين فنجاني _ بصوت محمد الا.mp3

قصيدة غزل للشاعر العراقي المرحوم عبد الحسين الحلفي 

خدك يكهرب - المرحوم عبد الحسين الحلفي

الشاعر جبار رشيد خذني يمك

الشاعر جبار رشيد الدنيا مو دنية عشق يبن الحلال

أبشرك خلصوا مابقوا عندي هواي 
كل المشتريهم رخصوا بيه 
أصافحهم واحس باطراف اديهم غيض 
كاتل منهم ومادافع الديه 
بسد بوساتهم دفنوا شكَد أنياب 
واكَول يجوز جانت عن حسّن نيه 
ويمر طاريّ ويذكرولي للشينات 
واصد لغيبه اسمي التنوكل نيه 
وانه الجنت اضل واكَف بالأستعداد 
من أسمع عزيز يفوت طاريه 
حسبالي العدد بي ثمرة من يزود 
وعن قلة الواحد تفرق المية 
بس تالي ادركت طين الكَلوب اصناف 
والعِشرة الطويلة تريد نوعية 
على كلًّ عِشت ماخذت بس طيت 
وي ليل المجازة الماشفت ضيّه 
وينه وينه اللكا بيه جاي يبيع 
وين الانه مطني من هوه الريه 
والزم جفني خاف من ارمش يزعلون 
واتناسه لحجاية البذني محجيه 
ومن لكَالي حكَـ عند مُحب ماداعيّ 
اكو حكَـ برجعته يعيب راعيه 
عرفتلها كَمت مازاعل اليرحون 
ولا ع الباب اظل متناني ليلية 
من شفت الحلم ينوخذ مو ع اللون 
بعد بطلت اظم احلام وردية 
الناس اختلفت وظهرك اتجيّ وين 
اذا ماتلّكَه حايط تكّعد ابفيه 
لهسه وماعرف عايش وياهم ليش 
ويذوب الثلج بس ينجوي شويه 
حتى جروحي من عدهم خذتهن شوكَـ 
ابد ماحسستهم بيها من نيه 
من سألوني صح كَالوا اطوّك جروح 
لا كَلت لشماته انطوني عيديه 
شايف من تجيك الطعنة من أحباب 
هيج جروحك تحس بيها روحية 
تصور تبتدي تشتاكَـ للچتال 
اذا جف التطعنك بيها حنيه 
المهم ... عاذرهم وكلّ البقن سهلات 
انا الجرف اليسامح روچ شاطيّه 
حتى مننجرح مادام همه بخير 
أنا بخير يعني وكلشي مابيه

المهم عاذرهم_أيهاب المالكي

جبار رشيد - ظل وياي - النسخة الاصلية - YouTube

روحيه كبيره من شاعر كبير -- الشاعر الكبير محسن الخياط يقرأ صلاه وذنوب للكبير اسماعيل محمد اسماعيل

الكبير المظلوم اعلاميا جبار الفرطوسي  قضية موت شاعر

‎⁨بشوارعنه حزن _ سعد شميل ⁩

الفلسفة العظيمة لعبدالحسين الحِلفي ما كان لها الّا أن تخلد

يعجبني الجرح لو لاگة شمات
يضم روحه بحيث ايبين التم
وتعجبني السيوف بچف الاسباع
يحمرهة الخجل لو ما لگت دم
اذا انتة شفت لتگول ماشوف
تحجي العين اذا لسانك تلعثم
شوف الفلح من تموت الورود
بغير ورود هي تروح تشتم
بس شوف الورد لو مات فلاح
من تشمه تلگة بعطره ماتم
شوف اصعب وجه تقراه العيون
لكن بالگلب بس الله اعلم
گلبي گزاز بس تسحگه خسران
اذا هو انكسر انتة التصب دم
الحسب عقله يحب صدگني يرتاح
الحسب گلبه يحب صدگني يندم
لذلك انا احب ادم ابو الكل
بس ما احب ابو التفاحة ادم
حسب عقلك يصاحب شوف كلشي
واضربلك مثل عن كلشي وشلون
اكو يحجون من الصبح لليل
وحرام انچان تفهم شنهي يحجون
اكو ساكت وحلگه مخيط خياط
وحجيه شگد حلو بنظرات العيون
من ابزك بالحجي لا تزعل ارجوك
اسمعني وگول شكراً؛ گول ممنون
الابرة من تبز الثوب يا صاح
قصدها تخيط ابشگ اليشگون
وداع الي تكرهه يريح البال
وداع الي تحبهم يعمي العيون
الماي شگد حلو بحلگ العطاشة
بس شلون نقمة اعلة اليغرگون
تطلع الروح اكو شغلات مرات
بس مرات هي تردلك الروح
أذية الباب من ينفتح للريح
بس اشلون لو بالسجن مفتوح
ابن ادم يضرب اللوح ببسامير
لكن من يموت ايشابگه اللوح
كلش مو حلو قبّاض الارواح
وحلو كون بعدوك يقبض الروح
اكو من الفرح يبجي حيل مرتاح
واكو شابع ضحك بس هو مذبوح
اكو ايده طويله كلشي ما لاح
وابو فاضل ابلا چف وكلشي ايلوح
اكو كلشي ما يملك عاش مرتاح
واكو يملك الدنيا وعاش مسكين
اكو يعوفك سنين و چنها ساعات
اكو يعوفك دقايق چنهن سنين
اكو ما يباوسونك بس يحبوك
واكو رب المباوس بس شياطين
اكو بالگبر بس مو موتة عاشوا
واكو مو بالگبر بس همة ميتين
اكو چفه انگطع بس موش عباس
واكو يذبحه الشمر بس موش الحسين
.
اي والله هذا عبدالحسين

خلود عبدالحسين الحِلفي

كون اتشوف       للشاعر جبار رشيد

شعر شعبي عراقي،جسين علي المطوري،عراق،دم الياسمين

الشاعر حسين علي المطوري - 2016 - دم الياسمين

انا شوك الغريب الكرب ولاح 
انا حسرة هذاك الايس وراح 
تعنيت اليخوف جلمتي سلاح 
انا العن الشماته بوجعته ارتاح 
انا الكل ما تحصده يردله سباح
ذهب من زيج حلوه و بالدرب طاح 
هوة عذيبي عل روح الشكر فاح 
يلي مضيعين عمري هنا يلوكاح 
اجر بليل جن اجرار  ملاح 
يطليعه البعد ماضاكت اللكاح  
يفيضه وبحضنها خيار قداح
يسلطان الحباري يلفارش جناح 
يماي الدلع صدره  وطبطب وساح 
رهم عشكك عليه .....ارهام مفتاح 
وانا وهمي........ عرايه ثنين بوشاح 
كصت روحي أعلى جرحي ولحت لحاح 
أخذني بطيبتك ياريح مسطاح 
تعت بيه ومرامي بلا كتر داح 
اجر وحده أعلى وحده بيمر نياح
نمت وكفه شكف عن لجم الصفاح 
تهت والضيفوني طلعوا اشباح 
اداور بلمرادي وكيش ماصاح 
على تهامت الخوره ولاكو ملواح 
يهل تحلب بروحي منيلها مناح 
هلب ويدوخ بيه قباض الارواح
...
انا المامش وراها  جنازته صياح

شعر شعبي الشاعر محسن الخياط

 #شعر #شعر_شعبي #شعراء #العراق #الجنوب
 

محسن الخياط | شوگ الغريب

لون بوصافك اتعشگ
جبل من الصبر يشهگ 
تحن يمته شوكت
وجه الثلج يعرگ
تلمست الجرح بالليل 
واليم الضوه ادنيت
ردت اعرف نتل لو شگ 
سمعت الروح ونت بيه
كاغد من تهم لزگ
وياهو يصرف ال ملزگ
تگاطيع وصبر مابيه 
گبل ما جيسه يتشگگ
واذا تلحگ 
وأذا دنياك مثل ام الغزالة بـ ليل
ماتدري وببنها توهمت تسحكَـ
فلاهي اتضر يلن ابن الغزالة يطيب 
يحمل سحگة امه ولا بعد يزهگ
المطر شم الورد من دنگ اعله الگاع 
وراح يبوسه من دنگ 
صبح كلك صبح 
وارموشك مرايات 
وانگوط وربيع بطولك معلگ 
للمك والتم انه وياك 
والتف بيك واطبگ
واشوفك شوفة القداح 
لمه من يريد ايطيح 
والتف لف جگاره عليك واشبگ 
شوصفك وانت روح الماي 
وانه شلون فَــي البرتقال زغير 
وين على نهر يلحگ 
يمن طبعك ثلج ويلوگ بيه الصيف 
ولو هب البرد بهواك نتمشرگ 
أحبك ردتك بكل لون 
أذا ابيض
واذا اشگر
واذا اغمگ 
يلن لونك مثل لون الچمه العطشان 
من شبگات گاعه يصير لونه احرگ 
ويلكشني البرد واشتاگلك وأحتام 
تطلع بالجنح سبگ 
يا أول نبع مبهوره بي حلوات 
ملهوفه امهاتهه عليه
غنن للعشگ مطبگ 
وحده تشيله الـ چكليت 
وحده تصير فَــي عليه 
وحده ادوف حنه 
ووحده بي تطلگ 
يگنطار النخل ومنين جبت اللوز 
مو بعده النخل والچمر بعده ازرگ
اجر الليل بيد وبيد اسيس بيك 
حد الگيشك واغرگ
وأفز والگه الوكت بي طول 
واتچوه خضر ع النار 
اثارينـي الخضر ع النار 
وانه روحي مثل روح النخل لو صارت بجريد 
والجريد ما مامون يتشرگ 
وراويت الجرح لـ بن امي 
عافه وراح 
بعد ياهو لجروحي يشوفهه معوگ

قصيدة من روائع الشعر الشعبي العراقي للشاعر الكبير محسن الخياط

#شعر #شعر_شعبي 


شعر شعبي

حيدر