Það er búin að vera mikil keyrsla en við náðum að pinna niður góða gesti til að renna yfir það sem á hefur gengið síðustu vikur.  Arnar Helgi fékk þá Guðmund Hólmar, Hólmar Höskulds og Þóri Ólafs til að tækla þetta með sér.

Þeir gátu ekki annað en tekið samtalið um meiðslaölduna sem gegnið hefur yfir Selfyssinga.  Einnig reyndu þeir að lesa í hvað hefur ekki gengið vel og finna lausnir á því.  Einnig það sem betur hefur gengið, því lífið er sem betur fer ekki tómt vesen.  Alla vega ekki þegar þú getur skellt þér á Kaffi Krús þegar þér hentar.

Upphafsstef: Sælan, Skítamórall
Lokalag: Syndir feðranna, Bubbi Morthens

Selfoss hlaðvarpið #037 - Þótt ég fari um dimman dal

Fótboltasumarið er að hefjast og til að fagna því fékk Már Ingólfur góða gesti með sér að hljóðnemunum.  Þá Ingimar Helga Finnsson, betur þekktur sem Litla Flugvél og Einar Karl Þórhallsson sem hefur verið í kringum fótboltan á Selfossi frá barnsaldri.

Í Kaffi Krúsar stúdíóinu hituðu menn upp fyrir fótboltasumarið bæði hjá stelpunum og strákunum.  Hverjir eru farnir, hverjir eru komnir og hverjir eru líklegir til að stíga upp?  Hvaða sögulínum eigum við að vera að fylgjast sérstaklega með?  Verður JÁ-Verk völlurinn fallegur?  Þetta síðasta segir sig auðvitað sjálft, en hlustið samt til að fá staðfestingu á því sem þið vitið nú þegar.

Upphafsstef: Sælan, Skítamórall
Lokalag: Gírinn, Doctor Victor, Ingó Veðurguð og Gummi Tóta

Selfoss hlaðvarpið #038 - Sumarið er tíminn!

Loksins aftur!  Selfosshlaðvarpið snýr aftur með stútfullann handboltaklukkutíma.  

Arnar Helgi Magnússon, Þórir Ólafsson og Hjörtur Leó Guðjónsson mættu í hljóðverið og hituðu upp fyrir veturinn með léttri yfirferð yfir það sem af hausti.

Upphafsstef: Sælan, Skítamórall
Lokalag: Innan í mér, Skítamórall

Selfoss hlaðvarpið #039 - Handboltaveislan er hafin

Enn kallar Evrópa og nú fékk Arnar Helgi til sín Örn Þrastarson íþróttastjóra Selfoss handbolta sem og aðstoðarþjálfara meistaraflokks karla.  Með þeim mætti Alexander Már Egan leikmaður meistaraflokks karla til margra ára þrátt fyrir ungan aldur.

Já Smiðju-hljóðverið var vel mannað enda fullt til að tala um.

Upphafsstef: Sælan, Skítamórall
Lokalag: Ko so lipe cvetele, Orlek

Selfoss hlaðvarpið #040 - Íþróttastjórinn & Eurogan

Smiðjustúdíóið var stútfullt af gæðum þegar Arnar Helgi ýtti á rec, íþróttastjórinn Örn Þrastarson var vitanlega mættur og með honum tveir vinstri hornamenn og yngri flokka þjálfarar, þeir Richard Sæþór Sigurðsson og Hannes Höskuldsson.

Þeir fóru yfir helstu atriði sem á daga Selfoss handbolta hefur drifið síðustu vikur.  Fóru yfir ótímabærar sögur um dauða handboltans á Selfossi og svo átakanleg saga af svaðilför meistaraflokks karla yfir Hellisheiði sunnudagskvöldið síðasta.

Við minnum að sjálfsögðu á undanúrslitaleik Selfoss og KA sem fram fer á Ásvöllum miðvikudaginn 9. mars kl. 20.15.  Við þurfum að mæta öll sem eitt.  Við munum gefa eitthvað gott út í næstu viku til að hita betur upp fyrir final4 í bikarviku.

Upphafsstef: Sælan, Skítamórall
Lokalag: Pyro, Kings of Leon

Selfoss hlaðvarpið #043 - Þrekvirki Á Hellisheiði

Það er vor í lofti og farið að styttast í öllum deildum handboltans.  Arnar Helgi fékk tvo góða gesti í Smiðjustúdíóið, handboltagoðsögnina Þóri Ólafsson og samverkamann hans í þjálfuninni, Árna Geir Hilmarsson.  Í lok hlaðvarpsins sló Arnar svo á þráðinn til Svavars Vignissonar, þjálfara meistaraflokks kvenna.

Mál málanna er auðvitað þessi stóri leikur hjá Selfoss stelpunum okkar sem kallaður hefur verið úrslitaleikur Grill 66 deildarinnar.  Það er kannski orðum aukið, eða hvað?  En líka létt yfirferð yfir bikarvikuna góðu og þessa leiki sem búnir eru af lokatörninni sem er enn í fullum gangi.

Upphafsstef: Sælan, Skítamórall
Lokalag: I wanna Go - Femme Fatale (Deluxe Version), Britney Spears

Selfoss hlaðvarpið #045 - Vorilmur í handboltanum

Selfoss hlaðvarpið unir sér ekki hvíldar þegar handboltinn er kominn á business enda tímabilsins.  Frídagur verkalýðsins, 1. maí var Arnari Helga engin fyrirstaða til að setjast niður með góðum gestum til að fara yfir stöðu mála í úrslitakeppninni í Olísdeild karla.

Í smiðju stúdíóinu í dag voru mættir tveir leikmenn, Fyrirliðinn Hergeir Grímsson og gleðigjafinn Richard Sæþór Sigurðsson.  Með þeim fengum við svo í fyrsta sinn Gísla Guðjónsson, bæjarmála frambjóðanda, hestamann, en í dag fyrst og síðast stuðningsmaður Selfoss.

Strákarnir fóru vel yfir þetta svakalega einvígi sem Selfossliðið fór í gegnum á móti FH, eitt besta 8-liða úrslitaeinvígi í talsverðan tíma.  Einvígið sem framundan er á móti Val og svo aðeins um handboltann almennt.

Úrslitaeinvígi Selfoss og Vals:
1. leikur - Origo höllin | mán, 2. maí kl 19.30
2. leikur - Set höllin | fim, 5. maí kl 19.30
3. leikur - Origo höllin | sun, 8. maí kl 19.30
4. leikur - Set höllin | mið, 11. maí kl 19.30
5. leikur - Origo höllin | fös, 13. maí kl 19.30
Miðasala á alla leikina á Stubbi!

Upphafsstef: Sælan, Skítamórall
Lokalag: Enn þá, Skítamórall

Selfoss hlaðvarpið #047 - Besti tími ársins

Selfoss hlaðvarpið snýr aftur með sérstakan þátt þar sem nýjir þjálfarar meistaraflokka karla og kvenna í handboltanum eru kynntir til leiks.  Það eru þeir Eyþór Lárusson sem hefur verið í kringum handboltan á Selfossi frá unga aldri og hins vegar Þórir Ólafsson goðsögn í lifandi lífi, en þó fyrst og fremst reglulegur spekingur í Selfoss hlaðvarpinu.

Þeir eru báðir að takast á við sín stærstu verkefni í þjálfun til þessa og báðir eru þeir heimamenn.  Selfoss hlaðvarpið óskar Eyþóri og Þóri hjartanlega til hamingju með ráðninguna og óskar þeim frábærs gengis.

Upphafsstef: Sælan, Skítamórall
Lokalag: Í larí lei, Stuðlabandið

Selfoss hlaðvarpið #048 - Changing of the Guards - Eyþór & Þórir kynntir til leiks

Hjörtur smellti á rec og fór yfir málin með Eyþóri Lárussyni, þjálfara mfl kvenna í handbolta og tveim leikmönnum liðsins, þeim Kötlu Maríu Magnúsdóttur og Örnu Kristínu Einarsdóttur.

Þau straujuðu létt yfir tímabilið og þá sérstaklega eftir áramót.  Auðvitað mikill fókus á leikinn stóra á miðvikudag, en þá mæta stelpurnar ÍBV í undanúrslitum í bikar.  Við hvetjum ykkur öll til að fjölmenna í Laugardalshöllina á miðvikudagskvöldið á Powerade bikarinn.  Áfram Selfoss!

Upphafsstef: Sælan, Skítamórall
Lokalag: Gull af mönnum, Steindinn okkar, Matti Matt & ReddLights

Selfoss hlaðvarpið #053 - Nú falla öll vötn til Ölfusárósa

Þá er síðustu handboltaleikjum tímabilsins lokið hjá Selfyssingum og Hjörtur Leó fær góða gesti til að gera upp tímabilið.  Fyrst mæta Eyþór Lárusson þjálfari og Tinna Soffía Traustadóttir fyrirliði mfl. kvenna.  Í sinni hlutuanum mæta svo Þórir Ólafsson þjálfari og Einar Sverrisson stórskytta.

Upphafsstef: Sælan, Skítamórall
Lokalag: Cha Cha Cha, Käärijä

Selfoss hlaðvarpið #055 - Skin, skúrir og uppgjör

Þá er það loks að byrja, nýtt tímabil með nýjum vonum og nýjum væntingum. Hjörtur Leó fékk Þóri Ólafs í smá spjall áður en hann opnaði allar hurðar og fékk Richard Sæþór, Örn Þrastar og Hrafn Erlings til að leggja línurnar fyrir veturinn.

Strákarnir droppuðu óvæntum tíðindum af leikmannamálum og Richard er á góðri vegferð að spara heimilium landsins aurinn.

Tímabilið hefst á fimmtudag og Selfoss hefur leik í Olísdeildinni á laugardaginn 9. sept þegar strákarnir taka á móti KA kl 16.00.

Selfoss hlaðvarpið #056 - Skkúbb Og Sparnaðarráð

Meistaraflokkur kvenna hóf leik um síðustu helgi og óhætt að segja að þær hafi fengið fljúgandi start.  Hjörtur Leó tók þjálfara liðsins, Eyþór Lárusson tali og fékk að því loknu góða gesti, stórskyttuna Kötlu Maríu, reynsluboltann Guðrúnu Herborgu og Árna Geir, fyrrum aðstoðaþjálfara liðsins.

Upphafsstef: Sælan, Skítamórall
Lokalag: Stjörnur, Labbi

Selfoss hlaðvarpið #057 - Fljúgandi start

Hjörtur Leó fékk þá Atla Ævar Ingólfsson, Árna Geir Hilmarsson og Helga Hlynsson til að fara yfir brekkuna sem mfl karla er í eftir fyrstu leiki tímabilsins.  Þeir félagar eru lausnamiðaðir að öllu jöfnu og leysa að sjálfsögðu heimsins vanda.


Næstu leikir Selfoss eru:

Mfl kvenna
Fim 19. okt 19.30 Selfoss - Haukar U 
Þri 24. okt 19.30 Selfoss - Fram
Lau 28. okt 113.30 HK - Selfoss

Mfl karla
Lau 21. okt 16.00 HK - Selfoss
Fös 27. okt 19.30 Selfoss - Stjarnan

Selfoss hlaðvarpið #058 - Barið í brestina

Hjörtur Leó fékk til sín lauflétta gesti, Hrafn Erlingsson, Arnar Daði Brynjarsson og góðkunningja þáttarins Örn Þrastar.  

Það er óhætt að segja að létt hafi verið yfir mönnum er þeir fóru yfir málefni líðandi stundar.  Fljúgandi gengi hjá mfl. kvenna og batamerkin hjá mfl. karla.

Undir lokin lærum við svo nýja hluti um Örn, en Hrafn og Arnar tóku að sér létta gestastjórnun og fræddust um Örn.

Næstu leikir hjá liðunum okkar eru:
Fös 3. nóv  Víkingur - Selfoss  mfl kvk
Sun 5. nóv  Víðir - Selfoss U  2. deild kk
Fös 10. nóv  Selfoss - Valur U  mfl kvk
Lau 11. nóv  ÍBV - Selfoss  mfl kk

Selfoss hlaðvarpið #059 - No Pain, No Pain

Hjörtur Leó er orðinn spenntur fyrir HM og er himinlifandi yfir góðum sigri strákanna á Haukum um daginn. Linda Björk Hilmarsdóttir, Guðrún Herborg Hergeirsdóttir og fyrirliðinn Richard Sæþór Sigurðsson mættu í SelfossTV hljóðverið til Hjartar og fóru yfir málin.

Auk þessa alls tók Hjörtur upp símann og náði sambandi beint til Noregs og spjallaði við nýjasta landsliðsmann okkar Selfyssinga, Kötu Maríu Magnúsdóttur.  Veislan er að hefjast!

Dagskráin framundan:
HM
Fim 30. nóv kl 17  Ísland - Slóvenía
Lau 2. des kl 17  Ísland - Frakkland
Mán 4. des kl 17  Ísland - Angóla

Mfl kk
Fim 30. nóv kl 19.30  Grótta - Selfoss
Lau 9. des kl 15.00  KA - Selfoss
fim 14. des kl 19.30  Selfoss - Afturelding

Selfoss hlaðvarpið #060 - Håndball VM Kvinner

Það var glatt á hjalla þegar Hjörtur Leó bauð þeim Hrafni Erlings, Erni Þrastar og Hannesi Höskulds inn í hlýjuna í SelfossTV  stúdíóið.  Þunglyndi á Seltjarnarnesi, skemmtiferð á Akureyri og sá stóri, forsetabikarinn.  Allt þetta og miklu meira til.  Jú og ekki má gleyma skemmtidagskrá Krumma.

Selfoss Hlaðvarpið - Eins og smjör í þín eyru!

Selfoss hlaðvarpið #061 - Forsetar og Kóngar

Hjörtur Leó Hélt smá jólaboð í SelfossTV hljóðverinu.  Í fyrri hluta þáttarins fór hann yfir málin með Eyþóri Lárussyni þjálfara mfl. kvenna, Perlu Ruth Albertsdóttur leikmanni Selfoss og íslenska landsliðsins og Árna Geir Hilmarssyni fastagestur í Selfoss hlaðvarpinu.  Í seinni hlutann mættu þeir Þórir Ólafsson þjálfari mfl karla, Einar Sverrisson leikmaður Selfoss og Árni Þór Grétarsson framleiðandi Selfoss hlaðvarpsins ásamt einhverjum fleiri höttum.

Um áramót er við hæfi að líta um öxl og gera upp árið og taka svo fagnandi á mót því nýja og það er nákvæmlega það sem við í Selfoss hlaðvarpinu gerðum í þessum þætti.

Selfoss hlaðvarpið sendir hlustendum sínum um veröld alla hugheilar kveðjur um gleðilegt nýtt ár og þakkar innilega fyrir samfylgdina á árinu sem var að líða.


Næstu leikir hjá liðunum okkar eru:
Lau 6. jan Selfoss - Fjölnir mfl kvk
Mið 10. jan Selfoss U - Grótta U 2. deild kk
Fös 12. jan Ísland - Serbía EM
Sun 14. jan Fram U - Selfoss mfl kvk
Sun 14. jan Ísland - Svartfjallaland EM
Þri 16. jan Ísland - Ungverjaland EM

Selfoss hlaðvarpið #062 - En minning þess víst skal þó vaka

Hjörtur Leó fer yfir síðustu vikur og hitar upp fyrir bikarinn hjá stelpunum okkar ásamt þeim Erni Þrastar, Árna Geir og Helga "eina sanna" Hlyns.

Næstu leikir hjá liðunum okkar eru:
Þri 6. feb 18.00 Selfoss - KA/Þór mfl kvk
Mið 7. feb 17.45 Hvíti Riddarinn - Selfoss U 2. deild kk
Fim 8. feb 19.30 Selfoss - FH mfl kk
Fös 9. feb 18.00 Selfoss - Víkingur mfl kvk
Mið 14. feb 19.30 Valur - Selfoss mfl kk

Selfoss hlaðvarpið #063 - Heimsmet & brautriðjendur

Ný vika, ný tækifæri.  Hjörtur fékk þá fóstbræður, Arnar Daða og Krumma ásamt Árna Geir til að fara yfir allt þetta helsta sem hefur verið um að vera hjá Selfoss handbolta síðustu vikur.  Þær hafa verð upp og niður eins og lífið.  Krummi mætti auðvitað með skemmtidagskránna, líf og fjör í SelfossTV hljóðverinu.

Næstu leikir hjá liðunum okkar eru:
Fim 22. feb Fram - Selfoss mfl kk
Fös 23. feb Selfoss - FH kvk
Fös 1. feb Selfoss - HK kk
Sun 3. mars Selfoss U - Grótta U 2. deild kk

Selfoss hlaðvarpið #064 - Eitt misson búið tvö eftir

Hún er komin, stærsta vika ársins!  Bikarvikan og stelpurnar okkar verða í eldlínunni á fimmtudagskvöldið.  Til að hita upp fyrir undanúrslitaleikinn fékk Hjörtur Leó góða gesti.  Eyþór Lárusson, Harpa Valey Gylfadóttir og Tinna Soffía Traustadóttir kíktu í SelfossTV hljóðverið og hituðu upp fyrir veisluna sem framundan er.

Næstu leikir:
Fim 7. mars Selfoss-Stjarnan mfl kvk
Fös 8. mars Selfoss U-Grótta U mfl 2. deild kk
Lau 9. mars Vonandi bikarúrslit mfl kvk
Fim 14. mars Selfoss-Berserkir mfl kvk

Selfoss hlaðvarpið #065 - Bikarvika

Meistaraflokkarnir eru komnir í sumarfrí, alla vega frá keppni.  Hjörtur Leó fékk til sín fulltrúa beggja liða til að gera upp veturinn og létt inn í framtíðina.

Í fyrri hlutanum koma þeir Þórir Ólafsson, þjálfari mfl kk og goðsögn í lifandi lífi, Jón Þórarinn Þorsteinsson og Hannes Höskuldsson leikmenn Selfoss.

Í seinni hlutanum faum við svo Eyþór Lárusson þjálfara mfl kvk og með honum mættu Tinna Sigurrós Traustadóttir og Hulda Dís Þrastardóttir.

Skellið þessu í tækið og hlustið, aldrei að vita nema þið lærið eitthvað nýtt.

Selfoss hlaðvarpið #066 - Vor í lofti

Hjörtur Leó Guðjónsson snýr aftur og í þessum þætti hitar hann upp fyrir veturinn ásamt þjálfurunum Eyþóri og Carlos og leikmönnum meistaraflokkana, þeim Kötlu Maríu og Jóni Þórarni.  Með þeim er svo auðvitað íþróttastjórinn og einn af okkar fastagestum Örn Þrastar.

Næstu leikir:
Fös 13. sept Selfoss - Grótta mfl kvk
Mið 18. sept Valur - Selfoss mfl kvk
Lau 21. sept Selfoss - Haukar 2 mfl kk

Selfoss hlaðvarpið #067 - Hiti að hausti

Hjörtur Leó tók fram tuskuna og þurrkaði rykið af SelfossTV stúdíóinu.  Allt handboltafólk er komið í jólafrí og því upplagt að gera upp gang mála fyrir jól.  Til þess fékk hann góða gesti, Eyþór Lár, þjálfari mfl. kvenna, Árna Geir, stjórnarmaður og ýmislegt annað og Hannes Höskulds, fyrirliði mfl. karla.

Annars óskar Selfoss hlaðvarpið hlustendum nær og fær gleðilegra jóla og þakkar fyrir samfylgdina á árinu og megi bæði handbolta og hlaðvarpsguðirnir brosa við okkur öllum á því næsta.

Selfoss hlaðvarpið #068 - Eru strax komin jól?

Arnar Helgi skiptir um gír og hefur upphitun Selfoss hlaðvarpsins fyrir fótboltasumarið.  Brynja Valgeirsdóttir og Erna Guðjónsdóttir leikmenn meistaraflokks kvenna fengu sér sæti í Kaffi Krúsar stúdíóinu þar sem þær skáluðu í vatni úr okkar fínustu Ittalaglösum.

Samstarfsaðili Selfoss hlaðvarpsins er Kaffi Krús, stelpurnar völdu sína eftirlætis rétti, hið exotíska Krúsar salat og Ostapizzuna "Say cheese".  Hvoru tveggja rétt svör, en spurningin er auðveld þar sem það eru engin röng svör.

Farið var létt yfir síðasta tímabil og æfingatímabilið krufið.  Farið yfir hvaða leikmenn við höfum kvatt og hverjar koma nýjar inn.  Stelpurnar sögðu góðar sögur af æfingaferðinni þeirra til spánar og Arnar fékk þær til að spá aðeins í tímabilið framundan.

Selfoss hlaðvarpið er fullt tilhlökkunar fyrir sumrinu að fá að fylgjast með stelpunum okkar berjast í Pepsi Max deildinni.

Upphafsstef: Sælan, Skítamórall
Lokalag: Hatrið mun sigra, Hatari

Selfoss hlaðvarpið #004 - Lip sync battle mun sigra

Á þessari stórkostlegu stund fékk Arnar helgi þrjá helvítis meistara í spjall.  Fyrirliði vor Hergeir Grímson, nýliðinn sem virðist hafa verið hér frá fæðingu Nökkvi Dan Elliðason og Grímur Hergeirsson aðstoðarþjálfari liðsins komu í heimsókn.  

Í Kaffikrúsarstúdíóinu var óvenjuhátíðleg stemning, enda var Íslandsmeistarabikarinn með í för, bjartur og fagur. 

Þeir töluðu um tilfynningarnar og lífið.  Fóru létt yfir úrslitaseríuna og þennan ótrúlega lokaleik.  Blésu til brandarakeppni hvaðan allir gengu út sem Íslandsmeistarar.  Að endingu var farið djúpt í tónlistaferil Alexanders Más Egan.

Selfoss Hlaðvarpið óskar Liðinu, deildinni, félaginu, sveitarfélaginu og Suðurlandi Öllu innilega til hamingju með titilinn.  #ÞaðMunuRennaTár

Upphafsstef: Sælan, Skítamórall
Lokalag: How You Remind Me, Nickelback

Selfoss hlaðvarpið #008 - Íslandsmeistarar Edition

Strákunum var hleypt út úr Kaffi Krúsar stúdíóinu og yfir Hellisheiðina.  Þar sem Halldór Jóhann Sigfússon verðandi þjálfari Íslandsmeistara Selfoss var tekinn húsi.

Arnar Helgi spjallaði við hann um nýja starfið, Selfoss og handboltann.  Selfoss hlaðvarpið óskar Halldóri til hamingju!

Upphafsstef: Sælan, Skítamórall
Lokalag: Stopp nr. 7, 200.000 naglbítar

Selfoss hlaðvarpið #020 - Halldór Jóhann kynntur til leiks

Það voru engar smá fallbyssur sem Arnar helgi fékk í Kaffi Krúsar stúdíóið.  Tveir lykilmenn í toppliðum dönsku úrvalsdeildarinnar sem og íslenska landsliðsins, Selfyssingarnir Janus Daði Smárason sem leikur með Álaborg og Elvar Örn Jónsson sem leikur með Skern.

Strákarnir dásömuðu pizzurnar á Krúsinni og það er óhætt að taka undir það.  Þessa dagana er verið að bjóða upp á heimsendingu frá kl. 17-20 og mun Selfoss hlaðvarpið  nýta sér það!

Staðan í heiminum var rætt beint og óbeint, enda hefðu gestirnir báðir verið á fullu í dönsku deildinni í eðlilegu árferði.  Strákarnir fóru yfir hvað gæti gerst í handboltaheiminum næstu vikur, spjölluðu aðeins um Selfoss, fóru yfir tímabilin sín í vetur og svo auðvitað landsliðið.

Upphafsstef: Sælan, Skítamórall
Lokalag: Í kvöld er gigg, Ingó Tóta

Selfoss hlaðvarpið #022 - Atvinnumennirnir okkar í Danaveldi

Nú er fótboltinn að fara á fulla ferð og tími til kominn að hita upp fyrir spennandi fótboltasumar.  Gestir Arnars Helga í Kaffi Krúsarstúdíóinu voru rándýrir að vanda, en þær Anna Björk Kristjánsdóttir og Dagný Brynjarsdóttir leikmenn meistaraflokks kvenna mættu ásamt þjálfara sínum, Alfreð Elíasi Jóhannssyni.

Hálfur matseðillinn á Kaffi Krús fékk shoutout frá stelpunum og óhætt að segja að gleði rýkji með það að búið sé að opna staðinn eftir framkvæmdir síðustu vikna.

Farið var yfir Valsleikinn um nýliðna helgi, þegar stelpurnar lönduðu fyrsta titli ársins, undirbúininginn í vetur og síðustu vikur, nýju leikmennina og hvernig þjálfarinn og liðið sjái sumarið fyrir sér.

Upphafsstef: Sælan, Skítamórall
Lokalag: Kannski Hann, Celebs

Selfoss hlaðvarpið #026 - Þriðja sætið yrði vonbrigði

Fótboltasumarið er komið vel af stað og ekki seinna vænna en að fara yfir veturinn og upphaf tímabilsins hjá strákunum.  Már Ingólfur Másson tók til sín stjórnartaumana í þætti dagsins og fékk tvo þrælgóða gesti, en þeir Ingi Rafn Ingibergsson nýorðinn fyrrverandi leikmann Selfossliðsins og Einar Ottó Antonsson aðstoðarþjálfari strákanna.

Við rétt eins og gestir okkar höldum áfram að gleðjast yfir því að Krúsin sé kominn á fullan snúning eftir endurbætur á eldhúsinu og minnum við á að hægt er að bæta kjúkling eða nautahakki út á Krúsar Nachosið, hax sem vill gleymast.

Strákarnir fóru yfir undirbúningstímabilið og breytingar á hópnum og stöðuna á leikmönnum sem lítið sem ekkert hafa komið við sögu í upphafi tímabils.  Hverjir eru líklegir til að verða nýjar hetjur og hvernig horfir liðið á sumarið.  Einnig fóru menn létt yfir þessa leiki sem eru búnir og næstu viðureignir skoðaðar.


Upphafsstef: Sælan, Skítamórall
Lokalag: Love me like you elskar mig, Hölt Hóra

Selfoss hlaðvarpið #027 - Allir tilbúnir að slást í 2. deildinni

Fótboltinn er aftur farinn af stað...aftur!  Már Ingólfur setti græjurnar í Kaffi Krúsar-stúdíóinu í gang og fékk góða gesti, tveir fyrrverandi leikmenn Selfoss.  Annars vegar Svava Svavarsdóttir sem meðal annars er í stjórn knattspyrnudeildarinnar og leikur fótbolta með Hamri.  Hins vegar Ingimar Helga Finnsson leikmann Árborgar og annar þáttastjórnenda í einu vinsælasta fótboltahlaðvarpi Íslands, Fantasy Gandalf.

Þau tækluðu heimsmálin á Selfossi og fóru létt yfir síðustu vikur og hvernig þau sjái fyrir sér að framtíðin liggi.

Upphafsstef: Sælan, Skítamórall
Lokalag: Einn dag í einu, Krassasig

SelfossTV

Popular tracks