رسالة من مبارك او مرسى او السيسى الى شعبه

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي أمورك كده باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس وأحب اللي بائس و أحب اللي محبط وشايف محال

وأحبك تســـافر وتبعد تهاجــر وتبعت فلوسك دولار أو ريال

وأحبك تطبـّل تهـلل تهبـّـل عشان ماتش كورة وفيلم ومقال

وأحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمل لي روحك مفرد رجال

ساعتها هاجيبك.. لا يمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وأمرمط سعادتك وأهزأ سيادتك وأخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

حتقبل حاحبك حترفض حالبك حتطلع حتنزل حاجيبلك جمال

يا شعبي حبيبي يا روحي يا بيبي

الشمس البرتقالى عليها ليا سنة- عبد المنعم مدبولى

بابا - ايهاب النعناعى

سوق البنات

ايه البنت الجامدة دى - محمود الليثى

ما شربتش من نيلها - شيرين

وطنيات

لوكنا بنحبها - المجموعه

يا اغلي اسم في الوجود - نجاح سلام

مصر هى أمى - عفاف راضى

fi_shy_mashy 

سامى حواط - لا تسألنى عن دينى

عندي خطاب عاجل إليك - ام كلثوم

النشيد الوطني المصري بلادي بلادي بلادي

تكبيرات العيد الكاملة من مصر

coktel 

على صوتك بالغنا - محمد منير

قصيدة اليوم رحل أبي .. شعر نزار قباني

محمد حسن - قصيدة الهرم الرابع - نزار قبانى - فى رثاء جمال عبد الناصر

ملوك الطوائف - 2005 - شارة النهاية - للمسلسل التاريخي ملوك الطوائف

مقدمة صقر قريش

Semsem Ahmad Elmisamsim

Popular tracks