و سنين بوجعها .. كده بنودعها
و بأعلى صوت نقول باى باى نقول باى باى باى باى 
قصتنا طويلة .. حكاياتنا كتيرة
و أحلى ما فيها هى الصُحبة 
.................................
و فى اولى غلبان .. كلها توهان 
سمع الاميبا رمى اكله مع انه جعان 
و ف تانى محاضرة .. عرف انه ف ورطة
و لسه باقى كمان و كمان
.................................
و أناتومى و عضمه .. احترنا ف امره 
و الهستو عملها ف تفاصيل غلسة و مطلوب رسومات
جه البايو لحقناااا .. والفسيو حبيبنا 
شكرااا ونقولكو بااااي 
أولى نودعها و هننسى وجعها و بأعلى صوت هنقولها بااااى
..................................
وخلاص هنعوض... وفهمنا الفووولة 
سنة تانية اصلا سهلة ما هي نفس نظام سنة اووولااا
زودو الجرعة... جريت وبسرعة 
ودا كان كمين و باقيلنا لسه 5 سنييين 
تانية نودعها و هننسى وجعها و بأعلى صوت هنقولها بااااي
...................................
شدينا مالاول... مالوقعة بفوورة 
دا الباثو لوحده أصعب من تانية وأولي 
الميكرو نظااام.. الفارما حراام
البارا لحقونا وعدت بسلام 
تالتة نودعهااا وهننسي وجعها وباعلي صوت هنقولها باااي
.................................
ارمي ورا ضهرك.. سنة رابعة اماان 
متخافش غير مالبابليك احصا ورغي واستبيان 
رحت الديش بارتي.. وضمنت درجتي 
والطب احلووَ كمااان 
رابعة نودعها وهننسى وجعها وباعلي صوت هنقولها بااى
..................................
باطنة واطفال... سنة خامسة مخييفةة 
تحضر من بدري عشان الغياب والاستيفاا 
شوكات اشكاال.. وشيتات ألواان 
والفينال جابلي جنااان 
خامسة نودعها وهننسى وجعها وباعلى صوت هنقولها باااى 
...................................
لسه الجراحه.. عامه و تجميل 
بس النظام و الاحترام كان قسم جميل
النسا كياده... و دي حاجه معتاده
يلا من غير باي باي
وصبرنا كتير.. عيني عالتقدير 
بس اللي مصبرنا انها اخر سنة في التكدير 
ودي ساتة بتخلص.. شوف مين ماشيين 
دفعة ستة وخمسيييين 
و احنا ماشيين.. مش ناسيين
دايما هيفضل اسمنا دفعة بيشوي
عايش في قلوبنا و مهماا بعدنا
بالخير ديما فاكريين
...........
واللي صبرنا.. وكان سندنا 
الصحااب الصحااب الصحااااب 
خدوا بادينا.. هونوا علينا.. 
عمرنا ما نقولكو باااي
>>
غناء: ايه عمار.. مي شحاته .. أحمد النجار .. مصطفى خالد
كلمات: أحمد عمرو قاسم _ تغريد شكري
upload by :- aya abd-elshafy & shimaa nabil

دفعة56

Popular tracks