onaa

مديتش إيدي لحد ولرحمتك مديت 
عاجز في كل السكك وفي سكتك مديت
آسف على الليل اللي من غيرك رقدته
آسف على شراع الذنوب اللي فردته 
آسف على كل اللي خدته 
وعمري يوم ما اديت

هشام الجخ - مديتش إيدي لحد

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

علمنى يابا_ياسر الرماح ورضا البحراوي

أنا اللي يبيعني أبيعه ولا أندم في يوم عليه
لو جاني حتى بيبكي ياناس بدموع عينيه
وأسيبه في ناره يتألم وأخلى جروحه تتكلم 
ياما شوفت كتير من الدنيا ولسه منها هتعلم
أبكي بدموعي وأتألم وبدمع العين أنا بتكلم
وجروح وعذاب في الدنيا والزمن عمال بيعلم
جبال هموم على كتافي والحزن عليا متعافي
ما شوفتش يوم قلوب صافيه ولا صاحب طلع وافي
شكيت همومي وإتألمت وبدمع العين أنا أتألمت
وشوفت عذاب وجراح في الدنيا أنا ليها أنا سلمت
كتافي من الحمول مالت دموعي من العيون سالت
لقيت الدنيا بتقولي يا ظالم انت ليه ساكت
ع جروحك وأحزانك ع صاحب في يوم خانك
سنين اديتوه من عمرك وساب الحزن علشانك
شيلت الهم وانا صغير وفاضل ايه بقى تاني 
والناس عماله تتغير عايش في بحر أحزاني
لقيت نفسي مع جروحي وضاع مني حبيب روحي 
وسابني في ناري بتألم وما صعبتش على روحه
وسبت الدنيا تلعب بي وشلت لوحدي انا ذنبي
قلوب في الدنيا غدارة مفيش واحد وقف جمبي
وشيلت الهم من يومي والدمع جرح في عيوني
وشوفت هموم وشوفت جراح والكل باعني وخانوني
مشيت وناري في ضلوعي غرقت لوحدي في دموعي
أتاري الحزن على بابي جرحني وطفالي شموعي
عايش حزين عايش مجروح طول عمري يا قلبي أنا مدبوح
مين يحس يا ناس بالدنيا سيبني بقى يا هم وروح
مفيش صحاب ومفيش اخلاص الكل يبيع أهله ولو ببلاش
صحاب تخون العيش والملح ولا عندها لحظة اخلاص
فيه ناس باعتني وناس خانتني وناس بنيتها وناس هدتني
وناس ضحيت بعمري علشانهم ووقت الشدة يا ناس باعتني
أروح لمين أنا وأشكيله أفضفض ليه وأحكيله
خلاص يا دنيا هنساهم وهنسى عذابي وياهم 
وأصالح نفسي على روحي وأسيب التوهه وخداهم
https://www.facebook.com/NoahTaalibi
https://www.facebook.com/AmeerTaalibi
https://www.Instagram.com/AmeerTaalibi
https://www.facebook.com/AmeerTaalibi
https://www.Twitter.com/AmeerTaalibi 
https://www.facebook.com/SalSaBellaaOfficiall

Ana Elly Yb3ny Abe3o - Noah Al-Maliki - Ameer Taalibi - انا الي يبعني ابيعه

اشرف جابر يا ابن ادم

احمد عامر سواد قلوبهم ... من الفركيكووو

����� ����علمنى يابا

عشان تعيش وسط البشر لازم تسايس

Lazem Tesais

9- Lazem Tesais محمود الحسينى لازم تسايس

الفنان : رضا البحراوى ـ أغنية : ماتصدقوش ـ توزيع درامز : حجازينيو ـ
من : هانى وهــــــدان ـ شعبى وش صانع النجوم
https://www.facebook.com/shaby.wsh1

رضا البحراوى ـ ماتصدقوش ـ شعبى وش

كل دقيقة شخصية

 حوده بندق - احنا زى ماحنا - شعبى وش
شعبى وش 
https://www.facebook.com/shaby.wsh1
أحمد كـــوول

رضا البحراوى ـ ماتصدقوش ـ شعبى وش

shabywsh

Recent comments

احمد محمد طه

mohamed

حسن مصطفي

Ebrahem Elgazzar

Related tracks