هو أنتَ كل ما تيجي تيجي تروح؟ وكل ما تروح تيجي وتروح جَيّ على بزي اليمين مطروح؟ وكل ما تنام تصحى ترضع ذكريات وجروح وتنام تقوم مفزوع تقول “رايح أنام” ما تروح !  هو أنتَ كل ما ييجي بكره تروح على إمبارح؟ تنَّك مهاجر وأنتَ قاعد يا ابني ومْبارح ساعة ما شلتك وأنتَ نونو قلت لي إمبوه جبنا لك الميه في شفشق قلت: لأ كبّوه دبحتوا ليه دكر الحمام لمّا أنتوا بتحبوه؟  هو أنتَ كل ما تستلم مصروف تروح شاري دكر حمام ومطيّره ووراه تروح جاري؟ هو أنتَ كل ما تيجي تشرب تكسر القُلة؟ هو أنتَ كل ما تيجي تحلم تكسر المُلة؟ هو أنتَ كل ما تيجي تفرش الملاية تطير وتنام في أحضان السحالي وأمة العصافير؟ وكل ما تنام تصحى تحلم بالنعاس والنوم وتبوس عروسة جن أخضر وأنتَ ريحتك توم !   لأ يا ابني لأ ما لكش حق !  تروح وتيجي  وأنتَ لا بتيجي ولا بتروح !  

تنك مهاجر  و انت قاعد يابني و مبارح

مع اني للحظة فكرتها بتغني لابنها مش لحبيبها بس حبيت القوة 

وكل ماتنام تصحى ترضع ذكريات و جروح

و تنام ف احضان السحالي و أمة العصافير 

كلمات بيرم التونسي
--------------------------
 اهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

يا أهل المغني دمغنا وجعنا دقيقة سكوت لله - فادي اسكندر

كلمات: الشاعر احمد فؤاد نجم
غناء والحان: الشيخ امام عيسى 

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام عيسى والشاعر أحمد فؤاد نجم - كل عين تعشق حليوة

هنغني
هنغنى و دايما هنغني .. و نبشر بالخير و نمني
و نلف الدنيا الدوارة .. على صوت النغمة الهدارة
و معانا المشرط و البلسم .. في الكلمة الصاحية النوارة
هو احنا كده .. هو احنا كده
و هنبقى كده .. و هنبقى كده
ماشيين .. عارفين .. مع مين .. على مين
دايما واضحين مش بين ده و ده ..
هو احنا كده .. و هنبقى كده

الشارع بيتنا و غنوتنا .. و الشارع اعظمها مغنى
من لحم الشارع غنوتنا .. على لحن الشارع بنغنى
وان جعنا شبعنا بتتقضى .. مانبعش الكلمة بميت فضة
و الصوت الشايل فكرتنا .. بتراب الشارع متحنّي

هو احنا كده .. هو احنا كده
و هنبقى كده .. و هنبقى كده
ماشيين .. عارفين .. مع مين .. على مين
دايما واضحين مش بين ده و ده ..
هو احنا كده .. و هنبقى كده

هنغني و ديما هنغني - الشيخ إمام

انا اتلهيت و خدل زندي ( من مسرحية كعبلون )
كلمات بيرم التونسي
لحن و اداء سعيد صالح 

أنا أتلهيت و خدل زندى
و انا ولا عنتر ولا غاندى
ان كانت الغلطات من دى
يكون ف عون اللى عملها

ان كان علي الملح اكلنا
و انا كان علي السجن دخلنا
و الجوع نحلنا و نحلنا
خلي الي فاضل لرجلها

قالوا اللى يشرب من بيرك
لابد يرجع و يجيلك
و انا اللى عطشان ف سبيلك
الدنيا ايه اللى جرالها

يا بلدي هجرك يكفاني 
يا عملة قمع و نسياني 
و يوم ما هرجعلك تاني 
هتبئا رجعة برأسمالها 

يا م الكرانك و الدلتا
هاتعملى طرشة لإمتى
ما اتغيرت كلمة زفتى
و الدنيا راقت أحوالها


انا اتلهيت و خدل زندي من مسرحية كعبلون للفنان سعيد صالح

من برنامج "عندما يأتى المساء" تقديم الراحل محمود السعدنى 


وكأنى عصفور متدلع | محمد منير و عود وجيه عزيز

الشيخ امام _ بستنظرك

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

كلمات بهاء جاهين
الحان شادي مؤنس
توزيع رفيق عدلي
غناء دينا سالم

Kol Ma tigy trouh كل ماتيجي تروح

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

Kol Ma tigy trouh كل ماتيجي تروح

shady moanes شادي مؤنس

Recent comments

magdy

Abdelrahman Mohamed

Enoooo

Emad Zieur

Related tracks