💋

ده مش تراك جديد ولا حاجه مستوى كويس حتى لا خالص
دي مكالمة كان المفروض تحصل بس محصلتش ف انا اتخيلتها 
وكتبت ردى وردها عليا وطلع ف الاخر الشكل ده 

المكالمة الاخيرة || The last call

اداء : احمد خالد "ضل" &اميره

الكلمات :

ضل_ ازيك عامله ايه ؟؟
ضل_ وحشانى بجد والمرادى مش مجامله 
ضل _عارف اني مكنش ينفع اسيبك ف وقت زاي ده بس مش عارف انك مكنتيش عارفه 
ضل_ بصي انا دلوقتى احلى واهدى وراجع اخد بأيدك
ضل_ حقيقي ايامى كانت صعبه من غيرك لالا انا لسه ف نفس يوم ما بعدت اليوم ممشيش 

اميره_ ازيك 

اميره_ عامل ايه ؟

اميره_ راجع ليه ؟

اميره_ ملقتش مكان بعد قلبي يساعك ولا ملقتش فيك مكان يساع شئ سوا اوجاعك 

اميره_ انا اسفه بس انت راجع متأخر صدقنى 
ضل_ طب اسمحيلي اتكلم مش هبرر والله 
اميره_ اتفضل 

ضل_ اوجاعى بخدرها بقهوه وسجاره 

ضل_ وفراغ وقتى بيخلص ف البلكونه والبص ف الحاره

ضل_ كان فى هنا طفل تملى بيلعب وبيضحك 

كان فى طفل بيطلع بيتو ويجرى على حضن امو اول ما بيتعب 

كان فى ضحكه وضمه وضل ودفا 

كان فى انا بس الطفل اختفى 

طب هل ف مرا وانتى معايا ركزتى ف ملامحى 

يعنى محستيش ان الطفل بيرجع ف النظرات لعيونك 

محستيش ان العالم اسؤ من انو يخونك 

انا كونت بحبك وبقيت مدمن فضفضه للبراويز والطفايه 

انا فى شئ مكسور جوايا 

مش عارف ايه هو بس حاسس بيه 

سكته ليه اتكلمى ارجوكى متسيبنيش تانى اكلم نفسي انا اكتفيت فضفضه للحيطان والبراويز 

اميره _ بص وحياة من جمعنا وفرقنا ما حد هيحس بيك ولا هيعرفك ادى 

انا من همى بقيت بدعيلك وانسي الدُعي لنفسي

بقيت اديك تفكيري بالكامل وافشل ف دراستى واهمل فنى واوضتى

حتى العيون بعد رحيلك تحتيها السواد رحب 

غيابك زاى السرطان ف الجسم بيرخب

طب قرب كدا بص ف عيونى

جرب تشوفنى بطريقتى 
والله هتقول الموت اهون من الحياه للى ف حالتى 

بس بس انا الحمد لله بخير ربنا اكيد شايل الخير بعدين 

المهم انك انت كمان تكون بخير 

ياريت منكونش اتنين بنو بيت وصرفو من رصيد حبهم دهانات ولوح وانتيكا 

و ف الاخر سابو السواد والفراغ يعشش وينفرد بيها 

اياك تمل سؤال عنى 

اياك تغيب تانى 

واياك ف يوم ترجعلي 

خلينd اشوفك من بعيد لبعيد
وانا احلفلك انى هبقا حد سعيد 


ضل_ طب ممكن تفتحى ايديكى ولو مرا اخيره 

ممكن بس من غير ما تتضايقي اتكرمش بين ضلوعك وابكى

انا اصلي مراهن مع همى على اني هحضنك تانى وعلى انك هتسامحى 
اهو اكسب نص الرهان بين ضلوعك 

اكسر كل الحيطان ب رجوعى

واتكسر بعديها مش مشكله عادى 

هتعود 

عارفه اتريقو عليا لما عرضت علاقاتى مقابل الحشيش
مش فهمين ان المخدر اهون من انك تشوف بعنيك علاقاتك ف وضع انتظار للتهميش

عارفه السجاره الي بشربها والقهوه الى بسكنها 

والدمعه الي بحبسها والصوره الى بحضنها 

والحيطان الى بصونها والفرحه ف عيونها لما تشوفنى بكلمها وبشكلها وبضحكلها اخر كل يوم وانام جمبيها واحل 
تصدقى من بعد غيابى والله مبقتش عارف يعنى ايه حلم 

ماهو الحلم حاجه نفسنا نعملها وتفرحنا حاجه نفسنا نمسكها وعمرها ما تمشي 

وانا ف غيابك كان حلمى انتى 

واديكي روحتى مع باقى احلامى 

اميره_ مشكلتك انك رميت سنارتك ف شط محظور ع السمك يوصلو 

وانا بغبائى كسرت كل العادت وشوهت المنطق وطلعتلك 

ورجعت تاني بعد فتره كبيره ترمى نفس السناره ف نفس المكان ومستنى نفس السمكه تتردلك 

انت جيت متأخر 

ضل_ اخر رساله كنت بعتهالك كانت بتقول ف يوم هرجع وهبقا ف احتياج ليكى 

اميره_ لا اخر رساله بعتها كانت بتقول انا هغيب وابعد بعيد وعايزك تتمسكي ومتمليش تفضلي ومتمشيش عايزك ف انتظار شمس ف ارض النور عليها مبيجيش

عايزك تستنى وتتأنى وانا همشي ومش هرجع غير لو لقتنى بعدك مش عارف اعيش 

رسالتك كانت رساله امير للجواري 

مشفتش فيها اي تفائل او شئ مايل لخير ف الجاى

رسالتك كانت هقتلِك وانا الى هفضل حى 

ضل_ اقريها كويس راسلتى كانت هتقلب هختلف واتخنق هسجنك 

فا البعد كان عقاب مُنصف ليا قبليكى 

هخاف اجرحك او من تفكيرى امسحك 

ف اخترت اختفي 

والله غيابى كان من مصلحتك 

غيابى كان حفاظا على البيت الى اتبنا ف قلوبنا 

غيابي كان حفاظا ع الى اتبقي ف جمالنا ومداريه ف عيوبنا 

اميره_ انت جيت متأخر 

ضل_ملعون الوقت الى حكمتى بيه باأعدامى 

الكون متهدش ف غيابى انا عارف جايز انتى الى اتهديتى 

بس اوعدك هبنيكى 

هحميكى بين ضلوعى 

هضحك تملى وهدارى دموعى ف كم تشرتى 

هستنى اجزتك وهشدك من ايدك ونروح نتمشي وهنرقص ف شوارع تكشيرتى 

ضل_ بنميل

اميره_ وقعنا 

ضل_ دا جميل 
اميره_ اتسرعنا
غبت كتير 

ضل_اتجمعنا

اميره_ وانا اسفه الى اتكسر فيا غير قابل للتجميع 
اتأخرت كتير

ضل_ حضنك ؟؟

اميره_ مبقاش موجود

ضل_ حضنك؟؟

اميره_ انا كلى حدود

ضل_ انا هحتلك

اميره_ وانا اسفه اتأخرت كتير
 ...

💋

Shahd Mahmoud