shahd

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

Ahmed Mekki - E7lam (ft Dounia Ghanem)

تتر النهاية - مسلسل كيد النسا - كارمن سليمان - الدنيا دايرة علينا

لحظة نفرح في لحظة نحزن في لحظة والعمر كله لحظة
مُرة وساعات بتحلي وهي رحلة تخلص في لحظة
 يا تري اللى جاي قد اللى فات من عمرنا 
مين اللى عارف بكرة ايه مكتوبلنا

 لحظة ألم قلبي اتظلم دمعت فراق فرحة لُقى
صعبة الحياة وهينة قاسية وساعات حنينة
لحظة ألم قلبي اتظلم دمعت فراق فرحة لُقى
صعبة الحياة وهينة قاسية وساعات حنينة

 عد الحاجات الحلوة حواليك عدها وكل لحظة فرحة عيشها وحسها 
ولربنا سلم أمورك كلها دا هو عنده المبتدى والمنتهى
 يا تري اللى جاي قد اللى فات من عمرنا 
مين اللى عارف بكرة ايه مكتوبلنا

لحظة ألم قلبي اتظلم دمعت فراق فرحة لُقى
صعبة الحياة وهينة قاسية وساعات حنينة
لحظة ألم قلبي اتظلم دمعت فراق فرحة لُقى
صعبة الحياة وهينة قاسية وساعات حنينة


أغنية " لحظة " - تتر برنامج "عيش اللحظة" للداعية مصطفى حسني - غناء ماهر زين

قبل ما اشوفك يوم قدامى كانت الدنيا بتيجي عليا وتكسر نفسي كان فى بيني وبين احلامى مليون سد بيفصل بينا وحاجز نفسي من اللحظة دى بقيتي معايا وانا مش هقبل اشوفك خايفه والجى فى حياتك ويايا فى حاجات تانيه اكيد مختلفه انت الضحكه الحلوه فى دنيا مبتضحكليش غير بالصدفه لو حسيت بالبرد فى ثانيه لما عنيك تحضنى انا بدفه لو نجمة بعيدة هجبهالك هتكون بين ايدك فى ثوانى احلمى باللى هيجي فى بالك قلبي ده عالم تانى اول مره بشوف الدنيا مليون لون لهفة وحب وشوق وسعادة امل وجنون اول مره بشوف الدنيا مليون لون لهفة وحب وشوق وسعادة امل وجنون ده الحب الى انا قلبي سنين كان مستنيه انا مش خايفه وانا مش خايف وهنخاف ليه 

أغنية حماقي و دنيا سمير غانم أول مره من مسلسل لهفه

كلمات اغنية لسه في الأيام أمل شيرين عبد الوهاب

لسه في الأيام أمل مستنيينه
طول ما في الأيام في ناس عايشين عشانها
لسه للأحلام بقية مكملينها
طول ما في احساس قلوبنا مصدقينه

لسه في الأيام أمل مستنيينه
طول ما في قدامنا سكة يتمشيلها
واما تنزل دمعة لاقيين ناس تشيلها
طول ما لسه العمر بيصالح سنينه

طول ما لسه في ناس بنتدفى بحنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل في عشاق سهرانينه

لو في اوقات عدوا بخسارة علينا
لو في ناس حوالينا بسببها اتأذينا
لو في لمحة حزن متشافة ف عنينا
باللي بينا كل دا مستحملينه

لسه في الايام امل مستنيينه
طول ما اسمك كل يوم بنطق حروفه
وطول ما بكره مسيري على حسك هشوفه
طول ما انا طريقي عنيك منورينه

طول ما لسه في ناس بنتدفى بحنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل في عشاق سهرانينه


لسه في امل

www.abdwap2.com www.abdwap2.com

لما القلب يدق | اغنية مؤسسة مجدي يعقوب - رمضان ٢٠١٧

إعلان اتصالات - أغنية #امسك في حلمك لأصالة وحماقي2017:
***************************************************
كل خطوة نخدها نحلم بخطوة تانية
بنقرب لبكرة ديماً في كل ثانية
والجاي في حياتنا احنا نبيه بإيدينا
كل حلم كبير بتبقا بدايته فكرة
ناسيين الي فات وديماً باصين لبكرة
ومفيش حاجة مستحيلة تقدر علينا
الجاي في حياتك انت عارفه وراسمه
ده لكل واحد فيه حلم مكتوب بإسمه
كل الحكاية ومافيها نتعب شوية
اه امسك في حلمك وخليك وراه
كلمة ده صعب ولا يمكن ولا
اياك في لحظة تقولها
اه واهو بكرة يجي وشايل معاه
فرحة وضحكة ودنيا وحياة
والسكة هنكملها

تجميع إعلان اتصالات - أغنية #امسك في حلمك لأصالة وحماقي2017 نسخة الإستماع والعرض فى الحفلات

AL Wasseya Weleassa Kaman  الوصية | أغنية ولسة كمان . .  غناء : عماد كمال . .كلمات وألحان : أكرم حسني

AL Wasseya Weleassa Kaman  الوصية | أغنية ولسة كمان . غناء : عماد كمال . .كلمات وألحان : أكرم حسني

تتر مسلسل كارمن - غناء : جنات - 2019

الشاعر هشام الجخ 
قصيده متزعليش

هشام الجخ - متزعليش.

كان في زمان ولد رسام مسكين وكمان غلبان كان عنده أحلى بنت جيران كانت واصله وغنيه وبتغير منها فاطمه وناديه وماريا كمان هي كانت حلوة ويتألف 100 غنوة و ألف ديوان هيعمل إيه العاشق الغلبان هيقولها ولا هيطلع جبان فكر يروح ويقولها إنه قلبه عشان بيحبها ممكن يهد صخور ويشيل جبال فكر يروح ويوريها إن رسمه كله كان ليها وإنه أسيرها ماحبش غيرها بيعشق الجمال ويا ترى هيكون إيه ردها على الحاجات دي كلها ممكن تفضل ممكن تمشي وممكن تستناه.تستناه على بابه وتجيب أخوها وأصحابه وممكن ترضى وتخرج وتروح السيما معاه قالتله ما تعرفش ان انا برسم كمان وان عيني عليك من زمان يا ابن الجيران لو مش مصدقني تعالى نروح أوريك اللوح اللي فوق السطوح وادينا عرفنا ردها على الحاجات دي كلها طلعت خايبه وطلعت دايبه وفتحاله الباب وبعدما عرف ردها على الحاجات دي كلها امتى هييجي يخطب ويكتب الكتاب وعاشوا في تبات ونبات وجابوا صبيان وجابوا بنات أنا عارف ان دي الأغنيه التانيه بس الفكرة جت على بالي في ثانيه

ma7mood al 3essely ولد رسام

لمشاهدة الفيديو الخاص بالاغنية 
https://youtu.be/wnZ5i8PdOwY
#A_whole_new_world_song_2019

أجدد اعمال احمد رضوان في الدنيا دي  , ثالث اغاني البوم سنو وايت الجديد بنتمنى تنال اعجابكم , لك حرية التعبير عن رأيك تماماً  




الالبوم اهداء لسنو وايت اللي سابت اثر كبير جدا في حياتي !!♥ 


كل سنة وانتي طيبة يا اجمل سنو وايت في العالم كله ♥♥♥


الكلمات 

هاتي ايدك هنشوف ... دنيا جديدة بتلمع

يا اميرة امتي قلبك كان ليكي يوم دليل

I can show you the world Shining Shimmering Splendid

Tell me princess Now when did you last let your heart decide



دي دنيا فوق ده عالم تاني مش معروف 

منحسش فيه بخوف وفيه نشوف الحلم يبقي حقيقة  



A whole new world a new fantastic point of view 

No one to tell us no or where to go 

or say we"re only dreaming now i"am in a whole new world



دنيا متقولش حلم حلم وانت اهو صاحي 

فوقي و تحتي حواليا بشوف سما صافيه ما لها حدود 



A whole new world 

بس متغمضيش !!



A new fantastic point of view No one to tell us no

or where to go or say we"re only dreaming



دي دنيا فوق ده عالم تاني مش معروف

يا عيني متناميش خلينا نعيش متخليش ولا لحظة تضيع و تفوت

دي دنيا فوق نفسي اشوف حاجات كتير طايرة بلا جناح قلبي مرتاح

مش عايز يرجع تاني يبقا اسير



A whole new world A new fantastic point of view

No one to tell us no or where to go or say we"re only dreaming



بقيت في عالم تاني معرفوش ... دي دنيا فوق 

فيها هنعيش ده حلم كبير مفروش بحرير وفيها هنعيش

---------------------------
El Megheny

Facbook : https://www.facebook.com/ElMeghenyPage/

Rowida 

Youtube : https://www.youtube.com/channel/UCMec8DLJ4ecJTU2_hQQFs9g/feed

shahd

Shahd Omar