وجيه عزيز

السبب-شعر-محمد الشهاوي..إلقاء صفاء أبوصبيحة

ظَبَطتني بَتجسّس على عنيها..
فدارت وشها بدون ابتسامه
فابتسمت 
لإنها
ظبطتني بتجسس على عنيها !

وكان القطر ابطأ من سحابه بتجري على خد القمر

والبياعين.. نادوا
ولموا المنتجات..
والكمسري ما طَرَفِتش عينه وهوَّ بيشوف التذاكر..
كل شيء عادي..
وأبرد من حجر!

زي النقاب.. كانت كمامتِك:
حاجْبه حُسن الوش..
كاشفه عيون
كما نجوم الليالي لشخص عاشق للسهر...

...نسرح في ليل القاهرة
وبرد الشوارع - لما إيدي تكون ف إيدك -
يبقى أدفى من دموع الشمس على كتف الشجر..
ماشيين
ومش خايفين عيون الناس
بنحسب عمرنا على كل خطوات رجلنا
بنبص في الڤتارين..
وبنعدي الطريق زي البجع
من غير ما نِدّي لأي عربيه وكلاكساتها اهتمام..
وتضيع ريحتنا ف الزحام
ف السينما
ف المترو
ف ورق المكتبات..
أخطف من العالم بجُرأه.. بوسه هاديه من شفايفك
أنتصر
أخسر
وما احسبهاش..
واقول لعنيكي: يا كل اللي ماتوا ف عينها.. أنا بس اللي منكم عاش..
نتوه في موالد الصالحين
نزور القلعة
وتعاتبيني ع "الغيره" امّا تمدحي في صلاح الدين..
وَ ارُدّ بكل عصبيه: أنا.. أشجع!!        (بعَفَويّه)
تفضّي ضحك عمرك كله في دقيقتين
ونحلم
زي أي اتنين
نكمل حبنا شمس ومطر
... من غير ضجر

نتمشى على نور المحلات اللي فاتحه..
ونجري فجأه.
كإننا
عايزين ندوّخ ضلنا!
عايزين بكل ما فينا من طيش الشباب
نحفر ف أسفلت الشوارع 
كل خطوه 
وكل وقفه
وكل شمس شافتنا
كل حواجز الدولة اللي وقفت ضدنا..
أسمع كلامك عن مصير الأُنثى ف بلدنا.. وأطنّش
تسمعيني باعِدّ أحلامي بغرور
فا تقولي: مغرور
نختلف... على كل حاجه
ونتفق على حبنا..

والقاهره بلون الرماد والفجر..
بتفَتّح.. كَورده "جوريّه" ف مواسم ربيعنا..
بتبتسم.. للأغبيا..والحالِمين
وتبُص عماراتها الطويله بطرف عينها
على اللي ماشيين ف الشوارع
من رصيف
لـ رصيف
وإشارات المرور (الصفرا طول الوقت)
وسؤال الغريب لـ غريب: أروح ازاي....
...وكنا بنفتح الباب اللي قافلاه الحكومه
بكل ترابيسها
...وكنا بننشُر العِلم اللي مانعاه الحكومه
ف كل مدارسها
وكنا القاهرة: ناسها.. وأحلامها.. وكوابيسها
وفرشه بكام كتاب ومجله على شارع شريف...
نسرَح ف ليلها - وهيَّ نص جمالها ف الضلمه -
نسِبّ لكل صوره وكل يافطه
وإيدي غصبٍ عني تخرج عن شعورها 
ف وش "واحد"
- أبتسم من رد فعلِك -
بس إيدي غصب عنها وعن شوارع مصر تخرج 
مره تانيه وتالته.... مليون
عن شعورها
ف وش "واحد" !
*حلوه مصر؟...
مش هارد ب آه و لأ
هاقول: مانيش عارف.. لَكِنّي بحبّها
علشانها شبهِك..
*خدت إيه من مصر؟..
إسمي...
كفايه إسمي
وأرض ما زرعهاش أبويا
بناها بالطوب..
والقمر على سطح جامع
وانتي طبعاً...

(كنت بكدِب)...
كنت عايز اقول: ماخدتش مِنْها غيرِك
بس فلسِفت الإجابه
عشان أبان " راسي و تقيل"....

ظبطتني باتجسّس على عنيها..
فدارِت وشّها
وسابتني أحلم
حلم عدّي قصاد خيالي بسرعه 
لكن..
كان جميل.
.

**تصوير : نرمين الطنطاوي

لون الرماد والفجر - خالد سليم

شيرين عبده- ارتجال

عمرو عبد الجليل ( محسن محي الدين ) في صراع نفسي بسبب يوسف شاعين الذي يريده نسخه منه وينظر اليها عمرو بانها استعباد 

اسكندرية كمان وكمان ..يوسف شاهين وعمرو عبد الجليل  /الانتقام قفشنها

"مُر يا خال ع بيت الحبايب.. والنبي تمر"- هستيريا

قطر الصعيد - إسكندريلا


وجيه عزيز ملحن ومغن مصري، امتدت مسيرته الاحترافية لسنين عديدة كانت باكورتها مسرحية من أشعار فؤاد حداد في إحدى مسارح الدولة سنة 1988. تأثر وجيه في تطوره الفني بنموذجين رئيسيين؛ سيد درويش و الرحبانية. أثر سيد درويش في موسيقى وجيه بجعل منبعها الأول انفعالات وهموم أهل البلد بفئاتهم المختلفة. أما الرحبانية فقد ظلوا في نظر وجيه أصحاب أرقى الكلمات والألحان بين المشاريع الموسيقية العربية.


تتكئ ألحان وجيه دائما على الكلمة، وهو ذو مزاج خاص فيما يتعلق بما يغنيه من أشعار، مفضلا أولئك الذين أسسوا قواميسهم وتيماتهم على حياة وثقافة الشعب المصري بمختلف فئاته. فنجد أغلب أغانيه من كلمات فؤاد حداد و علي سلامة و أيضا رباعيات صلاح جاهين .

وجية عزيز - ملناش غير بعض

أغنية كاوبوي دينامو
غناء وجيه عزيز
أشعار فؤاد حداد

صفحة فؤاد حداد على الفيسبوك
http://www.facebook.com/Haddad.ElTo7fageyya 

 مشروع التحفجية
www.elto7fageyya.com 
www.facebook.com/el.to7fageyya.home


كاو بوى دينامو سايق غنمو
علق يافطة بعرض الريف 
خلى أميركا تستعمركا
ست شريفة غرضها شريف 

يوم ما بترمى عقب سيجارة
تفتح بيه توريد و تجارة 
شق الحصلة، إزرع بصلة
!نخ و طاطى تبقى ظريف 
...كاو بوى دينامو 

!خليك جن، ولد جنية
شيل من راسك الوطنية 
!نظف مخك الا تطخك
خليه خالى من التخاريف 
...كاو بوى دينامو

لها فى اللعب فنون و براعة
فى مشاريع و بنوك و زراعة 
!تشتل، تعتل، تفتل، تقتل
ست غنية عن التعريف 
...كاو بوى دينامو

إطلع على مركبها ألافطى
قوللها خدى خلجاتى و نفطى 
!دى المحبوبة! جاتك غيبوبة
مدرسة حرة بالمصاريف 
...كاو بوى دينامو

حط دماغك تحت جناحها
إرضع فى البزازة منحها 
بكرة تبيت راقد ميت
كيف الغاوى مع الحريف 

كاو بوى دينامو سايق غنمو
علق يافطة بعرض الريف 
خلى أميركا تستعمركا
ست شريفة غرضها شريف 

كاوبوي دينامو - وجيه عزيز - فؤاد حداد

زعلان شوية - وجيه عزيز

وجيه عزيز - من حقنا

وجيه عزيز - ساعات المطر

صاحبى يا غريب فى الزمن

مقطع بالعامية من رواية "أوسكار والسيدة الوردية"
تأليف: إريك إيمانويل شميت
ترجمة: محمد صالح
هندسة صوتية وأداء: زينب فرحات
من مشروع "صوت الونس"
______________________
عزيزي ربّنا
أنا متشكر إنك زرتني.
إنت اخترت اللحظة المناسبة، اللحظة اللي كانت فيها كل حاجة في حياتي ماشية غلط.إوع تكون زعلت من جواب امبارح...
لمّا صحيت افتكرت إن أنا بقى عندي 90 سنة و لفيت دماغي ناحية الشبّاك أبص على التلج.و لمّا خمّنت إنك جيت، الصبح طلع، كنت لوحدي على كوكب الأرض.الدنيا كانت بدري لدرجة إن حتى الطيور كانت لسّة نايمة والممرضة النوباتجية مدام ديوكريو كانت بتشخّر.
شفتك و انت بتحاول تعمل الشروق وكان صعب عليك بس إنت أصرّيت فالسما وشها راح مخطوف و رحت انت نافخ في الهوا اللون الأبيض و الرمادي و الأزرق لحد ما زحزحت الليل و رجعت الحياة للدنيا من غير ما تقف لدقيقة واحدة.ساعتها بس فهمت الفرق بينك و بيننا: إنت واحد عمره ما بيزهق!عمره ما بيتعب.دايماً قاعد بتشتغل!خدوا عندكو آدي الصبح!آدي الليل!دلوقت هيبقى ربيع!و دلوقت شتا! و آدي بيجي بلو!و آدي أوسكار!و ماما الوردية!ياااااااااااه.
أنا حسيت بيك هنا و فهمت إنك هنا.إنت فتحت لي سرّك:بُص دايماً على العالم زي ما تكون بتشوفه لأول مرّة.لمّا اتبعت نصيحتك دي و حاولت أمشي عليها وعيت لأول مرة على النور و الألوان و الطيور و الحيوانات.حسيت بالهوا اللي باتنفسه و هوّ بيملا مناخيري.سمعت الأصوات اللي في الطرقة و كأنها أصوات جايّة من تحت قبّة كاتدرائية.حسيت إن أنا عايش. و اترعشت من الفرحة الحقيقية.فرحة الحياة ، اترعشت من سعادة الوجود.كنت طاير من السعادة. 
شكراً يا ربّنا إنك عملت كل ده علشاني.حسيت إنك خدتني من إيدي و بتتمشى بي في قلب سر الوجود علشان أفهم معناه.متشكر.
...

أوسكار والسيدة الوردية

وجيه عزيز ... نفس الإحساس

مطلع قصيدة أنت منذ الآن غيرك، للشاعر محمود درويش.

أنت منذ الآن غيرك

إلى روح/ محمد أحمد أبو صبيحة
في الجنة إن شاء الله

وجيه عزيز - من حقنا

ShahIn

Related tracks