عايزينا صم بكم والدليل بيحاربوا فكرى
تهديد ماهزنيش من امتى صوت الحق بيجرى
تراك بلدنا ثمره تمسحوه اسقيلكو جدرى
وبكره أستيكتكو تخلص وهيتبقى حبرى
تهدوا للى بيبنى ، بتبنوا اعلام بيعمى
وف ظل خوفكو الناس تفتح بيهددكوا اسمى
تزيفوا العباده ، وتفرشوا السجاده
ازاى بتقابلوا رب بتغضبوه لإرضاء الساده
بتشهدولهم ، على مجهودهم ، رغم كون وجودهم
كان مصحوب بفتنه مزقت صفوف شعوبهم
أأيدهم يا إما ، أكون خارج ع المله
أطيعوا ولى الأمر بتاخدوا نص الآيه حجه
انسى ، ديننا مش ستاره للى بيحصل
ولا انتو اهل الذكر ولا تنفعوا كمصدر افتى
وزى ما رسولنا قال اتفرقت الأمم من بعده
اتنين وسبعين جوه النار والباقيه عليها بيحاربه
يا ليت كل الرجال كانو كحبيبي وإمامي صادق القول والأفعال لا مرشدا سواه
زياده الأميه أدى لكارثه فى المفهوم
تلقى إن الدقون ، إدت صاحبها بينا لقب معصوم
غياب فى دور الأزهر دور الإخوه ع النقيض
صدى الشارع إن كل سنى بقى مصدر تشريع
ربى قال الحلال والحرام قدامنا بيّن
مش محتاج لفتوى منكو علمى بدينى مش قليل
والكارثه أقفل قناه دينيه كانت اختى مشغلاها
خايف تسمع توبس ومهبل تيجى تسألنى عن معناهم
ها ، عرفتو ديننا مين فينا بينساه
مبيقدرش كونه تحت لوجو قنوات الاسلام
ينافق ، ويكابر ، ويكدب ، ورا ساتر
الدقن اللى فاكر ، ان اللى بدونها كافر
لأ ، ربك ماحطش حد فينا فوق حد
وكون علمانى بيكدب مش معناها انك صدقت
ابن ادم خطاؤون ، م الملحد لذوى الدقون
بس الكارثه ف اللى مدارى كدبه بان الدين بيقول
الفتنه الطائفيه ف مصر بمفهومها الجديد
انك تلقى ان ابن دينك بيحاربك زى الغريب
وسعت دايره التكفير عن تفكير مسلم وقبطى
بقى اللى خارج عن جماعتى معناها انو ضدى
مع ان بالرجوع لسيره الأربع أئمه
نلقى أخلاق الاسلام اللى اتكلم عليها ديننا
فرغم الاختلاف اللى بين مذهب ومذهب
تلقى الامام الشافعى بيقول ابن حنبل اصدق
الفكره فان نص ديننا ممكن يحمل معنيين
والدليل امامنا الشافعى ساب لوحدو مذهبين
تيجو أيه ف إمامنا ، عشان تقولوا الجنه
ف الانضمام الينا ، وتشككوا ف إسلامنا
فى اختلافنا رحمه وانتو قلبتوا خلافنا حرب
مع ان الدين أخلاق قبل اما يكون مجرد فرض
اه على فكره ، ديننا يسر مش يا كده يا اما
ده ربك لاجل يرضى عبده خلى الكعبه قبله
يا ليت كل الرجال كانو كحبيبي وإمامي صادق القول والأفعال لا مرشدا سواه
بنت عمر عبد العزيز وقت خلافته المسلمين
طلبت لبس جديد زى كل البنات فى العيد
طلب سلف م الخازن ويتسدد م الراتب
فسأل عن الداعى ، جابو عمر ، قال موافق
لكن بشرط واحد ، تضمنلى تفضل عايش
لشهر عشان تسدد مال الدوله أو مش قابل
رجع عمر للدار ، وبنته فى انتظار
سألها صبر وجنه ولا توب جديد ونار
بكت ف حضنه بنته ، وصبرت على مقدرته
دى أخلاق الاسلام الى اتربينا عليها ف سيرته
والفاروق رفض يقيم الحد بقطع يد عبد
رغم كونه سارق بس حد كفايته ماكتملش
أمنت فنمت عشان عدلت بين الناس بحق
أظن الفرق واضح بينه وبين رموزكو وضوح الشمس
وكمان ما بين منافقينكو وبين خازن أمين
ده نفس الفرق بين مسلم وبين متأسلمين

El Joker ft. Abdullah Alhussainy - "Fe Ekhtelafna Ra7ma"

يافاتنة_رامي عصام

تلونت بلون مش لوني والرسمة اكتملت بيا رسمت طريق من الشوك ودخلته برجليا قولت لأ ولأ .. واتغير كله آه خليت الوهم سابقة وفضلت اجري وراه جريت ومتعب
الغلطة #لاول مرة ... احساس #تأنيب ضمير
احساسى ف #تانى مرة ... مبيفرقش كتير
#يغلط فى حقى #غيرى فاغلط فى حق #نفسى
فالغلطة #التالتة خلاص ... مبقاش ليها تأثير
الانتقام #يسيطر وافكر ازاى اقدر
آخد #حقى من الناس واخد الحق #حرفة
احط مبادىء الخطة ... قبل التنفيذ #بلحظة
أرجع فى قرار اخدته ...تصعب عليا #العشرة 
ف آخد نفس م الصحه ... والنفس التانى #حقى
نفس وراه نفس ... والناتج آجى على #نفسى
#المر طعمه قاتل ...والاصعب ضحكة #صفرة
افضل احاول واعافر ... ف انفخ دخان #القهرة

فانت وغيرك تفكر ان الفكرة فكرة #ضعف
الكلمة خلاص اكتملت مبقاش فيها غير #حرف

Alya A Lee    Asfa II  Msh Asfa عليـــا اســفه ومش اســفه ..

SKYWALKER

Offical Video Clip - 7OZZ - Hosam Salah - قوللها 
https://www.youtube.com/watch?v=H6-sP6PWqVU
بعد بعدك بقيت في غربه 
كنتي موطني وانتي ساكنه جوا مني 
كنا بنرسم ونلون ونخطط وندون 
كنا بنهون على بعض دنيتنا الصعبه
قوللها فجأه صحيت لقيت مفيش حد فالبيت 
وبعد مكنتي محتلاني !! فجأه أُحتليت 
من السكوت والتفكير ،، وازاي بقيت لوحدي اسير ؟
قوللها ياإما تحرريني ،، او دليني على طريق 
اسير فيه ونساكي !! وزاي اتنفس غير هواكي 
ازاي بعد مكنت اهواكي ؟ دلوقتي بتمناكي ؟؟!!!


قوللها طب فاكرا القمر لما بينا بيكتمل
يشهد الليل والنيل وتشهد حجات ماتتقول
يشهد علينا عنتر وعبله ويشهد بحر إسكندريه
ولما قلتي أنت ليَه , ليه دلوقتي نتفصل ؟؟
طب فاكره الكليه وعلشانك فاتني كام إمتحان
ولما بتمسح إيديك عرقي لما بكون تعبان
من وقفتي فالشمس و, وأنا مستنيكي من الدرس
قوللها كنتي زي بنتي حنانك كان ليا أمان

7OZZ   قوللها  RAP

قلبى مات   راب بالعربى- زاب ثروت

Nahlla M.amaar ft lil ziad  lاماكناl

صباح او مساء الخير حسب توقيت سماعك
 الأغنيه عن كل شخص قابلته فيالمدينه وباعك
او المدينه نفسها وكل ركن فيها وزاويه
 لكل محطه مترو زحمه او في أخر الخط خاويه
لكل طفل راح مدرسته اتعلم بقي شاطر
 لكل شاب في جامعه لكل محاضراته حاضر
ولأحلامهم اللي طارت رغم السهر والتعب
 لكل فرصه اتسرقت لكل حق اتنهب
لكل فرد وذكري كانوا جزء من المدينه
 اللي لسه بنحبها رغم انها ضحكت علينا 
من بعيد اكيد جمالها راح يسحر عينيك 
مش لوحدك ياما غيرك داقوا سحرها قبليك  
اللي شاف في دروبها حلم وقال في يوم يقدر يطول
 واللي عاش العمر كله في وصفها يقول
نام في أحلامه الجميله راح يفوق علي زيف وغش
 اللي ساب الريف في بلده وفي المدينه هيبني عش
المدينه بالف وش بتضحك بس في البراويز
 ياما هدت من الرجال ياما ذلت ميت عزيز
مش بعيد اكون وحيد في وصفي وكلامي عنك
 ياما غنولك اغاني وياما شهدولك لكنك
 مش جميله رغم ظنك او جمالك مش حقيقي
 مش عميقه رغم سنك لو قارنتي سني بيكي
 او يمكن انا مش لاقيكي فى وسط الزحمه والمساكن
او يمكن انا مش هاويكي مع اني فيكي ساكن  
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
مسجون في قلب أحلام الناس البسيطه الطيبين
 اللي أيامهم تعيسه الليأحزانهم سنين
والغريبه مصدقين ان بكره مسيره جاي
 ان شمسك يوم هتشرق راح تنور كل حي
بس أي حي فيهم راح تزور الشمس ارضه
 اللي فكل متر عيله ولا اللي بجنينه اللي بعده
انزل لف في الشوارع صور الحقيقه بعنيك
 بالحقيقه مش قصدي صوره لشيخ عجوز صعبان عليك
يطبعوا صورته في مجله وينسبوا الفضل ليك
 يكتبوا مقال طويل ويقولوا فيه ده قال وفضفض
والحقيقه انه ساكت بس عنيه فضلت تعيط
 قالوا دي دموع الفرح والرضا والانبساط
والحقيقه ابتسامته بتسخر منكوا وفي سكات
 مش كفايه علينا كذب كفايه تأليف قصص
زي صور العيال اللي هربت من الحصص
 مش عشان يلعب يزوغ لا هيروح الشغل بدري
اللي نجار واللي يجري يوصل للبيوت حاجات
 واللي كفران بالساعات اللي كفران بالساعات
وبيسألوا هوا ليه الطفل جوا الطفل مات
 او أمل اللي كانت بنت حلوه صغيره
نفسها تكبر تكونانسانه ومتقدره 
بس الناس شايفاها لحمه شايفه وسط وجوز عينين
 اللي سليطاللسان واللي كلامه بالايدين
 وبيسألوا مين السبب السبب في الكدابين
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
بكفياكم غش فينا اظهروا حقيقه المدينه
 اللئيمه اللي علي أحلام ولادها ما كانت امينه
قالوا من الحب اللي يقتل لما يطول قلبي وعقلي
 وانتي قتلتيني بسهوله زي ماقتلتي اللي قبلي

أغنية المدينة | زاب ثروت

كلمات الاغنيه 
زمان بس مش زمان ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات 
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد 
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل 
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات 
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال 
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
حس بيا واللي فيا من مكالمة وفي اولها
ونص ساعة وكان تلاتة من صحابيقصادي جم
زادوا اكتر بعد ساعة ايوة دول صحابي اهم
ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
قام ابويا بعدها كانوا سندي وقتها
والحكاية دي حقيقة والله مألفتها

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

موقع دندنها - Dndnha.Com

الصحاب - زاب ثروت وحمزه نمره - Zap Tharwat Ft Hamza Namira

قولي غاب احمد كامل _ 2oly 8ab ahmed kamel

اغنية بلا معنى

هـأشيلكم كلكم كافه  لحد ما كيفى يستكفى
هأبيع لى كل يوم صاحب وارافق غيرها واتصاحب
واشوف مصلحتى ف الاول دى عادات  ورثينها ف اللفه
مافكرتش يوم اتغير ولا حتى اخدت بالاسباب
ربى اللى خلقنى من ميه ومعجونه بحـــب تراب
علشان للأرض احصدها واعمر فيها محصولها
بقى هدفى انى اخربها بحجة انى لسه شباب
ملامحى كبيره عن سنى ضعيف القلب ما يوجه
ارادتى نقصها شارد لاعب زهرة يوجهنى
قليل الحيله يتعلم وانا عارف ما يتكلم
بصدق نفسى رغم الكذب يحاوط حلم متقدم
عارف نفسى مليش قيمه ف وسط الحلم للمولاك
شايف نفسى نجوم سيما وعندى دوله مالأملاك
كاره كلمة ف يوم توصل وانا فى جيبى ليأسى دليل
شايف صبرى بيفأد طاقه رميت حلمى ف وسط النيل
يا اما تنط وتجيبه يا اما تسيبه لنصيبه
ياما تنط ما تلحق وتغرق وسط الاعيبه
فلما تجيلك الفرصه ماتستعجلش عن قدرك
ومهما يكونلك المكتوب فأحمد ان ليك ربك
معدلها وموزونه فى حالة تخلى وزنى يخل
ميسرها لحسن الحال ورزقك شأن ما بيقل
مسهلك طريق ف الحال وساعى الحلم ليك تافه
مصغر نفسه وسط جبال وباب اوضه كمان قافل
سايب ضوء النهار للغير مايعمل حتى اى اضافه
يقول انا ممكن اتغير وحياته شبه شفافه
دا غير نفسك مضيعها مخلى الدنيا تسرقها
بتبحث بس عن لذه مصيرك شبه ميت كارثه
بقيت بتصاحب الصوره اللى نفسك يوم تكون شبهك
بقيت انسان بيتلون بلون الانس لو سبأك
بقيت بتغير المعنى لمعنى اقوى فى الحكمه وبيها عنصرالاقناع                    يسيطر على اللى مش شبهك
بقيت انسان بلا معنى يدور عاللى يوجعنا
بناخد خطوه للأحلام وللأوجاع يرجعنا 
بدون قصد بدون ماقصد كلامى كبير
عن سنى وعقلى مصاحب التفكر تفكيرى يزيد 
مع انى حاسس بتفاهة الموضوع وايه الموضوع وليه حله
ورغم اليأس راح نبنى وراح نسكن كل اللى كان تكسير.......
#ابوزيد

قلبى مات راب بالعربى- زاب ثروت

hisham

Recent comments

Rawan Mohammed

السيد علي

NE MO

Faida El-azhary

Related tracks