Bent ( Shams El-Deen ) بنت الحى العشوائى 2014
Rec & Mix : ( Shams El-Deen ) 
القصة دى من خيالى بس ممكن تكون مشكلة فى اى حى عشوائى

V1
راجعة الساعة 11 بالليل من الشغل دة مش غلطها 
تعمل اية يا حول اللة اصلها بترعى اسرة 
ساكنة فى الحى العشوائى فا اكيد فاهمين الباقى 
مع كل يوم بتعانى لكن راضية بالمقسوم

لبست اوسع هدوم و عيون الناس بتراقب 
راجعة كل ليلة دخلة الحارة خايفة من المصايب 
ساكنة جوة قوضة وسط اربع عيال و ام عاجزة 
اب فارق الحياة من زمان و هى طفلة

كل ليلة دمع عينها مش بيفارق فرش نومها 
شايفة سقف القوضة مخرم فابتدعى الرب اللى خلقها 
مع مرور الوقت البنت بتتغير تفاصيلها 
صاحب المحل كان شيفها كانت عينو منها

بدء يجرب هى تهرب فى الكلام مع حد تانى 
كل مواصلة تركب فيها متاخر كانت بتعانى 
فانشوف فيها الامانى بتتقتل و يا الثوانى 
امتى حالها يتعدل ولا هتموت وانا فى مكانى

Co : 
بنت بس الفقر بيناديها كل حاجة مستحيلة لكن هتعمل اية
بنت بس الفقر بيناديها خوفها لسة جوة عنيها لكن عاجزة تعمل اية
_________________
v2 
سنة ال 16 دة المصيبة شلة 11 من الضريبة 
كل واحد فيهم عقلو سارح مش هامو الفضيحة 
يوم و راجعة زى اى يوم بتجرى لحد بيتها 
شافت شلة الشباب فالخوف ظهر وبان فى عينها

لكن الطريق اجبارى بتمد اتعرضولها 
الف ايد تتمد ومش لاقية اى حد يساعدها 
بالفعل تم اغتصبها تحت تهديد السلاح
سلمت شرفها و ماشية تبكى على اللى راح

داخلة بيتها كاسرة عينها و الدم مغرق هدومها 
كلو كان نايم ساعتها بالصدفة محدش شافها 
فكرت فى الانتحار بس مين يصرف على بيتها 
سلمت للى اتكتب و الدمع بيغرق حياتها

نازلة تانى يوم و تايهة خايفة مش عارفة تحكى 
حادثة صعبة غصب عنها ماشية مرعوبة بتجرى 
اتقتل فيها الامل و اتدفن فيها الطموح 
ماتت فيها الحياة جسم لكن من غير روح

Co : 
بنت بس الفقر بيناديها كل حاجة مستحيلة لكن هتعمل اية
بنت بس الفقر بيناديها خوفها لسة جوة عنيها لكن عاجزة تعمل اية
________________
v3
ظروفها كسرتها كل دة كان غصب عنها 
فقدت كل حاجة حلوة فيها و الظلم محاوطها 
ماشة زى ورقة فى الخريف مش عارفة اتجها 
عقل سارح و العزيمة صفر دة وصف لحالتها

يوم و زى اى يوم و صاحب المحل قرر 
مشى كل العمال و حاول بيها يستفرد 
جريت سرخت محدش سامع ليها اى صوت 
حاسة روحها بتتسحب و قربت تشوف الموت

ماسكة السكينة واقفة خايفة لو قربت هقتلك
ضحك بكل سخرية و البنت لسة بترتبك 
راح مقرب منها اكتر كانت السكينة فى بطنو 
بتدافع عن روحها لكن فى الاخر قتلتو

لمت كل حاجة ليها سابت المكان و هربت 
راجعة بيتها خايفة نفسة الشلة واقفة برضو اتخدت 
قررت تاخد بيطارها من اللى دمر حياتها 
قربت فاتعرضولها لكن كان الموت ماصيرها

Co : 
بنت بس الفقر بيناديها كل حاجة مستحيلة لكن هتعمل اية
بنت بس الفقر بيناديها خوفها لسة جوة عنيها لكن عاجزة تعمل اية
_________________

Bent ( Shams El-Deen ) بنت الحى العشوائى 2014

لمشاهدة الفيديو كليب على موقع يو تيوب !@ 
https://youtu.be/ZNlWTBrxBKY

Ba3k ! 2015 باعك
By :( Shams El-Deen Ft Moataz El Nashar ) 
Rec & Mix & lyrics : Shams EL-Deen . 

V:1
مخنوقة محتارة متضايقة من اللى بيحصل 
كان زمان بيسئل دلوقتى بطل يسئل
عادى لو مشغول - مش لازم يفضل على طول 
سيبك منو بكرة  يرجع راكع مزلول

مش مهم كان مهتم دلوقتى مش مهتم 
حاسة انو ويا غيرك - و انتى طفحانة السم 
كان حلم كان وهم كان اى حاجة و طيش 
و انتى كل تفكيرك - بعدك ازاى بيعيش

انتى اصلن مش شغلاة - و هو ويا نفسو
حاولى تعيشى حياتك - و تبقى احسن منو 
اخرجى من الحبسة - اضحكى و انسية 
لو كان لسة بيحبك -  بيبعد عنك لية

غيرى ايامك - اصل حبو مش بقيلك 
بوصى قدامك - يمكن تلقى طريقك
مش شرط حب وارتباط - بس قومى فوقى
هو باعك بالرخيص - و انتى فى العذاب بتدوقى 
___________________
هاااية سابك و باعك و ناسى كل حاجة 
لية  مرة واحدة مش فاكر اى حاجة
___________________
V:2
فكرتى فى الانتحار فكرتى تهدى نفسك 
فكرتى ياتموتية يا اما تعيشى لوحدك
مش قادرة ترتاحى - مش شايفة حد غيرو 
هو اختار حياتو - قدر يشق طريقو 

خلية فى الذكرى مش طالب انك تنسية 
حبيبة فى السر - لو مش عارفة تبقى لية
ارمية لو رماكى و انتى متعلقة بية 
بعية زى ماختار انك انتى تبعية 

دة السم اوقات بيكون علاج عشان نخف
و الحلم مش شرط يكمل - و الواقع متشاف
خليكى باقية على باقى و اللى باع براحتو
الطير ممكن يهاجر لكن صعب ينسى عشو

هو مش ناسيكى - و انتى مش شاغلة بالو
ورقة فى دفتر قديم - كنتى جزء من حياتو
مرحلة نزؤة فترة او قصة مراهقة
اخرجى من الوحدة حاولى تعيشى تانى احلى 

___________________
هاااية سابك و باعك و ناسى كل حاجة 
لية  مرة واحدة مش فاكر اى حاجة
___________________

Ba3k !( Shams El-Deen Ft Moataz El Nashar ) 2015 باعك

mix & mastren : Mox record
chours
صوت غريب 
جوة دماغي شخص تاني
صوت غريب
مسيطر علي عقلي وكياني
انت مين ؟؟
انا اللي عيزك مش اناني ولا اسيبك فيوم تعاني تغرق فالهموم من تاني
صوت غريب 
جوة دماغي شخص تاني
صوت غريب
مسيطر علي عقلي وكياني
انت مين  ؟
سبني انا اللي عجبني حالي انا مش هكون انسان مثالي سبني واخرج من دماغي

Eno
متعرفنيش بنفسك اصلا طول عمري عرفك
انت اللي فاكر نفسك صح وانا اللي ماشي عكسك بس
انت مشوفتش وانت مدوقتش
ربع الهم اللي بيتعد فاكر ان كل نصايحك ليا ممكن تبني اللي بيتهد 
انا ببساطه من اصل خايب رامي احلامي علي الكل وسايب رمت الدنيا عليا ظروفها
وخدت الشب وخلته شايب قولي مين كان يوم ساعدني ؟؟؟
اهلي بيتي او حبيبتي 
بضحك كده مهموم علي خبتي حتي الضحكه فلحظه سبتني
يغرق حلمي بالتدريج او بالتقريب بصرف علي جهلي جزء من احلام ناس تانيه
واصلا حلمي بيغرقني
اسمعني بس
انا هاسمع ايه ؟
فشلت فاللي حلمت بيه 
وليه الفشل يفضل جنبي فكل طريق انا بمشي فيه :؛
عايش اصلا مش فبالي يغور النوم ويا الاحلام
واللي هدته اختياراتي ممكن تبنيه الايام
اما انت هتفضل صوت فعقلي بيعطلني بالتدريج
وانا مصلحتي عرفهل كويس وانت بالنسبالي هتفضل ...
............................
Adre
اسيبك زي ما كله سابك
تتعب انت علشان اهداف ناس تانيه
وبأيدك تضيع احلامك 
انت غبي
هتفضل طول عمرك واقف مكانك
علشان دائما باصص قدمهم ومش باصص قدامك
شوف الفرق بين الخلق كام واحد قدراته اقل
شوف كام واحد لسه في سنك مستسلمش للفشل 
كل حاجه وليها حل بس في اللي كل ومل
انا لو واحد تاني كان قال لك روح انتحر اسهل .... 
افهم
احنا بشر والضعف جوانا الشيطان غوانا 
حلنا حال سيدنا ادم لكن ادم تاب واستغفر
وانت اللي شيطانك سيطر عاوز كل حاجه ساهله وفي لمحه الحياه تتغير
انسي طول ما انت متكتف مكانك لسه
رزقك اصلا مش هيجيلك وانت مش بتسعي
ابدء دور علي نفسك هتكون اللي فنفسك
جواك هتلاقي قيمتك ويريت تكون فهمت!

عرفت انا مين وانت مين انا منك انا اللي نفسي ادلك عل طريق واكون معاك
عرفت انت مين وانا مين خلاص فهمتك انت اللي زي ظلي وفطريقي مش هنساك



متحولش تكون بطل قصص كئيبه بتتحكي لك


UnderZero - 2015 - Soot Ghareeb

#البوم_عمده_الراب_المصري
و لماذا / شمس الدين & رشا الشرنوبي 
توزيع و ميكس : اسامه طارق 

و لماذا
وكبريائى لاغى فكرة انى ابقى انتهازى 
جمدت قلبى كالحديد جوا جسمى الفولازى 
ومش هخاف ومش هوطى وهبقى شى اساسى 
عندى امل اغير الواقع ويكون مقاسى 

مستنى دورك فى الطابور وانا فى طابور لوحدى 
رفعت راية انتصار عشان قد التحدى 
اكون او لا اكون لو كل الخلق ضدى 
رافض اكون زبون كاسر حدود مرايتى 

بشوف الدنيا بزاوية تانية بشكل غير منتطقى 
رافض امشى بقانون كما يجب ان ينبغى 
خيالى سارح زى الطير الجارح مش هسلم 
بكتب على السطور حروف وعلى الصخور بعلم 

البحر عالى الشط مئوا للناس الضعيفة 
افتح صدرك و عافر واخلق فرص جديدة 
كل اللى فاتك تجربة او تقريب للمسافة 
فرصة نجاح العقربة فى علبة مش متشافة 
______________________

و لماذا لم تبحث عن بر النجااااة
فا امامك حلما يرغب فى الحيااااة 
ولماذا تترك اهادفك ان تموووت 
فالتنهض و لتثبت نفسك فى الوجود 
___________________________

عمرى ما كنت تابع و الدافع اثبت هاويتى 
انتا تفضل تدافع وتشوفنى بقطع شريطى 
نقطة بدايتك نقطة النهاية الخاصة بيا 
الدق على الحديد بيخلينى افرد اديا 

الفكرة لو فى سجن فكرتى رافضة الحدود 
ومهما يوطى صوتكم صوتى رافض السكوت 
اهون اموت فى حرب احسن ما فى الضلمة اموت 
هفضل واقف مكانى صامد بتحدى الوجود 

مش عاجبك النظام لكنك رافض الكلام 
الدولة حدودها ارض وعقلك حدود النظام 
انا مش فرس فى سكة اتساق يتشد اللجام 
انا مش بهاجم حضرتك كانوع من الانتقام 

لكنى شايفك راضى بكل حاجة بشكل عادى 
واظن مش كفر لو حبيت تغير حياتى 
استاهل ابقى افضل - تستاهل تبقى انتا احسن 
غير ومهما يحصل - قابل بكرة بقوه اكبر 
______________________

و لماذا لم تبحث عن بر النجااااة
فا امامك حلما يرغب فى الحيااااة 
ولماذا تترك اهادفك ان تموووت 
فالتنهض و لتثبت نفسك فى الوجود 
__________________________


Omdet El Rap El Masry ( Shams El-Deen ) 

Wa Lemaza (Shams El-Deen Ft Rasha El Sharnopy) ولماذا 2016

Title: Memories | ذكريات
Artists: Frozen Ft Karim Al-Ashry
Lyrics: Frozen & Karim Al-Ashry
Music: Free Beat
Rec: Flac studio
Mix & Master: Casper

Much Love & Respect 💙

Lyrics:

Frozen (V1):

انا مكرهتكش من فراغ
انت كل حاجة فيا زادت ندم على الي راح
انا زارع شجرة اورام
سابت ذكرى لمرض فيكوا محدش حس بالاعراض
إعراض عن العلاج استنزف كل نور نبع من روحي
استهلك كل بيت اتكتب حرقه اصبحت طيف وجودي
فاا سيبوني.. انا هقدر اكون لوحدي احسن
انا كاره اكون البير الي انت بتشرب منه و انشف
المفروض مبيتجزأش مفيش فروض على حد كافر
حبي المرضي وقعت منه زاد في شكوكي رجعت خايف
حتى الاهل..بقوا مصدر بث النفس لبُعد الجهل
حرق الفكر بجذب خلايا العقل النوري لفكر السهل
ذللتها..طرق كتير للموت انا فشّلتها
صعب الموت من دون الوقت ميعاد الساعة لروحي عندها
صعب تكوني المختارة انا مش بشر عشان اختار
مستني روح حبيبتي تسكن جسم انسية في زار
خدعة جديدة على المسرح بمشاعر كسرت القلب
صقفتوا محدش فكر صاحب القلب فين "اتهد"
عايش جوا الحلم وهمك متجسد في خفايا شيطان
ادالك فترة حب مقابل قلبك ده القربان
ده كان اعز شخص جنبك باعك برضو لشهوة نفس
سم الحية في كاس الشارب تكوين عقله زوايا الحبس
افتكر..كل ذكرى من دي كانت سهم
بطل تكلم نفسك قالوا عليك مجنون الوهم


Al-Ashry (V2):
ذكريات بتغيب عقلي قبل النوم
ذكريات بتدمر جسمي كل يوم
ذكريات و معاها اوجاع ف هعيش مهموم
ذكريات من ظلم الدنيا بقيت مصدوم
عن حب باعني و طفي شوقي ف قلبي عشان فلوس
و هديه جميله دي عندك ليها بالدنيا تساوي كنوز
كام ذكري اليمه و صدفه قديمه ف قلبك ليها شروخ
ف تعيش العمر جوا اربع حيطان و مكان محدود
انا اوضه ضلمه فيها كتير نغمات وجع تحاوطه
انا فوق و تحت واحد هي هي نفس حالته
كان صوت العقل هو الحل لكن بغبائي قتلته
لو جيت ع السيره قولو مات م الغيره عليها خلاص ارتحتو؟
فتحت ابواب الامل لقيت الكل واقف برا
طابور ابواب اليأس طوله يادوب اخر المجره
هموم كتير قصادي..بعلو الصوت بنادي
يعدي عمري كتير سنين  و انا واقف لسا مكاني
انزل لعالم الواقع هنا هتلاقي مافيش الهيبتا 
١٠سنين خطوبه و تلات اضعاف جواز دي الحكمه
عايز تشوف حقيقه الدنيا دي اخلع نضارتك
كام مره قولت انا هفرح بس الدنيا هتمحي كرامتك
و تدوس علي رقبه اهلك دي بالجزمه تكسر عضمك 
و تقوم متجمد و بتتألم و و نفسك ترجع اوضتك
وترجع تاني تنادي.. يا مين يقف قصادي 
كلام الليل بيوجع ..و ضلمته ليه بتوسع
سواد الاوضه بيقويني..و عتمه نورها بتدفيني
و ذكريات العمر كله  فقلبي ليكو مكانها مرقع

Memories | ذكريات (Feat. Ashry)

من البوم #صنع_في_الصين 2017
لو عجبك منتظر رأيك و دعمك للالبوم ده 
كليمات و اداء : شمس الدين
تسجيل و ميكس #eleven_studio 

تقدر تتواصل معايا من خلال 
الصفحة الشخصية 
https://www.facebook.com/ShamsTracks
الحساب الشخصي 
https://www.facebook.com/shams.music
و ده اليوتيوب لو عايز تشوف الفيديو ليركس 
https://www.youtube.com/user/cairovoice1

كلام الاغنية :

عنيها فتحت 

عينها فتحت وكان هو اقرب ما ليها 
كان شهم كان جدع فى اى حال بيحتويها 
لو نامت عينها مش بتحلم الا تكون معاه 
كان السند كان اكبر حاجة ليها فى الحياة 

احلام بسيطة لبيت صغير بس قوضة و صالة 
اوقات كتيرة احلامنا بتطلع استحاله 
شاء القدر ظروف الجدع تبقى واقف ضدو 
تعب و شال و حط و قال هكمل زى بعضو 

كعبو داب من الشقى و محدش كان بيساعدو 
ابوة  فى وادى و امو كانت فى الوادى اللى قابلو 
بيبنى بيتهم بالشرف ومن عرق جبينو 
مسمعش كلمة واحدة تصبرو تريح ضميرو 

شغال اليوم بطوله و يادوب بيريح ساعتين 
بيقول لو مش هتعب عشانها هتعب بس لمين 
مش شايف حد غيرها كان دايما بيقول يارب 
كانت هدف كان هو ليها احلى قصة حب 

_________________________
فى فى حيتنا حكيات كتيرة عن ناس سابت و باعت 
فى فى حيتنا احلام كتير لكن قدامنا ماتت 
__________________________

كان دايما يرجع بيتو متاخر و كان يحكلها 
الو حبيبتى انتى فين فى حاجة نفسى اقولها 
كانت بتسمع بس كان طبيعى فى يوم هتزهق 
ياما ناس كتيرة فى الاخر باعت سابت المبدء 

مع اول فرصة لشخص تانى اية المانع تفكر 
جاهز و شارى باى عرض وقال هيدفع اكتر 
بدء يقل الحب فيها او تقريبا يصغر 
مكنش فاهم اية اللى بيحصل بس كان متوتر 

مقدرتش حب عمر و كلو راح فى ثانية 
عايز يفضل معاها و هى عايزة حاجة تانية 
يا اما ضيع من حياتو و كل ده عشنها هى 
اختارها جنه ليه لكن هى اختارت الدنيا 

قالتلو ب اختصار كل شى قسمة و نصيب 
مع انو متبت فيها لكن اختارت تسيب 
مع غيرى كمل بكرة تلقى حد يحبك اكتر 
و دى كانت النهاية و هو دة كان اخر منظر 

_________________________
فى فى حيتنا دي حكيات كتيرة عن سابت و باعت 
فى فى حيتنا احلام كتير لكن قدامنا ماتت

01 عنيها فتحت ( Shams El - Deen )من البوم صنع فى الصين 2017

من البوم #صنع_في_الصين 2017
لو عجبك منتظر رأيك و دعمك للالبوم ده 
كليمات و اداء : شمس الدين
تسجيل و ميكس #eleven_studio 

تقدر تتواصل معايا من خلال 
الصفحة الشخصية 
https://www.facebook.com/ShamsTracks
الحساب الشخصي 
https://www.facebook.com/shams.music
و ده اليوتيوب لو عايز تشوف الفيديو ليركس 
https://www.youtube.com/user/cairovoice1

كلام الاغنية :


___________________________
اقرب ما ليك باعوك 
العمر يفوت و تكبر و تبقى فجاءة وحدك 
اقرب ماليك سابوك حتى ابنك اللى شبهك 
وحيد فى كل حاجة وحيد حتى فى نومتك 
بيقولو الوقت بيلهى بس ازاى يلهى اللى منك 

مع انك اب ليهم دايما خايف عليهم 
محدش فيهم فكر ان ابوهم مش ناسيهم 
و الكل ماشى بيلا نفسى و انتا مش لاقيهم 
حتى فى فترة علاجك كان دواك تشوف عنيهم 

البيت كبير حيطانو برد ومحتاج اى حد 
بيهد سد لكن انتو بتبنو الف سد 
ياما كتير حاولت ياما عنهم سئلت 
بس اتصلت وللاسف كانك ما اتصلت 

حتى اللى كانت صحبتك وعزوتك فى وحدتك 
مراتك حتة منك راحت و سابت حضرتك  
نفسك تفارق الحياة وتغادر فى ثانية 
ذبنك زرعت ارض لكن طرحت ارض تانية 
___________________________

اقرب ما ليك باعوك و انتا لوحدك نسيوك 
مش ذنب انك كبرت و انهم كمان رموك 
اقرب ما ليك فاتوك و انتا نفسك تفوق
ومش هيفوقو غير فى كارثة لما ترحل فوق 
 
______________________________


الوقت يمر وطعم الوحدة للاسف امر 
بيفوقت العمر زى القطر بس بدون مفر 
عجز و ضهر محنى و التفكير فى امور بسيطة 
كان نفسو يشوف عيالو ثانية فى اللحظة الاخيرة 

الاب بيتعب يوم فى التانى و الصحة فى النازل 
محدش فكر يوم يزورو كلو قال مش فاكر 
تعب و ربى و صلب ضهرو فجاءة بقى ناكرو 
لو ربى كلب كان احسنلو كان هيفضل جنبو 

محدش فيهم فكر مرة انو فى يوم يزورك 
وغصب عنك للاسف قاعد مستنى دورك 
بتقول اكيد مشاغل وعيالك دايما فكرينك 
دة بينكو دم واصل لكن للاسف رامينك 

يا دنيا لفى و ريحيهم كان اخر دعاك 
ومت وحدك جوة بيتك مين فيهم معاك 
ياريت تفوقو من كابوس الغربة باشتياق 
وارجع بوس ايد ابوك اللى كبرك علاك
___________________________

اقرب ما ليك باعوك و انتا لوحدك نسيوك 
مش ذنب انك كبرت و انهم كمان رموك 
اقرب ما ليك فاتوك و انتا نفسك تفوق
ومش هيفوقو غير فى كارثة لما ترحل فوق 
 
______________________________

04 اقرب ماليك باعوك ( Shams El - Deen )من البوم صنع فى الصين 2017

Ramy Donjewan - الغول

اغنيه جديده "قولى" Hatem ashraf بلاشتراك مع Gassour
كلمات: Hatem ashraf & gassour
تسجيل و هندسه صوت : Mahmoud Afifi &
تقد تتابعنا على :
AL3AREF2018©
-Contact
-Instagram : www.instagram.com/al3aref/
-Official Page : www.facebook.com/el3aref
-Twitter : twitter.com/Hatem_ashraf_
-Anghami : anghami.com/artist/1920636
-YOUTUBE : www.youtube.com/channel/UCMobkMN-M-blSQs2F5SjUSw

Mostafa Gassour/ Facebookhttps://m.facebook.com/Awl.El.Satr.Of...
Gassour instagram

جاسور اول السطر - غول Gassour awl -L satr ft. AL3AREF (قولي)

Oltelhum / قلتلهم

Mesh By7bona - مش بيحبونا

#الشمس_واحدة 
Egyptian Rap Artist

Bent ( Shams El-Deen ) بنت الحى العشوائى 2014

Shams Eldeen / شمس الدين

Recent comments

Marihan Zakaria

sahar_osama_saber

Bilal_soliman

7oouda

Related tracks