الفيديو كليب ولينكات سبوتيفاي وأنغامي
https://withkoji.com/@_Shams_

كلمات
أول ضربة جت عنيفة بالرغم من اني شفتها
كنت فاكر قبلها هأمن نفسي منها
قبل ما الحق اتنفس كنت اتخدعت في اختها
طعم الدم بين سناني وعلى لساني من وقتها

مت ألف مرة، الرحمة دايما بتفاجئني 
بزهد فيها، بهرب، مش بتزهق، بتسامحني
بتطبطب عليا بضحكة وتقولي معلش يا ابني
مش هسيبك مهما تحلف المرة دي هتفارقني

بتعجبني، مصدقها
بيني وبينها بتكشفلي في ورقها
أسرارها بتتنزل على القلب اللي داقها
وظهورها متمثل في شدة خفاءها

مش مهم تفهم، الأهم الإحساس
قلبي ومفتاحه بيقشر صدى الترباس
قلنا عقلك كان خدامك، مش بالعكس في الأساس
أمنله مرة هيفرج عليك الناس

أفكرك؟ كسرك
فسرلك غلط، خسرك
صورلك جنة، خدرك
بهدلك جسمك، دمرك
كبرلك راسك، صغرك
كدرلك قلبك، عكرك
خلاك بتهين سنين في نفسك وتدور على اللي يقدرك

بنقع 
ونكمل
من الخبطة
نتحمل
الحكمة
نتأمل
ونكمل
ونكمل

بنقع وبنزحف ونكمل
نتعلم من الخبطة ونتصبر، نتحمل
نتفكر في الحكمة من القصة ونتأمل
ونكمل ونكمل ونكمل ونكمل

بنكمل

شمس - بنكمل

The New Scene - Live Sessions VOL.1
(Live Acoustic) شمس - بنكمل

Follow Here:
- Instagram: https://www.instagram.com/shamsraps
- Facebook: facebook.com/shamsraps
- YouTube: https://www.youtube.com/watch?v=FvkpJsKqyls&list=PLLX8QpVyjRo9O5vytUquAzLyAm6KyeogG


Listen and Follow Here:
- Spotify: https://open.spotify.com/artist/0urzzDpOrfU4oRX6me2cgt?si=AdmNenG6SYa070hCfJCa0Q
- Anghami: https://play.anghami.com/artist/14578289
- Soundcloud: soundcloud.com/shamsraps

Shams - Benkammel (Live Acoustic) - The New Scene V.1 1

انت عارف إني شايف
النهاية اللي بيننا وعايز
بس اقوللك انت خايف
عيش في عارك ده كار كل خايب

في ناس بتكافئك على قد ما انت بتشبهها
وبتعاقبك علشان وجودك بيفكرها بموت شغفها
مركز في نفسك برضه بيشوفوك تهديد
لاهثين وراك بلسان مشقوق نصين بيقطر بالصديد

القبح موضة فالجمال شايفينه مسخ
طلبوا مني أدفن صوتي فيتسقفلي على النسخ
من نسخ من نسخ من نسخ من نسخ مالية السوق
موسيقى للخلفية خايفة لييجي يوم جمهورها يفوق

ويفهم فجأة إنه شاري الوهم والمرطمة
أدوار لبلطجية بتمثلها عيال محبطة
أمراض نفسية بتتمجد علشان تملى المحفظة
بيع الروح زي بيع الجسم في الحالتين يسطى شرمطة

فاحتقرني انا مرايا بتشوف فيها فقر قلبك
مع أمراضه في طور ضياعه مش بداهنك أو أجاملك
كل واحد فينا في سكة غير التاني وده أأمنلك
خد العرش من المهرج اللي قبلك ده لو قاملك

انت عارف إني شايف
النهاية اللي بيننا وعايز
بس اقوللك انت خايف
عيش في عارك ده كار كل خايب

ده مش دس أو فضفضة، ده مش ناتج قعدة فضا
ده حضور لصوت السين سنين هيعيشله صدى
لسة بقول يا هادي، شبط فيا كام عبيط
ضحكوني بخلط أخرق من الهجوم مع التقليد

واشمأزوا بعنف من الرباية والنوايا الصافية
لفوا اليأس في الچوبات، شربوها ولحسوا وراها الطفية
الفاظي منتقاه بحرص، مش بحكم القافية
لو تفيت في وش الذوق يا شاطر، سيبت ايه غير عافية؟

الاسلوب اختلف قرصة ودن ضربة قفا
عفا الله عما سلف بتصدق عليكوا الخفا
واللي ظاهر م المعاملة درس سايبه للمستضعف
حشر الجزمة في بق كل كلب جاي يستظرف

سهمي في المباشر وانتوا في الهمز وفي اللمز
بابتسامة صفرة في وشي مدورينها في ضهري همس
لمعوا في بعض كويس بس أوعوا تنسوا الدرس
مفيش نجوم هتبان في عز النور في حضرة شمس

انت عارف إني شايف
النهاية اللي بيننا وعايز
بس اقوللك انت خايف
عيش في عارك ده كار كل خايب

انت عارف إني شايف
النهاية اللي بيننا وعايز
بس اقوللك انت خايف
عيش في عارك ده كار كل خايب

شمس - مرمطة

كلمات و اداء: فرح شما
ايقاع: شمس

(لم تصدر تأشيرة دخول فرح شما الى المغرب، لأنها تحمل وثيقة سورية (و العياذ  بالله
و لم يبق إلا يومان على تاريخ السفر

..لا نسمع سوى صوت درويش و هو يلهمنا بسطرين عن السلاسل


منحت جنسية برازيلية
منحت جواز سفر و بطاقة هوية
منحت إقامة دائمة و بطاقة صحية
و بضعة أوراق عليها صوري الشخصية
مبتسمة قليلا لكوني الآن جزءا من أمريكا اللاتنية
و كل هذا و ما انتظرت كثيرا على أبواب القنصلية
و ما سألت شيئا عن اتجاهاتي السياسية
و ما سألت إن كنت سنية أو شيعية 
رحبوا بي في بلادهم كامرأة فلسطينية
قد نفيت من بلادها ومن ثم وعدت بحق عودة كاذب 
فقد فهموا القضية
فاعتبروني واحدة منهم
و منحوني بيتا على الشاطىء
أتأمل فيه أحوال بلادي المنسية
و مصروفا شهريا ألبي  به بعض احتياجاتي الشخصية
و ما قالوا لي إلا
"نرحب بك في بلادنا و نتمنى لك حياة هنية" 

ثقلت على لساني العربي حروفهم
إلى أن أصبحت أتقن اللغة البرتغالية
و كان يديق صدري  بي أحيانا 
فأنا الغريبة في هذه الغربة الأزلية
كطير قد قطع عن سربه
فبات يحاول اللجوء إلى أي سرب يقابله
في سماء بعيدة منفية
أويت في بلاد الغرب، ففي بلادي، ما كنت مأوية
تربيت على أيديهم و تعلمت و كان لي صوت في انتخاباتهم الرئاسية
و كتبت الشعر في مقاهيهم و ما خفت يوما 
من  حذف الكلمات و من الرقابة الفكرية  
أويت في بلاد الغرب و ما خذلت 
  فلا تلوموني إن ضعفت أمام أصولي العربية  
فقد أغلقت حواجز كثيرة في وجهي 
فقط لكوني لاجئة فلسطينية
فقط لحملي وثيقة سورية
أو جواز سلطة وهمية 
أويت في بلاد الغرب، فما رحب بي فيك، أيا بلادي العربية
فقد رفضوا لي الختم  
و بخلوا علي بأوراق،  فها أنا اليوم في غربة،  قد أصبحت لي منزلا و هوية
و ما زالو يكلمونتي عن العروبة و عن الوحدة
و عن أجداد كانوا يحتسون الشاي سوية
و أنا في البرازيل...مازلت محضونة، مستقرة، محمية 
لأنني منحت هذه الجنسية

أيا عربا في الشتات أسنرجع يوما
أم تحكمنا الأبدية
أيا عربا في السويد و في الدنمارك و في كندا و في النرويج و في فرنسا
أسنرجع يوما أم تحكمنا الأبدية
فمازلت في غربة أتألم
و مازال لساني العربي يتكلم
و إن منحت مئة جنسية 
ففي قلبي جنسية، شئت أم أبيت، عربية

Farah Chamma - The Nationality (Sunset Edit)

Mofta7 el segn


This song is about facing the things that are hard to face and knowing 

Verse 1 
صباح الفل على الكل قبل الحبايب 
بتمنى يومكم يبقى زي يومي رايق
حتى لو في وسط الصخب والرمادي
دفا الشمس يشق في الصخر الحدايق

ليه تتضايق؟ ليه تسيب الهم سايق؟
لو في أيدك حاجة اعملها متقلقش ع النتايج
مش بتاعتك، انت ليك ساعات مبنية من دقايق
والفرص بتعدي طايرة فوق الغافل للي فايق
دايق؟

شايفك ياللي مشمئز من التفاؤل
مش هجادلك بس هطرحلك تساؤل
 هل في يوم فكرت ليه بتكش وتهرب من السعادة
وليه بدلت في لحظة الضحكة والطفولة بالكئابة؟

هل ممكن مثلاً هي محاولة للحماية
من خيبة أمل قديمة خيمتلك ع الحكاية
بتشتي حزن عاللي فات وتنبت خوف من النهاية
وبتوهمك إنك برضه مش كفاية؟

اتحرك شوف الكون، قوم من النوم
عيش الدنيا يوم من غير هموم
اتحرك شوف الكون، قوم من النوم
عيش الدنيا يوم من غير هموم

اتحرك شوف الكون، قوم من النوم
عيش الدنيا يوم من غير هموم
اتحرك شوف الكون، قوم من النوم
عيش الدنيا يوم من غير هموم

لا في ورد بدون سماد
ولا في جاي بدون اللي فات
ولا في حب ما بين اتنين دايبين في بعض بدون عناد 
حمام الهنا مش بيبان غير ع المتعغر
واليسر جزء لا يتجزء م المتعسر

الوجع ضيف بيحل علينا لما ننسى
رحمة ماسكة في إيدها رحمة موهوبة لنا في روحنا نعمة
والقلب بيقسى م التركيز على اللي لسة
متحققشي برغم السعي ويكسرنا حتة حتة

ما بين الشرخ واللي جنبه نور متسلل
يضوي قلب يكسر دايرة سوء يجمل
عين بتنظر للحقيقة بزاوية قايمة جاهزة تخدم
على رواية جديدة بطلها قلب سجد لما سلم

الدرس جاي يتعاد وطلبه إننا نتعلم  
بيشجع اللي روحه حرة يقوم يتكلم
	من ذاق عرف ومن عرف اغترف
ومن اعترف أدمن ما عرف ولو اتألم

اتحرك شوف الكون، قوم من النوم
عيش الدنيا يوم من غير هموم
اتحرك شوف الكون، قوم من النوم
عيش الدنيا يوم من غير هموم

اتحرك شوف الكون، قوم من النوم
عيش الدنيا يوم من غير هموم
اتحرك شوف الكون، قوم من النوم
عيش الدنيا يوم من غير هموم

شمس - اتحرك

(@andeo-cb - إنتاج)

@yazenalasli المقطع الأول: الأصلي
تخيل انه كل حلمي اريد اعيش بعيد عن كلبشات الشاويش أغني و أكتم من غير ما انسأل ليش و عن الواقع قام تحكي عليش. منو يحكي إذا كل هاذا الشعب خايف خليك بحالك شكارك انت بهالسوالف؟ ولا شلون مو بعيونك انت شايف دهر بالقبر بس جوة ذلهم ما اضل اعيش حكيهم انا قرفت، دينهم انا عفت. كفروني و انا حوالين الكعبة طفت مصخم حظي كعربي شلون اجيب البخت يسألوني شكون الفرق استشهدت ولا عشت  استشهدت ثرت منشانك منشان تربي ولادك، ربيهم عل حرية و انك تفديها بحياتك  كل اللي اريده منهم يحكوا لأ وقت الغلط و يضلون ايد واحدة و تنطبق السما عل أرض

المقطع الثاني: شمس
فاكر لما مصر و سوريا كانوا بلد واحدة قبل الأسمدة المسرطنة و الأغذية الفاسدة  و الموظف الحكومي هواللي بيقولك شكراً قبل الرشاوي و قبل فوت علينا بكره  لما بحر اسكندرية كان لسة لونه ازرق و ابن الناس الشهم كان بيطلع اي حد بيغرق  فاكر لما عرفنا ضرورة التغيير؟ ايام قبل الثوره ما تولع في التحرير؟  افتكرت يناير لما الدنيا قامت مش هقدر افضل ساكت زي الناس اللي نامت  مع انه احياناً بنحس انه مش بايدنا حاجة و ان ولاد البلد فيها الخير و أصلاً مش محتاجة بس احنا المسؤلين ان احنا نحسن الأوضاع و نوقف هدر الدم و الأرواح اللي بتباع. يلا نتحرك و نفيد، سايبينها لمين؟ مش انا و انت الجيل الجديد ولا احنا ناسيين؟

المقطع الثالث: شمس و الأصلي
يلا يا سيدي مش لازم نحبكها يلا بكره الدنيا تروق و ربنا يفرجها
بأقلامنا بأبتسامتنا بكلامنا بمكريفوناتنا و انسى الناس المنافقة اللي هتطلع تكفرنا 
رح اكسر قيودهم امحي حدودهم اخلي صوت الشارع يطغي ع صوتهم
مهما راح شكون ما راح، راح يرجع يتعمر
وين ما كان انا إنسان و كرامتي خط أحمر
احمر زي النار اللي والعة في صدورنا و لما تهدى اخيراً نعرف نرجع زي ما كنا
مفكرين مثقفين طامحين نبني البلد نحقق امنية شهيد قام يشوف من جوة الأرض
أرض بلدنا أرض واحدة و السلام حق ولادنا 
قلمنا هو سلاحنا شعراء مو عساكر
تحت كفاحنا بسم الحب هنأمن مستقبلنا
و لما تنسا اللي صار آجي اقولك فاكر؟

Andeo شمس: فاكر؟ - مع الأصلي - إنتاج

شمس: صراع - مع براء إنذار

Prod: Big Moe - شمس: يا ريتني فلسطيني

بيقولوا الرزق عارف صاحبه
واللي يسعى بصدق يوصل
ييجوا عندي يقولوا حتى لو سعيت هتفشل
الا لو في نفس السكك اللي احنا بذكاء ماشينها
وف نفس ذات النفس برضه بيتشكولي منها

جننوني - مش انا متيسر لسبب خلقي؟
هيكلفني إزاي ويقوم ياكل عليا حقي؟
مش مقتنع، ولسة قلبي ع المستمع
خايض حرب مع مجتمع
حابب فنه فيك، مصطنع

ها.. مين ليه الشوق يدوق أحلامي
يجرب يتحمل لحظة من الحرب اللي في احشائي
من قزاز مفروش مكسر، شيطان مريد مستكبر
حاسد مريض مستكتر إن الشمس تشرق اكبر

نفسي أموت - بعد ما أعمل حاجة تدوم
كفاية تقل في عظمي بيمنعني اني اصحى من النوم
كفاية تعب مرمي بين عتاب مخلوط بلوم
وكفاية زعيق لنفسي بغضب وأنا بحاول أعدي اليوم

شمس شاعر، والشعر محض اجتباء
قشعر جلدك كلمة تخطف منك لحظة انتباه

عيش

لو الرزق كان بالحيلة كان زماني مت بدري
الدهر ثابت انا وانتوا اللي بنعدي
ولو الحب كان بالعافية كان زمان الكل اتحب
احضن سكونك تلقى ألف قلب وقلب
ولو الشهرة كانت طيرة كنت بإيدي خنقتها
ريحت باقي الكوكب من ريحة وزرها
دي الحقيقة عايش انقلها مهما كان التمن غالي
قالوا الملتفت لا يصل، دغري ماشي لا أبالي

ف امسك دي كلمة، حوشها لليلة ضلمة
دور بين حروفها تتحل المعادلة الصعبة
معرفش لو هتحس بالكهرباء بتحركني
بس ركز انت ف رتم النفس تسمع نبض قلبي
يا ربي! كلامي مش حبا في الراب
كل اللي اتمنيته راح قدام عينيا، داب
وقام متحور، متبلور ف صف بوابات
حارسهم كام مقشف متعنطز لامم دستة كلاب

ف قوم! قوم قابل حامل لقب مصري
الوجه الآخر للعملة اللي بتتزور من بدري
صيتي ذايع - جاي ألم اصوات وتوكيلات
اتحرك بيها في دايرة نورها يحيي جيل من صغره مات
الفتح نور، الحكمة طعم مش بالمعلومات
برغم أنف اللي بيدعي، برغم المسافات
برغم كل جهد بيتبذل بيتغطى عليه بفساد
نفض وشك م التراب وخد مع القدر معاد

لو الرزق كان بالحيلة كان زماني مت بدري
الدهر ثابت انا وانتوا اللي بنعدي
ولو الحب كان بالعافية كان زمان الكل اتحب
احضن سكونك تلقى ألف قلب وقلب
ولو الشهرة كانت طيرة كنت بإيدي خنقتها
ريحت باقي الكوكب من ريحة وزرها
دي الحقيقة عايش انقلها مهما كان التمن غالي
قالوا الملتفت لا يصل، دغري ماشي لا أبالي

Shams - لو الرزق كان بالحيلة

اسمع "اعترافات شاب حر" على منصات المزيكا هنا:
https://linktr.ee/shams.thepoet

Shams - اعترافات شاب حر

Andeo  شمس: فياجرا - إنتاج

اختصار للتدني الرهيب في ثقافة الراب المستورد
 Prod. Fresco Bangas

[المقطع الأول: ذو الفقار]

الراب بتاعي ممجد و الراب بتاعكو حقير
الراب بتاعكو جاهل و الراب بتاعي خبير 
الراب بتاعكو إسهال و الراب بتاعي عصير
الراب بتاعكو صغير و الراب بتاعي كبير

(Jahiliyya 2.0) شمس: أصغر أغنية راب في العالم

(@andeo-cb - إنتاج)
ما بدري.. لسة صاحيين دلوقتي؟
بيقولوا كبر مخك فوت عدي..  في عدو في نص أهلي
في قلب الحدث في كام شاعر واقف ضدي بيأدّي؟
و كام جرح خلّى لسانك بإبن المنفى متغدي؟
من زمان كمان وتر اتبدِّل، صدّى اتفتّل بالألحان
قفص اتكسر، ريش اتبعثر ليه نتكبر على إنسان 
عاش بره في غربة مُرّة، حاول مَرّة يمد إمتنانه ان المسافة مش بتخلّي الكل ينسى أصلُه

أصل غيره كانوا هربوا من نافورة نفط شربوا من البديهي يكون سكوته خام و قابل للإشتعال
نار غريبة، شوق يشده للقتال ضد ظلمة فكرة ظالمة قلبه
 متهماه بإن إهتمامه ببدلته سعر قميصه و جزمته نسّاه بإسم حرفته إن ولادته شبكته لإرض غارقة في الأحزان
و للفرح مطلوب مغني بقلب صافي مش جبان
مش بيدافع عن الغلبان بشير و كومنت و السلام
و نشوف كام لايك هتملى بطن متحاصر جعان
 تهد تجارة الأبدان، توقف غصب البنت على الختان
حوِّش فلوسك، مقاومة فيسبوك بالمجّان
ما ياكلش القرش إلا الحيتان

السماح فعلاً في كثير وقعوا ضحية لخطة تدمير الضمير بطعم الفودكا و العصير
تواكل بياكل خلايا مخ، يتفاعل يمسك سلاح و يطخ أو غلطة في مفهوم التيسير.
مثقف حُر؟ برضه أسير 
لبعبع اتسلق سريره قال ردد معايا، قول ورايا: اللي فيه الخير بيصير يلّا اتلف بالملاية
قلبت كفنك تربة و عفن.. أتكلم ليه..؟ مضروب كام مثل إن الأحب للنفوس ما تدوس راحتها في الكسل؟

:و ابعث تحية للشباب اللي إستاهلوا التحية بين حروفها ملحوظة
مش بس بالدم الضحية في أحياء في جبال القتلى في حرب نفسية داخلة برومانسية متخبية بإسم الحرية
تحمل راية بلا أعلام، تخدر جيلنا بالإعلام بحجة توحيد الهوية
و عقلية الضحية تفضح الخلل في النية، تكشف الكلل كلية، ترسم الجنة مادية

لست وحدي في إعتقادي صوتنا موت للفساد 
و لازلت أقف أُنادي: فليلطخ الحبر الأيادي! يطلق الشك يعادي لا مبالاة السبات بكسر شاشة العد التنازلي للدمار الذاتي

Andeo  شمس: عتاب - إنتاج

صحيت حران، قلقان، عرقان
نهر دموع للودان على مخدة غرقانة
نفس الحلم كل ليلة يحفر فيا و بدايته تايهة.. و نهايته منسية

رومانسية قوي الفكرة دي. ‏
في روح في ركن الأوضة واقفة هادئة تبصلي؟
أكيد دي هلوسات من كم الكيماويات اللي بتجري في عروقي لما ليلتي تنتهي 

سؤال أكون أو لا أكون بيفوّق و يغفّي
سيمفونية ضوء لمبات نيون بتنوّر و تطفّي
سجاير أغسطس بتغطّس، ما تكفّي
هتخونني كالعادة، و كالعادة هوفّي

قدام مراية وقفة ساعة و نص عدت
سنين تكش فجأة! دقيقة واحدة تمدد!
بتحدد إرادتي اللي اتهدت
اترددت لغاية ما اتمطّت و اتقطعت

كام شارع في المدينة فيه عروسه قلبي اتزفت؟
القيامة قامت بينا و حسابات قديمة اتصفت
الكرم جريمة لو ما فيش حدود اتحطت
..لمناورات عقيمة، لئيمة فيها العمر اتفتفت

طيب، قاسي، ملكي، تاجي
فارقة، هاجي، فاكر، ناسي
متوتر، هادي، ساخط، راضي‏
متأثر، عادي
فارغ، فاضي

‏مش طيب، مش قاسي، مش ملكي، مش تاجي
مش فارقة، مش هاجي، مش فاكر،مش ناسي
مش متوتر، مش هادي، مش ساخط، مش راضي
مش متأثر، مش عادي
..فارغ.. فاضي

طلعت البلكونة في ايدي قزازة اتغزل فيها 
كان مفروض ألبس و أنزل أعمل حاجة بس ناسيها
صوت في دماغي قالي أرجع، بس بكره النصيحة
فببرودي ردودي بتبقى للي يخاف علي قبيحة

طلعت، وقفت على السور، بصيت
على الحارة المنهارة من تاسع دور في البيت
"سألت الدنيا: "ممكن؟" قالت: "يا ريت
..غمضت و ابتسمت، ملت بجسمي
..و

شمس - الدايرة السوداء

زهقنا في عيشتنا من الكلمة اللي بتطلع منزوعة من الفكرة
لأجيالنا اللي بترضع من السم الي في حبرك
كرباجنا الي هيقطع الأيد إلى اتمدت و القرن الي بينطح
تفخيم الذات على حساب الي بيسمع استعلاء على الهواء أصوات  شمال بتلم حثالة المجال تفرغ فنك من الجمال
زبالة بطول جبال تكرار تفاخر بالعشاير و الجمهور بيقلع
اسمع
الفن وظيفته يجمع
رعشة شفايف تبتسم و عنين بتدمع
فأبلع لسانك قبل ما يوقع سنانك
ادمانك تعيد كلام
خلاص الناس بطلت تسمع

الموجة الجاية عالية نوة فقلب اسكندرية
هتقل لبسي لما تعدي و آقف  فيها رافع ايديا
البرق يضرب في الصوابع يجري في أرض مستنية
أمر من السما للخسف براب البلطجية

الثورة على الجهل 
الثورة على الكسل
الثورة عل الانحطاط
الثورة على الخبل
بطل تسمع و تجامل
و تصقف لرابر سافل
علشان عايز تشحت فرصة
تدخل وسط فني فاشل
اشرفلك تمشي لوحدك و لا تبيع في يوم مبادئك
أوعى تصدق أن حد في دول بنية صافية يساعدك
كله بينهش لحم بعضه و اسئل الف واحد قبلك
نور عقلك شق السكة للي بعدك


مجاري اسكندرية طافحة الريحة فايحة
من احتلال ثقافي طاغي طافي عقولنا الرايحة
التايهة في التفاهة
فبنستورد السفاهة و بنتفنن في القباحة
رابر عاهة يوّلد عاهة نغوط اكتر في المتاهة
ياللي بتتغوط في الساحة ضيقت بقرفك المساحة
خدلك استراحة
بتحزق ليه عل تراك بالراحة؟
ادي وودانا شوية راحة
فن بجد فترة نقاهة
كفاية  ذبح في الفصاحة



الدعوة عامة لكل شاب و بنت ليهم فكر
ليهم روح ليهم عقل ليهم نور و ليهم حبر
نوقف صف واحد ننسف أكوام الهبالة
و نشكل مستقبلنا  بالإبداع  و بالأصالة
و الفن يقدم الخلاصة يلعب انزه دور صحافة.
نطهر أرض بايرة و نبدأ نزرع على نضافة
عندي حلم اسكندرية اخيراً تقضي عل سخافة
ترجع تاني منارة علم و أجمل منبع للثقافة.

الثورة على الجهل
الثورة على الكسل

الثورة عل الانحطاط
الثورة على الخبل
بطل تسمع و تجامل
و تصقف لرابر سافل
علشان عايز تشحت فرصة
تدخل وسط فني فاشل.
اشرفلك تمشي لوحدك و لا تبيع في يوم مبادئك
أوعى تصدق أن حد في دول بنية صافية يساعدك
كله بينهش لحم بعضه و اسئل الف واحد قبلك

نور عقلك شق السكة للي بعدك

شمس - Shams

Popular tracks