الحدود | تأليف/أداء إنتاج.شعراب

All the beats are produced by Bu Kolthoum

The album is mixed by Al-Nather and Bu Kolthoum

Mastered by " Al Nather "

Artwork by " Ahmad Barqawi "


14 - Owm Wselna Part 2 | قوم وصلنا (٢)

شعراب - الشقشقية

لاجئ و يعيد
كلمات و أداء : ابن حواري
إنتاج : الراس
ضبط صوتي : الراس
من آلبوم تراكم | خروج إلى الداخل
2017
الكلمات :


شفتك مشيتي و قلبي لسا واقف شايفك
بقلبي رغيف خبز و شفافك لقمة بايتة
 مخبي نبضة بتطلع مع آخر برميل
كبتنا مكة خيتا حوتنا برلين 
بحسك نسيتي بإيديكي المجازر أساور
صرت أغير لهجاتي حتى الحواجز أناور
كنت أخاف أفقد ملامحي , و ما يعرفني أبوي
لما أطلع أشوف وجهه أرجع أموت
أيا تابوت بيسع حلمي بأني أصل لقبره   
أديش فيكي تكوني دافية وأديش فيني لسا أبرد 
كل الماتوا حلق بأدنيكي حطيون
كل يلي بقيوا بدم يلي ماتوا انقعيون  
نمتي منيح  فتحتي عيونك على جروحنا
فقنا ببلاد تانية فكرنا الهجر عالج روحنا
أنت كذبة كبيرة إلا لما تكوني نحنا
و نحنا منبقى نحنا وين ما رحنا
إلي فيكي أهل ما بدي منك زينة
و أول ما أرجع رح أحرق فيني الياسمينة
أنت الآس دينك صار الآس دينك 
بجرب لمك لقلبي بتخطفك إيدين القاسمينك
ضعت جواتك بحر و قلبي مرسى
كل مرة بلاقيكي فيني برجعي فيكي بغرق
بدور ع حالي وين 
بتطلع على أصابعي بلاحظ الشوارع عم ترتب حالها بيني و بين 
الحارات يلي عم تهدد حالها بإنو تبقى 
بلاقيني بحيطان هدت حالها حتى تبقى 
ليكي حتى لما عريتي ولبستيني انا نقصتك
يما حارتي هي مشاعر متل الكعبة انهدت
كل الحدود مبارح شفتها وقعت على شكلها
سياج عالي من الأضافر عم يحك بضهر الملجأ
و لسا ما نشفت ملامحك بس بكل أيلول بتضعف
روح أسأل خصر البلد ليش ع هزنا كتير استدمى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
أنا عجقتها كتير تبقى ذكر المطارح تبقى
ع جنبها بقيت ابن وحيط و تختي مسند ضهرها 
عجبتها هيك , قالت يعني ك سما ما بتوقع
و إذا أكلني الموت من ملامحها يلي بوجهي بصحى
بشيل عني همي على كتافي ناتع ولد
نادى أمه قلها بحبك قالتله حبك بلد
بكره الموت يلي حب خالد أكر
بس بتذكر أديش كنت حب أديش خالد قتل
بحب أسرق منك صورة ومن الحكومة كهربا
بحب وجوه الناس طقوس و زخة المطر بكرهها
رح شوفك بكرة ها ! جيبي معك مقروطة
بحب الحلو بس تضحكي و بكره يلي قتل الغوطة
بحب كيف كنا نخبي كل حديث بأضيق حارة 
و بكره كيف الزنازين ضيقة متل الحارة
أنا ماسك  قبلة خدين , بصلي عالقلب مرتين
كل ما يقولوا لك هرب , قولي صارت العودة حقين

05. لاجئ و يعيد | إنتاج الراس

شعراب ويدخن

SEFR001

في البدءِ | شعراب ويدخن

و الحديث يطول
من الآلبوم القصير "كليم"
كلمات و أداء : ابن حواري
إنتاج : ووردنكلف
@wardenclyph

لأحمد و علي و آخرين
الكلمات :
كل البواب أسامي ناس بوجي تركوا بعض
حبوا بعضون يمكن , بس حبيت بملمحهم القلق
استنيت حالي بحالي لحتى صار الوقت غُرَف
و صرت ع شاطئ اللقيا أحب ألملم صُدَف
هاد الوج مألوف بس الشارع غريب
ع رصيفه بسطة حروب عم تبيع الطريق
بطريقة هادية هون ما فيك تاخود موقف عنيف
لأنو ما بتسعفك الحروف وقت توقع جريح 
تخليت عن موقف ؟ لأ بس خسرت إيد
سندت قلبي لما يجرب يوقف احتراما للنشيد
و أخد معي الموضوع وقت اكتر من كافي
لحتى لاحظ إنو الناس الجنبي غير العلى كتافي
و إنو الحارة الما عم تسعني نفسها العطتني نفس
و الجنازة الما مرقت من جنبي أبي فيها اندفن
تمسكت أكتر بالترك و انو لازم ما أتعود 
قام صار الوقت يدوب و ما ألحق أحمل همك
و بروسنا انا و علي بتذكر حررنا قلوب
من ظلم و فقر و تعب و بتذكر حررنا بيوت
من فقر و ظلم و تعب و بتذكر كسرنا حدود
و آخر مرة أنا وعلي بتذكر حللنا نروح
و صارت الوجوه حدود كل ما شوفها أتجنبها
و الحارة كانت تساعد بكل دخلة عم بدخلها
و الوقت ضل يدوب و الجنة عم برسمها 
دقايق مع قلوب الناس يلي لسا عم دق إلها


ألو , ما في حرارة 
و الصوت البين الصحرا و البحر تركني و سافر
ألو ,
الشبكة ضعيفة  
و قلبي بحر علقان برتم موجة خفيفة
ألو , قلتلك ما بدي أحكي معو , صدمة 
 و حديث قصير عن اديش فينا نكمل
ألو
 و الحديث يطول 
عن اطول صمت بيقدر يعمله هالتلفون

And it goes on | والحديث يطول

Shi'rap/ Smokable /Monologue
Written & performed by Shi'rap
Mixed and mastered: Smokable
Arkwork by: Mojo


"جلّي ظلام الليالي"

كلمات

المقطع الأول:

شُق قلبي.. قُطعت أوصالي..
واقحلت فصولي
لم أجد عاماً جديباً 
مثل عامي
أتبعُ الحسرات فيهِ 
خلف حبٍ في أفولِ 
قلتُ يوماً سوف يمضي
صار عاماً في فضولِ 
أنبئني كيف أزمعتي وداعي 
ألم تراعي إلى ذراعي 
غداً تعودي إلى حقولي 
ألفت شعراً كتبتُ لحناً 
قسمتُ فوق جلدِ الطبولِ 
لما عصمتِ القلبَ عن حبي القتولِ 
ها تذكرتُ لتوي 
لن تراعي السؤل مني أو قبولي 
أشب صدأٌ في فؤداي وانتويتي أن تقولي
حلمتُ فيكِ فلم أجدكِ 
بعثتُ رسلي أنزلتُ وحي ألم يصلكِ ؟!

المقطع الثاني: 
كيف كنا كوكبيبن اقترنا
ماجا بأنوار الدجى وافتتنا
غاصا بأسحار الهوى واؤتمنا
عبرا بأقدار وفيها أمِنا
كأنا كنا ودعين دفنا
هلآ فرحتي صارت روحي وثنا
يا غيم ربي وشرودي وانتباهي 
واعتقالي خلف جاداتِ شفاهي
وامتدادي الكوني في وقتِ الزوالِ
وامتثالي حينما يفنى مآلي
فهيا ترنّي عليَّ بمطرٍ 
وجلي ظلام الليالي برعد 
أشمُ رفات القصائد 
أُحشِدُ روحي لفرحٍ يعجلُ سعد

مقطع مونولوج: 
شوف الاشي كان 
في مدينة مش مدينتي 
وبيت مش بيتي 
بعمل قهوتي بحرك فنجاني
بنفتح الباب بلف وجهي بشوفها 
هاد حلم؟! 
عقلي بحكي شو بتعمل هون؟! 
وال شو متغيرة!! 
ست سنين خلوها مرأة امرأة
صبية كأنها غصن اخضر 
عليه براعم زهور فواحة بالعطر
ساعات طويلة وأنا بطلع بعيونها 
أحساس غريب بجتاحني غير مألوف
ما كانت هاي النظرات اعجاب بالجسد
نظرات غير مفسرة 
بسمي تواصل روحاني

Shi'rap X Smokable (Ft.Monologue) "جلي ظلام الليالي"

(.... يتحّد الرأس و الفرع للوصول الى الجذور من خلال حرف الميم)
الفرعي و الرأس 
في: ميم

من إنتاج الفرعي و صوت و صورة

التسجيل و الهندسة الصوتية الجهاز

شكرا للأخ علي على الغرافيك

Verse 1: El Rass (Lebanon) Verse 2: El Far3i (Jordan)
Joint production between El Far3i and DJ Sotusura
Recording and Mixing: El Jihaz
...MeeM..means the letter M in Arabic..

DJ Sotusura:
http://www.facebook.com/pages/DJ-SOTUSURA/150429751410

El Rass
http://soundcloud.com/el-rass-the-head
http://www.facebook.com/mazen.e.sayed.3?sk=info

El Far3i
http://www.reverbnation.com/elfar3i
http://www.facebook.com/A5ook.El.Far3i

El Far3i & El Rass- MEEM (prod. El Far3i-DJ Sotusura) ميم

إلـ حاد وغرض شعري | اقزامٌ طِوال | Prod by "Rik.Ronner"

مكسينغ و ماسترينغ : الشلش 

https://instagram.com/shalash_or_chalch?igshid=tikh3mdmndk5





2020

ضلي/dalle

تصميم الغلاف: Bin AL-Na'eb

الكلمات:
ليش لنقدم حسنى.. تقدموا كشرة
يا سيدي فشرت..
العيشة كلها بتسوى قشرة
ولو جرة بتوقع بسندها انا بحصة
أهكذا قال زارا أم قال عشرة
أبيعُ قول القائلين
ووعاظاً للسلاطين
وساسةً ودهاقين 


صباح الخير
ربي افتح عين البصيرة
برأسي ببرد او بهجير
لأن المعلم رباني
بس رباني ضرير
بس مزقني الصرير
لأني مبتلى بسجاني
بمجتمع طلب أشجاني
من طرف عتب ديانة
من أوتار لمظفر
إلى حبي الأخير
من قصائد تحك
الليلَ في هُدب ثيابي
من أفكار تنوس
كالباعوض والذبابِ
وأقر في الدروس
هذه المرة وجب التيمم
لا الوضوء
لله العظيم الخالق
أقدم اللجوء
إن  لم تمشي
في صحراءَ
لن تجتنب الحروق
تحية طيبة وبعد:-
مش قادر أشوف!
أي صدق أي وعد
أي عهد أيا سعد
أي بخت
بالموضوع!
مش قادر أشوف!
فعيني كبت
على تخت
اتمنى اعيش الزهد
بس شبعني من الجوع
وهيك بعتني بالأصل
ليدوملي خضار الفروع
آخر سطر كان دعاية
فبدور على نفوذ؟!
كنا صغار وبنستحيش
وكله مضى وعلى فشوش
مشكلتي اني كتوم
مثل عبطة الجاثوم
وأنا ملول ما بدور أبدًا على حلول
ما عمري افلحت بكورة
ولا دومينو ولا غلول
طول عمري على الصراع
مفتون برب النزاع
تعى نغير الموضوع
واجم في الرياضيات
أفضل من يقرأ نصوص
لدي اليقين الآت
حين أكتب الأشعارَ
أسبق الرباعيات
إن مللت يومًا
فورًا أبدعُ السيمفونيات
فالخلاصة..
راح بحبك أنا لاعيش
راح بحبك أنا لاموت
من خلف العتمة بالغار
من خلف خيوط عنكبوت
ما راح بكيكي عالنار
رايح أقدسك كالمجوس


في فمِ السياسي الحاذق عشش العفن
في عينه تكبر الفكرة وحلم الوطن
أقول ما رأيتُ في عينيهِ إلا الوسن
يا حبذا يسرقنا 
بأناقةٍ يذهلنا 
بأناملٍ يسهدنا 
هو الذي ينشلنا 
جيوبنا بيضاء مثل الجُبَّةِ والكفن 
لا أنتَ سيدي ولا أنت  مؤتمن
قف للسلام الوطني قف للعلم
نعم.. سنقف يوماً ومن بيننا الزمن
حين يُكتبُ التاريخ
سوف تسقطون فوقكم نصب تذكاري
هذه الأيامُ مسكٌ.. صندلٌ
لكنكم من بعدها ستطفحون الكاري 
 إمبرياليون.. ليبراليون.. أو شيوخٌ أو كرادلة
لا تصدقوهم كلهم ركابٌ لنفس القافلة

Shi'rap X Smokable (Ft.Monologue) "جلي ظلام الليالي"

شعراب | Shi'rap

Recent comments

زُقاق | Zoqaq

krym

Aphro

Rawzay | روازي

Related tracks