medo y 7alyooot 😂😂 3ach y kial 👍👍

الموسيقى جميلة ، الكلمات محتاجة شوية شغل ، يمكن عشان انا كييف فصحى ، الأداء ممتاز 

mixing & mastering : mohamed maged "MMbeats"
Lead guitar : Sherif elkial
lyrics : Glal elbhery
vocal : omar
cover : mina fathallah
**lyrics**

بكتبلك
من اوضتي اللي في بيتنا
ببتعتلك علي اي مكان
يتمني في سري انه ح يوصل 
علشان مش عارف عنوان
يمكن امريكا
أو في الصين
أو خيمه في روسيا في وسط التلج
يمكن في البوسنه
أو برلين
أو جنب محطة مترو في خط المرج
يمكن في مجاهل أفريقيا
يمكن في البيت اللي ورايا
يمكن في مخيم 
في فلسطين.
أما بعد..
انا زعلان
و معبي كمان منك ع الآخر
لو شوفتك حالا ح اتعصب 
و اتنرفز جدا و اتكهرب
و اتداري في حضنك في الآخر! 
...
واحشاني يا غاليه
من يوم ما قالولي انك جايه
و انا يا اسمك ايه عمال ادور
و الاقيها و اقول انك هي
ف اتطمن و أفرح و أقرر
أديها حاجات اصلا ليكي
و أدور في عينيها عليكي
تطلع في الآخر ولا حاجه
و مجرد واحده بتشبهلك
و بتاخد من حقك حته!
بتخربش في ضلوعي الحاجه
و تفصل أحلامها بإسمك 
و تكسر صورتك ميت حته!
..
يا حبيبتي تعبت من الأشباه
و ملامحك ف الزحمه بتبعد
القلب بيشبه عيل تاه 
و الحلم اللي وعدني بيعند
ف تعالي بسرعه يا إسمك ايه
دا الفاضل في ضلوعي قليل
مش عايزك تيجي تلاقي خلاص
و ارجع اقول بخت و ميل!
و ختاما يا ملاكي أنا بكتب
ببعتلك علي اي مكان
يتمني في سري انه ح يوصل
علشان مش عارف عنوان

^^

Comments

Nada hellmy

Youseif Ayman

Shareef Bassiouny

Saad Emaad EL-Deen

Mohammed Ahmed