favorites

إذاعة الجمهوررية  العربية المتحدة  من القاهرة  
~~~~

أول كلامي سلام
وتزققيني الكلام
أيام في حضنك أنام
يا مصر يا أمنا

وأطلع في نور الأدان
إذا دعا الوالدان
المدرسة.. والميدان
الأنسانية هنا

~~~~~~~~

من نور الخيال وصنع الأجيال نقدم هذا البرنامج عن تاريخ القاهرة

أشعار :  فؤاد حداد
ألحان وغناء : سيد مكاوي
 
يا سامعين  أبناء بلد واحده
تحت السما الواحده وجيل بعد جيل
القاهرة  قالت  وقولها  الحق
أشهد بأنك يا ابن آدم جميل
بانى البيوت  على بعضها  بتميل
فى الجو ريق الإنسانيه يسيل
شفتك  بتمشى ونظرتك على فوق
ودايرها  زغروطه وحطب وغسيل
شفتك يا سقا مالى  ماء النيل
شفتك منادى وشفت خطافك
من سوق لتانى لألف ليله يشيل
شفتك  بطبله وناى وزماره
حتى بأماره زادت الشخاليل
شفتك تقلد   ضحكة  الهتما
أيام تبيع  العطر والمناديل
شفتك يا جندى بسن رمح طويل
شفتك يا شيخ الفضل يا عبد ربه
فرحان بالاخضر والنسيم العليل
شفتك يا حاج وانت راكب جمل
زى الهلالى وحَبّه  طلت النخيل
شفتك يا فارس يا غنى يا أصيل
شفتك يا سهار النهار بالليالى
يا منحنى وماسك دولاب الفنون
بقانون تقسمنى
والبسط ترسمنى
واكبر تسمسمنى
وأتوه تجيب لى دليل
ولمّا عرب الصحارى عمروا الحاره
وأصبحوا فى الغرام ع السطح بحاره
شفتك يا شاعر تنشد المواويل

**
شفتك وانا طاله من المشربيه
تشبه فى رايحاتك وجايّاتك
إلف الحمام له غيه فى التهليل
يضرب بمنقاره على  الجؤجؤ
خفيف وتقيل
شفتك وجاتنى من العيون مراسيل
سَمّعنى سجع هديل
وتعالى قول لى إن جفنى كحيل
ولا يستحيل
من ألف عام أرجع على نياتى
من مشربياتى إذا طليت

***
طليتِ بشعور البنات الحور
يا فجر متكحل بليل مسحور
انتِ اللى حنّت لك جبال وبحور
الوعد وبياتك
فى مشربياتك
ريحة ماورد وجنّه يا قاهره
غاوى القمر  واللى غوى يشفيه
صوتِك يلاغى والغوايش فيه
طَمّنّى قلبك انى عايش فيه
وشكرت  آياتك
فى مشربياتك
ريحة ماورد وجنّه يا قاهره
شباك فى بيت مؤمن وقلبه دليل
نوّر لى بالسهريه والقنديل
أمشى القيراط اللى سقاه النيل
واسمع حكاياتك
فى مشربياتك
ريحة ماورد وجنه يا قاهره
غمضت عينى وعشت ألف ميعاد
وفتحت عينى وزاد معاى الزاد
كنت الولد وصبحت ابو الأولاد
ما دريتش وحياتك
فى  مشربياتك
ريحة ماورد وجنه يا قاهره

***
حبيتك الحب اللى عمره سنين
متّعت عينى  وما انتهيتش حنين
كل اللى عاشوا فى حضرتك حلوين
والأحلى جاياتك
فى  مشربياتك
ريحة ماورد وجنه يا قاهره

**********
يارب تشفى الصدور

يارب توفى الأمهات الندور

يارب تمنع عن ولادنا الويل

زاحفين على السواحل سلاسل نور

والبحر من دمياط يحيي السيل

واترتبت ع الخطوة رجلين الشهور

والصبر أملك من عنان الخيل

حتما على قدام وحتما ندور

والحصن فى عكة عظيم الليل

يلقى الآذان بيشق فوق السور

الحق ياولاد العرب منصور

فى كل أرض اتكلمت عربى
.
**********
الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض ..الأرض .. الأرض

الأرض بتتكلم عربى
الأرض بتتكلم عربى ومن حطين

بترد على قدس فلسطين

أصللك ميه وأصلك طين

الأرض ..الأرض .. الأرض

الأرض بتتكلم عربى

الأرض بتتكلم عربى سبل وكروم

تجرى اللقمه على المحروم

ما تثبتش حصون الروم

الأرض ..الأرض .. الأرض

الأرض بتتكلم عربى

الأرض بتتكلم عربى ياخيال

بيعد سيفك أم عيال

ظهرك ياما من الأجيال

الأرض ..الأرض .. الأرض

الأرض بتتكلم عربى

الأرض بتتكلم عربى ولا ترتاح

واصل كالسيل المجتاح

فتحك ياعبد الفتاح

الأرض ..الأرض .. الأرض

الأرض بتتكلم عربى
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور





 

من نور الخيال وصنع الأجيال في تاريخ القاهرة | سيد مكاوي وفؤاد حداد | من تسجيلات الإذاعة

يسمعني حين يراقصني - ماجدة الرومي

جاءت الموزه تمشى فى حياء وشموخ .فالتفت وزاغ بصرى قلت ماهذا الصاروخ.يابت انتى حبه قشطه وحياتك يادى النعمه ان انتى حبه قشطه ومفيش فيك أى غلطه كلما مرت فى حطه ثارت الناس تدوخ جاءت الموزه تلعبو فى الشمال وفى اليمين جاء يمشى خلف منها خمسه سته شمامين قالو هى فين واحنا فين قولت ياموزه رفقا بالعيال التعبانين.ايتها الموزه الجامده انى اهواك بشده وحياتك يادى النعمه إنى أنى باهواك


قصيدة ايتها المزة الجامدة

وافى ربيع فمرحبا بهلاله .. قد أقبل الإسعاد فى إقباله
شهر به سعد الزمان فحقه .. أن يزدهِ شرفاً على أمثاله
ما ازدانت الأعياد إلا أنها .. جمعت لزينتها بديع جماله
لما بدا فى الأفق نور محمدٍ .. كالبدر كالبدر فى الإشراق عند كماله
واخضر وجه الارض ليلة وضعه .. وانهلّ كل الغيث باستهلاله
نشر السلام على البرية كلها .. وأعاد فيها الأمن بعد زواله
وأقام شعبا عاش طول حياته .. متخبطاً فى جهله وضلاله
ما زال يسقط في مهاوي شركه .. ويذوق طعم الموت من أهواله
حتى أتته من الرسول هداية .. فكّته بالتوحيد من أغلاله
لا تحسبوا بالبطش قوّم شعبه .. أو قاده للحق فوقُ قتاله
أخلاقه غزت القلوب بلطفها .. قبل استلال سيوفه ونباله
ما في البرية قط مثل محمدٍ .. في حُسن سيرته وسمْح خصاله
يا أمة الهادي أقيموا شرعه .. وتمسكوا بحرامه وحلاله
وتعلموا منه النضال .. فإنما كل النضال الحق سر نضاله
قرآنكم فيه السعادة كلها .. والعزّ - كل العزّ - تحت ظلاله

لما بدا في الأفق نور محمدٍ -  النقشبندي

لعلمك انت سميرة سعيد

خلاصة البنات

اسكندرية -عمر خيرت و ايمان الطوخي

ياعيون يا مغرباني - ايمان الطوخي



من كلمات فؤاد حداد

لحن و أداء سيد مكاوي نستمع للمسحراتي

الأجر نور

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى
منقراتى
فى طلتى
بطبلتى
من جنب شارع
لجنب حاره
كان نجم والع
زى الشراره
من البخور
الدنيا حلوه
والريحه أحلى
سمعت غنوه
ورجلى نحله
فضلت تدور
وفى طلتى
بطبلتى
من حى ريحنا
لشيخ قريب
قال يا ابنى احنا
عملنا طيب
والأجر نور
خيالات صداقه
تسرح فى عينى
من ألف طاقه
بينكم وبينى
يا اهل الندور
وفى طلتى
بطبلتى
م الحاره د كها
للحاره ديه
سمعنى ديكها
أدان هديه
يا شيخ سرور
الديك دا صايح
لازم نصحصح
اسمع نصايح
الى نصح صح
فى السحور
المشى طاب لى
و الدق على طبلى
ناس كانوا قبلى
قالوا فى الأمثال :
“الرجل تدب مطرح ما تحب”


و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

أنا قلبى غاوى اللبان والجاوى بخرنا
ياطيبة الاسم يادلنجات وبحرنا
ولقبلى أسيوط فؤاد مبسوط وسحرنا
حنية الليل قطعها الجرح ياولادى
لما سمعنا المنادى ما تأخرنا

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق


المسحراتي - سيد مكاوي - فؤاد حداد

إسكندرية الصبية ..بنيِّـة امبارح
أموت فى عودها السِرِح..وف رمشها السّارح

شِرح هـواها ..وشعورها..شَـبك وليل طارح
ع البحر..والبحر فى ننى العيون بارح
دى إسكندرية عروسة بحرها المالح

يا إسكندرانى.. يا بستانى فى جناين الريح
يا قانى جواك سما..وشمس..وغنا تباريح
أحلى ما فيك يا وله..إنك جدع وصريح
وطيب القلب ..تضحك..حتى وانت جريح
وان عاندك الموج..تداديه انت وتصالح
دى اسكندرية عروسة بحرها المالح

يا اسكندرانية ..يا مِياسة محنيّة
يا بنت بحرى يا ساكنة قلبى وعينيا
فى الحرّ..ع البرّ تجرى..مستأنية
يرشك البحر ميّة..ترشي حنيّة
على وشِّى..ويصيب حشايا سهمك الجارح
دى اسكندرية عروسة بحرها المالح

اسكندرية الصبيّة - حنان ماضى

دامت لمين - محمد رشدي

التحميل من هنا   :) 
http://www.2shared.com/audio/HeF6eHAq/pearl_of_dream.html


Pearl of dream

ثلاثى اضواء المسرح بص شوف مين يا وعدي


مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبيه
يا بهيه

مصر ياما يا سفينه
مهما كان البحر عاتي
فلاحينك ملاحينك
يزعو للريح يواتي
اللي ع الدفه
صنايعي
واللي ع المجداف
زناتي
واللي فوق الصاري كاشف
كل ماضي وكل اتي

عقدتين والتالته تابته
تركبي الموجه العفيه
توصلي بره السلامه
معجبانيه وصبيه
يا بهيه

مصر ياما يا بهية

ليالينا- وردة

 ونسيت مواويلي بقيت انت لوحدك موال ..

1967  محمد رشدي - كعب الغزال

محمد رشدي - متى أشوفك

منى عبد الغني_يالا يا اصحاب من البوم حبينا 1989 جودة عالية

favorites

Sherif Ezzat