حاقولك ايه
 تسجيل من حفله للفنان احمد الحجار بساقية الصاوى 
كلمات الشاعر الرائع ابراهيم عبد الفتاح
الحان وغناء الموسيقار احمد الحجار 
الكلمات
حقولك ايه اذا كان الفراق امرك حاقولك ايه 
ولو ليلى بدون قمرك حيحصل ايه 
لا حاسهر ليل ولا استنى فى نارى واسيبلك الجنه 
ولا كان الطريق جمرك راح امشى عليه  حاقولك ايه 

كان يصحى شعورى وحنينى اللى كان 
كان نفسى بيكى اصالح الناس والزمان 
والقى الامانى بتبتسم بعد الجراح 
يطوى الليالى وبردها شمس الصباح
ويهل فجرك بالامل فارد اديه 
حاقولك ايه 
لا بشتكى ولا بندهك ولا اى شئ
ولا عدش لسه مصدقك قلبى البرئ
لا طريقى تاه ولا فرح ايامى اختفى 
والشمس لسه بتغمر الدنيا بدفا 
والماضى مهما يكون الم قادر عليه 
حاقولك ايه

أحمد الحجار - حاقولك ايه

غروب 
غناء الراحل عمر فتحى 
من كلمات الشاعر الكبير عبد الرحيم منصور 
والحان الموسيقار محمد الشيخ من البوم عمر فتحى ايام 
الكلمات
بيرجعوا الصغار للديار
ويقلعوا هدوم النهار
ويرجع الطير للشجر
بيتولد لسة القمر
وانا تحت عواميد الدروب
مليان قلوب قلوب قلوب
والناس مروحين
بستنظر الغروب 
وأدوب أدوب أدوب
أدوب ويا الغروب 
وحيد كما ورقة خريف
الريح مرحمهاش
حدفها بعيد
وحيد كما أنى طفل يتيم
فى مواسم الأعياد
من غير عيد
وحيد زى المدينة
مسهمة وحزينة
بلا مواعيد بلا مواعيد
وعلى الطريق جاى المسا
يا حبيبتى ايه اللى أتنسا
بينا ميعاد من غير ميعاد
يا هلترى نسيتى الميعاد

عمر فتحى - غروب

2006 الحب والسلام  الجيل الثالث 
عصفورين 
من كلمات الشاعر احمد يسرى 
والحان عمرو جلال 
توزيع الراحل الكبير نييل البقلى وفريق الحب والسلام
من البوم الحب والسلام الثالث : بعد سنين انتاج 2006
الكلمات 
لما الطيور تطوى الجناح
قرب الشطوط ترتاح
عصف الرياح بيهدها 
ويلون الريش بالجراح
حتى الطيور ممكن تخاف من البراح
مشهد جميل شفته ياما فى الصباح
عصفورين بيلقطوا ورق الشجر وبيبنوا عش
شيى مؤكد مكنش فيه بينهم خداع ومكنش غش 
الوطن راحة القلوب
 لو مبنى طوب او مبنى قش

فريق الحب والسلام - عصفورين

حسن زكى   
على عوده فى قعده خاصه 
فى صحبة الشاعر الكبير سمير عبد الباقى
من كلمات الشاعر الرائع حسن رياض 
الكلمات 
اللى اشترى منك ما وزنش 
 فما تحزنش ولا تشكيله
مع ان الاحزان بالكيلو 
 او يمكن ربك ما اذنش
اللى اشترى منك اهو باع  
ليك فى العشق وليك اتباع
ليك فى الجرح ليالى وباع
 .. فما تحزنش ولا تشكيش
على اهون اسباب ما تجيش 
.. او على اهون اسباب تيجى
مركب وبترسا فى خليجى
شايله الزينه وقلبى ما زنش
فما تحزنش ولا تشكيله

حسن زكى - اللى اشترى

الشاعر هشام الجخ
 متزعليش 

متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو

كل أصحابك عابوه
أهو غار في داهيه
وبكره يركع تحت رجلك سيد ابوه

بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟

بس كان بيبان عليه
لما اسمك ييجي في الكلام 
تلمع عليه

بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش

مين كان يقول إن النهايه تكون فاشوش ؟؟

أنا لسه فاكر وقفتك وسط البنات
فاكر هدومك وابتسامتك والكلام
حتي السكات

لو كان فراقنا صحي فيكي كام وجع
أنا كل ليله بتدبح من الذكريات

أنا عندي ركن بحط فيه كل الحاجات
كل القصايد والألم 
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش

أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت

حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش

الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش

وإن جم قالولك إنه مش باين عليه أثر الفراق

متصدقيش

هشام الجخ - متزعليش

انا عارف ان فى ناس كتير قاعده لوحدها النهارده 
بسبب قلب انكسر او اتهجر للناس دى وللحب
 انا بهديهم الاغنيه دى عشان يعرفوا ان 
 مفيش ياس ابدا طول ما انت عايش 
وطول ما قلبك عارف يحب
الحان وغناء  :  عزت ابو عوف 
 من كلمات : على سليمان 
فيه ناس بتنسب الاغنيه للشاعر الكبير الراحل مجدى كامل لكن انا معنديش معلومه مؤكده لنسبتها ليه 
الكلمات 
وقف الضحى و خبط على جنينة الليمون
والشمس محنيه على السور الدهب
وبعد لحظه غنى صوت دافى حنون
وايدين حليوه بتفتح الباب الخشب
فتح عيونه على الجمال وعلى الصبا
على وش زى البدر بيقول مرحبا
شافها اندهش ... قلبه ارتعش
معرفشي روحه هو فين ولا هو مين
****
كان الضحى والحى عارف قصته
جاى من غيطان القمح راكب مهرته
جاى قاصد الحلوه وسامع عنها
جاى يشترى بالمال شبابها منها
قالت له يا ابن الحلال مهرى كبير 
املالى شالى نجوم وخدنى يا أمير
لو كنت تقدر تملا قلبى انا كنت اقول
لكن ما تقدرش عليه يا ابن الاصول 
سمع اندهش ... قلبه ارتعش
معرفشي روحه هو فين ولا هو مين
*****
جاب الجواهر والحرير فى صندوقين
و ضحكت الحلوه وقالت ده لمين
لو تفرش السكه دهب ليا انا
انا اعيش سعيده احسن لى من نار الغنى
بعت المراسل يطلبوله ودها
رجعوا ولا جابوا خبر من عندها
فات تحت شباكها و غنى واشتكى
قالت له قلبى متخلقش للبكا
سمع اندهش ... قلبه ارتعش
معرفشي روحه هو فين ولا هو مين

ام الضفيره السمرا والعين نرجسه
بتوشوش النسمة وتضحك للمسا
وتنسج الاشواق غنا و تكسي القمر
احلام ما تخطرشي على بال البشر
وتفتح الشباك تلاقى الدنيا عيد
والارض فضه وفجر اخضر جاى سعيد
اكمن محبوبها الى عاش مشغول بها
بعد ماغنى لها غناوى فى حبها
اللى اندهش ... واللى ارتعش
عرف النهارده هو فين ..
و هوه مين.

عزت ابو عوف - حكايه من بلدنا

وجيه عزيز وعمل عمره اكتر من 25 سنه 
بتضيعى من ايدى من البومه الاول 
من كلمات الشاعر الكبير : ابراهيم عبد الفتاح 
والحان وغناء : وجيه عزيز 
توزيع موسيقى : على شرف 
الكلمات 

بتضيعى من ايدى وبترحلى عنى 
وبتهجرى حدودى وتعودى وتحنى
افتح لقلبك دراعينى
واصون هواكى فى درا عينى 
انتى اللى قربك ضى عينى 
وبدر ليلى المتحنى 
بتضيعى من ايدى وبترحلى عنى 
وبتهجرى حدودى وتعودى وتحنى
ايام تغيبى وتعودى 
يدبل على الاغصان عودى 
والزهر يطرح لوعودى 
يرجعلى طير ويغنى 
بتضيعى من ايدى وبترحلى عنى 
وبتهجرى حدودى وتعودى وتحنى
يا نجمه والضى دليلى 
بنده يا ريتك تناديلى 
جايلك وشايل قناديلى 
بحلم بليلك يحضنى 
بتضيعى من ايدى وبترحلى عنى 
وبتهجرى حدودى وتعودى وتحنى

وجيه عزيز - بتضيعى

الفنان وجيه عزيز فى تشخيص دقيق لاحوالنا فى مصر الان
من كلمات الشاعر على سلامه 
الحان وغناء وجيه عزيز
احوالنا ليه سلطه وكلامنا ليه سلطه 
والحب عيبه والعشق ورطه 
غلطت غلطه كانى ماشى من غير دماغى
كانى واقف بادن فى ملطه 
احوالنا ليه سلطه وكلامنا ليه سلطه
سلطه وتملى خس وجزر
ناديته لكن راح واعتذر 
قالى : ملقيش معاك سنة امل 
قولتله : القيش معاك حبة نظر
اليوم وفات وغيره فات مفضلش 
غير حب سكات وتقولى هات
يا عم دعنى 
ماشيه الشوارع سلطه 
رايح وراجع سلطه 
حتى المواجع فى قلوبنا سلطه
افراح مفيش واسال مليش
ياعم انسى يا سيدنا عيش
اشمعنى يعنى مبقاش فى قلب 
مطرح يساعنى
مبقتش قادر احضن همومك 
يا عم دعنى

وجيه عزيز - سلطه

فايزه احمد وواحده من اجمل اعمالها 
هدي الليل 
من كلمات الشاعر الكبير عمر بطيشه 
الحان الموسيقار محمد سلطان 
توزيع الفنان هانى شنوده 
درامز الفنان يحى خليل 
من البوم دنيا جديده انتاج عام 1977 
الكلمات
هدي الليل بصوته على جسر الصدى 
وبدأت ساعاته تسافر في المدى 
وغاب الزحام الزحام 
الزحام 
وداب الكلام الكلام 
الكلام 
ويسكت كلام الي قالو 
ويرجع هوانا لحالو 
وتفضل حقيقة وحيـــــــــــــــدة 
يا نجمة سهرنا البعيــــــــــــدة 
بحبك 
بحبك 
بحبك 
و بتحبني 
يسافر هوانا مع الناس ساعات
و يبعد و نبعد مع الأمسيات
يحاصر عيونا عيون ناس بتوعد
نلاقى عيونا بتهرب و تبعد
و تسرح و ترجع لدنيانا احنا
و تخلق من الحزن لحظه لفرحنا
و تنسى اللى بيقولوا و اللى يقولوه
واقابلك خيال مستحيل حايشوفوه
و يسكت كلام اللى قالوا
و يرجع هوانا بحاله
و تفضل حقيقه وحيده
يا نجمة سهرنا البعيده
بحبك بحبك , و بتحبنى
تاخدنا الليالى فى رحله بعاد 
ونشتاق ويغلب علينا العناد
ويحتاروا فينا وفى اللى جرالنا
لا ضحكه بنضحك ولا نوم يجيلنا 
وفجاه نلاقينا رحعنا لروحنا 
مفيش غير لقاءنا  يطيب جروحنا
واقابلك وننسى ان بينا عتاب
ويرجع هوانا وعمره وما غاب
و يسكت كلام اللى قالوا
و يرجع هوانا بحاله
و تفضل حقيقه وحيده
يا نجمة سهرنا البعيده
بحبك بحبك , و بتحبنى

فايزه احمد - هدي الليل             Faiza Ahmed - Hady El Leil

الخط ده خطى
ايمان البحر درويش فى رائعة
 الشاعر الكبير احمد فواد نجم 
 ولحن الشيخ امام عيسى
المقدمه الموسيقيه والكورال من الحان ايمان البحر درويش
توزيع الموسيقار يحى الموجى
 من البوم الفنان ايمان البحر الجرح الاليم انتاج عام 2000
الكلمات 
الخط ده خطّي .. و الكلمة دي ليَّ
غطّي الورق غطّي .. بالدمع يا عينيّ
شط الزتون شطّي .. و الأرض عربية
نسايمها أنفاسي .. و ترابها من ناسي
و إن كنت أنا ناسي .. ما حتنسانيش هيّ
الخط ده خطّي .. و الكلمة دي ليَّ
لاكتب على عيني .. يحرم عليكي النوم
و احبس ضيا عيني .. بدموعي طول اليوم
قبل الوفا بديني .. زَي الصلا و الصوم
ده الدين في عُرف الحر .. هم و مذلة و مر
و هموم تجيب و تجُر .. أحزان مخبِيَّة
لاكتب على كفي .. و الحبر من دمي
يا عِزوتي كفي .. يا همتي ضمي
أول ما حنوَفي .. بالوعد حنسمّي
باسم اللي ماتوا صغار .. في المدرسة و الدار
و المصنع اللي انهار .. فوق الصنايعية
الخط ده خطي .. و الكلمة دي ليَّ


ايمان البحر درويش - الخط ده خطى

فريق الانسان واغنيه عينك بلون السما 
من كلمات الشاعر جمال عبد العزيز 
الحان الفنان عازف الدرامز هانى الازهرى 
توزيع موسيقى فريق الانسان
وفريق الانسان هو سوبر جروب مصرى تم تكوينه فى اواخر الثمانينات 
واصدر البومه الاول والاخير عام 1990 ويتكون الفريق من اشهر الموسيقين
 المصرين فى الثمانينات والتسعينات من القرن الماضى وهم كالتالى 
جيتار : امهر عازف جيتار جازمصرى الرائع طارق حموده
بيز جيتار : واحد من اشهر عازفين البيز فى مصر عامر بركات 
كى بورد : المصرى الوحيد الحائز على جريمى الموسيقار فتحى سلامه 
كى بورد : عازف الجاز الشهير عز الدكرورى 
درامز : احدى مؤسسى فريق المصريين والملحن هانى الازهرى 
بركش بانواعه : اكبر واشهر عازفى البركش فى مصر حسن الوكيل 
قام بالغناء فى هذه الاغنيه الصوت الرائع حسين سراج
الكلمات 
عينك بلون السما شعرك جدايل ليل 
بيكى القلوب ملهمه رقه مشاعرك سيل 
وسط الهموم ضحكه بعدى بيها بحور 
واشوف سوارى النور بيكى يا بر الخير
يا ام العيون صافيه يا ام الحنان دافى 
وسط البحور انتى طوقى ومجدافى 
عينك بلون السما شعرك جدايل ليل
بيكى القلوب ملهمه رقه مشاعرك سيل 
وعشان مالينى الشوق طاير وبتكلم 
وشعورى يتطمن باغانى حب وميل 
بتنادى فى كيانى فرحى واحزانى 
احاسيس فى وجدانى مكتوبه ملحمه 


فريق الانسان - عينك بلون السما          -     The Human Group

وجيه عزيز من الحانه وغنائه
زى وانا صغير 
من فيلم المدينه اخراج يسرى نصر الله عام 1999
الكلمات 
زي وانا صغير
 زي وانا صغير
مبقاش في نفسي حاجات كتير
معدتش بطير زي وانا صغير
مبقتش بقدر ارسم سما وقمر منور 
واعد بصباعي النجوم والمها
اديا دولا كانو اطول وقتها
مبقاش في نفسي حاجات كتير
معدتش بطير زي وانا صغير
مش قادر اعرف هو انا الي خلاص 
بقيت كبير ولا الحاجات دلوقتي اصغر
مبقاش في نفسي حاجات كتير
مش قادر اعرف هو انا الي خلاص
بقيت كبير ولا الحاجات دلوقتي اصغر
زي وانا صغير زي وانا صغير

وجيه عزيز  - زى وانا صغير              Wagih Aziz    -  zey wana sogheer


  كم رغبنا , كم حلمنا ,
 كم تمنينا وشئنا
وشاء الهوى , وشاء الهوى ,
 فإمتثلنا
هي الحياة 
كل شيء فيها ممكن
ولا شيء فيها يمكن ان يكون
كم رغبنا , كم حلمنا , 
كم تمنينا 
وشئنا
وشاء الهوى , وشاء الهوى ,
 فإمتثلنا
 

لينا شماميان  - وشاء الهوى ل رضوان نصرى

2006 الحب والسلام الجيل الثالث 
بعد سنين 
من كلمات رحاب ابراهيم 
والحان الفنان الكبير الراحل نبيل البقلى  
توزيع  نييل البقلى وفريق الحب والسلام
من البوم الحب والسلام الثالث : بعد سنين انتاج 2006
الكلمات 
نفسى حقيقى اقابلك مره بعد سنين 
واشوف انا فين وانت بقيت فين 
لسه فاكرنى 
يا ترى مبسوط ولا حزين 
لسه فاكرنى 
فاكر لسه شقوتى وضعفى وحزنى وفرحى 
لسه فاكرنى 
لسه ملامحى بتبجى فى بالك 
وبقيت ايه بالنسبه لك
حلم وغاب 
ولا حقيقه لقيتها سراب
 ولا مجرد كلمه قريتها يوم فى كتاب
بتمنالك كل الخير انا بتمنالك 
انا نفسى فى مره حقيقى اقابلك
مره مره 
بعد سنين

فريق الحب والسلام - بعد سنين     LOVE & PEACE - BA'AD SENIN

محمود درويش والثلاثى جبران
 من البومهم فى وداع درويش
فى ظلال الكلمات او
 In The Shade of the Words
 قصيده من روائع اعمال محمود درويش
 درس من كاما سوطرا او كما تعرف شعبيا 
ب وانتظرها 
بكأس الشراب المرصَّع باللازوردِ
،انتظرها
على بركة الماء حول المساء وزَهْر الكُولُونيا
،انتظرها
بصبر الحصان المُعَدّ لمُنْحَدرات الجبالِ
،انتظرها
بذَوْقِ الأمير الرفيع البديع
،انتظرها
بسبعِ وسائدَ مَحْشُوَّةٍ بالسحابِ الخفيفِ
،انتظرها
بنار البَخُور النسائيِّ ملءَ المكانِ
،انتظرها
ولا تتعجَّلْ، فإن أقبلَتْ بعد موعدها
،فانتظرها
وإن أقبلتْ قبل وعدها
،فانتظرها
ولا تُجْفِل الطيرَ فوق جدائلها
،وانتظرها
لتجلس مرتاحةً كالحديقة في أَوْج زِينَتِها
،وانتظرها
لكي تتنفَّسَ هذا الهواء الغريبَ على قلبها
،وانتظرها
لترفع عن ساقها ثَوْبَها غيمةً غيمةً
،وانتظرها
وقدَّمْ لها الماءَ قبل النبيذِ ولا تتطلَّع إلى تَوْأَمَيْ حَجَلٍ نائمين على صدرها
،وانتظرها
ومُسَّ على مَهَل يَدَها عندما تَضَعُ الكأسَ فوق الرخامِ
كأنَّكَ تحملُ عنها الندى
،وانتظرها
تحدَّثْ إليها كما يتحدَّثُ نايٌ إلى وَتَرٍ خائفٍ في الكمانِ
كأنكما شاهدانِ على ما يُعِدُّ غَدٌ لكما
،وانتظرها
ولَمِّع لها لَيْلَها خاتماً خاتماً
،وانتظرها
: إلى أَن يقولَ لَكَ الليلُ
لم يَبْقَ غيركُما في الوجودِ
فخُذْها، بِرِفْقٍ، إلى موتكَ المُشْتَهى
! وانتظرها

محمود درويش - وانتظرها   **  Mahmoud Darwish and Trio Joubran **

شـــعر غســـان مطــر
الحان وغنــاء : سامي حوّاط
مهــداة إلى لارا
" لارا " 
هي إبنة الشــاعر الوحيدة، قُتلت في الحرب الأهلية اللبنانية " برصاصة طائشة "
من البوم سامى حواط الراى العام 
الكلمات 
وكَم قلتُ : لاَ
 .بلادي بلادي فلَن أرحـــلا
 ،وكانت تحاصرُ خدّيكِ نــارٌ
 ،فأخشى على الوردِ أن يذبُلا
وأصرخُ لاَ
بلادي بلادي ولَن أرحلا
 ،ويتّسعُ القبرُ حَولي 
 ،فأغمرُ عينيكِ خـــوفاً
وتوشكُ عيناكِ أن تســألا
فأصرُخُ : لاَ
بلادي بلادي ولَن أرحـــلا 
وهــا انكسرت تحتيَ الأرضُ
واختطفتكِ بلادي
وأطفأت الحُلُــمَ الأجملا
وما زلتُ أصرُخُ لا
فما دامَ قبرُكِ صــا رَ بــلادي
فــلَن أرحــلا .

سامى حواط - بلادي بلادي فلَن أرحـــلا مهداة الى لارا

الحب والسلام الجيل التانى من البوم الحب تحت العشرين انتاج عام 1984 
بصوت ملك الروك المصرى ياسر شعبان
 من الحان عازف الكى بورد فى الفرقه الرائع شادى عصمت
 وكلمات الشاعر الجميل احمد يسرى 
مقدرش اغير من حقيقتى 
مقدرش اغير صوت ضميرى 
مقدرش اشوف الا بعيونى 
مقدرش احب بقلب غيرى 
مقدرش اكون الا انا

فريق الحب والسلام - مقدرش اكون الا انا  1984      LOVE & PEACE - Maadarch

خالد الهبر وحاله الاحتضار الطويله 
من الحانه وغناءه وشعر الكبير محمود درويش
الاغنيه مقطع من قصيده طويله لدرويش بعنوان مزامير
الاغنيه من البوم خالد الهبر الذى يحمل نفس الاسم
حالة الاحتضار الطويلة
أرجعتني إلى شارع في ضواحي الطفولة
أدخلتني بيوتا..قلوبا
..سنابل
منحتني هوية
جعلتني قضيّة
حالة الاحتضار الطويلة
كان يبدو لهم أنني ميّت
و الجريمة مرهونة بالأغاني
فمرّوا، و لم يلفظوا اسمي
دفنوا جثتي في الملفات و الانقلابات
و ابتعدوا
(و البلاد التي كنت أحلم فيها_ سوف
تبقى البلاد التي كنت أحلم فيها).
كان موتا طويلا 
و عمرا قصيرا
و أفقت قليلا
و كتبت اسم أرضي على جثتي
و على بندقيّة
قلت: هذا سبيلي
و هذا دليلي
إلى المدن الساحليّة.
و تحركت ،
لكنهم قتلوني.
دفنوا جثتي في الملفات و الانقلابات،
و ابتعدو.ا
(و البلاد التي كنت أحلم فيها_
سوف تبقى البلاد التي كنت أحلم فيها).
أنا في حالة الاحتضار الطويلة
سيّد الحزن.
و الدمع مع كل غانية عربيّة
و تكاثر حولي المغنّون و الخطباء
وعلى جثتي ينبت الشعر والشعراء
و كل سماسرة اللغة الوطنيّة
صفقوا
صفّقوا
صفقوا
ولتعش
حالة الاحتضار الطويلة
حالة الاحتضار الطويلة
أرجعتني إلى شارع في ضواحي الطفولة
أدخلتني بيوتا.. قلوبا سنابل
جعلتني قضيّة
منحتني هويّة
و تراث السلاسل.
حالة الاحتضار الطويلة
الطويله 

Khaled Al Haber - Halat Elhetadar Eltawela         خالد الهبر - حالة الاحتضار الطويله

ا لى كل من يفتقد اغلى الناس
  لسه بكلمك 
الحان الموسيقار احمد رمضان
 وغناء احمد الحجار 
الكلمات
انا لسه يا اما بكلمك وبشم ريحتك فى البيوت
ولسه قلبى بيحضنك وبيسمعك يا احلى صوت
يا زهره غاب عنها الندا وسابتنى تايه فى الفضا
الامر كان امر القضاء والجنه ضمت احلى صوت

انا عشت من بعدك حزين بنزف انين على  فرقتك
وفى العيون الطيبين ملقتش طيبة نظرتك 
فى الحلم بسمع ندهتك ياما 
واشم ريحة فرحتك يا اما 
ولما افوت على سكتك بقول يا ريت طيفك يفوت 

بحس بيكى فى كل عيد جايه بملامح مؤمنه
ولابسه طرحه وتوب جديد مغزول فى جنة ربنا 
فى كل يوم بتذكرك يا اما 
واقول دى كانت فى يوم هنا يا اما 
ومش بايدى يا طيبه امنع سنين عمرك تفوت

Ahmed El Haggar - lesa bakalemk    احمد الحجار  - لسه بكلمك

محمد محسن وواحده من احلى اغانيه 
نشبه لايه - وبحبك من زمان جدا 
من كلمات الرائع مصطفى ابراهيم 
والحان وغناء محمد محسن 
من حفل ساقية الصاوى
الكلمات 
 
نشبه لايه
نشبة لاى اتنين يحبوا وما يقولوش
نشبه لايه 
للى خايفين يحلموا فمبعيشوش
وملقوش طريق يتقابلوا فيه 
نشبه لايه 
نشبه حكايات عشتها او حلم ناقص وانتهى 
نشبه حاجات مش وقتها 
او جرح متعود عليه
 نشبه لايه
برغم ان الكلام عن الحب من نظره كلام متعاد
وبان الصدفه احيانا بتبقى بالف الف ميعاد 
ورغم ان الكلام اصلا بينقص حاجه كل ما زاد 
ورغم انى جدع وتقيل وعمرى ما اقولها بالساهل
 انا نفسى اقولهالك فى اول مره نتقابل 
فلو كان المكان يسمح وست الكل لو تاذن 
انا عايز اقول انى بحبك من زمان جدا

محمد محسن -   نشبه لايه - بحبك من زمان جدا

محمد محسن فى رائعه الثنائى امام ونجم 
انا اتوب عن حبك انا 
تسجيل لايف من حفل ساقية الصاوى 
الكلمات 
أنا اتوب عن حبك أنا ؟
 أنا لي ف بعدك هنا
أنا بترجاك الله يجازيك
يا شاغلني معاك وشاغلني عليك
وان غبت سنه أنا برضه أنا
لا اقدر أنساك ولا لي غنا
ولا اتوب عن حبك أنا
زي ما يحلالك زي هواك
سهرني عليك سهرني معاك
دنا عمري ما اخاف من هجرك يوم
 ولا قلبي بيفرح ونا وياك
وان كان أمل العشاق القرب
وأنا أملي ف حبك هو الحب
وان غبت سنه أنا برضه أنا
لا اقدر أنساك ولا لي غنا
ولا اتوب عن حبك انا
أنا لا اتمنيت ولا قلت يا ريت 
ولا بعدك عني جعلني سليت 
دنا كل منايا أدوق اللوم 
ويقولوا علّي الناس حبيت
تخاصمني كتير نصالحني كتير
كل دا يا حبيبي ما لوش تأثير
توصلني سنين تهجرني سنين
ما تغيرنيش دنا حبي كبير
وان كان أمل العشاق القرب
وأنا أملي ف حبك هو الحب
وان غبت سنه أنا برضه أنا
لا اقدر أنساك ولا لي غنا
ولا اتوب عن حبك انا

محمد محسن - انا اتوب عن حبك انا

زهره وحيطه امل 
https://soundcloud.com/zahra-mohamed-2
اغنيه رائعه بالفعل تحيه لزهره وباقى فريق العمل 
كلمات : محمد إبراهيم
ألحان و توزيع : إسلام على
ميكساج : كريم أمين
تسجيل : عمر الإمام
الكلمات 
معلق روحه عـ الشماعه جنب الباب .. 
وسايب باب ماضيه المُر متوارب
كعبه اللى دار فـ الدنيا لف وداب .. 
ساب للحياه الحبل عـ الغارب !
ساند على حيطة أمل مايله 
ماسك فـ إيدى من زمان كلمة " ياريت "
معجون بمية صبّها العفاريت 
مجنون انا عايش بلا ليلى
عقرب فـ ساعة حيطه لدغ الوقت 
لا عرفت انا إمتى وفين ..
وإزاى انا إتعلقت 
بس المهم الحبل كان دايب
بلعب فـ دور الكل فيه عواجيز 
الدنيا كازينو كبير ملوهش عزيز
كوتشينه كل ورقها كان " شايب "

زهره  -  حيطه امل

محمد محسن من اشعار احمد فؤاد نجم
وحدك وانا وحدى 
الحان رامى يعسوب 
من حفلة محمد محسن فى ساقيه الصاوى 
وحدك وانا وحدى
ابكى ساعات وحدى
طول السفر والليل .. ياغربتى وحدى

صحرا وانا جمّال
شيلة وانا شيّال
غربة وانا وحــــــــدى

وحدك وانا وحدى
ابكى ساعات وحدى
طول السفر والليل .. ياغربتى وحدى

محمد محسن - وحدك وانا وحدى حفلة الساقيه

محمد محسن يغني رائعة سيد درويش
 "والله تستاهل يا قلبي" 
كلمات : امين صدقى  
 ألحان : سيد درويش
من حفل ساقيه الصاوى 
 والله تســــــتاهل يا قلبى      ليه تميــــــــل ما كنت خالى
انت أســــباب كل كربى      وانت أســـــــباب ما جرالى
إيه بقى اللى ح يواسينى      بعد ما انهــــــــدت آمــــالى
اذا كان حظى ناســــينى      مين اروح له اشكى له حالى
ان شكيت قلبى وحواسى     يعمــــلوا مؤامــــــــرة علىّ
وان بكيـت والحب قاسى     تشــــــتكى منـــــــــى عينىّ
أعمل ايه واحنا ف غربة     والأغـراب دول زى اليتامى
يا مين يواسيهم فى كربه      يامــــا بيقاســـــــــوا ويامــا
يارب كل من له حبيــب      طــــــال بعــــاده ولا قريب
ما تحـــــــــــرموش منه     وهــــــــاته له بالســـــــلامة

محمد محسن - والله تستاهل يا قلبى لايف من حفلة الساقيه

محمد محسن وواحده من احلى اغانيه 
نشبه لايه - وبحبك من زمان جدا 
من كلمات الرائع مصطفى ابراهيم 
والحان وغناء محمد محسن 
من برنامج البرنامج لباسم يوسف 
الكلمات
نشبه لايه
نشبة لاى اتنين يحبوا وما يقولوش
نشبه لايه 
للى خايفين يحلموا فمبعيشوش
وملقوش طريق يتقابلوا فيه 
نشبه لايه 
نشبه حكايات عشتها او حلم ناقص وانتهى 
نشبه حاجات مش وقتها 
او جرح متعود عليه
نشبه لايه
برغم ان الكلام عن الحب من نظره كلام متعاد
وبان الصدفه احيانا بتبقى بالف الف ميعاد 
ورغم ان الكلام اصلا بينقص حاجه كل ما زاد 
ورغم انى جدع وتقيل وعمرى ما اقولها بالساهل
انا نفسى اقولهالك فى اول مره نتقابل 
فلو كان المكان يسمح وست الكل لو تاذن 
انا عايز اقول انى بحبك من زمان جدا


Sherif Roushdy

Popular tracks