قصيدة "موت القلم"لـ ابراهيم رزق 💔

الكادر بيفتح ..
على بحر و قهوة و هاند فري ..
على صوت انغام من ركن بعيد جداً هادي ..
على بنت جميلة بتشبهلك يا حبيبتى ..
هذا الركن ، كان اشبه جداً بـ العادي ..
بيبان فـ الكادر كمان عوّاد / ماسك ريشة و بيرسم على لحن العود اوجاعه المُرة ..
بيخلص من لحن و بيدخل ع التاني ..
بالكاد تسمع تنهيدة عينه / بـ تغنّي دموع ..
ارجوك كمّل ، تترجاه الناس انه يكمّل ..
ارجوكم راح اكمّل ودى آخر مَرة ..
بيخلّص الحانُه المُرة / و الناس بتصقف و بتمشى ..
ع الهامش فـ الناحية اليُمنى من الكادر ..
بيبان الليل فـ عيون عيّل لسه ماحصلش العشرين ..
و الموج بيلطّخ فـ الصخر / و بيشطب اسمك من على سقف الصخرة إياها ..
الكادر بيتلغبط و بيهرب ، و كإنه اتكعبل فـ متاهة ..
و انا واقف وحدي فـ قلب الركن بتاع انغام ..
ماسك ورقة و قلمى الحبّري عمّال اتفلسف بـ كلام ..
إنك راجعة ..
و إن الوعد اللى اخذيته راح يتنفذ ..
إنك راجعة ..
الموج بـ يشيط و بيدخل ع الركن الهادي ..
بيدمر فـ رفوف الحاجة ..
الموج قرب من الناحية دي ..
فجأة / بـ نسمع فـ صراخ و عويل ..
و الورقة اللى فـ ايدي اتبلت ..
من غير تأويل / قومت راميها ..
و روحت ألم فى باقي قصايدى ..
الكادر بيقفل ..
على بحر و قهوة و هاند فري ..
على موج اتصبر بـ رجعوك ..
و اما اتأكد انك فايتاه ..
قام شايط على خلق الله ..
الكادر بيقفل ..
على صوت انغام من نفس الركن الهادي إياه ..
على ضحكة بنت جميلة بتشبهلك يا حبيبتى ..
هذا الركن ، كان اشبه جداً بـ حقيقتي ..
‫#‏كادر_فاضى‬
‫#‏عبدالله_عفيفى‬



كادر فاضى

(ريكورد)
أول تراك ..
يمكن كمان آخر تراك ..
حاسس بصوتي بيرتعش
و ف قلبي شئ م الإرتباك ...
(ستوب)
مش لازم يعني التقديمه
هو إنت غريب ؟
كل اللي هيسمع في الآخر
يا حبيب يا قَريب ..
أنا رأيي تسيب نفسك خالص
و تركّز جوه الموضوع ..
ركز في كلامك ..
و أداءك ..
وإطمّن صوتك مسموع ...
(ريكورد)
*تنهيده*
(ستوب)
أرجوك ركّز
مكانتش قصيده
(ريكورد)
* مزيكا الخلفيه جديده ؟ *
* و الناي موجود ؟ *
* طب كان موجود من أولّنا ؟ *
* مايكونش العود ! *
* أنا حاسس شئ ف السمّاعه *
* وكأن العالم مسدود * 
* أنا عايز أُسجِّل شئ محدود *
* شرط إنه يصرّح بحقايق *
(ستوب)
ضيَّعت من المُدّه دقايق
حاطط سمّاعه و بتفكّر 
مش كل ماتاخد كام خطوه
تاخدك كام خطوه و تتأخّر 
مش كُنت نسيت !
مش يومها هِربْت و سِبت البيت !
مش قُلت ياريت إنك تِنسى 
حَبَكِت دلوقتي و تتذكّر !
..
من فضلك حاول تتأثّر ..
(ريكورد)
أنا لسّه بَندِّل و بقصّر
ف حقوق الكون 
أنا لِسَّه بحاول إني أكون
أوّل مجنون يحفظ تواريخ
يحفظ أرقام
يرسم علامات إستفهام
و يقوم و ينام ف هدوء
و سكون 
أنا لون شفّاف
مش عايز أتشاف
لو مش خوّاف أتمنّى أكون
ميت ألف كالون على باب بُكره 
أتمنى ماكونش صاحب فكره
أتمنّى أما تجيني الذكرى
أضحك من قلبي
وأقول عادي ....
(ستوب)
إستنّى نعيد الحِتّادي ..
(بلاي)
* مشهد مُتكرر م الماضي *
(ستوب)
الناتج برضُه تراك فاضي ...

كلمات :نبيل عبد الحميد 
https://www.facebook.com/nabil.ab7meed

تسجيل ومكساج : اسامه اشرف 

https://www.facebook.com/OsamaVO

تراك فاضي .. نبيل عبد الحميد

الشاعر اشرف خلف الله
بصحبة العازف إسلام شيتوس
مع الإذاعي اكرم المصري, في برنامج أدم
www.facebook.com/P0ET.Ash

يارب...
انت القوي جداً
والرحمة بزيادة
والحُب للمحتاج
منك فـ وقت الكرب
انت العلاج الخام
وانا قلبي كله رُكام
وانت النظام والحق
نظَّمني من فضلك..
لو مرة قُلت "أمين"
بارجع واقولك "لأ"
انا اسمي مش لايق
انا جسمي كله رُخام
نحَّس مع الأيام
انا لسة متضايق
"من نفسي مش منك"
انت العظيم جداً
جداً.. ومع انك..
سمحتلي انظر..
"مافوق وجه الارض"
الشمس تحرقني
فابسرعة تلحقني
وتجيبلي لسعة برد

انت إللي خلِّيتني..
اعبُر مجاز الكبت..
انت إللي اوحيتني..
في الشِعر فجأة كَتبت..

فاذهد من الإعجاز
مع اني مش مُنحاز
بـ قلبي طول الوقت
انا بابقى دايماً ندل
وانا جاي اقول دلوقت
قدُّوس في احكامك
يارب حق وعدل..
انت اللّطيف خالص
انت إللي مش ناقص..
وحاميني جوة الفُلك..
وانا لسة بتناقص!..
بعشق ليالي الهُلك..
انت العطوف بتشوف..
وبتعرف الاحوال..
وبتعرف الصادقين..
وبتعرف الاندال..
وانا قلبي لف ومال
"وسكِرت بني ادمين"

يارب من فضلك..
الوضع مُتعب بحت..
مش عارف اطلعلك..
ولا قادر اقعد تحت..

#اشرف_خلف_الله

جرعة زهايمر

sherif sabra

Related tracks