مش لاقيه اسم :P ^_^ :D

Mostafa Amin | http://fb.com/MostafaAminWay | http://twitter.com/MostafaAminWay  | http://youtube.com/Moustafa0Amin

أنا مش مع 

غناء: مصطفي أمين

كلمات: محمد السيد 

ألحان: صهيب شكري

https://fb.com/SohaibShokryMusic

توزيع: أمير جادو

هندسة صوتية: عمر صلاح

إخراج: أحمد حنفي

أنا مش مع

مش إمعه

لكن عيوني بترتجل

دموع بترفض موت برئ في المعمعة

راح اكون مغفل واعترف

الدم مفيهوش تصنيفات 

أحمر مالوش لون مختلف

والجهلة لسه بيسألو 

هو تبع مين اللي مات

بيتاجرو بالجثة اللي بين ايد ربنا

شوف كام قتيل من عندهم 

وكام قتيل من عندنا

ايه اللي وداهم هنا

دلوقتي عاملين العلم هو الكفن 

كام قلب بيحب البلد مات واندفن

جنازة بتقابل جنازة وضربو بعض

مش كل انواع البشر بيعمرو في الارض

بس احنا برضه مكملين 

متجمعين في الاعلانات

Mostafa Amin - Ana Mesh Ma'a | مصطفي أمين - أنا مش مع

باصلي وانا قاعد .. اغنية للأب اللي سابوه اولاده وانشغلو عنه بالدنيا .. حزينة .. بس جميلة جداً 

من البوم محمد عباس الجديد فك الكلابش 2013

باصلي وانا قاعد | محمد عباس | بدون موسيقى

Zap Tharwat - Handsa  زاب ثروت هندسه

هو انتي ليه _ مصطفي أمين _ 2013 

غناء: مصطفي أمين
http://fb.com/Moustafa000Amin

                              |http://fb.com/MostafaAminWay |
                              http://twitter.com/MostafaAminWay
                              http://youtube.com/Moustafa0Amin

ألحان: صهيب شكري:
http://fb.com/sohaib.shokry

كلمات: مجمود السراج 

توزيع: شريف عبد السلام

مكساج: عمار خاطر

360Degree إنتاج

http://bit.ly/18khPPE الفيديو كليب 


هو انتي ليه رغم الظروف
أقوي من الناس كلها 

هو انتي ليه رغم الحروف 
ألغاز كتيره في حلها 

هو انتي ليه حضنك مجاز
متعطرة دايما بغاز 
بتبعديني بالانحياز
ومصنفاني مع العدا 

هو انتي ليه 
أصلا كده 

بتجبريني علي السفر 
وتطبطبي ع اللي كسر 

يا هاجره اللي انكسر 
يارامية صوتي اللي اتنبح 
أنا مش هسيبك للغفر
حتي ولو قلبي اندبح

حتي و لو كنتي كده
بتشكي أو متأكده 
أنا مش هسيبك للعدا
لو حتي كان .... طلمك قدر

مهما الحواجز تبعدك 
هفضل مكمل واوعدك 

أنا بكره جاي 
أنا بكره جاي 

مهما يزيد فوقي الرصاص
يوم الخلاص 
أنا قلبي حي

Mostafa Amin - Howa Inty Lieh | مصطفي أمين -هو انتي ليه

اثبت مكانك - Cairokee ft Zap Tharwat "LIVE"

أنا بطل حياتي - Zap Tharwat ft Osama El-Hady (Music by. Sherif Mostafa)

من غيرك مش هتكمل 

كايروكي و المدفعجية و يسرا الهواري و شارموفرز و زاب ثروت

كايروكي:
رغم ان كل حاجة كانت صعبة وعنيدة
وقالوا على احلامنا مستحيلة وبعيدة
كنا زي برق ورعد في عز الليل
نورنا في كتف بعض غلبنا الصعب والاصعب خوفنا
سابقين زمانا باحلامنا وخدنا الطريق الصعب
سابقين مكانا وكلامنا من قلب بعض
بيفهموني في سكاتي ويسمع من غير ما انادي
مشوارهم هو مشواري وافكارهم صوت مع جيتاري
من غيرك مش هتكمل الضحكة في وش الاحزان
من غيرك مش هتكمل الصورة في اللمات

يسرا الهواري:
لو نكتة بايخة وقولتها بتضحك معايا
لو عدت نفس الحدوتة بتسألني في تفاصيل الحكاية
بس تكون معايا
لو تعبان من الدوشة نقعد ساكتين
مش زهقانين ده احنا ببعض ونسانين
ولو مشغوله انا عنك تكون حنين ومسامح
ولو زعلان من نظرة بتصارح بس تكون معايا
بس تكون معايا
من غيرك مش هتكمل الصورة في اللمات

شارموفرز:
من غيرك مش هتكمل
الصداقة هي العلاقة بطلاقة من غير فقاقة
عندي كلمتين هقولهم بطلاقة ايزي ميزي من غير فقاقة
بقولك ايه صحيح عارفين اهم علاقة الصداقة
على فكرة انت اصحابك اهم من الهدوم اللي في دولابك
صحباتك اهم من الفلوس اللي في حسابك
كده حد من صحابك لسه بتفتح بابك
عادي بالنسبالك هيا دي عاداتك
كل واحد بالنسباله صحابه قبيلة عيلة
لما تقع يشيلوك هيلا بيلا هيلا
والاسامي الغير مألوفة جوه شلتنا المشهورة
تيتي ميزو تي ورنا اسمها رورا
عشان تقوم الموتور لازم تشد المانفلة
الدنيا تبقى حر هتقلع الفانلة
دايما يحصل تبقى قاعد قرفان طهقان مش طايق
وكل اللي ناقص قعدة حلوة مع الشلة
السلام عليكم انا رايح
من غيرك مش هتكمل
الصداقة هي العلاقة بطلاقة من غير فقاقة

المدفعجية:
من غيرك مش هتكمل
ابعد يا غم ده احنا هنتلم واللمة تحلى بيك ياعم
يلا يلا يلا يا شباب يلا يلا يلا
اسمع يا ولدي ياض يا ابن بلدي على قهوة بلدي متجمعين
كل الحبايب اصحاب قرايب ما حد غايب مستمتعين
لمتنا تحلى مع بعض احلى والاحلى فيها اننا كاملين
يا شباب حارتنا هنا تحت بيتنا فرحة جارتنا وانتوا معزومين
لمتنا ...... لمتنا بالقعدة تحت بيتنا
لمتنا وشقاوة شلتنا لمتنا ولا تقدر تغلبنا
انزل يا عم متشلش هم لا والمهم احنا الاهم
ابعد يا غم دا احنا هنتلم واللمة تحلى بيك يا عم

زاب ثروت:
من غيرك مش هتكمل
الخوف لو جبل بيخبي اني اشوف
حلمي ومعنى حياتي يبقى ملعون الخوف
اكسره واكمل وابني بالصخر سور
يا صاحبي كتفك في كتفي لو الطريق يطول
من غيرك مش هتكمل الدنيا خليك معايا
عمرك سمعت عن حكاية من غير نهاية
نفرض انا البداية وانت حلم النهاية
نفرض انا النهاية وانت كل البداية
يا صاحبي لو تغيب يبقى مين اللي باقي
بص في مرايتك وابتسم وقولي ايه هتلاقي
صورة بملامحي في المراية مرسومة فيك
صاحبك واخوك وضهرك واللي باقي ليك

من غيرك مش هتكمل الضحكة في وش الاحزان
من غيرك مش هتكمل الصورة في اللمات
من غيرك مش هتكمل
الصداقة هي العلاقة بطلاقة من غير فقاقة
من غيرك مش هتكمل
ابعد يا غم ده احنا هنتلم واللمة تحلى بيك يا عم

من غيرك مش هتكمل"كايروكي و المدفعجية و يسرا الهواري و شارموفرز و زاب ثروت"

الديناصور - كايروكي ❤

صباح او مساء الخير حسب توقيت سماعك
 الأغنيه عن كل شخص قابلته في المدينه وباعك
او المدينه نفسها وكل ركن فيها وزاويه
 لكل محطه مترو زحمه او في أخر الخط خاويه
لكل طفل راح مدرسته اتعلم بقي شاطر
 لكل شاب في جامعه لكل محاضراته حاضر
ولأحلامهم اللي طارت رغم السهر والتعب
 لكل فرصه اتسرقت لكل حق اتنهب
لكل فرد وذكري كانوا جزء من المدينه
 اللي لسه بنحبها رغم انها ضحكت علينا 
من بعيد اكيد جمالها راح يسحر عينيك 
مش لوحدك ياما غيرك داقوا سحرها قبليك  
اللي شاف في دروبها حلم وقال في يوم يقدر يطول
 واللي عاش العمر كله في وصفها يقول
نام في أحلامه الجميله راح يفوق علي زيف وغش
 اللي ساب الريف في بلده وفي المدينه هيبني عش
المدينه بالف وش بتضحك بس في البراويز
 ياما هدت من الرجال ياما ذلت ميت عزيز
مش بعيد اكون وحيد في وصفي وكلامي عنك
 ياما غنولك اغاني وياما شهدولك لكنك
 مش جميله رغم ظنك او جمالك مش حقيقي
 مش عميقه رغم سنك لو قارنتي سني بيكي
 او يمكن انا مش لاقيكي فى وسط الزحمه والمساكن
او يمكن انا مش هاويكي مع اني فيكي ساكن  
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
مسجون في قلب أحلام الناس البسيطه الطيبين
 اللي أيامهم تعيسه الليأحزانهم سنين
والغريبه مصدقين ان بكره مسيره جاي
 ان شمسك يوم هتشرق راح تنور كل حي
بس أي حي فيهم راح تزور الشمس ارضه
 اللي فكل متر عيله ولا اللي بجنينه اللي بعده
انزل لف في الشوارع صور الحقيقه بعنيك
 بالحقيقه مش قصدي صوره لشيخ عجوز صعبان عليك
يطبعوا صورته في مجله وينسبوا الفضل ليك
 يكتبوا مقال طويل ويقولوا فيه ده قال وفضفض
والحقيقه انه ساكت بس عنيه فضلت تعيط
 قالوا دي دموع الفرح والرضا والانبساط
والحقيقه ابتسامته بتسخر منكوا وفي سكات
 مش كفايه علينا كذب كفايه تأليف قصص
زي صور العيال اللي هربت من الحصص
 مش عشان يلعب يزوغ لا هيروح الشغل بدري
اللي نجار واللي يجري يوصل للبيوت حاجات
 واللي كفران بالساعات اللي كفران بالساعات
وبيسألوا هوا ليه الطفل جوا الطفل مات
 او أمل اللي كانت بنت حلوه صغيره
نفسها تكبر تكونانسانه ومتقدره 
بس الناس شايفاها لحمه شايفه وسط وجوز عينين
 اللي سليطاللسان واللي كلامه بالايدين
 وبيسألوا مين السبب السبب في الكدابين
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
بكفياكم غش فينا اظهروا حقيقه المدينه
 اللئيمه اللي علي أحلام ولادها ما كانت امينه
قالوا من الحب اللي يقتل لما يطول قلبي وعقلي
 وانتي قتلتيني بسهوله زي ماقتلتي اللي قبلي

المدينة - زاب ثروت و ساري هاني و انجي نضيف | El Madina - Zap Tharwat ft. Sary Hany & Ingy Nazif 2018

محبوس في دايره من الأوهام واليأس
 بحاول اتحرر كل يوم مش عارف لا بأس
يمكن لما الناس تتعرف علي أحزاني
 تفهم تقدر تصرفاتي افعالي وجناني  
لا بقي كفايه كفايه كفايه تبرير 
كفايه كفايه محاولات بائسه للتغيير
خلاص مش هسكت هتكلم بدعوكوا 
للسماع هختم كلامي في النهايه بكلمهالوداع  
قررت أسيب حياتكم واسيبلكوا المسرحيه
 افرحوا بالاضواء والتمثيل والنجوميه
وهميه الدنيا اللي كلنا عايشين فيها
 عارفين والغريب بسنانكوا متبتين فيها
انا عارف ان أنا مش أول واحد يتعرض لضغوط
 ولا هبقي اخر واحد ياخد حياته بأيده يموت
مش كفايه طول اليوم نظراتكم ليا 
بتجوني في فكري قبل النوم وفي أحلامياليوميه
اسألتكوا بتنهش عقلي زي الضباع بتحوم
 وازاي ألوم في ضبع  كنت بأمره بالصوم
فا لو سألتوا هرد بأي كلام وأضحك عليكوا
 بزعل لما تصدقوا الكذبه وتكذبوا عينيكوا
يمكن بتصدقوني علشان  ده اسهل علي ضميركوا
 بتسألوني مالك أنتم كتير وغيركم
بس عمر ما حد فيكم اهتم يسمع الاجابه
 ولو فتحت قلبي ليكوا هتقولولي بلاش كآبه  
فسيبوني أروح لعالم تاني اجمل من عالمكوا
 أكون في وسط عالم أعلم بحالي منكوا
الوداع للقوم الكاذبين المدعين
 لا تصطنعوا اهتمامكم كلكم مكشوفين
 
2x
وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي



الوداع للقوم الكاذبين المدعين
 لا تصطنعوا اهتمامكم كلكم مكشوفين
الكلام لمين لكل المستمعين وعلي لسان مين مراهقين بكره يبقوا كبار
قلوب صغيره بتعاني سرعه الاحتضار
 ضغوط الأهل والمجتمع أثرت عليهم 
زرعت فيهم مشاكل أبدا ما كانت فيهم
 من تهميش صوتهم ودورهم فيمستقبلهم من أهلهم  
معاناتهم لو اختلفوا عن مجتمعهم في فكرهم
 ازاي بتلوم في طفل أنت السبب في تكوينه
بتستنكر وجوده بتذل فيه وتهينه 
افعالك في الاساس هيا اصلا سبب المرض  
لو مش عاجبك تربيته المفروض أنت اللي تتحرج
 هرج ومرج جوه عقل الشاب اللى اتدرج
تحت تصنيف مكتئب عايش بيحلم بالفرج
 الاكتئاب ده مرض مش حاله ولا موود 
واصل لربع شبابنا بالأرقام والشهود 
٢٥٪ من الشباب مكتئبين
بيعانوا امراض نفسيه وعن الحياه معزولين 
٦٪ منهم بيفكروا في الانتحار
 وارجع لكتاب اكتئاب المراهقين والاطفال
فمتربوش ولادكوا عالأوامر والتهزيق
 متكسروش مقاديفهم بالكبت والتضييق 
العنف مش بس عنف مد اللسان والإيد
 العنف كسر النفس وتحويلهم عبيد 
فا لو أنت نفسك مش متصالح مع نفسك
 متجبش في الدنيا طفل فيامراضك ينافسك 
 واعرف  وافهم ان البنين زينه فتنه زي المال
 فاللي معهوش فلوس بقي بيكنز في العيال 
اللي غرقوا في مشاكل منشأها البيوت
 انا مش جاحد لفضل أهلي ولا بدعوكواللعقوق  
انا بوصل حقيقه مجتمعنا
 مجتمع أملي وأملهم انه يسمعنا  

2x

مش وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي

خمسة وعشرين - زاب ثروت و ساري هاني و هاني الدقاق 2018 | 25% - Zap Tharwat ft. Sary Hany & Eldakk

شاب بسيط بيحلم انه يبقي حاجة
من منطقة  شعبية فيها ناس كتير محتاجه
زمان قبل ما نعرف التمييز والطبقية
زمان قبل تفريق الناس طبقات بعنصرية
مش هقارن ما بين زماننا والحال أيامه
دلوقتي قيمة الشخص بفلوسه مش باحترامه
سافر الولد برا البلد علشان يأمن مستقبله
واتقي ربنا في شغله ورزقه من اوله 
عدت سنتين واتجوز احلى بنت شافتها عنيه
من اول مرة شافها دعي ربنا تبقي  ليه
وبدأوا بيت صغير طوبة طوبة واحدة واحدة
كانت هيا سنده في برد الغربة والوحدة
وقوام ربنا رزقهم بأحلى بنت في البنات
والرزق زاد بعدها بتلات اخوات ولاد
والبيت كبر ودفي والغريب نسي غربته
بقي في وطنه حضنهم وفي لقاهم فرحته
غلطته انه نسي ان الفرحة مش بدوم
المرض عرف طريقهم بقي بيزورهم كل يوم
الموت قرر يختار اكبر ولد من ولاده
مابيتأخرش عمره بيجي في وقته وفي معاده
ويادوب قدروا يفوقوا من الصدمة اللي كانوا فيها
والموت خطف الصغير في الزيارة اللي بعديها
والحرب قامت في الخليج سنة تسعين
راجعين بكفايانا نعيش متغربين
 
الغربة حال مابينتهيش
 بنتولد و فيها نعيش
مابين غريب جوه بلادي 
وبلاد كتير ماتخصنيش  
 
 
بداية جديدة في مدينة محدش فيها ساكن
سموها نصر صحرا واسعه وشوية مساكن
حاول وعافر دور بس الفرصة مش متاحة
ماليش مكان في بلدي قالها لنفسه وبصراحة
اتغرب تاني وساب حبيبته للأولاد
في كل سبت كانت مكالمة طويلة في المعاد
يطمنهم عليه ويحكي ازاي بيوحشوه
ويرد عليه ولاده يقولوا نفسهم يشوفوه
الغربة مش اختيار لما يكون مفيش حلول
عمر الفراق ما بيقصر دايما بيزيد يطول
وبنفتكر الهدايا راح تعوض الحبايب
مين قال الهدايا تحل محل الغايب
 مرة جواب في صورة مرة شريط في قصة
كل دة مش كفاية اصلك واحشهم لسه
والعمر بيجري طاير زي جري حبيبه ابنه
ورا تاكسي رايح عالمطار زي التاكسي اللي قبله
كان كل مرة يبكي لما ابوه يروح يسافر
وينام في حضنه لما يرجع ايوه انا لسه فاكر
انا فاكر كل كلمة كل تفصيلة وثانية
اصل دي حكاية ابويا مش اي حكاية تانية
تشبه في الحكاوي ياما ناس كتير متغربين
اللي سافروا من شهور واللي هاجروا من سنين
والقصة مش بتخلص أصل الغربة في دمنا
جيل بيسلم جيل واكيد حنسلم اللي بعدنا
 
الغربة حال مابينتهيش
 بنتولد و فيها نعيش
مابين غريب جوه بلادي
 وبلاد كتير ماتخصنيش  
 
قبلنا ومننا ياما حلموا ناس كتير
 حلم بأرض خضراء واسعة وخير في الكون ملوش مثيل
ولما صحيوا من منامهم لقيوا كل الأرض بور
 فتحوا عنيهم في الضلمة ضلمة العقول
اللي في الصخور يكسر واللي منهم قال يقصر
 اللي قصر قام مسافر واللي حاول بعده حصل
 في النهاية دي رسالة كلها تقدير لوالدي
 عاش حياته بيفني عمره علشان اقول عندي وعندي

الغربة - زاب ثروت و ساري هاني و امير عيد 2018 | Al Ghorba - Zap Tharwat ft. Sary Hany & Amir Eid

زاب ثروت - قلب مات

مطلوب زعيم كاريوكى

مطلوب زعيم لشعب طول عمره عظيم لشعب كان فاعل زمان لكنه هان حتي انه ثار بايدين كبار و ايدين صغار مفعول بيه بيقسموه و يفرقوه و يقطعوا في عين اللي جابه و اللي جاب ابوه علشان يموت او ينتهي مطلوب زعيم لشعب حكامه خانوه و توهوه و غيبوه و اللي انتبه منه و فاق غموله عينه و كمومه و سلموه في المعتقل لكلاب جعانة يقطعوه لكنه رغم القهر قام زئر و زام و في اسبوعين زلزل حصون الجلادين هد النظام فوق رأس جنين الفاسدين مطلوب زعيم يحمي الحقوق يعدل ما بين الناس تمام زي الفاروق و يكون حنين علي الفقير و علي الفاسد يفتري يهدم علي دماغه الشقوق و يعلقوا علي المشنقة او يرفعه علي رأس خازوق مطلوب زعيم ميقلش علي الخواف حكيم و يكون كمان سمعه سليم يسمع لنبضة قلبنا و يكون مكانه في وسطنا ميعش ابداً في القصور و البعض منا للاسف سكانين قبور يشرب و يأكل اكلنا و يعيش كواحد مننا يسمع لنا و يشور و يأخذ رأينا وقت الخطر نتلم حوليه كلنا و نضحي وياه بعمرنا مطلوب زعيم علي المسئولية يكون امين و يكون جرئ و يكون شجاع مش امعة و حتة بتاع يعرف يقول للظلم لأ و يموت و لا يفرط في حق مطلوب زعيم نقدر نحاسبه بالقانون او نعزله لو للامانة يوم يخون لا يشترط الشكل ايه لا يشترط السن ايه لا يشترط الملة ايه شرطه الوحيد يكون بشر بالاختصار مطلوب دكر

كاريوكى - مطلوب زعيم يكون دكـــر

Hany Adel - El Hekaya Ma B'tentehish  هانى عادل - الحكاية مبتنتهيش

rapper & director from Cairo, Egypt
studing political science 

Zap Tharwat - Handsa زاب ثروت هندسه

sherka

Recent comments

mo zayed

Saed Abo Alhag

Hala Osama

shahd

Related tracks