شديت الحزم بحد ما اتقطع 

البقر اللى بيقولو سيد درويش اخوانى يابهايم الراجل ميت سنة 1923 قبل ما تتأسس الجماعة ب5سنين ده موسيقار الشعب واول مغنى عربي وافريقي فى العصر الحديث

بحر الموسيقي رحم الله فنان الشعب سيد درويش الذي لم يترك مناسبه شعبيه الا وكان حاضر فيها فاستحق ان يكون فنان الشعب

طلعت يا محلا نورها سيد درويش

يمامة بيضا
فلكلور مصري
معالجة شعرية: فيروز كراوية
توزيع موسيقى: رمز صبرى

يمامة بيضا ومنين اجيبها
طارت يا نينا عند صاحبها
وخطفها البلبل وطار وياها
أصله يا نينا يعرف لغاها

يمامة طارت سلّمت أمرى
طاير وراها ييجى نص عمرى
بلبل خطفها وسابنى لشقايا
ومين يا نينا يفهم لغايا

(فيروز كراوية- يمامة بيضا (حفلة          Fayrouz Karawya- Yamama Beida (Live)


حبيتك حبا جما
والروح بهواك مهتمة
وازاي يا جميل تهجرني
إلى أجل غير مسمى

ما اعرفش ازاي حبيتك
وصبحت بهذا الشكل
اللي أعرفه إني لقيتك
ف القلب بتاكل أكل

ودخلت منين ما اعرفش
وقالوا تعالى ما تخافشي
بكرة هيصرف .. ما صرقشي
ووقعت محدش سمى
وازاي يا جميل تهجرني
إلى أجلٍ غير مسمى

بقى يعني إكمني بحبك
تقابلني وبوزك شبر
كل اللي جرالي ف حبك
وعد ومكتوب بالحبر

قسمتي وياك ونصيبي
يا شاغلني ولا إنت داري بي
قربك ده جميل يا حبيبي
وبعادك ده غازات سامة
وازاي يا جميل تهجرني
إلى أجلٍ غير مسمى


هل تعلم أنت لماذا
ف الحب أنا اتألمت؟
إن كنت لا تعلم هذا
آدي إنت يا سيدي علمت

بزيادة خصام وتعالى
ونغني ف أحسن حالة
إنت تقول لي يابا لالا
وأنا أقول مال الهوى يامه
وازاي يا جميل تهجرني
إلى أجلٍ غير مسمى

حبيتك حبا جما
والروح بهواك مهتمة
وازاي يا جميل تهجرني
إلى أجل غير مسمى

كلمات فتحي قورة
لحن محمود الشريف
غناء شكوكو

حبيتك حباً جماً- شكوكو

استمرارا مع جلسة الشيخ سيّد مكاوي الخاصّة عام 1986 تقريبا   - الأغنية غنّاها محمود عبد العزيز أيضا في فيلم الكيت كات
هذه التسجيلات ترفع لأول مرة من خلال هذه القناة
باقي تسجيلات الجلسة هنا: https://soundcloud.com/aesamk/sets/sayyed-makkawy

يا صهبجيّة (عُود) | سيّد مكّاوي - جلسة خاصّة 1986

والله تستاهل ياقلبي

 تأليف عبد الحميد الديب   

والله تســــــتاهل يا قلبى ليه تميــــــــل ما كنت خالى
انت أســــباب كل كربى وانت أســـــــباب ما جرالى
إيه بقى اللى ح يواسينى بعد ما انهــــــــدت آمــــالى
اذا كان حظى ناســــينى مين اروح له اشكى له حالى
ان شكيت قلبى وحواسى يعمــــلوا مؤامــــــــرة علىّ
وان بكيـت والحب قاسى تشــــــتكى منـــــــــى عينىّ
أعمل ايه واحنا ف غرب والأغـراب دول زى اليتامى
يا مين يواسيهم فى كربه يامــــا بيقاســـــــــوا ويامــا
يارب كل من له حبيــب طــــــال بعــــاده وللا قريب
ما تحـــــــــــرموش منه وهــــــــاته له بالســـــــلامة

سيد درويش - والله تستاهل

رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور 

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على


اللحن الثاني (على قد الليل ما يطول)

سيف الدين: على قد الليل ما يطول

مسترضي بسهري ونوحي

في حبك ياللي من أول

ما شوفك تترد روحي

سنين وأيام دايب فيكي

بزمارتي أصحيكي

طول مانا وأنتِ في الدنيا دي

أفوت أهلي وأجدادي

حاروح على فين وأنت قصادي 

نزهة: تطل من النافذة

اه يا ترى يا ربي داهوه والا لأ حبوبي

سيف الدين: يا عين الحبوب من جوه 

يا سبب وعدي ومكتوبي

ياكتاكيتها

نزهة: ياننوسه

سيف الدين: ياقطاقيطها

نزهة: ياحنتوسه

سيف الدين: أنا م النجمة في استنظارك

نزهة : أديني نازله

سيف الدين: أما نهارك أبيض من طبق القشطة

نزهة: تنزل وتلتفت يمين وشمال

اوعى يكون حد شايف طيفي

سيف الدين: حطي ف بطنك بطيخة صيفي

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش .. أما دي حقه كانت ليلة في غاية الرقة

نزهة: فاكر وأنا حاطه إيديه في باطاتك قبلي الترعه

على غفلة وملت عليه ماقدرتش أقوللك اوعى

سيف الدين: قمت أنا بصيت يمين وشمال 

ساعة ما لقيت ما فيش عزال طبل طبلي وزمر زمري 

وشقلي بقلي وعنها ودوغري ورحت أنا قاطف لك فله

نزهة: من يومها عرفت الآخر إنك مستعبط ساهي

أيش قوله المثل الساير ياما تحت الساهي دواهي

سيف الدين: آه عليها عيون ما تلتقيهاش

على منادمين يا كده يا بلاش

نزهة: عليه مناخير فشر النبقة

سيف الدين: أما قوامها زيه ماتلقى

دنا متبرجل يا حدقة

يا كتاكيتها يا حلاوتها

يا قطاقيطها يا لطافتها 

قربي لي يانور هنيه قربي لي يانور عينيه

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش

الجميع: أما دي حقه كانت ليلة في غاية الرقة

على قد الليل ما يطول - سيد درويش

سيد درويش - شد الحزام

من ارشيف الاذاعة المصرية
وصلة سيد مكاوى فى الإحتفال بمرور 50 عام على رحيل سيد درويش على مسرح البالون يوم 22-9-1973 وقدم فيها
والله تستاهل ياقلبى
  سالمة يا سلامة
  يهون الله
  شد الحزام

سيد درويش - شد الحزام

ＳＨＥＥＳＨ ɨʐʍ

Recent comments

amer elzomor

ضرغام²

آمِنة

Azza Abdel Baky

Related tracks