بنختار الوجع بالايد... وبعدين نشتكي التنهيد

ياوجع القلب

اخلع على عتبة أحضانه
كل همومي
من غير ما اتعاير
و لا تشوكني نظرة سخرية في عينيه 
#قصيدة 
#هانكر_ليه

في حد ينكر روحه...أنا هانكر ليه

الشخص الصح ❤️👌

كل حرف كان بألمي

وإن كبرنا هَم شالنا وشِلنا هم🥀🖤

اه لو تعرف..حبك بقى عندي ازاي ♥️

كفارة الحب ايه ؟

ربنا ياخد من قلبك وجعي

ايوه مشينا ✋

اتمنالك شخص جديد في ٢٥

فض صوان الاحزان 🖤

 اهداء الى قلبي ✍️ 
أنساه وخلاص ❤️‍🩹

متلازمة قلبي المكسور 💔

وبرغم كل تفاصيله...ما ينفعكيش
وبرغم إن كل الأماني فيه ومعاه...ما ينفعكيش
وبرغم نفسك ونَفسك اللي راحوا وياه...ماينفعكيش
وبرغم ابتسامته اللي قلبك طابع زيها ضحكه بتضوي في عيونك...ماينفعكيش
وبرغم شمسك الا مابتسطعش غير في صباحه وقمرك اللي مابيكملش غير وياه....ماينفعكيش
وبرغم إن توليفة القهوه في ريحته بتزبط يومك بقعده معاه...ماينفعكيش 
وبرغم الشخطبه واللخبطه اللي ملت روحك وبزياده...ماينفعكيش 
وبرغم ان في عز الشتا ربيع بيرقص في جننتك والدفى كله في حضن معاه...ماينفعكيش 
وبرغم كترة الالوان بجواره هتبقي بالهتان...ماينفعكيش
...... ماينفعكيش ومايشبهيكيش....
ولو كان الكمال وياه في النون الناقصه من روحك ومن دونه مافيش إحنا
ولا حتى بطفل يشبهله وبنت دعي ربه من قلبه في ليل مع نهار انه تشبه روحك
"يا أطهر ما فيا" ....ما ينفعكيش
ولو الحياه الطيبه وياه في ستر جروحه لجروحك شفى وضمادٍ وكأنها قد كان.. ماينفعكيش
ولو هتلاقي حزن الدنيا كله فرح وياه...ماينفعكيش
ماينفعكيش...لإن ببساطه الحب ده أنواع 
ومن حزن حظك وقع قلبك في حب ما بيكملش 
غير في الأساطيروقصر جميل 
و نسى إن الوحش هيفضل وحش يا جميله
و لو رقص كل يوم رقصه بأنغامك ولحن فريد على إيقاعه
بالتأكيد ماهو المايسترو ونوتة السيمفونية معاه...ماينفعكيش
وبعدين مين فينا سمع بوحش أجوز جميله 
غير في حدوته ملتوته يابنوته.....ماتشبهكيش
خلاص و لحد هنا انكتب للقصه دي نهايه من غير بدايه يا أميره
ماهو كده في تجارب وان اتعاشت...انكتبلها انه ماتكملش 
معلش...مافيش وفاق من المبتدى وتكافؤ للتفاصيل كانت هي البداية
والآن أصبحت القشه...وانقسم ضهر الحكايه
آه لقلب لاكمله فرح ولو حتى بالنوايا 
آه لقلب لاكمله فرح ولو حتى بالنوايا 
في الخفايا بس اتنفس أمل لعلاقه طرفها واحد 
وأما التاني كان غايب
ويا تجارب وحياة ما بتكملش
ودنيا ماتلقش بجلالتك ياعزيزه
ولا عمره الهوى كان ذل...ماينفعكيش
لا في التفاصيل دي عشره و عش وأسرة و ود
و زوج لحد الشيب سند
برغم الوهن و رعشة إيده بيطبطب ويتبسم في صُبحك
و يتغزل فيكِ كبنت إمبارح "يانصي الحلو" 
وتاه عنه نصاعة الأبيض في لون شعرك 
وكام سِنه سرقهم العمر من شروق ضحكك...ماينفعكيش
ولتعلمي أن.....
الأرواح هنا في ملكوته كما بتآن بتحن 
ودور على اللي يحن ويكمل نصها
الكامل بيكي أنتي يازهره فتملى بستانه بعطرك النرجس
فيسجد لربه على نِعمه ويسبح بسلسبيل عشقك
وكده وتبدي الحدوته من غير ملتوته يابنوته
بحكاية و تفاصيل كما تاليق بعظمتك... وفخامة قلب صان عزك
قبل ود حبيب ما يشبهكيش....ماينفعكيش
#ماينفعكيش
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

ماينفعكيش....فيروز...وحدن

"إهداء إليك ياصديقه"
والقفه ضاقت يا أما 
ومعدش فيها منفس
ومعدش فينا منفذ 
ولا كام باب مفتوح
 اتقفلوا بطموح
خد ولا دانا 
غير شعبطه في الروح
وادينا بنسد في جروح 
ونسدد تمن مفتوح
وأهو كله في اللوح
جاهز ومتستف
زمن ومكان
اتسرق من النفس أمان
كان ستر لدموعنا
كان ستر في ضلوعنا
أيام وبتعدي 
وشريط ومتكرر
أو يمكن سف
من أول الايام
وما بقاش منه
الا ليل واحد
لون بقيت الايام 
والعتمه اهي فينا
دي العتمه بقت لينا
ونس والسلام
القفه ضاقت ياأما
وخنقت طفل جوانا
كان له في الحياة غاية
غاوي حكاوي على القهاوي وبس
عن حلم كان ليه
عن حلم مات فيه
فقد معانيه 
والشغف ماليه 
مع الايام 
القفه ضاقت يا أماي
وأنا بنت في العشرين
+ حمول مالت 
بقوا خمسين
وشريط ضفاير انفرط
ده الشيب على الجنبين
والخطوه واقفه بأمل 
يعود بينا الزمن
تروي السواقي بعشم بورنا
فندور الطواحين
ونسعى ادى مانسعى
لا نكل ونميل 
ميلة جمل خايب
برك من حزن شمس تغيب
والله يا أما لو تعرفي
برغم عزي في الشقى
بلاقى في حضنك دفي
مايسعى لوصفه الوادي بنيله
 ولا المواويل
وكلمه بعيبه قولتيها حسره على أحوالي
تحز فيا إنما
 أرجع أميل 
وأضحك معاكي ضحك اللي توجع على حاله
ومن بره ولا فارق كان الكلام على ايه
وده بقى فين!!
والحقي دي اللي بقيت مين!!
يا أما...يكفيني الستر في دعواكي
ده السُتره بزماني ندره 
باتت مع الحواديت
وباتت معاه النفس
 تميل عن كل شئ ناقص
وبقى الرضى في النقص عاده
ده الكمال...بزي جديد
زي متعايئ بالرقع 
واهو عايشين
متعشمين في شوية صبر
جايب معاه فرج بروحين
روح تشد
و روح تكمل...بوش الزيف
وش حويط يتلون مع الاوباش 
 ويتبسم
أو يرسم جد 
بدون تحابيش من اقلاهم
وأعمالهم في أيامهم
تدين فتدان
بسيطه اهيه
مالهاش تعاويذ
ومحاسيب
 يرفعوا بيهم
ويخسفوا بيك 
ياأما دي القفه طفحت  
و مالت من الجبين
لا يد شلتنا 
ولا ودنه عفيه طاقتنا
بقينا اعتق من حجر صوان
وأشد
 من كترة الخرابيش
في بوحنا صمت غميق
وكلام و ان اتقال
لغز ما انحل ياأما
ولو رشقوه..في قلب رشيد
أهو حجر
وصار علم لكل الناس
اما احنا 
اتربطنا بإحبال نوايا
وشكوكها
وادينا متشعلقين
بنشر ندم
على معارف
كانوا كنوز والله
و مع الوقت اتعرى 
الفالصو 
واتبخر الحلوين
والسند 
كان هنا...راح فين
لقيته في الآنا قاعد
ولو دامت
كان فضل مين
تراب ياابني آدم ومبدأ
وإليه راجعين
ياأماي
 ضمي إلي الأماني...بهود 
دي ياما ارتوت وما روت
مسكين بالعجل فاكر
ابتدى الخلق
بيومين 
و يا دنيا 
يا ضمني هوانا 
يا تلفظي هوانا
دي العضمه  اتفشفشت
وما عدش في بعدين
ندواي بيه اللي انكسر
و نطبطب على الفاضلين
في سنينا جاين
مستنين قلبين
قلب حبيب مداوي
وقلب قديم
في الحزن مقيم
كان له في يوم صفحه بيضه
ودلوقت داست عليه تجارب
وسوء بشر...فايتين
أوض ضلمه
 وأهي تاهت المفاتيح
فامتحزنيش ياأما على أحوالي 
مسيرها تتعدل من رب كريم
عالم برزقي
يعني هيروح فين
ووالله ياأما 
لا كان الحل بجوازه هايله
وراجل
قال يعني...هيبقى الضهر
وبيت وعيال
غايبين...ولا تعلمي
جاين و مش جاين
و وظيفه في حكومه
ذات نفسها فايته 
بيومها التالي... التكيه 
ورايحين
فلا حاجه ثابته
غير فكره
في إن الضي موجود 
وإن السُكنه 
في قلب الليل
راحه 
لشمس نهار
مسيره يطول
ولكل فجر نور
فاضميني بقلبك ياأما
وسيبي اللي اتسرق من الساعه 
للساعه
ورب الساعه
 والخلق أهو موجود 
لقفه ضاقت
ومعدش فيها منفس
ولا رجعه عن إراده
في حلم
مستني المنفذ
#القفه
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

و القفه ضاقت يا أما......القفه

روح ليهم....وماتجيش
 تفتش عن أسباب الحزن في عيوني
ولا يهمك إن كان لك سبب منهم
طلبت تفارق وفارقت
فمش فارق إنت من غيرهم
و بلاش تماحيك ياجدع
مفقوسه والله
فارقوك زي مفارقت 
بايعوا غيرك على الهوى
زي ما بايعت وبعت
فما دورش على مساحه
وأسباب خايبه
وماترجعش
و لو كل أسباب الحزن
 هو أنت
هلعنهم ولا أرجعش 
وماتخافش 
بشوية كرامة هخف
هستر بيهم قلبي وأهج
مع ذرة كبر
تحويجه هايله والله
لو كان لسه عندك قلب
جربها و ارحل
 وبلاش تباته ياعم
ده أنا وقتي ده اغلى
من إني إنتني وأنزل
 ألم في بواقي
وأكمل مع فضلة غيري
جديد بجديده
عزيز النفس
لونفسه باتت
يزهد ولا يرجعش
فما تحلمش
ولو فضلت هنا بالألف عام
بتكفر عن أسباب غياب 
بدون اسباب
كداب ياخيشه كداب
فبلاش سذاجه
كنا فيها من يومين
وخلاص راجعين
بندم قوانا
فالمره الجايه
نبقى فاهمين
في الفرق بين راجل
وبين تافهين...أمين
فماتقلقش
هندور على ناس تانين
ولانقفش تايهين
بنندب حظنا على ناس ارخص من قرشين
الطيب للطيب
 ولو في حين تاني غير الحين
راضين
ده كان فراقك نعمه والله
وتجربه قوت ولاقسمتش
فلزال الضهر أهو مصلوب
و القلب مرفوع
عن ذل في حب
أكرم له...كان دفنه
ومعلش 
إن كانت فطرتنا 
سبب ضعف
و فيزة وصول
لمن صناه فما صانش
فلا دق على الروس 
أشد 
من حيط مايلنا عليه 
طلع ناقص ولا يسندش
فيلا...يلا
دور لك على تحوير تاني
وناهيه
غير دي كانت ذلة قلب
و إنتي الأمل والمحتمل
ولا أنا البريئه الطيبه
فأنا مش فاتنه
لكني كنت هبقالك
زوجه طيبه
في الحزن وطن
يساعي ولا يطردش
أم العيال 
برغم شيلة الهم تضم
ولا تهجرش 
تصون وتحن
ونس وقرب 
عايله في الفرح
بسيطه في ورده تقطفها
من عتبة في بلكونة بيتها
وكأنها جنينه تنسي المر
روح ياشيخ
 من قلبي بدعيلك تقابل
اللي تشبهلك 
ملاك في عينيك
وشيطانه
مع كل اللي عرفها
تسقيك الوجع
مر مكرر
و تزيد كمان
اد ماتقدر...و توريك
كيف الآلم... شيد صنما
وإن البكا يمسح أثرك
تصحى تلاقي....مسخ في صورتك
شبح باهت يسكن قلبك
تكسر نفسك
فتفتكر ازاي
كنا في ضلك
كنا نسامح ونطبطب
أما الآن
نسينا والله
كان ايه اسمك
اه...كان
وجع بمرار الايام
وبصم
فمتشكرين يامجدع
وكتر خير الزمن هالص
علمنا ازاي
نقول لأ 
في عز الوهن
والحوجه لكلمة تطبطب
وهستناك في مكان تاني
وأنا  داخله وفي إيدي عيالي
وإنت من الوحده بتتقطع
وأنا في عيني اللمعه 
لراجل قدر
وإنت الدمعه في عينك
تترجى
امتى زمن يرجع تاني
وأشوفك ليا
في
كوشه
بالفستان والطرحه
#بدون_أسباب
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

روح ليهم.....قصيدة بدون أسباب

و أخاف أسعالك....ألاقي نهايه للقصه
 و أرد قلبي من بابك
 ببدايته وخذلانك
و حب يبقى لك توب طاهر
 يساعك بكل أغلاطك
و يساعني بكل أعذاري 
فإنه من المحتمل تنسى كل هفواتك
 و حبيبه
لازال خيالها  بيرقص في كل كلماتك
وكان ليها من الوجع ركن
تإن منه وتحن 
كل متكن فيه
لصدى ضحكتها
 ترن في قلبي بالآه
للمحة اللمعة في عينيك....بذكرها و ذكرتها
و كأن حلونا من الحب بقى مره
و كأن لكل حبيب حبيبان
حبيب نسى ينساه
برغم البعد
وندب القلب
و حبيب نسى يلقاه
برغم القرب
فإنه يكون 
دوا للجرح
و ستره من أيام
مافضلش منها غير وحده
تزيد على الوجع ودوس
فنتلوث بدون ما نحس
إزاي بقينا العكس
بنكسر بخاطر ناس
عشان قربوا و بس
و قادرين إن يبنوا العش
بغوص من أمل و غوص من كدر
"صحيح"
فالدنيا من أول الخلق مش زاهيه
و من غير كدب
 حقيقه كانت واضحه من الاول
فإن السعي إليك....هلاك
 أودى...لعلاقة مش ناقصه غير بيك
بدون وفاه...و حته تموت فيا
لكل ذكرى معديه من دونك
و لكل يوم يمر و أنا بدونك
  عاشقه بدون العشق... سخريه
في مشهد ثابت 
و جمهور  ساكن
من مشهد حزين واحد
يودوا لو يصرخوا فيك
"بتحبك ياعبيط"
و لا يعلموش بإن المشهد بيتكرر
و إن ما داخل المشهد
 كان أعمق بكتير 
من إنه ينتهي في مشهد
و تصقف الجماهير...من روعة التمثيل 
و البكا بتأثير
آه لو يعرفوا بإن الدمع ده 
كان أصدق جزء من المشهد
و إن الشعر غير كافي
لحب لم يبدأ
و إزاي يكفي و إزاي نبدأ
و هو انتهى بمبدأ
بإن البعد في الحب...أكيد أجمل 
و إن الصوره تتقرب فتتشوه
ملامحك جوا مني و تتلغبط 
فيدق الندم على حرارة في حب 
يجوز تبرد
 و اتناسى وجع ليالي
تمنها كان واحده
 زاد عمرهابوحده
 و لون واحد زين جفنها 
"كئيب أوي الأسود حولين عينيك ياشابه"
معلش 
كان لازم عشان يكمل المشهد
فإني عشقت عيوبك
و انتهى المبدأ
فلا بالبعد هرتاح 
و لا بالقرب راح هزهد
و برده هخاف أسعالك
 و ألاقي الصد في كلامك
فأتلوث بعصيانك و أتمرد
و أصير زيك بروح باهته
تايهه...تدور في فلك ناس جاحده
مازادهمش الحب غير بعد
 وفراقنا
و أنا في الحب بكر
مشاعر بنت تفيض بالدمع 
إذا خاب الظن
وعلاقة كنت أنت أولها 
و رغم العدد
 لا كنت أنا الاولى
و لا حتى في سياق العد
أكون نهايه لراجل 
كان في يوم بدايتها
و اديني بحتسب لله 
كأن لم تكن قصه
تدب في القلب 
كل أما أفتكر أنسى
فأنسى أنا ليه بنسى 
و ليه كانت القصه
و لاقي كبري غلب عندك
 و تختفي القصه
بجملة لكل شئ حلو بيختفي فيا 
و روايه مازالت في النيه
و قصيدة لا زالت عاجزه توصف ما بقى فيا
و السعي أصبح نعي لروح ومابيا،وماليا غير شوية صبر
بإنه في يوم...إمتى يكون وإزاي نكون...تكون ليا
#السعي
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

و كأن حلونا من الحب بقى مره.

مين بقى بيبقى..يتحمل
في القصه القديمه 
شارع بمدينة ما
وكم صخره بالمينا
عاشوا الحكايه
من بداية"بحبِك"
 و النظره الخجوله
و لمعة بتعكس ظهور
حبيبين من مطلع الكلام
أنا معجب و الله
ممكن تقابليني
الواد جميل يابت
مشهود له بالاستقامه 
و الاحترام..بس
و ليه لأ مش عيب
ده عقل بالك ده
عليه تبارير 
و تبدي الساعه
تجر من المشاعر الأولى
وإزاي بتتسرسب 
و تفرش من الصخور 
صَدف ألوان
و من الشارع
لمض أفراح 
و موج البحر
بقى الانغام 
لحليم و نجاة 
"و البنت اللي كنت أتمنى أشوفها...
بقت حبيبتي خلاص...
و هبتدي معاها بحكايه..
كل الكون هيشهدها... 
و حتى الموت لو عدى و فرقها..
ما هيقدر يفرقنا..
زوجين في الجنه.. بإذن الله"
في القصه القديمه
أماني كتيره
و انتظار كلمة"بحبَك"
بلهفة ونار
و حكاوي صغار
و إزاي كانت الشقاوه لناسها
و إزاي كان الدلال في الماشيه
و الغيره تقلب حكاوي عيال
إذ فجأه لعركه
"إزاي تسمحيله بكلمه"
وتتشقلب نقطة في بحبك
 بسرعه برق لوجع "بكرهك"
و نتخاصم و نتصالح 
بعد الدمع ما اتدردب
و العتب صار بكلمتين
"إنت بتغير"
"أنا بحبك"
و خد تحت سطر بحبك
أفعال كتير بدون تبرير
نكد من غير حساب
وعصبيه بدون اسباب
كلمه بعدها الأسف مقبول
و لو كان الغلط منبوذ
في القصه القديمه
عرفنا...أول معنى لرعشة إيد
عشان تقرب من الإيد
و كأن
إحساس المشاعر ساعتها
مش كافي
بدون اللمس
و درجات حراره مختلفه
منخفضه و مرتفعه
تتقابل في حضن الإيد
"و أيوه برقتها ودهشتها..
 و هي بتسمع الكلام الحلو مني..
ياه على ضحكتها 
و حنية قلبه في خوفه عليا..
ده عينه في نور الشمس عسليه 
يااااااااه"
و لكل ألف ياه أكيد ناهيه
يا نقطه لسطر جديد
 أو نهاية سطر
في القصه القديمه
بقت الأم شاكه
"البنت دي من فتره مش هيه سرحانه كده و عن الاكل ملهيه تكونش.. لأ معقوله" 
فيجي الأب و يشيل فوق طاقته كمان شيله
"أبويا أنا عايز أخطب بنت حلال و هديه..بإذن الله قبل السنه النهائية..وبعدها إن شاء الله أشيل من قوالب الطوب ميه عشان تكون ليا "
الام بعد التأنيب و كم نصيحه متنقيه
"الباب مفتوح يابنتي لمن صدق في النيه"
كان الامل ليلتها نسمه 
رفرفت ليها ستاير بيتنا
و القلب فط للفرحه يحضنها
و في انتظار الرد 
رص كل الفروض و سوء النيه
موجود في غياب مقصود
لا جواب و لا حتى تليفون
في القصه القديمه
و بنفس المكان بالمينا
كان هما هما..حبيبين
لكن بلكنة أغراب
أنا أسفه... أنا أسف
ما بين أبين
في خوفه وستره لبنته من الزمان
كسر بخاطر ابنه بعجز ولام على الأيام
و باختبار كلمة الحب 
بنقطتين من كاشف الظروف
يتضحلنا
 إن أصول الصخور سواد كاحل
 و لمض الشارع كانت من الاول
  نيون باهت
و موج البحر صخب فادح
وشرخ في علاقه 
بتنهي مشاعر من القلب 
و أول طرحة حب تموت بذرتها
 بالظهور لأول نور
و بنفس رعشة الايد بنتمسك 
في فراق 
كان الموت في زمنه حياه
ففي وجود اللاموجود سلام
عن  لاوجود الموجود
في القصه القديمه
لسه الوجع موجود
لسه الحنين موجود
بعد الفراق
بس إحنا
بقينا اتنين غيرنا
بنهاية الحكاية
بقينا نسخ
من صور قديمه
 بهتت ملامحها
بكربونة القصه القديمه
في القصه القديمه...وبس
تعدي السنه التانيه
و إحنا هناك لسه
في السنه الاولى
لعطر الذكرى 
يجمعنا على هديه
 لا زالت مدسوسه في لفتها
 كما المر في مسكن
بناخده مع أخر الم ونتنهد
من التفكير..فنلاقي سكتنا 
من بادئ الأمر
لم تكن واحده
و تمر السنه التانيه
ورا الاولى 
ورا تانيه
و أدينا عايشين بتفكير تاني
لا موتنا في يوم
 من وجع قلب
و لانقصنا من غيرهم
و بقينا متفقين
 "ده شغل عيال.. وكلام هري"
و كان عادي أنه ما نكملش
في القصه القديمه
و بعد النضج
كان لازم للنهايه
بعد
بإن الثقه فينا
أصبحت بح
فبقينا بنسيب
من قبل ما انتساب
و نخاف من القرب
و أي كلمة حب
وباتت المسافات طويله 
لو حد حاول بس..
من يوم القصه القديمه
فكداب من قال
 إن الحكايه في الاصل شغل عيال
كداب من قال انها لعبه...تنتهي بنسيان
و لكل من قال ده داء
 و في حب تاني دواه..كداب
ده لسه العرض جوا منا موجود
بيظهر مع أول نزله لبرد
وشتا و ندا فيروز
"حبوا بعضن تركوا بعضن"
فإزاي ياعم..قولي
 تنسي اتنين كانوا في يوم حبيبين قصه 
غرقوا في تفاصيلها وحكاويها..تجرها ذكرى
إزاي..
وقولي
مين بقى في حينا يتمسك
مين بقى بيبقى.... يتحمل
يلم كراكبنا و يرتب
يصبر على عيوبنا و يجمل 
و يمحي أثر قصه قديمه 
هنا معلم
بطهر جديد لمعنى حبيب
يمكن ساعتها ننسى و نسلم 
لقصه جديده هتكمل.
#في_القصه_القديمه
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

القصة القديمة...حبو بعضن تركو بعضن

في القصه القديمه و نوتة عمر خيرت...فإزاي ياعم قولي تنسي اتنين كانوا في يوم حبيبين قصه

ياصبيه ياعفيه
 ليه تشيلي هم ميه
 ليه توطي 
ليه تجيبي عليكي وتحطي
 ليه تخبي سنه لولي
 ورى دمعة حزن مداريه
يا صبيه
لجل كام حلم واقفين على السور
كان عيب يطلعوا للنور و تنطي السور
يا أم الجلابيه الكستور
وتفكي قيود صوتك 
مبحوح من كتر النوح
كان عيب يصرخ بجموح  
ويقول كام كلمه بكل وضوح
يا أم الجلابيه الكستور
كان عيب شِعرك
كان عيب رسمك
كان عيب وصلك
كان عيب تكسري عرفهم...تبقي في عرفك
كان عيب تمشي لوحدك 
كان عار جنسك.. 
كان قربك محظور...يا صبيه
فاشطبي اسمك
و امحي جريمتك
و اقبل عادي بكل العادي
و إنسي وإضحكي من قلبك
 وإرمي همومك في الترعه بكل برود
 ياأم الجلابيه الكستور 
و اقبلي بسعاده 
إنك فرحانه 
و بزياده على طريقتهم
و اوعي الدمعه تلمس جفنه 
وتباتي في يوم  قلبك مكسور
يا أم الجلابيه الكستور
و إن كان لسه جناحك مكسور
بكره بريشه ينام منصور
ويعدي السور
يا أم الجلابيه الكستور
و إن شوهوا رسمك 
و إنقطم سن في قلمك
هتلاقي الشعر بيفضحهم
 و إن كان مكتوم
على كل ظنون
باتت منهم فيكي
شوك في الزور
تنخر مع كل غروب
وجع وشقوق في الروح
من غير ولا نقطه لدم تفوح
يا أم الجلابيه الكستور
بس حياتك..وتر مشدود
راح تعزف من شوك 
شربات مزبوط
و إن وصمة عارهم
 غطاتك من تحت لفوق
 راح تعلي لفوق
وتعري عيوبهم
من كذب وزور
وأفكار جور..وبكل غرور
بعرض أنا على حضراتكم
كسرت السور من غير ولا كذب وزور
يا أم الجلابيه الكستور
وبعيش بسلام ومصالحه
مع كل مصارحه
عقلك ناقص
ولادتك غلطه
بديني مسامحه... كل الموجود
و إن كان مفروض
 أعدم بدور كل المسؤول 
عن وأَد صبيه لحلمها عايش
في قفص عصفور
هنسى البور...وبكل سرور
بقلب.. لسة عايش جوه النور
ياأم الجلابيه الكستور
#الجلابيه_الكستور
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

قصيدة الجلابيه الكستور.....مع هويد الليل و بيانو  عمر خيرت

:إهداء لكل سندباد رحال وشايل حنين
ليه الهرب و المأوى جنبك
ليه تلوص و الأنس بيك
ليه في فرحك عينيك بتطقي
و كأن في جزء ناقصك..
تهت منه..
وغاب عليك..
ليه بحزنك تختفي..
و تضم عمرك ليه ينتهي..
بين ضلالك و اكتئابك تلتهي..
ضيف كمان الوحده ليك
ليه بتبعد رغم قربك
ليه تقرب من اللي بعدك
ليه ترخص من لي منك..
واللي فيك..
و أنت أغلى للي ليك
ليه تعافر في اتجاه..
لما جمبك اتجاه طوق نجاه
ليه تقلل من جنابك..
و أنت روحك من اللي خلقك..
نفخها فيك
ليه تسك باب بصوره...
"إني سئ بألف عيب ليا ماضي في قلب حاضر مستقبل إيه..للتاريخ إنسان سقيم"
ليه تبوح بذنب سافر..
داره ربك وتاب عليك..
و كأنه غير كافي بالنسبه ليك..
مستني جلد الناس إليك..
واخدين الصح ليهم..و العيب عليك
ليه تشوه فكره حلوه..
شافوا غيرك قدوه فيك
أو تضلم وإنت شمعه..
نورها لغيرك سبيل
ليه بقلبك تقسى دايما..
و هو أصله من حرير..
صالح ابن صالح..
ابن  ناس راضين عليك..
بس هو من أصولك ..
و الـ وصولك..
طبعت الدنيا عليه
ليه تغيب ليه تسيب إيد حبيب..
و تتشعبط بالحضيض..
سندباد ريس سفينته..
و البحر بيحن ليه..
و إن ليله مهما طال..
سندريلا هتلاقيه..
جو مينته و داويه..
من شمس نهاره..
تأويه و تضلل عليه..
وفمره طال ليله و تاه..
زار حوريه بتناديه..
جنيه حمره بألف ليل..
موال طويل..
من الحكاوي والسحر العجيب..
في الجمال و العشق تلاقيه..
في عينيها ﻛـُحل شَبك قلبه.. 
والدليل..من ليلها غارق مش لاقيه
ما هو كده في كل عجله حرمان أكيد..
من الحبيب للحضيض
ليه تداري دمعه لامعه..
ليه بتخجل..
لما تنزل..تروي كل الورد فيك..
و جنينه حلوه..
صدقني دي البسمه ليك
ليه وليه..
ده و ده..
من سجن غيرك لسجن نفسك...بين نارين
رحال و تايه في بلدك..
من الكل شايل آنين..
ولواحدك شايل حنين..
حتى و الدك ليه تعاتبه..
و هو أقرب الناس إليك..
في الموت فراق يجوز..
إن صاب أقرب حبيب...
و قرب لروح أكيد...أكيد
و إن لسه في العمر أحياء عزاز..
بيحلو اللمه في أي عيد..
و لو كام من بشر خاف عهدك..
 وخانه و داس عليه..
يكفيك شجاعتك ..
في مواجهة مواجعك..
يكفيك إنك إنت 
بدون تبديل بدون تمثيل
يكفيك الصبر 
و أملك اللي محافظ عليه..
و إن ربك جوه قلبك..
ده هو معنا..
 و الأقرب لينا من حبل الوريد
#سندباد
#شيماء_عبدالرحمن
#Facebook:https://www.facebook.com/shimaa.abdelrhman.3
#Instagram:https://www.instagram.com/shimaa_abdelrhaman/

رحال وتايه في بلدك من الكل شايل آنين...قصيدة سندباد

وادفع من طيبتك 
قعده لوحدك
ياه لسذاجتك
وزع احضان
والتمن اهو كام
لساك نايم
ومونس حيطك
آه يا حزين
واللي المفروض
يبقوا في ضهرك
راجعين من تاني
لعوايدهم
وفي مشاكلهم
واقفين جنبك
اتبه في بختك
و إنت لوحدك
حاضن همك
داير ورا البايعين
ياحزين
بتقولي أمين
قاصفوا من عمرك
ورد السنين
جناينهم طرحة شوك
و بتإذيك
ياه على فل
زهره جميله
منداسه بأقدام الكل
و اه ياحزين
مقسوم لاتنين
اهي
ضحكه و ملفوف 
فيها خيابتك
والضحكه التانيه
ستاره لندب قديم 
ايه ياجدع
 كل العجب فيك
عرض جبينك
مركب وشراعه
 نجى حياتهم
و الموج كان ليك
غرقان من يومك فيه
و اديك اهو
بقيت بتقدر...على السكات
و اللي فات...سبته فات
لا بتشتكي...قاعد في صمتك بالساعات
عامل من قلبك زاد 
وانت المحروم
من كل ملاذ 
تلجئ ليه 
ايه ياحزين
 كان تمنك كام
نلاقاك في مزاد
 ترخص فيه
انتيكه 
في معظم حكايتهم
تحفه 
من برا حياتهم
 و وقت العوزه
بأعلى الأتمان 
يعرضوا ليك
عن خدماتهم
تروح العوزه
تبقى لك خدماتهم
وهم كبير
ما انت حزين
وش كئيب
حدوته سخيفه
لمهرج
 مسحوا حقيقته
بزيف
  لايق فيهم
والتضليل
في عتابهم ليك
وفي نصايحهم
لأ فالحين
سابكين الدور
ايه 
فوق الحبه
هم تقيل
فاق البكا
بكتير وكتير
حتي الدمعه
لقتها عصيه
..........................
كل البكا المتأجل
راسم هنا 
من نن عيني
 حزين
سواده غميق 
شايفين
من شدة الكتمان
ظهر الوجع في الجسم
 رعشه 
بدون عرض 
يتقال
والمسألة تنحل
بشريط مسكن
والبكا من جوه
 على أتفه الأسباب
فإياك في يوم
تظهر جدع
وتخبي دمع
حابسك ورا القضبان
مع مسكن زايل
والمزمن من الأمراض
وتخلي من براح حضنك
تكيه 
لشوية اوباش
سكليه
ما بين الخلق
صاروا 
أوليا وقداس
من صدق كذبهم
والوش بالألوان
تلاقاك أنت الوحيد
كذاب
من وسطهم
إنت الوحيد متساب
على جنب والأسباب
حظ مقندل
وصدق جنابك
قوم وتنهدل 
وكفايه بقى
من طيبتك
أكيال
وسك بابك
على وش
دي أشكال
كفياك عبل
جعلوا من شخصك
 عبث
على كل حال ليهم
عادي وراضي
من غير وجه اعتراض
................................
كن قنقدا 
تبقى سعيدا
عارف بقيمة البعد
فيدوقوا طعم القرب
و إزاي مرارة الجرح
 تعلم فيهم
معنى الطيبه 
دي تسوي كتير
بس الضعف
ده كان منكوا
رخصه وميزه
قوة فينا
وبتربينا
عبر الزمن
عمرك في يوم
 تلقى من الرخيص
إنسان جدع
وعجب
#آه_ياحزين
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

فيبروميالجيا...آه ياحزين

تشوفني نعمه..فشكر لربي رزقني بيك
#حلوه_المعاني
#شيماء_عبدالرحمن
#Facebook:www.facebook.com/shimaa.abdelrhman.3
#Instagram:www.instagram.com/shimaa_abdelrhaman/

هفضل أعاني و ماليش سبيل...قصيدة حلوه المعاني

وحياة الوحدة اللي مابينا تستنى الصدفة...وجع الصدفة

مستني إشاره 
أديني بهديك
 الف اماره

مستني إشارة ❤️...قصيدة من غير عنوان

writer
وقت الألم...كان القلم ✍️صاحبي في مسيرتي 

SHimaa Abd Elrahman

Popular tracks