#محمد_إبراهيم

انا مش فـ حياتك اصلاً !!
انتَ اللي دخلت حياتي و شغلت الفراغ اللي انت محتاجُه بالظبط فيها
خلاص ماتكدبش على نفسك ولا تكدب عليّا ،
انت اللي اخترت تبقى موجود جنبي ،
و طلبت مني احُط كُل الذكريات بتاعتي فـ﻿ التلاجة و ابدأ من جديد معَاك ..
انت اللي فصلت حياتي كُلها على مقاسك !
ليه مسكت إيدي و عملت كُل الحاجات العظيمة دي؟
ليه و انتَ عارف انك هتسبني و تمشي فـ الأخر !!
ليه و انتَ عارف انك مش هتفضل معايا اصلاً؟

أحلام & عاصـم _ حكايات بنات

سعاد ماسي - سلام

انا مفلس من حفل يوم 28 نوفمبر بالساقية

كلمات الشاعر منتصر حجازي
الحان أحمد مصطفي

انا مفلّس

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

بروفايلى الخاص .. هشام محمد
https://www.facebook.com/eng.zeriek

كلمات الشاعر المبدع .. محمد إبراهيم 
https://www.facebook.com/Zic0o

ده و احد شبهى انا متأكد ..
و الله بجد انا مش هوّا .. 
هو اللى بيضحك فـ الصوره
و انا اللى مكشر من جوا 
هو اللى بيحضن ويسلم 
على كل صحابه ويتكلم ..
اما انا فـ انا فعلا بتألم ..
و أتأقلم عـ اللى بيحصلى ..
انا عمرى ما برجع زى مانا ..
غير وقت أما أتوضى و أصلى !


واحد شبهى _ هشام محمد _ كلمات محمد إبراهيم

برّايا شروخ
جوّايا شروخ 
فيلم الأيام عمّال بـيبوخ 
والوحدة تابوت وانا لسه بموت 
بعمل مبسوط وانا بتألم
والحلم كابوس وانا فيه محبوس 
والدنيا دروس وانا بتعلم 
اديني جناح 
علمني ارتاح 
علمني أفضفض وابقى صريح
ده الصبر مرار
والناس صبّار 
كل اما احضنهم بابقى جريح
وبلملم قلبي وبرجعلك 
وانا كلّي كسور ووجع وفراق 
يارب العالَم يا عالِم 
يا عالِم دايما بالأشياء 
اشتقت اليك فعلمني 
أفضل باشتاق

افضل مشتاق

عشان أعيش 

إلمسينى إن مُت جايز ..
فيا روحى ترد تانى ..
ليه بحبك بس دايما فيكى حاجه مخوفانى ..
فيكى شك وفيكى حيره ..
وفيكى منى حاجات كتيره ..
وكل شيئ بحتاجله فيكى وكل حاجه فيكى فيا ..
زى مانكون فوله قسمت نفسها ومش دى القضيه ..
القضيه إنى حابّك وإنتى حابه محبكيش ..
عشتى فيا فـ مت فيكى .. فـ موتى فيا عشان أعيش !

موسيقى : أسامه الهادى 

عشان أعيش

كلمات : محمد ابراهيم
لحن : أمير يوسف
توزيع موسيقي و هندسه صوتيه : أحمد حبيب
عود : مروان أنور 
كمان : أحمد مختار
ناي : محمد رمضان
جيتار : أحمد حبيب

Ameer Youssef & Zahra Mohammed ::  علمني أشتاق

لو عايز "لية وصلنا لكدة" كول تون تليفونك, لو خطك موبينيل أبعت الكود في رسالة لرقم 9999 : 50529237
لو خطك فودافون أبعت الكود في رسالة لرقم 5555 : 034188

YouTube Link : http://youtu.be/y1iku0sF3DU 

Black Theama - Leh Weselna Le Keda | بلاك تيما - لية وصلنا لكدة
Lyrics : Ahmed Hassan Raul | كلمات : أحمد حسن راؤول 
Melody : Ahmed Bahr | الحان : أحمد بحر
Music Arrangement : Fady Badr | توزيع موسيقي : فادي بدر
Mixing : Maher Salah | مكساج : ماهر صلاح

Produced by : Mass Media Group
Photo by : Mohamed Mekhamer
بنستغرب كتير احلامنا لية بتقلب كابوس
الناس اتقل خيرها .. ولا العيب ف النفوس
لية بقينا بنبتسم .. لما بس بنترسم
بس دايماً نتقسم .. كل يوم بين ده وده
لية خلاص بطلنا نحلم .. لية بنحفظ مش بنفهم
والعادات الحلوة ماتت .. احنا لية وصلنا لكدة

لية وشوشنا اتشققت والضحكة رسمة عالحيطان
لية خلاص سابنا الشيطان عشان بقينا احنا الشيطان
لية بجد الفرح سابنا والقلوب متنكدة 
احنا لية وصلنا لكدة


Black Theama - Leh Weselna Le Keda | بلاك تيما - لية وصلنا لكدة

متعتذريش القصيده الكامله
من ديوان لما كنا 
معرض الكتاب 
2017

الكلمات 

متعتذريش .. لا حبك آخر الدنيا ..
ولا وجودك سبب لحياه 
انا فـ " مآساه " .. 
بحاول أجمل المشهد 
و أمثل انى مش مهزوز 
" شبح أراجوز "
مركب وش على وشه 
عشان ميبانش ايه جواه
 
لا هشحت إهتمام تانى ..
ولا هطلب حنان لله 
انا كويس ..  كده أحسن
ومش هنكر ساعات بحزن
و أحن لكلمه متقاله ..
وذكرى و صوره ورساله 
فمتحاوليش .. تكونى ضحيه 
فـ القصه ..
و إوعى تصدقى الحاله
ده زى ما فيه بنات إتكسروا بسببنا 
فـ ياما بنات كتير حاولوا و نجحوا
فـ كسر رجاله 
وياما بشوف من الدنيا 
حاجات اغرب من السيما 
وربك برضه ليه حكمه
و ليه حسبه و تقسيمه 
و انا اللى مشيت و انا مآمن 
وسبت مشاعرى و اطمنت 
نسيت ان البلاء وارد
وقد يأتى فـ هيئة  "بنت "
انا يا حبيبتى مش تمثال
و ليا شعور و بعرف احس 
و اتأثر 
و قلبى ازاز .. 
يعور لما يتكسر 
متتخدعيش فـ كام ضحكه 
بخبى الحزن جواهم 
ده لو بصيتى جوايا 
هتلقى الحزن متفسر 
و تلقى الجرح ساب فيا 
علامه الوقت ممسحهاش 
وممسحكيش 
متعتذريش ! 
متعتذريش .. 
و صلى جنازتى وياهم ..
قصاد القلبه حطى الدبله و إدعيلى 
و قولى كان مريض و إرتاح 
كفايه نواح .. 
على القلب اللى شافك ورد 
فـ وطى لجل ما يشمك 
قتلتى قتيل ؟! .. و ايه يعنى 
فداكى .. خلاص و لا يهمك 
مسير اللى إتكسر 
يتلم .. مسير اللى اتقتل هيعيش 
متعتذريش .. 
ساعات الإعتذار بيهين 
ويجرح قبل ما يداوى ..
سلالمك كلها تعابين ..
و انا معرفش أكون حاوى ..
يا حبل إتلف بالتدريج على رقبتى 
و انا من طيبتى سبت الحبل عـ الغارب 
بنبعد مهما نتقارب .. و أشوفك غلطه و أستمتع 
بطعم الغلطه فـ بعيدك ..
يشاء ربك .. بإن الطيب الغلبان 
يبطل طيبه على إيدك ..
 
برائتك .. شكل من بره 
ديكور بيدارى سوء طبعك 
و انا مقلبش أكون تابع 
و خاتم تلبسيه فـ صابعك
انا راجل .. و ليا كرامه لو راحت 
حياتى تروح 
 وبابى لا عاد لا متوارب ولا مفتوح 
ومهما تحنى و تنادى 
خلاص باب الرجوع اتسد
بكيت بعد الفراق ؟! .. عادى
بكيت على نفسى مش على حد
معدش ما بينا شئ فاضل 
عشان نرجع نقول يا حنين 
ده لو نزلت دموع راجل 
ينضرب الوجع فـ اتنين  
مفيش راجل مبيعيطش لو فارق 
الفكره بس ان احنا بنخبى 
معرفش ببكى عليكى ليه و إزاى 
معرفش ليه وعلى ايه بتتحبى 
يوماتى عـ الله بسأل نفسى ..
ليه انتى ؟!
و ليه بالذات  
و كان فين قلبى  و انا مسحوب 
لتيارك 
و كان فين عقلى و انا بغلط 
و بختارك
وداخل جنتك عشمان ..
أتارى جنتك .. نارك
مخدتش بالى انك " وهم " 
مشيت عكس اتجاه السهم 
و قلبى اتذل و إتعلق بأكتر حبل كان دايب 
انا اللى اتسابت طول الوقت 
عشان مرضيتش أكون سايب 
رضيت أطلع فـ حدوتك بدور الحاضر الغايب 
 و أحبك من طرف تايه 
وراكب قطر مبيمشيش 
متعتذريش .. عشان و الله مش فاهمك 
و مش قادر أحدد موقفك بالظبط ..
براجع كل تفصيله .. 
مفيش فـ القصه حلقة ربط ..
مفيش حبكه .. مفيش ربكه 
مفيش فـ القصه دمعة عين 
 و قبضة قلب أو قهره 
أكيد فيه حاجه مش ظاهره 
تعالى نبص عـ المشهد .. 
نراجعه من الألف للياء ..
نشوف مين فينا كان مشتاق 
و مين قصر .. ومين إهتم 
و مين نايم بكل برود 
ومين سهران يعيط دم 
أكيد حبك مهم .. أكيد 
لكن يعنى كرامتى أهم 
فـ كان من حقى أقول همشى ..
و أقول سبتك لكل الناس 
و انا كداب ..
صحيح سبتك انا لكن 
انا المتساب ..
انا المتساب بأفعالك .. 
و إهمالك .. 
و إحساسى ان فى حياتك 
مجرد طيف ..
و ساكن جوا منك ضيف 
لا ليا حقوق ولا كرامه 
و عايش بس من غير صوت 
وطول الوقت بتذلل 
و بشحت كلمتين حلوين 
فـ آخر اليوم ..
عشان أعرف انام مبسوط 
بقول سبتك لكل الناس و برضى غرورى 
وسطيهم .. و انا جوايا نار قايده 
" مفيش فايده " .. بكابر قد ما بكابر 
و قلبى من الحنين مفضوح 
قريب وغريب .. يبص فـ عينى 
فيشوفك بكل وضوح ..
و لسه انا تحت تأثيرك .. 
ومش شايف بنات غيرك 
لكن أصبحت مبشوفكيش 
متعتذريش

أشعار : محمد ابراهيم 
رؤيه فنيه و توزيع : الموسيقار محمد معانى 
تسجيل و ميكساج  و ماستر : كريم حسن
فوكال : محمد الشبينى _هاله حسن 
ناى : أحمد أبو المجد 
باص جيتار : باسم معانى 
اليكتريك جيتار : أحمد طارق

شكر خاص 
" آيه عماد الدين فؤاد "

متعتذريش

محمد ابراهيم _  "متعتذريش " من ديوان لما كُنا

كلمات : سلمى رشيد
ألحان : محمد العشري
توزيع : الباند
قانون : أحمد القمري
جيتار : جيمي جرانت
باص جيتار : محمد العشري
كيبورد : أسامة عوف
ساكسفون : عمرو وجيه
ترومبيت : علي الحريري
ايقاع : حسن محمد
___
تم التسجيل باستوديو wave
تسجيل : أحمد سعد
___
ماستر وميكس : بيشوي مجدي
___
تصوير فوتوغرافيا : أحمد النجار
___
شكر خاص لـ محمد أيمن
لينك الفيديو
https://www.youtube.com/watch?v=iUT0q8kVknk

مرسال لحبيبي

ما تيسر من اغاني الافلام

video link ... https://www.youtube.com/watch?v=bRmNJgJioC0                  
Mohamed Ibrahim Page ..... www.facebook.com/VADIDODIDO?fref=ts            


Mohamed ibrahem _انا عيل قبل ما  يتعلم يحلم كان مات

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

محمد إبراهيم - من وحي الهاند فري

Music expresses that which cannot be put into words and that which cannot remain silent

― Victor Hugo

محمد إبراهيم - من وحي الهاند فري

Shimaa Sami

Recent comments

Monica Mohmed

Hariri

Ëmää❤️🔥

mostafa elmeshtawy

Related tracks