Words

تبص ف مرايتك - المغني خانة

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

لا تنتظر أكثر 

"لو شاء الله أن ينسى أنني دمية، وأن يهبني شيئاً من حياة أخرى، فإنني سوف أستثمرها بكل قواي. ربما لن أقول كل ما أفكر به، لكنني حتماً سأفكر في كل ما سأقوله. سأمنح الأشياء قيمتها، لا لما تمثله، بل لما تعنيه. سأنام قليلاً، وأحلم كثيراً، مدركاً أن كل لحظة نغلق فيها أعيننا تعني خسارة ستين ثانية من النور. سوف أسير فيما يتوقف الآخرون، وسأصحو فيما الكلّ نيام.
لو شاء ربي أن يهبني حياة أخرى، فسأرتدي ملابس بسيطة وأستلقي على الأرض، ليس فقط عاري الجسد وإنما عاري الروح أيضاً. سأبرهن للناس كم يخطئون عندما يعتقدون أنهم لن يكونوا عشاقاً متى شاخوا، دون أن يدروا أنهم يشيخون إذا توقفوا عن العشق. للطفـل سـوف أعطي الأجنحة، لكنني سأدعه يتعلّم التحليق وحده. وللكهول سأعلّمهم أن الموت لا يأتي مع الشيخوخة بل بفعل النسيان. لقد تعلمت منكم الكثير أيها البشر... تعلمت أن الجميع يريد العيش في قمة الجبل، غير مدركين أن سرّ السعادة تكمن في تسلقه. تعلّمت أن المولود الجديد حين يشد على إصبع أبيه للمرّة الأولى فذلك يعني أنه أمسك بها إلى الأبد. تعلّمت أن الإنسان يحق له أن ينظر من فوق إلى الآخر فقط حين يجب أن يساعده على الوقوف. تعلمت منكم أشياء كثيرة! لكن، قلة منها ستفيدني، لأنها عندما ستوضب في حقيبتي أكون أودع الحياة. قل دائماً ما تشعر به، وافعل ما تفكّر فيه. لو كنت أعرف أنها المرة الأخيرة التي أراكِ فيها نائمة لكنت ضممتك بشدة بين ذراعيّ ولتضرعت إلى الله أن يجعلني حارساً لروحك. لو كنت أعرف أنها الدقائق الأخيرة التي أراك فيها ، لقلت " أحبك" ولتجاهلت، بخجل، أنك تعرفين ذلك. هناك دوماً يوم الغد، والحياة تمنحنا الفرصة لنفعل الأفضل، لكن لو أنني مخطئ وهذا هو يومي الأخير، أحب أن أقول كم أحبك، وأنني لن أنساك أبداً. لأن الغد ليس مضموناً لا للشاب ولا للمسن. 
ربما تكون في هذا اليوم المرة الأخيرة التي ترى فيها أولئك الذين تحبهم . فلا تنتظر أكثر، تصرف اليوم لأن الغد قد لا يأتي ولا بد أن تندم على اليوم الذي لم تجد فيه الوقت من أجل ابتسامة، أو عناق، أو قبلة، أو أنك كنت مشغولاً كي ترسل لهم أمنية أخيرة. حافظ بقربك على مَنْ تحب، إهمس في أذنهم أنك بحاجة إليهم، أحببهم واعتني بهم، وخذ ما يكفي من الوقت لتقول لهم عبارات مثل: أفهمك، سامحني، من فضلك، شكراً، وكل كلمات الحب التي تعرفها. لن يتذكرك أحد من أجل ما تضمر من أفكار، فاطلب من الربّ القوة والحكمة للتعبير عنها. وبرهن لأصدقائك ولأحبائك كم هم مهمون لديك"
 مات جابرييل جارسيا ماركيز و قد نسبت هذه الرسالة له, و أثرت في كل محبيه  لما كانت تحمله من مشاعر صادقة  ..
لكنها في الأصل لكاتب مكسيكي شاب 
***********************
.أمي...لو كنت أعرف أنها المرة الأخيرة التي أراكِ فيها نائمة لكنت ضممتك بشدة بين ذراعيّ ولتضرعت إلى الله أن يجعلني حارساً لروحك .

رساله وداع "جابرييل جارسيا ماركيز"_لا تنتظر أكثر

كلمات عمرو حسن 
الحان يحيي نديم 

 


كان بلياتشو متخصص
يموت -قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
و هو لأنه بلياتشو
مقالشى هو نفسه ف إيه
دا كان لما يشوف دمعة
يروح و يشيلها ف المونتاج
و كان لو يوم يعوز ضحكة
يروح يرسمها بالمكياج
وقف على كرسى قدامها
و شد المشنقة بايديه
و جه واحد وقال وقّف
و ضحكوا الناس على الإفيه
فضل يضحك على نفسه
و مش عارف بيضحك ليه !!
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحكة على شكله
وقف على كرسى قدامها
و شد المشنقة بايديه
دخل بدماغه ف الحلَقة
و شدوا الكرسى من تحتيه
وهو لأنه بلياتشو
مقالشى هو نفسه ف إيه
و ف المرة دى تحديداً
مجاش واحد كما العادة
ف آخر لحظة قال وقّف
و بص ف عينها وقت الموت
تخيل وقتها شاف إيه ؟
لقاها واقفة بتصقف
مع الجمهور على الإفيه
و راح مع دوشة السوكسيه

فرقة عمدان النور "البلياتشو" برنامج قعدة مزيكا

من برنامج #الصورة_الكاملة مع الإعلامية #ليليان_داوود
كلمات : #حازم_جمال
الحان و عزف : أدهم_عبدالمجيد

الغناء بالترتيب : أدهم عبد المجيد - عمرو جمال - أحمد عبد العظيم

أدهم عبد المجيد & باند ع السلم - ياريتنى بكيت

Lyrics : mohammed ibrahim
composers : Adel Sakr & Mohammed ibrahim 
Music : khaled hajji 

official facebook page : https://www.facebook.com/adelsakr.officialpage

كلمات الاغنية :

على الطربيزه بتبعتر ورق كوتشينه اخر الدور
وابيع نفسى وأسيب نفسى يديق أوقات فأموت مخنوق

وآخر جزء فيا سليم بأيد بكره اللى جاى مكسور
واخر كارت هكسب بيه سباق الوقت كان محروق

وبفشل انى حتى أقول كلام متدارى جوايا
وبخسر فى الرهان على طول لأنى راهنت ع الماضى

وفجأه الدنيا تتحول قصادى لشكل كوبايه
أكلم نصها المليان يجاوب نصها الفاضى

وماشى فى دنيا مابتمشيش بموت أكتر مابقدر أعيش
وحبل الذكرى متعود يكتف كل أحلامى

وليه أتعودت أتعشم بشئ قرر خلاص مايجيش
وحتي ان جالي فجاه الاقيه يضيع من ايدي قدامي

Nos Kobaya - 2014 (Original)  نص كوبايه - عادل صقر

عن حدوته الحب الأول .. اللى عمرها ما خلصت بالجواز .. و عن الصدفه اللى بتجمعنا بناس كنا ما صدقنا نسيناهم 


_________________________________________________________

كان يوم عادي

سبتها من ست سنين فاتو ..	
_دلوقتى انا متجوّز غيرها _ 

مبحسش ناحيتها بحاجه 
مع ذلك و الله فاكرها 
ده لإن الجرح اللى يعلم 
عمره ما بيروح ..

مشهد متعاد .. 
بصيت لمراتى و قولتلها 
" بابك مفتوح "

فتحت بابها و قفلته تانى
بس يا سيدى  
مسكت إيدى .. و قالتلى 
هنسهر فين طيب ؟!
" ودينا مكان يبقى قريب "
علشان الزحمه وضيق الوقت 
و عشان مش حابه ان انت تسوق
شكلك مخنوق ..
رديت " أبدا " .. مضغوط 
و الشغل مهوش ماشى ..
ردت ماشى .. 
ودينا كافيه نشرب حاجه 
محتاجه أحس ان انا جنبك 
_ انا نايمه إمبارح زعلانه _
جه الوقت تكفر عن ذنبك 
قولتلها خلاص قلبك أبيض 
فـ قالتلى لا أبيض ولا ألوان 
ودينى مكان ..
 ويكون هادى 
ولحد الآن اليوم " عادى "
و مكانش فـ بالى انه هيقلب 
بحنين و بشوق ..
نازلين بهدوء 
و لقيتها قصادى معديه ..
معقوله بجد تكون هى ؟!!!!

معقوله الست سنين عدوا 
وبقينا بعاد 
" مشهد متعاد " 

و انا قاعد باصص لمراتى ..
_مزيكا حزينه بصوت واطى _
تقتحم المشهد و انا سارح 
و الوقت بيرجع ست سنين 
و كأنى مودعها إمبارح 
قاعد فـ كافيه و فـ إيدى كتاب ..
تدخل مـ الباب 
و فـ إيديها إكياس فيها هدايا ..
و حاجات انا كنت جايبهالها 
_ الشك بيكبر جوايا _
مستنى تقرب و أسألها 
فـ تقرب   و انا دقات قلبى 
عماله تزيد ..
الشك بيتحول تأكيد 
و بتسحب روحى مع الكرسى 
و بتقعد و تكلم عينى 
بنظرات مقدرتش أحللها 
و بتمسك ايدى و تفتحها 
و تحط الدبله و تقفلها  
و تعيد فـ كلام معناه مفهوم 
و تقول " معلش  انا لازم أقوم "
و المشهد يقلب تراجيديا 
وسواد متغلف بكوميديا 
ودراما فـ فيلم إسمه الدنيا
وده حالنا وحال كل العايشين 
 الحب اللى بيكبر فـ سنين 
يتهد فـ جزء من الثانيه 
ومحدش عارف ايه الأسباب 
 ومحدش عارف مين مسؤل 
يقطع سرحانى سؤال ..
بيقول ..
مالك يا حبيبى سرحت فـ إيه ؟!
_ أبدا يا حبيبتى انا مش سرحان _
انا بس فصلت عشان تعبان 
و أتنهد و انا ماسك إيدها 
و أوعدها انى أفضل أسعدها
و أضحك و أسأل بتحبينى ؟!
فترد تقول " طبعا يعنى "
مع انك بتطلع عينى 
وبسببك قلبى بيوجعنى 
 
" نكديه بطبعك هعمل ايه "
و مشاكلك فـ الغالب تافهه
فتقولى اسم الله و نتعاير  
و أطلع مـ العلبه سيجاره
فتمد اديها و تخطفها 
و تقولى بلاش شرب سجاير
عارف ؟! .. 
انا عمرى ما حسيت بأمومتى ..
غير و قت ما حبيتك جدا 
من قبل ما نتجوز حتى ..
بدعيلك و الفجر بيدن 
و كأنك إبنى اللى انا بنته 
ومسنوده عليه .. وماسكاه 
فـ إيدى ..
كل الموضوع ان انا عايزه 
أتدلع و أتحب يا سيدى 
حقك .. و الله انا حبيتك 
حسيت انك فعلا بنتى 
مع انى مكنتش متخيل 
اللى أتجوزها تكون انتى 
ده لأن انا و انتى زمان كنا 
إتنين إصحاب يدوا نصايح 
يا بنمسك دايما فـ خناق بعض
يا بنمسك على بعض فضايح
ومكانش فـ بالى ان قلوبنا 
مشاعرها فـ لحظه هتتحول 
و أكتشف ان انا بعد ده كله 
حبيتك انتى من الأول  
أيوه الواقع عمره ما كان 
يشبه للأفلام يا جماعه |
لو دققنا فـ كل الناس 
هنشوف كل الناس متباعه 
واحد سايب واحده وواحده 
سايبه فـ واحد سايب غيرها 
آه الأحاسيس فـ الأول حلوه 
بس وجعها يبان فـ آخرها 
الجارح بكره هيتجرح 
و المجروح ده مسيره يخف
كلنا أدوارنا بتتبدل 
طول مالأيام دايره تلف


كان يوم عادى _  محمد ابراهيم

كلمات : سلمى رشيد
ألحان : محمد العشري
توزيع : الباند
قانون : أحمد القمري
جيتار : جيمي جرانت
باص جيتار : محمد العشري
كيبورد : أسامة عوف
ساكسفون : عمرو وجيه
ترومبيت : علي الحريري
ايقاع : حسن محمد
___
تم التسجيل باستوديو wave
تسجيل : أحمد سعد
___
ماستر وميكس : بيشوي مجدي
___
تصوير فوتوغرافيا : أحمد النجار
___
شكر خاص لـ محمد أيمن
لينك الفيديو
https://www.youtube.com/watch?v=iUT0q8kVknk

مرسال لحبيبي

قصيدة " غير متاح " 

كلمات وإلقاء : محمد إبراهيم
عود : سعد العود
بيانو : شادي ابراهيم

غير متاح - محمد ابراهيم

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

Video  Link .... http://www.youtube.com/watch?v=YABAvDoFPoc                   

Mohamed Ibrahim Page ..... https://www.facebook.com/VADIDODIDO?fref=ts                            


لو لسه ناوى انى أعيش _محمد ابراهيم

عمدان النور_الحقيقه

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

محمد إبراهيم - من وحي الهاند فري

Music expresses that which cannot be put into words and that which cannot remain silent

― Victor Hugo

محمد إبراهيم - من وحي الهاند فري

Shimaa Sami

Recent comments

Monica Mohmed

Hariri

Ëmää❤️🔥

mostafa elmeshtawy

Related tracks