mind

مزج-للمرة الأخيرة

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد أبراهيم - عشان أعيش

آداء صوتي :

الفنانة : أمنية حسن
الفنان : محمد عادل 
الفنان : علي حدوتة
الفنان : محمد علي الدين
الفنان : سعد بتاع العود
الشاعر : أحمد الراوي 
الشاعر : عبدالله طنطاوي
العبدلله

الهندسة الصوتية :
م . خالد واكد
تم التسجيل بإستوديو Digital Sound

إخراج :

خالد المهدي

كاموفلاج
قريباً .. بمعرض القاهرة الدولي للكتاب 2015
يصدر عن دار دوّن للنشر و التوزيع
الغلاف .. للفنان : كريم آدم

الصفحة الرسمية للعبد لله 
https://www.facebook.com/NaGGaAaAaR
الصفحة الشخصية
https://www.facebook.com/NaGGaAaR

كاموفلاج - أحمد النجّار

"We Found Love" f/ Calvin Harris, Rihanna's newest track from her upcoming album available 11/21/11

We Found Love

Ali El Helbawy - Ala Ay Wad3 - علي الهلباوي - على أي وضع

 ( توزيع جديد لأغنية سيرة الارجوز من جزاجا باند (عمدان النور

جيبت لي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته !!

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 



حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 

قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ردنى عالباب عطب روحى 
جابلى ناى وزتونه مطروحى 

جيبت لي صاحب وحبيته
زقنى فى المنرو زقيته 
واما مات فيا ومت انا فيه 
روحتله بيته وعزيته

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 

خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر 
واللى كان ضاحك بقى أراجوز

سيرة الاراجوز توزيع جديد - Aragoz - Gazaga

بنية بيضة طايرة ف السما الصافية
حست برعشة برد خافت من قلوب دافية
بعدت عن الليل والسهر قالت اروح عند القمر
ضربت جناحها في الهوى.. يا قلة العافية
بيضا أوى كل الاماكن والحيطان حواليها
حتى سريرها وعشها ابيض
كل اللى جالها خد معاه من قلبها حتة
وهى عارفة ان اللى راح عمره ما يتعوض
هربت في يوم قالت أروح أبعد مكان
الشوق أخدها لحاجات كتيرة ف عمرها
عرفت هناك حكايات مخبيها الزمان
عن اللى كان واللى اكتب على قلبها
لمستها نسمة حب دفت قلبها 
نستها كل الماضى وسنين العذاب
واتبسمت للدنيا نسيت ظلمها
ورفرفت بجناحها فوق فوق السحاب

عن رواية قلب مستعمل لــ لينا النابلسي
كلمات : محمود رضوان
ألحان و غناء : أمنية حسن
موسيقى و توزيع : أسامة عوف
https://www.facebook.com/Groove-Studio-1046259638785431/
عود : اسلام فوزي
ميلوديكا : أسامة عوف
تم التسجيل في استوديو 
VIPE
ميكساج و هندسة صوتية : اسلام رفعت

قلب مستعمل

ميكال..
هَيبعت المطرة لفوق
جبريل..
هَيهاديني الوحي لما هاكتب شِعر
إسرافيل..
هَينفخ في عيني لما توجعني
شاروبيم..
حامل لعرش الله، محتاج لإيه يعني
سيرافيم..
بيقول الحان لله وحاجات بتتغنىٰ
رضوان..
هاكون معاه سيء كعس ما اتمنىٰ
مالِك..
هيستلمني من رضوان
علشان مُشاغب كعادتي
وباعمل دوشة في الجنة.

ارني الله - اشرف خلف

عمدان النور_الحقيقه

محمد إبراهيم - من وحي الهاند فري

مَزيج الفن يُواسي ..♥️

Music expresses that which cannot be put into words and that which cannot remain silent

― Victor Hugo

محمد إبراهيم - من وحي الهاند فري

Shimaa Sami

Recent comments

Monica Mohmed

Hariri

Ëmää❤️🔥

mostafa elmeshtawy

Related tracks