بتميل .. محمد بشير

انا إبتليت , هيمتنى دينا الوديدى وغالية بنت على By Alex Fekry

إخشَنّ صوتي . . .
بَقيت بَطول السقف بإيدَيّا...
وبَقيت بَنام ف سرير لِوَحدي . .
وبَستحمّى . . . لوَحدي
وعرِفت اللي كان الليل مِخَبّيه عن عينَيّا.
بَقيت بَقول : لأ . . بـ إرادتي ،
وبَمشي على راحتي لـ مكان ما تاخُدنى رِجلَيّا..
وَاسهَر لـ وِش الصُبح طول ما ف جيبي مُفتاحي..
وبَقيت بَسَمّي خدوش حياتي التافهه بـ ( جراحي ) !
وَارسم على مخدِّة النوم . . كل يوم . . أحلام
واسأل بكُلّ بَلاهَه نفسي : هوَّ ليه الإسلام ؟ . .
وَاستَغفِر الله العظيم على سؤالي
. . و أعيِدُه بـ صيغَه تانيه .
بَقيت بَقول : سراب / غدر الزمن / أحزانــي . .
وَ اسِبّ للدُنيا . .
وكَسَرت خَجَلي 
أو كَسَر خَجَلي الشوارِع . .
فَصَبَحت بارِع
في الشتايم و الكلام .

٢٥ عام . . بحاوِل أكون أنا
من غير وِصايَه تشدّ لي الفيشه
أو بوصلَه بايخَه . .
ترشِدني في العيشَه 
أو صوت جَهوري يقول لي : ( آه ) أو ( لا ) .
٢٥ عام . . صوتي مِن صوتي . .
ومش مؤمن بشيء في الدُنيا غير نفسي
وإيماني بيها 
جايّ من اليقين بالله .

مشيت في طُرُق كتير مارَسَمهاليش القدر
وقُلت في سِرّي الكَتوم :
معنى الشجاعه . . انّي أدوس الخَطَر
معنى الشجاعه . . الموت على المبدأ
فَـ ازاي حَضَرني الموت وانا بَبْدأ  ؟!
وازاي تركني لما شافني جبان ؟
( معنى الشجاعه - بعيد - لا يوصَلُه الإنسان )

إخشَنّ صوتي . . زمان . . 
و لان دِلوقتي . . لما اخشَنِّت الصوره قُصاد عيني
وقدِرت اشوف تفاصيل ماكُنتش شوفتها بوضوح . .
كُنت الأسير في حروب لا مَدّيت رجلي في ساحاتها
وَلا.. خوضت الصِراع فيها بْـ فؤاد أو روح
جَريح . . بشهادِة الجرّاح . . ومِش مَجروح 
ومش عارف . .
  ومش فاهم . .
   ومش قادر . . إلى آخــرُه !
وماتمَنّاش مِن الدُنيا سِوَى : أصحاب
إذا ضاق صِدري بهمومي
يِضُمّوا عليّا في القَعدَه . . لا يِتَّاخرو
و ورقه تكون لي بمثابِة شهاده :

( 
أنا . . خالد . . . 
بَحِب الشمس رَغم شتايمي ليها
وكل شيء حَبيتُه مِن قلبي . .
نال مِن لساني - الموس - خُدوش
وبَحِب جداً كُل فُستان جِسمي ماحَضَنهوش
وعندي فضول - فضول قاتِل - 
لكل نتيجِة قرار اختارت ماختارهوش
ومُتَقَبِّل تماماً للهزيمه . . وبَبتسِم
رغم اني قادر افوز بـ كِلمه
كِلمه واحده . . تهز أعتى جيوش .

بَشَجّع كُل شيء خسران . .
وبَزهد أي شيء لو فاز.
بسيط . . وبساطتي وصلت
إني بَحسِب ( ضحكتي ) إنجاز !
وبتعامِل بمَبدأ إن بيتي إزاز
فلا بَرمي حَجَر على حد 
. . ولا حَصَوه 
)

- صَحيح الدُنيا من غير حُب لا تِسوَى ؟
( سألني العاشِق المهزوم )
فَقُلت : أكيد !!
غَبي . . قال لي : يا بَختك
. . ظَن إني سعيد
وشوفت فـ عينه حِقد كأنه بيقول لي :
معاك إنسانَه بتحبَّك 
وانا اللي بَحِبّ كُل الناس . . ولِسه وَحيد !
فَـ كمِّلت الإجابه بـْ حَرفَنه :
لَكِن . . . ماجَرَّبتِش !

جَرَحني الشوق . . . ماقرّبتِش
قَتَلني الخوف . . . وماهرِبتِش
ومرّيت في صَحاري الدُنيا للأنهار
وماشرِبتش
ولا.. بَلّ الكلام وِدني
لازال حِلمي القديم عمّال يِراوِدني
وكُل ما ألين . . 
ألاقي قَسوِتي زادِت بَقِت ضعفين
وتِخشَنّ الصور . . والناس
وانا والدنيا مشتركين سوا فـ لِعبه
بَعِدِّ لها الجميل فيها . .
وهيَّ تعِدّ لي الأنفـــاس !
.


خشونة - شعر - خالد سليم

مشروع ليلي - ما تتركني هيك

يا بلدي طول الطريق ببلع ترابك ريق 
و يوم ماعطش ياتسقى كان سم في الأباريق
 علّمني كتر البكا أضحك في عزّ الضيق 
و اتعلّم التريقة ع الدنيا و المخاليق
 و لحدّ امتى بقى أطفي الحريق بحريق 
يا سفينة متزوّقةجوّاها ألف غريق
 زهقت منّك بقى و هشوفلي أي طري
ق مع إنّي طول الطريق ببلع ترابك ريق


مريم صـالح ,طـول الطريق _ Mariem Saleh , Tol ELtari2

Ghada Shbeir - ana hawet w nseet غادة شبير - انا هويت ونسيت

إن راح منك يا عين - مهند الزهيري

Clams Casino - I'm God ~~ 
Vadim Kiselev - Alone In The Dark 
Dhafer Youssef - Birds Requiem ~~ 
Rageh Daoud - Pascalia
الشيخ الشعراوي ~~ 
كشك ~~ 
النقشبندي ~~ 
ياسين التهامي
فيلم ضد الحكومة ~~ 
لامؤخذة ~~ 
بحب السيما ~~ 
الكيت كات
مصطفى ابراهيم ~~ 
علي طالباب ~~
جلال الدين الرومي


سكرات الحياة

كافة الأسباب _ali elhelbawy

الربعاية ألاولي  للباند 

كلمات  : صلاح جاهين 
ألحان  :   نور ناجح  

توزيع ليل وعين   

مشروع ليلي - ما تتركني هيك

Shimaa ßadawy

Recent comments

Yousri Tamer

Adham Said Gamal El-din

Related tracks