AbdelWahab

أحبه مهما أشوف منه - محمد عبد الوهاب

خى خى - محمد عبد الوهاب

لما إنت ناوي تغيب على طول                                مش كنت آخـر مــرّة تقـــول

لما إنت ناوي

بالليل أسيب نفسي لهمي ولأفكاري                               أفضل أفكر فيك وإنت ما إنت داري

ألقى البعاد طوّل.. أولع، وتزيد ناري

لما إنت ناوي

أشوف خيالك في الوحدة جه قدام                           أكلمك واسمع حسّك واشكــي غرامـي

وأقوم أضمك ما ألقاش غير أوهامي

لما إنت ناوي

ما ألقاش أنيس في الوحدة دي غير ألحاني                    أقول لنفسي ده مش ممكن راح يسلاني

لازم يهزّه الشوق لي يرجع تاني

لما إنت ناوي...                          لما إنت ناوي...                           لما إنت ناوي

محمد عبد الوهاب - لما إنت ناوى

اسمعوا العزف الجميل على العود فى المقدمة .. وصوت موسيقار الأجيال الرائع .. القصيدة كلمات الأمير سعد بن سعود

قصيدة "أغار من قلبى" - محمد عبد الوهاب على العود


أشكي لمين الهوى والكل عزالي
أضحك لهم والبكـا غالب على حالي
آه من عوازلي وآه من قلبك الغالي
لا القلب يرحم ولا العزال بينسوني
ولا الفؤاد دعا الهوى في الدنيا دي تاني

موال اشكي لمين الهوى - محمد عبد الوهاب

سهرت منه الليالي محمد عبد الوهاب

حياتي إنت

غناء : محمد عبد الوهاب
كلمات : حسين السيد

حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
عمال اقاسي ليل ونهار ـ سقم الليالي والأفكار
والشوق في قلبي تاه واحتار ـ والوجد زود بي النار
ويهون عليك بعد ده كله ـ أخلص في حبي واتألم
ليه الفؤاد ترضى بذله ـ ما دام عرفت انه مسَلِّم
لو كنت يوم هنيتني معاك ـ ما كانش يصعب علي
وكنت لما اشتاق رؤياك ـ طيفك يخايل عيني
لكن غرامي كان أوهام ـ ما دامش اكتر من أحلام
وكل ما تفوت الأيام ـ تزداد جفا وازداد آلام
حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
كل ما يشبح خيالي ـ يسبق الفكر الخيال
افتكر زهرة آمالي ـ اللي دبلها الآمال
وافتكر صفو الليالي ـ واشكي من وجدي اللي طال
واقول مسير الحب ـ يجمع بين قلوبنا
ومسير ليالي القرب ـ ح تكون من نصيبنا
واحب روحي ـ إكمنّه روحي بتحبك
واحب نوحي ـ إكمنّه بيحنن قلبك
ويهون عليك بعد ده كله ـ اخلص في حبي واتألم
ليه الفؤاد ترضى بذله ـ ما دام عرفت إنه مِسَلِّم

حياتى انت -- محمد عبد الوهاب




محمد عبد الوهاب - امتى الزمان يسمح يا جميل

إمتى الزمان يسمح يا جميل
واسهر معاك على شط النيل

الجو كله سكون والورد نام عالغصون
والقمر طال علينا والعزول غاب عن عينينا
وانا والجميل قاعدين سوا على شط النيل

إمتى الزمان يسمح يا جميل

الدنيا كلها حاسدانا والنسمة كانت حيرانة
والموج بيحكي للشط حكاية مالها نهاية
وانا والجميل قاعدين سوا على شط النيل

إمتى الزمان يسمح يا جميل

يا هل ترى يا زماني حاسهر مع الحلوِ تاني
واسهر معاه ولا فيش عزول
واسمع غناه والليل يطول

وانا والجميل قاعدين سوا على شط النيل


mabdulwahab.tumblr.com/

محمد عبد الوهاب - امتي الزمان يسمح يا جميل

محمد عبد الوهاب - الليل يطول عليا

كيف يشكو من الظمأ من له مثل هذه العيون ... ! ! ! 

AbdelWahab

Shimaa_Elsharkawy