“Science X” подкаст №1 
Шинжлэх ухаан, технологийн сан нь цуврал шинжлэх ухааны подкастыг санаачлан, анхны дугаарыг оюунлаг залуус Та бүхэнд зориулж эхлүүлээд байна.   
  
Анхны дугаарын зочин оролцогчоор Ургамал хамгааллын эрдэм шинжилгээний хүрээлэнгийн ЭШ-ний дэд ажилтан, биотехнологич, доктор С.Ариунаа оролцлоо.  
 
Шинжлэх ухаан, инновацийн соёлыг түгээн дэлгэрүүлэх “Science X” подкаст цувралын хөтлөгчөөр Математик, тоон технологийн хүрээлэнгийн Мэдээллийн технологийн салбарын эрхлэгч, өгөгдлийн шинжээч, МЗЭХ-ны БУ-ны салбарын УЗ-ийн гишүүн Б.Отгонсувд ажиллана.   
 
Монголын шинжлэх ухааны салбарыг манлайлж буй нийгмийн хариуцлагатай, залуу эрдэмтдийн судалгааны ололт амжилт, нээлтээс хуваалцах, шинжлэх ухааны мэдлэг, мэдээллийг олон нийтэд хүргэх, түгээн дэлгэрүүлэх, соён гэгээрүүлэх, шинжлэх ухаан, инновацийн хөгжлийг түүчээлэх цуврал подкаст юм.

“Science X” подкаст №1 С.Ариунаа: Туршилтын Үр Дүнг Харахад Аз Жаргал Байдаг.

Химийн синтезийн шинэ технологиор гарган авсан биобэлдмэл импортын бүтээгдэхүүнийг бүрэн орлох, өрсөлдөх чадвар өндөр

“Science X” подкаст №2 Д.Будрагчаа: "Зэсел" инновацийн биобэлдмэл импортыг бүрэн орлоно

Монгол орны өргөн уудам нутаг дэвсгэрт UBA-д бүртгэгдсэн нийт зүйлийн 73.2 хувь нь тархан байршсан байгаа. Монгол Улс мөөг судлалын шинжлэх ухааны үзүүлэлтээр дэлхийн жагсаалтын эхний 10-ын долоод нь байдаг.

“Science X” подкаст №3 С.Жавхлан: Хагийн цуглуулгын санд 1902-2022 он хоорондох 12150 гаруй дээж бий

Калвацин шинэ эм нь манай эх орны эмийн түүхий эд болох Тэнгэрийн дүлий мөөгний спор (Calvatia gigantea Batsch. ex Pers.), Том навчит дэгд (Gentiana macrophylla Pall.) агуулсан, гель хэлбэрийн шарх анагаах зорилгоор гадуур түрхэж хэрэглэдэг бүтээгдэхүүн юм. 
УАУ-ны ололт амжилтанд тулгуурлан УАУТХ-ийн эрдэмтэн судлаачдын баг олон жилийн судалгаа, шинжилгээний үр дүнд шарх анагаах үйлдэл бүхий шинэ эмийн бэлдмэл “Калвацин гель”-ийг гарган авсан бөгөөд түүний эмнэлзүйн өмнөх ба эмнэл зүйн шатны бүх судалгааг иж бүрнээр хийж гүйцэтгэсэн. 
Калвацин эмийн шинэ бүтээлийн патент (дугаар 5726) авч оюуны өмч хамгаалагдсан. Түүнчлэн Калвацин гелийн үйлдвэрлэгчийн фармакопейн өгүүлэл ҮФӨ 0373-2019 болно. Калвацин гель нь Монгол улсын эмийн бүртгэлд 2020 онд бүртгэгдсэн ба улсын бүртгэлийн дугаар L20201001DO07810 болно. 
Фармакологийн судалгааны үр дүнгээс үзэхэд Калвацин бэлдмэл нь хор багатай бөгөөд зохиомлоор үүсгэсэн шарх, шархлааны эдгэрэлт, нөхөн төлжилтийг түргэсгэх, цус тогтоох, өвдөлт, үрэвсэл намдаах, үрэвслийн өмнөх цитокины үүсэлтийг бууруулах үйлдэлтэй байна.
Калвацин эм нь өнгөц түлэгдэлтийг эмчлэх заалттай ба дээрх чиглэлээр “Эмнэл зүйн судалгааг Гэмтэл согог судлалын үндэсний төвийн Түлэнхий нөхөн сэргээх мэс заслын тасагт түлэгдэлтийн шарх бүхий өвчтөн, үйлчлүүлэгчид ЭМЯ-ны ёс зүйн зохих зөвшөөрлийн дагуу хийсэн анхны бүтээгдэхүүн” бөгөөд түлэгдэлтийн I-IIIA зэргийн шархны эдгэрэлтийг түргэсгэх үйлдэлтэй ба үрэвслийн эсрэг, фибробластын ялгаран хөгжилтийг дэмжиж байгаа нь тогтоогдсон.

ШУТСан