ضيدان بن قضعان | ياعظيمه كل شي له حدود وله نهايه

حمد السعيد | ‎تماديت بغلاه.. ومن تمادى بالغلا؟ خسران

.
- 

تأثير الحب 
على محمد المقحم 

يقولون يمكن تعشق ؟ قلت ما ظنيت 
وأنا أجيك من باكر ما أمداني 

بديت أتعلا بالمشاريف وأختفيت 
وصار الأكل والنوم ماهوب يهنالي

وأنا عادتي لا شفت طرد الهوى صديت 
أخاف إنقطاعت السرجي وكبوة حصاني

ولكن يسيرك القدر وأنت ما حسيت
ولو إنك تقول الحب مهوب يقواني 

أنا الظاهر إني طحت بالحب ما سميت 
تغيرت في يومين ما أعرف وش جاني

أحط الحطب وآخذ لي شوي ما شبيت 
من السجة اللي فيني الله لا يبلاني 

ويضحي الضحى وهو مخلى رواق البيت
وأنا أفتحه قبل الفجر في غالب أحياني 

انا طار عقلي فالهوى صدق وإنجنيت 
ولا يدي الا واحدٍ كنه إياني 

إلا أخذت فالمجلس ربع ساعه إنسليت
أحس إن قبلي ودي أصير وحداني 

سلامي على اللي كل ما مني عنه أقفيت 
يقوم الغلا والحب والولف يشعاني 

وأروح لمحادثته من الشوق ليا حنيت 
لعلّه يجي يرسل رساله ويلقاني 

ولا شفت "يكتب" تطلع وتختفي هجيت 
من الهبله أدخل لي برنامجٍ ثاني 

قبلي معه كيف أنت؟ وين أنت؟ وش سويت؟
أخاف أغفل لي عنه ساعه وينساني 

وإلى جيت أبي أعلمه إني عليه أشفيت 
أخاير ويرجف قلبي ويبس لساني

ولا رحت أبرقد أخذت لي غفوه وفزيت 
أتلمس جوالي وأنا الشوق يحداني 

وأنا لو بجي له وأعلمه ما أخفيت
لو أذوب في دمه من الشوق ميزاني

يزين الشعور اللي يجي فيك ليا حبيت
أنا قمت أحس بطهر روحي وبإيماني

وأحس إن كل شيء يبتسم لي ليا لديت 
أحس أن نور الصبح يطلع على شاني 

ولا عاد فكرت بحياتي ولا إهتميت 
طغى الحب فيني لين سامحت عدواني

سمابي هوى اللي يوم أحبه وأنا ما أخطيت
أنا أخطيت ما حبيت في ماضي أزماني 

أحبه ولا ضعفت عزومي ولا مليت 
لو أبتل على ذا الحب كان الله أحياني

أنا الظاهر إني طحت بالحب ما سميت / محمد المقحم

واعشق سميّك فالبزارين وادعيه - محمد بن فطيس

ياشيّن طبع فيك يازين الاطباع | محمد بن فطيّس

على عيد إنكسـاري .

وشلون تهجرني ؟ الشاعر : مدغم ابو شيبه

شعر ضيدان بن قضعان - يا وجودي

ضيدان بن قضعان - يا وجودي

أنا أجمل وأعظم فتّاة

عبدالله علوش
كثر المواصل بالهوى ماهو بزين
ودك بخلك بين مده ومده 
لن البني ادم ماترك طبعه الشين
لاحب له شي وشبع منـه هده 
لكن لا منه جاك من حين لي حين
قدرت جياته وقدرت صده 
وان قلت ابيك وقال ماهوب ذلحين
لاتضايقه يمكن ظروفـه تحده 
اصبر عليه ايام وشهور وسنيـن
ان كانه يودك ... وكانك تـوده 
خلك لمنه اعطاك ماتطلبـه دين
ماجاك منه اخذه .. ومارد رده 
ولاتسوي مثل ناسٍ مساكين
اصلك وفصلك بالهوى .. لاتعـده 
العشق مايعـرف قبيلة ولاديـن
نكس حكومـات وفرق اشـده 
جـوّه عقال وراحو مجانين
وكم واحدن خاضه ولاهوب قـده 
هذا كلامي وانت بتشوف بعديـن
والله ان تميز بين مزحه .. وجده

كثر المواصل بالهوى ماهو بزين ودك بخلّك بين مدة ومدة

shoog

Recent comments

v66

v66

رفا

رفا

Related tracks