الـــكــــلــــمــــات


خمسه وعشرين 8 كان يوم ميلادي
وصلت فيه انا للدنيا ومن وقتها للسنه دي

بكسب .. بخسر .. بتعلم .. بتأثر 
اني في الدنيا دي اعيش وادوس علي كل لحظه فيها اتعسر

ألمي زود خوفي ظروفي خدتني معاها بعيد
ظلم وصبر .. ميت في قبر .. بس اسمي عايش وحيد

اتولدت في مجتمع فاشل بس الأسره كانت افشل منه 
لما الاب توصل بيه .. انه يسأل ابنه عن سنه ؟!!

سهوا .. مش عمدا هو فعلا مش قاصد 
يختبره دا بس كان ابنه بس هو عنه باعد

ولما الام تحاول محاوله بس بيها ترضي ضميرها
بتقرب .. بس بتبعد .. معقوله دا الحب في تفكيرها !

لما تلاقي الصاحب يبعد ويرمي باللوم عليك 
لما من وراك يتكلم ويكدب قدام عنيك !!

لما تبقي وسط الناس برده حاسس انك وحيد ..
لما الدمعه بكل احساس تملي حبر قلم جديد ..

---------------------------------------------------------------------------

انعزال عن عالمكوا هسيبكوا واهرب منه بعيد
هخلق .. لنفسي عالم وابدأ فيه من جديد
هرجع منه بعرف ادوس واقسي علي كل قلب
داس عليا في يوم وارجع احب كل قلب حب

---------------------------------------------------------------------------

البرود والجمود كانوا .. نتاج معاملتكوا 
السكوت ولد جحود ؛ في المعامله مع سيادتكوا

قلبي قسي لما نسي كل همومه وداس عليها
عمره ما سلم لا اتعلم .. لما داست عليه برجليها

لما داق طعم المرار والعذاب بسبب الطيبه 
قرار ما قبل الانهيار .. كان إنهاء فتره عصيبه

فتره ضعف مكنتش قوه كانت محتاجه تغير 
تغير .. تحويل للطيبه والخروج عن دور الأسير

فقررت اعيش معاكوا والعب نفس لعبتكوا
حتي لو لعبي مش علي هواكوا لازم في يوم هجيب اخركوا

المعامله راح تكون متبادله بيني وبينكوا خير وشر
مش هجامل .. مش هسامح هنقي بنفسي عن بشر

بشر ماشيه بمصلحتها هي مبدأ الحياااه 
احتكاكي بس بيهم هو هبوط للمستوي

بس الوحش جواه ملاك لسه قلبه بينبض ...
لكل الي اشتروه .. وعمر النبض في يوم ما هيسكت ...

---------------------------------------------------------------------------

انعزال عن عالمكوا هسيبكوا واهرب منه بعيد
هخلق .. لنفسي عالم وابدأ فيه من جديد
هرجع منه بعرف ادوس واقسي علي كل قلب
داس عليا في يوم وارجع احب كل قلب حب

---------------------------------------------------------------------------


Download Mp3 : " http://www.reverbnation.com/sirmem/songs "

En3zal  | انعزال

الـــكـــلـــمـــات 

لما عيني جت في عنيها .. افتكرتك انتي
جه في بالي لما استهترتي لما قسيتي لما بعدتي

نفس المكان جمع ما بينا زكرياتك جت في بالي
اتفرضت مقارنه غريبه مقارنه غيرتلي حالي

افتكرت سنيني معاكي .. حلوها .. ومرها
افتكرت في يوم هواكي معقوله شكلك شكلها!

انتي قسيتي لما قويتي اتعلمتي علي قلبي تدوسي
قاكره ايامي فاكره كلامي فاكره تعليمك دروسي

لما كنتي بعيده وحيده علمتك مفهوم القوه 
بس يا خساره لما اتعلمتي كان هدفك قلبي من جوه

يوم ما اتعلمتي الرمايه .. كان قلبي هو نشانك
نسيتي لما ضعفتي لما قلبي اتسخر بس علشانك

اتخلق ليكي مكان .. كان مستحيل يتغير 
حذرتك منك قبل مني فعلا كان موقف يحير

حذرتك من السطحيه والتبلد في التعامل
وانتي استهترتي لما جربتي انك تلاقي حب كامل

-----------------------------------------------------------------------------------------

سكوت في ضي الليل بيحكي بينا الف صوت
الف صوت لهمسه قلب لقلب اجمل من الياقوت
قلب حب قلب جف حب يحيي قلب غيره من موت
قلب غيره وقع في حبه فحرر قلبه من الجمود

-----------------------------------------------------------------------------------------

انتي سيبتي هي شدت 
انتي بعدتي هي مدت
اديها بين ايديا عنيا قصاد عنيها 

قلبي دقلها .. حنلها .. ونسي كل لحظه قبليها
حاولت اتعلم .. اتحكم .. بس برده اتشد ليها

غلطتي غلطه وسيبتي فراغ وكان حبها هو البديل
معني الحنيه معاها اتصاغ لقيت معاها معني التغير

عوضتني .. نسيتني .. حب في حياتي اختفي 
معادش فاضل منه زكري غير وكان ماليها الجفا

الفرصه انتي سمحتي بيها رضيتي بدخولها حياتي
حياتنا بدياتها كانت تحذيري ، نهايتها كانت سكاتي

قابلتي مشاعري باستهتار يمكن كان مش مقصود
جمدت مشاعري ليكي بعديكي وصلت معاكي حد البرود

الموقف صعب اكيد .. قلبي يدق من جديد
بس المره دي مش بحبك قلبي في رفضك كان عنيد

بتمنالك حياه سعيده وواثق عمري ما هنساكي
بس دلوقت انا بين ايديا مش حبيبتي لا ملاكي 

-----------------------------------------------------------------------------------------

سكوت في ضي الليل بيحكي بينا الف صوت
الف صوت لهمسه قلب لقلب اجمل من الياقوت
قلب حب قلب جف حب يحيي قلب غيره من موت
قلب غيره وقع في حبه فحرر قلبه من الجمود

-----------------------------------------------------------------------------------------

Download Mp3 " www.reverbnation.com/sirmem/songs "

Skot | سكوت

"" This track is just a joke, nothing more and nothing less ... ""


Listen and Download Mp3 
at Reverbnation " www.reverbnation.com/sirmem/songs "

Adab | أداب

Mix (Sir Mem {Skot} ,, Nasef {Kan Nefsy}

الــــــكــــلــــمــــات



لما عيني جت في عنيها .. افتكرتك انتي
جه في بالي لما استهترتي لما قسيتي لما بعدتي
نفس المكان جمع ما بينا زكرياتك جت في بالي
اتفرضت مقارنه غريبه مقارنه غيرتلي حالي
افتكرت سنيني معاكي .. حلوها .. ومرها
افتكرت في يوم هواكي معقوله شكلك شكلها!
انتي قسيتي لما قويتي اتعلمتي علي قلبي تدوسي
قاكره ايامي فاكره كلامي فاكره تعليمك دروسي
لما كنتي بعيده وحيده علمتك مفهوم القوه 
بس يا خساره لما اتعلمتي كان هدفك قلبي من جوه
يوم ما اتعلمتي الرمايه .. كان قلبي هو نشانك
نسيتي لما ضعفتي لما قلبي اتسخر بس علشانك
اتخلق ليكي مكان .. كان مستحيل يتغير 
حذرتك منك قبل مني فعلا كان موقف يحير
حذرتك من السطحيه والتبلد في التعامل
وانتي استهترتي لما جربتي انك تلاقي حب كامل

----------------------------------------------------------

كان نفسى فـ طفل يبقى نسخه طبق الاصل منك 
ملامحه من ملامحك كل حاجه عنده عندك 
خدوده تاكل نص وشه زى رسمه خدكـ
عيونه تبقى لون عيونك اكتر منى يحبكـ 
عدت عليكى شيطان فـ مره اتجوز ملاكـ 
اكيد مفيش متدوريش دا شيطان و دى ملاكـ 
شعور دايمـا بحسـه انكـ مش هتبقى ليـا 
هتكونى لغيـرى و غيركـ هتبقى ايديـه فـ ايديا 
مش عارف ليه متأكد ان دى اخر ايامنـا 
هفضـل متمسكـ بيكى ربنا العالمـ بالنيـه 
لو راحتكـ مش معايا هتمنالكـ كل خير 
بشرط متجيليش فـ حلمى بعد كل ليل 
عارف بينى و بين نفسى انكـ انتى كتيـر عليا 
عشان كدا بقولكـ ارتبطنـا مش هيتمـ 
فـ بحاول اعمل اى حاجه متاحه بين ايديا 
عشان استهلكـ ابقى فـ حياتكـ الاهمـ

Sir Mem Ft Nasef - Skot Mix (Kan Nefsy)

الــكــلــمــات


حبيتك من زمان وحبك زاد هواه في قلبي
لما لساني نطق بحبك كنت خلاص مش قادر اخبي
حسيت احساس جميل لما قلبي قالي هــي ..
احساس ملوش مثيل قدري بعتلي اجمل هديه
ايوا هديه بنعمة حبك وهواكي يعيش جوايا
لما قلبي قالها لقلبك ابتدينا اجمل حكايه
حكاية هتفضل بينا مما بعدت المسافات
الوقت يمر معاكي دا انا عمري قبلك مات
كل حاجه حسيتها معاكي وكل شئ اتمنيته فيكي
دا انا قلبي عايش بهواكي ويدعي ربه يخليكي
نكمل مع بعضنا ونعيش حياه سعيده 
ايوا نكمل بحبنا ونبتدي دنيا جديده ..
دنيا نحقق فيها احلامنا وننسي فيها ماضينا
مع بعضنا نعيش في الجنة وعن الناس حبنا يغنينا..

7betk | حبيتك

الــــكـــلـــمــــات

البحر بيضحك ليه وانا نازله ادلع املي القلل
البحر بيضحك ليه وانا نازله ادلع املي القلل
بيني وبينك سور ورا سور وانا لا مارد ولا عصفور
في ايدي ناي والناس مكسور وصبحت انا في العشق مثل



البحر غضبان مبيضحكش اصل الحكايه متضحكش
البحر جرحه مبيدبلش وجرحنا ولا عمره دبل
مساكين بنضحك من البلوه زي الديوك والروح حلوه
سارقاها من السكين حموه ولسه جوه القلب أمل
قللنا فخارها إناوي بتقول حكاوي وغناوي
يا قلة الذل انا ناوي ما اشرب ولو فيه في الميه عسل


البحر بيضحك ليه وانا نازله ادلع املي القلل
البحر بيضحك ليه وانا نازله ادلع املي القلل


ياما ملينا وملينا لغيرنا وعطشنا ساقينا
صابرين وبحر ما يروينا شايلين بدل العله علل
في بالي ياما وعلي بالي والي بيعشق ما يبالي
ميهمنيش من عزالي يا حلوه لو مرسالي وصل

Sir Mem Ft Nasser - El Ba7r Byd7k Leh

الــكــلــمــات

انسان عايش مجروح بلا روح بجروح فى قلبه بترسى
انسان عايش فى الغاب بيعلم قلبه يقسى
انسان فى حياته شاف اختلاف قلب جاف
 انسان كاره للواقع فكان تغيره هو المرسى
انسان شاف الملاك ملوش مكان يعيش ع الكوكب
انسان شاف كونك وحش هى الفرصه فى انك تركب
انسان يعيش جبان يتهان فى زمان كان هو الاغلب
انسان اختار مصل بينهى فصل فى نهايته المكسب
انسان جوه ملاك كان الهلاك هو مصيره
انسان مفعول المصل من مرضكوا كان تغيره
انسان خد مـ الواقع مصل وحقنه فى الوريد
انسان اختار الوحش اختاره تحت التهديد
تهديد من الى عاشه من الى شافه من الى داقه
تهديد نفى الملاك بعيد حببه فى الوحش ودائه
فكانت الاستجابه اجابه منه فـ رد فعل
سلاح ذو حدين كان له دائه وكان دوائه
---------------------------------------------------------------------------
انسان جواه ملاك اتبخر بعده عن حياته
انسان اتحول لوحش نسى اهاته وزكرياته
انسان اختار طريق ممكن اخره يكون مماته
انسان عاش حياته بس يسمع صوت سكاته
--------------------------------------------------------------------------
خلق لنفسه كوكب تانى لوحده فيه يكون
على الرغم من انتقاده واتهامه بالجنون
حبه لنفسه زرعه فيهم قدر يغلب سطحيتهم
كونه .. سابق بخطوه هى الفكره فى قلب لعبتهم
قرر.. يبيع سعاده مؤقته دايمه فى نظرهم
مشى.. فى طريقه الصعب قراره كان عكس اختيارهم
كانوا بيرسموا ابتسامته عن طريق استفسارتهم
تجنيدهم عرايس ماريونت مع تحريك افكارهم
اختار طريق ورده كان اكتر منه عدد الشوك
بس الميزه مش كونه عبد كونه واحد مـ الملوك
خروجه عن التصنيف كان طبيعى ليه ضرايب
كان الملاك جواه اكبر ضريبه لحق الغايب
اختار يكون عذابه بايده بس منه يتعلم
ميكونش عذابه بايد غيره وغيره يسيبه يتألم
كلمة انسان مكنتش مناسبه .. بس دا الوصف القديم
كفاية اختفاؤه من الواقع .. سيبوه بصمه فى تراك أليم
---------------------------------------------------------------------------
انسان جواه ملاك اتبخر بعده عن حياته
انسان اتحول لوحش نسى اهاته وزكرياته
انسان اختار طريق ممكن اخره يكون مماته
انسان عاش حياته بس يسمع صوت سكاته



Ensan | انسان

Vocal and Lyrics : Sir Mem "Hamzawy"
Chours : Omar Zakaria

--------------------------------------------------------

الـــكـــلـــمـــات


فاكر ليا زمان ضحكه لما كنت صغير
فاكر ليا عنوان جوه حضن شكله اتغير
كنت المفروض انا اول ما عيونك شافت
كنت موجود دايما جنبى لكن ساكت
اتمنيت فيك كل حاجه نفسى فيها
اتمنيت فيك كل حاجه فتحت عينى عليها
شوفت من الناس كتير بس انت كنت الاقرب
كان نفسى تكون اخويا مكنتش تسيبنى اجرب
التجربه دى شئ اساسى بس وانت وجنبى
مش اجرب وانا لوحدى ما انت عارفها مش بمبى
لا دى سودا وغامقه بطعم كله مرار
بس انت حجمتنى فى حريه الاختيار
كلمة "لا" منك صِرف تانى مش هسمعها
كلمه "حاضر" منى رد ليك لازم افهمها
تعبت من كونك امير قبيلة جاهليه
فين احساسك، طب فين خوفك عليا
بلاش دا ودا طيب فين بس الحنيه
لا دا ولا دا ولا دى طب شوفلك اب ليا
كنت انت هتكون ليا الحاضر و المستقبل
مفكرتش انى هفكر ولا حتى فى انى هقبل
اقبل خروجى عنك .. اقبل بعدك عنى
اقبل كل حاجه منك .. اقبل انى عنك اغنى
بس عارف .. هيجى يوم وفى حد هيدعيلك
هيكونوا احفادك لما ابوهم ميعيدش تربيتك


شايفك سراب طول عمرى بحاول الاقيه
شايفك سراب وشايف نفسى فى صوره فيه
خيال بعيد وكان نفسى فى يوم يتحقق
حلم عيشت احلم بيه لكن مبقتش مستنيه


Shayfk Sarab | شايفك سراب

الــكـــلـــمـــات


تلك اللحظه شعرت بقربها له 
شعرت بكل ذره في جسده
نبضه المتصاعد ، وروحه السابحه في الفضاء
شعرت بانفاسه التي كادت تتوقف من هدوئها 
استكان وجهه بين يديها محاول إيجاد بر الامان
---------------------------------------------------------------------

من أول لمسه ليكى اول كلمة بالعيون
شوفت كل حاجه بيكى تماثل بينا ومرسوم
اتجسد فيكى الاحساس اصبحتى خارجه عن التصنيف
ملاك عايش ما بين الناس كلمة ملاك فيكى تشخيص
عيونك .. ملامحك .. رسمه بكل تفاصيلها
لمستك، ليا زى السحر فى تأثيرها
ملكة، واحتلت عرش ملكوتى التانى
بيكى، اكتملت كل حاجه ناقصانى
لقيت معاكى كل ايامى عيشت فيكى ذكرياتى
كنتى شريكة كل احلامى اصبحتى حقيقه قدامى
لمستى فيا كل جرح شوفت بيكى انا المرايه
اتخلق معاكى الفرح اصبحتى انتى صوت صدايا
جوعى، ليكى عمره ما كان غرضه الشبع
قلبى، فى حضنك مكتفى  بكونه مستمع
لكل دقه كل همسه بين ضلوعك احسها
لكل رعشه كل لمسه كل تفصيله عشقتها

----------------------------------------------------------------------------------------

جسمين لكن عايشين متجمعين فى روح
جنه ما بين احضانك تلغى كل معنى للجروح
لو قيست فى يوم سعادتى ما بين ايديكى
هلقى نفسى ..
خرجت بيها بعيد عن المعدل المسموح

----------------------------------------------------------------------------------------

تشابه كل حاجه فينا مش بالسلب بالايجاب
كونك نسخه طبق الاصل بيكمل صفح الكتاب
رواية طويلة مكتوبه كل كلمة بحبر دم
مفهوم الجروح من بعدك أصبح؛ اشمل واعم
لمسة تشفى الف جرح همسه تمحى الهموم
ابتسامه ع الشفايف تلغى معنى الوجوم
نبض فى رسمه انتى بيها بيان الحاله مستقر
وقف النبض بعدك برجوعك اصبح مستمر
كل تفصيله فيكى ليها الف معنى والف لون
كل كلمة اتقالت فى البداية بينا بالعيون
ليكى اتنطق .. كل حرف صامت
بيكى .. اتفك .. كل طلسم غامض
لمستك بحس بيها دنيا تانيه عايش ليها
رواية ومكتوبه لينا ميتيم بكل حرف فيها
لما بكون ما بين ضلوعك ، حضن لامس روحى لروحك
صوت سكاتنا لوحده كافى ، يشفى كل جروحى وجروحك

---------------------------------------------------------------------------------------

جسمين لكن عايشين متجمعين فى روح
جنه ما بين احضانك تلغى كل معنى للجروح
لو قيست فى يوم سعادتى ما بين ايديكى
هلقى نفسى ..
خرجت بيها بعيد عن المعدل المسموح

----------------------------------------------------------------------------------------

جوعى ليكى عمره ما كان غرضه الشبع
قلبى فى حضنك مكتفى  بكونه مستمع
لكل دقه كل همسه بين ضلوعك احسها
لكل رعشه كل لمسه كل تفصيله عشقتها

جسمين لكن عايشين متجمعين فى روح
جنه ما بين احضانك تلغى كل معنى للجروح
لو قيست فى يوم سعادتى ما بين ايديكى
هلقى نفسى ..
خرجت بيها بعيد عن المعدل المسموح

تماثل ، تكامل ، عشق واتبنى الهدف ..
تفاصيل ، ترابط ، اكليل واتسمى " شـغـف "


Sha8f - شـغــف

الــكــلــمــات 


قولتك قبل كدا  تفاصيلى هتموت معايا
زى ما كنت عايش بس بسمع صوت صدايا
الف كلمه جوا جمله مرصوصين فى كتاب كبير
الف معنى لكل غنوة كل حرف بيحكى حكايه
مش عايز اتنفس حد مش عايز اعيش مُدمن
مش عايز اموت كافر انا نفسى اموت مؤمن
مش عايز ادلق القهوة انا عايز ابطل احتاجها
مش عايز اغير سيناريو القصة عايز اقطع ورقها
عيشت مشاهد بالف شاهد وفضلت ثابت فى سوط الغيوم
كتير اتكسرت فلما افتكرت جربت انهزمت من كتر الهموم
جربت تموت من كتر السكوت فيملى العروق سرطان مسموم
حاولت اتغير نفسى قصير عايش مخير مش مسير
فكل اما احاول اخلق تفائل ارد بتساؤل فـ افوق مصدوم
انا مش امام ولا بنصح من فوق المنبر
انا بس ببتر دراع فيه سرطان قبل ما يكتر
وممكن اكون انا نفسى هى مصدر المرض
 بس انا شوفت الصح ومش عايزك تكون الغلط ..

----------------------------------------------------------------------------
الف مشهد جوا رواية اتوصف فيهم سنين
الف جرح جوا قلوب بالالم مِسلمين
الف حل جوا حل سعاده اكتر او اقل                                                           
الف احتمال فى معادله لكن مش مترتبين

----------------------------------------------------------------------------------

لو هنسلم بمن تعجل بشئ قبل اوانه
فمسكت ايدك حتى ؛ هتعجل من حرمانه
ليه ارص سكوت لما ممكن ارص اداب
ليه اخرج مـ الجنه واخش النار بكتب كتاب
ليه ازرع بايديا كل خلصة فى شعر شاب
ليه انعزال متغطى لما ممكن اقول شايفك سراب
مهما قربت منى هتكون منى برده بعيد
صورة دموع بتبكى من برده الاطار حديد
قَسيت كتير فى عذاب مرير فـ قِسيت قسوة صراخ زئير
قَسيت بيكوا فـ قِسيت عليكوا فاتخلق بيكوا التغير 
سنين بتفوت بعمر يموت بعيش فى سكوت فى كل ليل
اتالمت فـ اتعلمت فـ اتكلمت فـ شوفت بعين ضرير
الم عظيم شيطان رجيم سكوت طووويل ملوش مثيل
الم انسان من مصل زمان كان ليه بينكوا دور كبير
انتوا تحت طلعت فوق كان لازم بيكوا افوق
انا بيكو تورية محدش قدر يفهمها
انتوا اديتونى الريشه وشيطانى هو الى رسمها

----------------------------------------------------------------------------

الف مشهد جوا رواية اتوصف فيهم سنين
الف جرح جوا قلوب بالالم مِسلمين
الف حل جوا حل سعاده اكتر او اقل                                                           
الف احتمال فى معادله لكن مش مترتبين

----------------------------------------------------------------------------

متمسكين بجناح شاغلكوا فيه الشهوات
عايشين دور الاصلاح من جواكوا ساد سكات
و رغم العلم ان التشبيه نصه مرض ، نصه علاج
غرقانين فى بحر كبير فـ كل الى عامه مات
مفهمتوش حبه ليها مفهمتوش قربه منها
لو كان لقاكوا لحظه مكنش فى يوم حنلها
شعره وقع مـ الكيماوى ولسه مولع السيجاره
موتوا جنبه قبل موته ملقاش حد فى استشاره

--------------------------------------------------------------------------

الف مشهد جوا رواية اتوصف فيهم سنين
الف جرح جوا قلوب بالالم مِسلمين
الف حل جوا حل سعاده اكتر او اقل                                                           
الف احتمال فى معادله لكن مش مترتبين

-------------------------------------------------------------------------

أنا بيكو تورية محدش قدر يفهمها،
انتوا اديتونى الريشه وشيطانى هو الى رسمها 

Alf Mash'd - ألـف مـشـهـد

I use rap to express what is inside me , nothing more and nothing less ...


Sir Mem " Hamzawy "

Sir Mem | HAMZAWY

Popular tracks