
 ஈரோடு மாவட்டம் சிவகிரியில் கடந்த இருபது ஆண்டுகளுக்கும் மேலாக செயல்பட்டுவருகிறது ஈரோடு ஒழுங்குமுறை விற்பனைக்கமிட்டி. இந்தகமிட்டியில் சிவகிரி மற்றும் சுற்றுப்புறங்களைச்சேர்ந்த நூற்றுக்கும் மேற்பட்ட கிராமங்களில் வசிக்கும் விவசாயிகள் தங்களது விலைப்பொருட்களை கொண்டு வந்து விற்பனைக்கு விடுவது வழக்கம்.


நெல்,எள், மக்காச்சோளம் உள்ளிட்ட விலைபொருட்களுக்கு பெயர்பெற்ற இந்த கமிட்டியில் அடிக்கடி சர்ச்சைகள் ஏற்படுவது வழக்கம். தற்போது இந்த கமிட்டியில் நெல்கொள்முதல் நடைபெற்று வருகிறது.
தினந்தோறும் ரூ 5 லட்சம் மதிப்பிலான நெல்லை கொள்முதல் செய்துவரும் இந்தக்கமிட்டியில் விவசாயிகள் என்ற போர்வையில் வியாபாரிகளும் தங்களது நெல்லை கொண்டு வந்து விற்பதும், வாங்குவதும் வழக்கமாக உள்ளது.


இந்த நிலையில் நேற்று வெள்ளோட்டாம்பரப்பை சேர்ந்த விவசாயி ஒருவர் தனது நெல்லை விற்பனைக்கு கொண்டு வந்து அதனை திறந்த வெளியில் குவித்து வைத்திருந்தார்.


அந்த நெல்லை சிவகிரியை அடுத்த சின்னியம்பாளையத்தைச்சேர்ந்த  அரிசி ஆலை நடத்திவரும் வியாபாரி ஒருவர் திருடி உள்ளார்.
இதனைக்கண்ணுற்ற நெல்லின் உரிமையாளர் அவரை பிடித்தார். இந்த செயலைக்கண்ட மற்ற விவசாயிகள் அந்த அரிசி ஆலை அதிபரை நய்ய புரட்டி விசாரணை நடத்தினர்.


விசாரணையில் நெல்லை திருடியதை ஒப்புக்கொண்ட அந்த அரிசி ஆலை அதிபர் மன்னிப்புக்கடிதம் எழுதிக்கொடுத்துவிட்டு குற்றத்தொகையாக ரூ 30 ஆயிரத்தை தந்தார்.


இந்தத்தொகையை அம்மன்கோயிலைச்சேர்ந்த அரிசி ஆலை அதிபர் ஒருவர் பெற்றுக்கொண்டு அதனை கோயிலுக்கு தந்துவிடுவதாக கூறினார்.
இதனை அடுத்து விவசாயிகள் களைந்து சென்றனர். குற்றவாளியை காவல்துறையிடம் ஒப்படைக்காமல்  கட்டப்பஞ்சாயத்துக்கணக்காக கடவுள் பெயரைக்கூறி தொகையை பெற்றுக்கொண்ட செயல் கடவுளுக்கு குற்றத்தொகை செலுத்திவிட்டு திருட்டைத்தொடரலாம் என திருட்டுக்கு அங்கீகாரம் அளித்தது போல் இருக்கிறது என சில விவசாயிகள் குமுறிக்கொண்டு சென்றனர்.


நடந்த இந்த செயல் வெளியுலகுக்கு தெரியாமல் ஆளுங்கட்சி மற்றும் எதிர்க்கட்சிகளைச்சேர்ந்த பிரமுகர்களால்  கமிட்டியின் பெயர் கெட்டுவிடும் என்றக்காரணம் கூறி மறைக்கப்பட்டது.


 உரையாடல் சிலவற்றை  ஒலிப்பதிவு வடிவில் தந்துள்ளோம். அவற்றை கேட்க இங்கு சொடுக்கவும்.



வெளிச்சம் வெளிச்சம்