Name: 2. Skinkuhorn - Elsa María Guðlaugs-Drífudóttir by Skinkuhorn Skessuhorns
Duration: 33 min 6 s
Description: Elsa María Guðlaugs- Drífudóttir er fædd og uppalin á Akranes. Hún hefur síðustu þrjú ár starfað sem Fréttamaður RÚV á Vesturlandi og Vestfjörðum en færði sig til í starfi í haust. Nú er hún almennur fréttamaður sem sinnir vöktum í Efstaleiti í Reykjavík og vinnur efni fyrir alla miðla fréttastofunnar. Gunnlaug fékk Elsu Maríu til sín í spjall.

Elsa María Guðlaugs- Drífudóttir er fædd og uppalin á Akranes. Hún hefur síðustu þrjú ár starfað sem Fréttamaður RÚV á Vesturlandi og Vestfjörðum en færði sig til í starfi í haust. Nú er hún almennur fréttamaður sem sinnir vöktum í Efstaleiti í Reykjavík og vinnur efni fyrir alla miðla fréttastofunnar. Gunnlaug fékk Elsu Maríu til sín í spjall.

2. Skinkuhorn - Elsa María Guðlaugs-Drífudóttir

Gunnlaug ræðir við körfuboltakonuna og Borgnesinginn Sigrúnu Sjöfn Ámundadóttur um körfuboltann, atvinnumennskuna og hvað taki við þegar tímanum í körfunni er lokið. Sigrún segist alltaf hafa haft það bakvið eyrað að einhvern tíman muni hún ekki spila körfu lengur og hefur hún því lagt upp með að mennta sig og koma sér á stað í lífinu sem hún er ánægð með að vera á.

21. Sigrún Sjöfn Ámundadóttir

Gunnlaug ræðir við Jörgen Nilsson um líf og starf hans í ungmennabúðum UMFÍ á Laugum í Sælingsdal og seinna á Laugarvatni. Fyrir rétt um tveimur árum keyrði Jörgen sig út í vinnu og fékk kulnun. Hann lýsir tilfinningum sínum og líðan þegar hann gat ekki lengur gert það sem hann alltaf hafði gert og hvernig undanfarin tæp tvö ár hafa farið í endurhæfingu eftir að hann hneig niður á skrifstofu sinni og átti erfitt með að anda.

22. Jörgen Nilsson

Sigursteinn Sigurðsson starfar sem menningar- og velferðarfulltrúi hjá Samtökum sveitarfélaga á Vesturlandi. Hann er arkítekt að mennt og býr ásamt fjölskyldu sinni í Borgarnesi. Í þættinum ræðir hann hvernig han leiddist út í arkítektúrinn, hlutverk SSV og störf sín þar.

23. Sigursteinn Sigurðsson

Gunnlaug ræðir við Vestlendinginn Hlédísi Sveinsdóttur um þann starfsvettvang sem hún hefur valið sér sem sjálfstætt starfandi verkefnastjóri. Hún hefur komið að ýmsum verkefnum og viðburðum á Vesturlandi og víðar og hefur til að mynda séð um Matarmarkað Íslands í Hörpu frá upphafi þar sem hún segir markmiðið vera að tengja saman bændur og neytendur. 
Hlédís er uppalin að Fossi í Staðarsveit, bjó á unglingsárunum í Stykkishólmi og settist að á Akranesi upp úr þrítugu, með nýfædda dóttur sína. Hún var háseti á bát sem gerður var út frá Arnarstapa, var framkvæmdastjóri Sauðamessu í Borgarnesi yfir nokkurra ára tímabil og hefur skipulagt matarmarkaði og REKO afhendingar víða um landshlutann. Þá framleiddi hún ásamt Heiðari Mar Björnssyni sjónvarpsþættina Að vestan sem sýndir voru á sjónvarpsstöðinni N4. 
Hlédís er lífsreynd og hefur tekist á við fjölda áskoranna í vinnu og einkalífi. Að hennar sögn gæti viðtal þetta verið leiðarvísir að því hvernig þú átt ekki að gera hlutina en hjá Hlédísi er húmorinn í hávegum hafður.

24. Hlédís Sveinsdóttir

Dalakonan Helga Haraldsdóttir er matreiðslumeistari, yfirkokkur á veitingastaðnum Mat og Drykk og á og rekur sitt eigið fyrirtæki, Kandís, sem framleiðir brjóstsykur innblásinn af íslenskri náttúru. Hún elskar grín og athygli, hefur reynt fyrir sér í uppistandi, tók þátt í Ísland got talent og Dagvaktinni. Hún hefur þó líka glímt við mikið þunglyndi frá barnsaldri og lágt sjálfsálit aftraði henni um tíma frá því að koma fram. Hún segist í dag fá útrás fyrir athyglissýkina með því að elda mat fyrir allra augum.

25. Helga Haraldsdóttir

Nýr bæjarstjóri Akraneskaupstaðar, Haraldur Benediktsson, er gestur Gunnlaugar í Skinkuhorninu að þessu sinni.

26. Haraldur Benediktsson

Gunnlaug ræðir nýjan formann Stéttarfélags Vesturlands, Silju Eyrúnu Steingrímsdóttur.

27. Silja Eyrún Steingrímsdóttir

Karítas Óðinsdóttir frá Einarsnesi í Borgarfirði hefur getið sér gott orðspor í tónlistarsenunni á Íslandi en hún starfar sem plötusnúður og söngkona. Einnig hefur hún verið meðlimur stúlknarappsveitarinnar Reykjavíkurdætra síðan árið 2018 og keppti m.a. með sveitinni í Söngvakeppni Sjónvarpsins á síðasta ári þar sem litlu munaði að hópurinn keppti fyrir Íslands hönd í Eurovision 2022. Karítas er viðmælandi Skinkuhorns þessa vikuna og spjallar þar m.a. um æskuna, vegferð sína inn í tónlistarheiminn, hvernig hún varð óvart eftirsóttur plötusnúður undir nafninu DJ Karitas og tíma sinn með Reykjavíkurdætrum.

28. Karítas Óðinsdóttir

Borgnesingurinn Elín Elísabet Einarsdóttir er viðmælandi Steinunnar í þessum þætti Skinkuhorns. Hún er starfandi teiknari og tekur að sér fljölbreytt og skemmtileg verkefni. M.a. segir Elín frá því í þættinum þegar hún stofnaði lundabúð með vinkonu sinni á Borgarfirði eystri og þegar hún fór í listamanna residensíu í Senegal.

29. Elín Elísabet Einarsdóttir

Járnmaðurinn Almar Viðarsson kom í Skinkuhornið til Valdimars Kriss Sigurðssonar, blaðamanns.

2. Skinkuhorn - Elsa María Guðlaugs-Drífudóttir

Skinkuhorn Skessuhorns

Related tracks