vlaamserap

Redrum - Balanse

Thorre - Tidn verandern
Beat: Scred connexion - Partis de rien (instrumental)
Produced: Skjivve Producties

- de tidn ze verandern, de tidn ze verandern -
--------------------------------------------
vol van et leevn toch een leegte gin invulling
nin kgoa nimir ip queeste der is schrik vo mislukking
den tid tikt mo kvertik et wan tgoa druk zin
lik dakket nu nog nie bezit woar est geluk vint?

nie gelukt nin wel gesleurd in de stelling
van teleur een kwelling van tfeit daze eigenlijk nie deugd
da et eigenlijk nie meug we bevindn oes ip een helling
goan achterut moar et es de teegnstelling

van wuk datter gezegd is vele vertellingn
mo de latste gesprekn lietn min belle wel klinkn
der was gebrek an de dingn woardaw tope noa verlangn
olletwji verloorn olletwji deen we ntwa anders

kreeg ommekji te hoorn daj nie langer mi wou wandeln
jammer oeda droomn in jun leevn kunn kanteln
nu ist alleen handeln kbewandel nu min eign pad
verzwijgn kannek nie daj lik den tijd veranderd was
-------------------------------------------------------
- de tidn ze verandern, de tidn ze verandern -
-------------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------------
- de tidn ze verandern, bajoas ja, ej de tidn ze verandern -
-------------------------------------------------------
ot eki slig goa peizek were an den kindertid
mo in den tijd dak peize reize kik deur et verleedn vint
joat ti verleedn tid kwetet kan nie were nink
zeekr dakt zoe wiln olle momentn dat lik teegnzit

wan kzie der teegn ip nink kwille nie veroddern
doarom willek wa doen me jeugd ton bluvvek zelve jonger
mo ej kweet zonder toch goak gin kopke onder
oje zoe kikn oedat loater goa zin kiktj verwonderd

ol gedonderd gebliksemt perioodn is et wok zonnig
tvol nie te betwistn de grote komn wok odder
komme nu verre twintig toch verre van den arrivée
wan elk nen dag betrappek mezelvn dak nog dingn bie leer

kdoe nog dingn verkeerd klwoope meer teegn dezelde steen
dan da nen ezel doe dus wa benne kik vo beest?
kvergete geregeld van wa aandacht te besteedn
aan tgene waarvan dak dacht da moak ek nimi mee
-------------------------------------------------
tid ge moe weetn ti beskreevn als een illusie
een diffusie van tverleedn de toekomst en wadaj nu zie
troept op wukdaj i meegemakt inclusief at teegnzat
tverleedn nie vergeetn leef noa de toekomst tis een beetr plan
-------------------------------------------------
- de tidn ze verandern -
-----------------------------------------------------
we woarn kljinne onwetend en speeldn totda de zon zonk
thus wa verveeln en wachtn totda ze opkomt
tot da et lot ons tegoare i gebracht
de vorming van een bende en tot ip den dag

van vandoage zint nog oltn diezelste moatn
en kwete van die gastn daze der vo mie goan stoane
in goeie of sligte doagn khope dat nie goa vervoagn
en dak min gelik goa oaln dawe bluvn bestoane

wan int begin zag je oes twope ip gelik wekn fjiste
de jiste van de chiro en et bleef lik mo vermjirdern
ton kwoamn de kjirn daw van de grwote partys proefden
verlangn en verlangn vo doar mjir te vertoevn

intresses da verandern juste lik et genoegn
in plekke van te wachtn goak et land weer beploegn
want der is kans dawe mekoar ipnieuw goan moetn zoekn
en dawe dachtn vo gin oar dat anders ging zin lik vroeger


Tidn Verandern

 Zorgen an me kop !
Beat by : DJ FLD
Brugesthing Productions 2014.
------------
lyrics : 

kom snuchtends zwetend wakker deur  miserie ame kop,
heelnt peizen over tleven  ké gin liefde e gin job

kzochtn liejfde bie etwien , mo da liep ni al te  juste 
zet gefoefeld me men erte, kzien de latstn die ng luusterd  

kmoen ku leven meme keuzes , stapn zetn rechtndeure,
kbluven vastangn int  verleedn kgeven tgoeie noois gin keure

kzien men erte kwiet .... kvoeln de koede alledoagen,
 deur ol die shit dak peizn kuk  mezelvn ni verdroagn,

me koptje of men erte kzoen ni weetn wuk te volgn
kzien ant stresn hele dagen ké ni andrs mir of zorgn

tmeistje vame leven vees te vee respect gegeven, 
go mo deure meje leven bluf ni steken  int verleedn,

tzien ook doagen dak me beter voeln mo komn da  nivee tegen
kzien mezelvn ant verklootn deur men eigen dommigheden

bluven droain in e spiroale mo kzoen liever stillezitn
kdwingn mezelvn voe te peizn dakket ol wé nog ziejn zitn,
---------------
tis nog oltied even slicht  kgeven schone dingn gin kanse 
gin vertrouwn in de wuven en kgeloven ni in sjanse 

ku genietn van de kleejne dingn die zorgn voe verbetering
kpeizen ik  heel  anders ku ni zeggen dak zelfzeker zien,

kpeizen vees te diepe over tleven en gelukkig zien, 
ksnakken achter vrijheid kziejn de zunne nimi schien 

ollest doenker en verloatn , kun ol nachtn nimi sloapn ,
ke stress heledoagen ku gin mensn mi  verdroagen

kiekn were ip de goeie tiedn zoendr al die vroagn 
tschient dat leven zeregoat mo bie mien got alles troage

ke dagen lopen peizen over redens en gedachtn,
der zie mensn dame vroagen kuj gie noois eki ni lachn,

infeite ist nu  tied vo me leven te erpakn,
veel ervoaringn int verleedn da vor assan bluvn plakn 

kwiln e sprankeltje geluk ookal zittet in de verte
ken e veeste grote moend, des te klinder is men erte !





 
















Kleene Leepn - Zorgen an me kop

Beat by Gets,
Cuts & Scratches by DJ FLD
Brugesthing Productions 2014

Kleene leepn ft Mc Tjudee - Corrupte Streepn

De Feesters - Woord

DeLangn T’is nie

Morsdood & Buttnwestn - Kaneh Bossem

Tderde Oge X Buttnwest - Onderdrukt (Prod. Separator)

Recorded by Gaperstudio. 

Lyrics:
Moesters in me kop, en soms zien ze gemeen.
Mo kzit der nie mee in, want ze zitn in iedereen.
Ze zien nie aatn slicht, mor ook nie aatn goed.
Da lief en froai zien, nee, da zit nie in me bloed.
Want ak je nie moen en, ton goj et zeker wel weetn.
Schone doen in je face, da meug je wel vergeetn.
Kej da van die moatn,  ze loatn je zitn in de pit.
Ze peizn juste an under eigen, ant ende van de rit.
Ziej der nie voe mien, zie kik der nie voe joen.
En kmeen wa dak je zegn, der is echt niks mi an te doen.
Kvoele zeer ier vanbin, van de dee dak loatn goane.
Mo tku geweun nie anders, ze moetn van me boane.
Kzegge fuck die wiede blaffers, I don't care what they say.
Lat mie geweune doene, I do it my way.
Kzien wien dakke zien, en kgon der wel geraakn.
Der is echt niemand mi, die me nu nog go ku kraakn.

-Refrein.

Moesters in me kot, ze zitn genesteld bie me nest.
Ik kriege ze nie weg, ookal doe kik zo mien best.
Wit je waddeuuuh?
You can stay in my place.
'T zien vele betere moatn, dan de dee woa dak an peis.
Vroeger beste moatn, nu ek de deure toe gesmeetn.
'K ad beter eerder gedoan, ak geweetn wa dak nu weetn.
'K zette veels te vele komma's, woar e punt moest zien.
'K woare veels te goed, en da was nie voe de schien.
Die vriendschap is voorbie, daarom zie kik massas bliede.
Je zie weg ut me leevn, je meug nie mi an me ziede.
Check joe doa nu stoan, met aal je grote woordn.
Je veels te felle bek, ant peizn da je ku scoorn.
'T is echt nie te geloovn, daj et zelve nie beseft.
Oe schijnheilig da je ziet, daj echt niemand overtreft.
'T zit e slichtn in iedereen, mo vree weinige dient weetn.
Je goat wel nog besefn, begin mor al te zweetn.

-Refrein.

Moesters da zien wieder, ja wieder allemoale.
Miene moat da woar je nie, Want je zette mie voe poale.
Iedereen et wel ze foutn, mo ge moe je kun erpakkn.
En ku je gie da nie, ton goj gie der weg in zakkn.
Kwoare 13 joar, en kbelande an da poeder.
'T koste wok nie anders, kmoeste verder zoender moeder.
Mo tverleedn is passé, wieder klappn der nie mi van.
'T is de toekomst die nu telt,ik trekken wel mien plan.
Ke geleerd ut me foutn, zen mie gemakt wien dak nu zien.
ted wel lange gedeurd, mo agliek ziek nog antien.
Elke chick is een iengel, mo kzoen der nie up reekn.
'T is veels te rappe gedoan, an die vleugels van eur breekn.
Mispak joe nu mo nie, want je zoe nog kun verschietn.
Van aal die domme wuvn, ze zitn vul me parasietn.
Kzegge wadde wiene wuuuuuk,
'T was Avivah up den beat.
En ejet nie goed hoort, eweh zet em up repeat.

Avivah - Monsters

NTREK - Heel veel West-Vlamse rappers (feat. Morsdood, MC Equal, Rijmtekkie Spansman, No Exp., Plukketuffer, Rah, Rookwalm, Vorre, Walter Ego, Ja-zon, Samoerai, Redrum, Brihang & Connard)

Beat door Baadasssss
Opnames, mix, master, productie & arrangement door Chillow voor Catharsis Productions

NTREK - Heel Veel West-Vlamse Rappers

BOXY - Louis G - Pater Obassa - Duper -Slordig

mix by Babiech

Snelstappers ft BOXY - Zie ze vliegen

SnelStappers

Recent comments

Kevin Desmet

Anaïswatt

Anaïswatt

Kamiel Vlerick

Related tracks