الحق ممكن يكون في جسد انسان
الحق ممكن يكون لجام
الحق ممكن يكون كرباج
متجسد في صورة سجان
.
.
انما الباطل كدبة
.
امسك سيفك وحاربه
بين ان ده وطنك مش وطنه
ارفع علمك مش علمه
حقق حلمك مش حلمة
.
هتعافر كتير 
وهتتناصر قليل
.
بس خلي قدامك سؤال قدامك
ليه وطنك ميبقاش منير
وطنك مش وطن الاشبال 
وطنك اصغر من فيه اسد
وطنك مفيهوش اغلال 
مزروعة الحرية في اصغر ولد
.
الشعب لو ساكت
ياوطن مفيش خلاص
انما لو ثابت
مهيمهوش ولا حتي الرصاص
انما لو وقع منه شهيد
يا وطن عليك بالقصاص
عشان لما تسالوا مجبتش الحق ليه
ميقولش حق الحق راح خلاص
.
النداء مش مسموع
والقلب مسروع
والصوت موجوع 
والحق مبلوع
.
القصيدة ممنوعة
والكتابة ممنوعة
والحقيقة مصنوعة
خشبة المسرح بقت منصوبة
والكراسي قدامها مرسوسة
والتذاكر خلاص محجوزة
.
العرض. الاول لمسرحية بلدي
انهم يدوني دور مادونيش
طلعت ع المسرح رفعت علمي
ان حد يسقف مفيش
طلعت بلدي الست البهية
وبصتها ليا كلها حنية
.
وانا بتفرج من ورا الكواليس
وهما مفهيمنها اني ابليس
وطلع عرسها المتزوق شوية
يقولها ياملاك يا جنية
وقدمها انا الوحش اللي في كوابيس
وقدمها هو الاحلام الرومانسية
.
شايفاه ملك صاحب اصدق وش
وهو ملك في بلاد غش
.
صرخت وقلت
انا القلم والكراريس
انا الحلم مش الكوابيس
انا ابنك وحميكي من اي اي رئيس
.
انا المطحون
انا المركون
انا مظلوم
انا سندك وعكازك
انا ابنك وانا بارك
انا ابنك وانا دارك
انا علمك واوطانك
انا تاريخك واثارك
ولازم تعرفي اني بحبك
فامتكرهنيش
.
بصيتلي
بعيونها الصبية
ونظارتها الثنية
فمشيت قبل ما ترد
خفت لحسن ليا تسد
وتبينلي كره وعند
,
وانتهي العرض
وناس تهني وناس تبارك
وانا بره في البرد
قلت اهنيها بعيد عن النظر والاسماع
هدتها طوق متزين بالورود والياسمين والنعناع
وفحضنتني وبساتني فنسيت كل الاوجاع
.
ويبص ابو شرايين مشدودة
وشرايينوا حواليا مربوطة
وسايب الجراد وماسك في الدودة
واللي مصبرني الوردة اللي هيقتفها موتي
حبيبتي ساكنة في صوتي
.
انا ابنك المطحون
يا وطن سجل في الكتاب مين اللي بيخون
.
ويوم ما اموت سجلني في كتاب 
موجود فيه اطهر شباب
مبينهمش لا خاين ولا كداب

قصيدة "مسرحية بلدي" رشدي

so7ba band | صحبة باند