لحن التحفجية، أو لحن الحشاشين لسيد درويش

غناء طارق بشير
كمنجة احمد الصالحي
الخواجة نيكوس بيبمس قانون

من جلسات شقة كيلبورن
٢٨-٩-٢٠١٣

التحفجية- طارق بشير

#الشيخ_إمام
#أحمد_فؤاد_نجم


يا شاديّ الالحان | الشيخ إمام عيسى

قصيدة العمة يامنة للشاعر الراحل عبد الرحمن الابنودي علّي الصوت وغمض عيونك وتذكّر .. وانحُب

ياللعروسة -على الحجار وفؤاد حداد

Is But A Mere Distraction

نوارة بنتي النهارده تبقي
بتخطي عتبه
ليوم جديد
يارب خلى
يارب حافظ
يارب بارك
يارب زيد
يارب كبر
نوارة تكبر
وتبقي أكبر
فى كل عيد
لا كل جمعه
لا كل يوم
لا كل ساعه
لا كل لحظه
تنول وتخطي
وتزيد نباهه
وتزيد ملاحظه
وتخطى مصر السعيده بيهم
ويبقوا ليها
وتبقي ليهم
غيطانها جنه
وترابها حنه
والنسمه خمره
ف قزازه حمرا
والنيل نجاشي
ما فيش ما جاشي
تمللى بيجي
أخضر مليجي
دايما يوفي
دايما يكفي
كل الخلايق
يصبح صباحه
فلاحه يمشي
على شطه عايق
والدنيا صافيه
والجو رايق
ما فيش معاكسه
مافيش مضايق
ما فيش عساكر وقهر تاني
كل الاماني بقت حقائق
يارب وفق
يارب ريد
واكتب عليهم
فى كل لحظه
فرح وعيد
بسكوته بابا
حاضر يا ماما
وتقوم تدوسني
عشان تبوسني
وتنام فى حضني
وتقوم ف حضنى
وتعمل العمله
وتملا حضني
الله يجازي البعيد شيطانك
حماره كلبه
مش عيب يا ماما
كده البيحاما
مش بابا قايل
وماما قالت
من طول ما حطت
وطول ما شالت
ساعه ما تبقي الحكايه
كخه
يقولوا إا ح
قوام يا ماما ؟
بسكوته بابا
بسكوت في عينك
ما فيش معامله
بيني وما بينك
ياللا امشي قومي
حماره كلبه
باظت هدومي
ماتقومش طبعا
ولا أي حاجه
وكانه مثلا
ما حصلش حاجه
تقعد تكلضم
وتلوي بوزها
وتتجاهلني
كاني جوزها
خاصماك يا بابا
ماتكلمنيش
طظ ف عظمتك
ما يهمينش
ديتها بوسه
أو تهشيكايه
أو بسكوتايه
أو بمبونايه
حتسوقي شغل النداله طبعا
وتروحي جارّة الكلام معايا
وبوسه بابا
أديكي بوسه
سكر يا بابا
تديني بوسه
كده اصطلحنا خلاص يا بابتي ؟
كده اصطلحنا يا نوارايه
مش دي الحكايه
ولا انتي يعني
لا
يعني أيه ما تخرفيش
دي تبقي يعني
الحكايه يعنى
ملعون أبوكي
ما تاخذينيش
لو كان فى قصدك
أو ربع قصدك
أو كنتي حتي
ما تقصديش
ان انتي يعني
خاصماك يا بابا
ح تخصمني
أطلع ما فيش
أبوكي أيوه
ما كانش حاجه
لكنه حاول يعيش لحاجه
وجيل أبوكي
كان يعني حاجه
وجيلك انتي
حيبقي حاجه
ومصر تبقي ألنهارده حاجه
وبكره حتما
حتبقي حاجه
وأي حاجه
وماتكونيش حاجه
إلا وسببها
فى الاصل حاجه
وبكره لما
قمركو يطلع
والشمس تسطع
فوق كل حاجه
حتقولوا
كان فى المكان دا ناس
فيهم طيابه
فيهم حماس
وفى الحماس
بعضش عباطه
وكانوا اخر الامر
ناس
وكان زمانهم سجون
وكانوا
مابين سجونه وامريكانه
وبين ضباب الطريق حياري
ما حد قادر يشوف مكان
حتقولوا كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
ويا ما ناس فى المسيره
مشيت
وناس ف نص المسيره خانوا
حتقولوا كانوا
لكن يبقي فى الامر حاجه
ان اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ما قدرش يقتل فى أي حاجه
روح التفاؤل
بكل حاجه

أحمد فؤاد نجم و قصيدة نواره

lyrics & music : Saad Mamdouh
Oud & Cello : Saad Mamdouh

في صحبة ليلي .. بغني مواويلي
ويسمعني القمر
وبحكي حكاياتي .. طمعان في ايامي
يقربها السهر

يا ليل انا غربة جوة غربة
يا ليل شباكي مش بيجيب بكرة 

يا سكة واحشاني .. تفتكري عنواني؟
ولا باش في المطر
زوريني في منامي .. وهاتيلي احلام 
خدها مني القدر

يا ليل انا غربة جوة غربة
يا ليل شباكي مش بيجيب بكرة

أنا غُربة - سعد ممدوح ونورهان الديواني

جاهدة وهبة -  إذا هجرتَ

نجيب سرور - يامّة بناديلك

from the kit-kat movie of mahmoud abdel aziz :)   :'(

جاهدة وهبة - إذا هجرتَ

Sofyat | صوفيات

Related tracks