By Dragon Hell

المكان : المخابرات الأمريكية
الهدف : هدم كل الجيوش العربية
الوسيلة : زرع العناصر التكفيرية
النتيجة : تأمين الحدود الإسرائيلية

الهدف الأول : هدم الجيش العراقي
الهدف التاني : هدم الجيش السوري
الهدف التالت : هدم الجيش المصري
النتيجة النهائية : إبادة كاملة للعرب

الشيطان الأمريكي حي بيفكر 
ازاي يقدر يهدمنا يفرقنا من غير ما يخسر 
ازاي يقدر يقتلنا وقوتنا ووحدتنا يكسر 
من غير ما الرأي العام العالمي عليه يأثر
عاوزين الحجة اللي يحاربونا بيها قدام العالم  يثبت .. 
إننا شوية همج عايشين في أرض الشرق الأوسط .. 
بنهدد أمن إسرائيل ومن عقيدتنا إننا نثبت .. 
إن فلسطين أرض عربية ومن اليهود أغتصبت
 بس إزاي تقدر تسيطر ع الوطن العربي مع  إنهم 
أكتر من 200 مليون مسلم ومسيحي كان وعدهم 
إنهم يعيشوا مع بعض في سلام ويحموا أرضهم 
من كل عدو يحاربهم بدمهم يحموا عرضهم 
يبقى لازم يفرق ما بينا ومهما كان التمن 
انشر مبادئ الاختلاف مبادئ اتخلقت من عدم 
مسلم ومسيحي سني وشيعي وساعتها يبدأ الندم
على أرض السلام حطوا الألغام واحنا كنا أكبر لغم

الشيطان بيدور على نقط القوة فينا 
عشان يهدمها يكسرها وبكدا يبقى انتهينا
عندنا جيوش قوية بتستمد القوة بينا 
ماهو عارف لو دخل الحرب ضدنا النصر لينا
قدر يحول أحسن ما فينا لأسوأ ما فينا
قدر يزرع الشر بينا بالكره يعمي عنينا
استخدم الدين ضدنا زرع التطرف فينا 
واحنا اتخدعنا للأسف غرقت بينا السفينة

مول التطرف بالفلوس والقوة والسلاح
حجز الأفكار جوانا غير فينا فكرة الكفاح
كونوا جيوش تكفيرية والقاعدة كانت المفتاح 
لنشر فكر غريب على ديننا والشيخ اتحول سفاح

القوة التكفيرية ما بينا بتعدي بتنشر سم
باسم الدين ابتدينا نشوف على أراضينا الدم
الشاب بيدبح علشان دينه بقى متهم
والمغيبين ما بينا باسم الدين ليهم تنضم

الشرق الأوسط الجديد العرب فيه زي العبيد
الشرق الأوسط الجديد  شيطان بيقتل من بعيد
الشرق الأوسط الجديد بيحكمونا من حديد
الفتنة في أرضنا بتزيد خلونا مجتمع مريض
الشرق الأوسط الجديد فرق كل البلاد
الشرق الأوسط الجديد حلم ارض المعاد
الشرق الاوسط الجديد...اتفرق العباد...بين الدين و الالحاد ...و اسرائيل ليها امتداد

الشيطان الأمريكي شاف في عينينا الهزيمة 
العربي حارب ضد العربي ويقتل أخ لينا 
بدل الجهاد ما يكون على إسرائيل بقى على أراضينا 
بيحاربوا جيوشنا يكفروهم واحنا نموت بايدينا
ضرب عصفورين بحجر 
شال من على إسرائيل خطر 
إننا نكون على قوة واحدة وللقدس الحبل انقدر
 وبنفس الوقت الجندي الأمريكي دمه ما يروحش هدر
وبكدا يقضي علينا يدخل أراضينا منتصر 
بجيوشه ينزل بالألغام يزرعها ع الأرض السلام 
ومن انهاردة مفيش من تاني عربي يحس بالأمان
واستولى ع الأراضي و ع  البترول وعليه الدم هان
 ولو عارضت او قاومت يتنفذ فيك الاعدام
عراق سودان سوريا لبنان ينزل على أراضيها الأعلام
 ومن انهاردة لو أنت عربي لازم تشعر بالآلام 
والخونة ما بيننا ابتدوا يظهروا ويدوهم الأمان 
وقواعد عسكرية اتزرعت على أراضينا  في كل مكان 
بقينا أرض الجهل والتخلف والرجعية 
تاريخ عظيم لكن حاضر ضعيف مليان همجية
حرب في الدين حرب سياسة حتى الحرب النفسية  
وبقينا العالم التالت أرض الجهل والعشوائية

علوش علوش صدام وبوش بغداد أرض المعارك
سقطت بغداد والشعب العراقي اتحط في المهالك
حرب السنة ضد الشيعة  والعربي فيها هالك وطبعا مين غير إسرائيل لدمنا بيبارك

الخيانة بتشتغل على رأسهم دولة قطر 
أصغر من أصغر مدية لكن بتسبب الخطر
قواعد عسكرية تخلي قوة إسرائيل حجر 
بقناة الجزيرة الحقيرة فتنة بيننا بتنتشر
كانت سبب رئيسي في سقوط العاصمة بغداد 
بتساند أمريكا في تفتيشها النووي في البلاد
سوريا وطرابلس زرعوا فيها الفتنة في العباد 
والجيوش العربية اتقسمت والجندي السوري مات

الشرق الأوسط الجديد العرب فيه زي العبيد
الشرق الأوسط الجديد  شيطان بيقتل من بعيد
الشرق الأوسط الجديد بيحكمونا من حديد
الفتنة في أرضنا بتزيد خلونا مجتمع مريض
الشرق الأوسط الجديد فرق كل البلاد
الشرق الأوسط الجديد حلم ارض المعاد
الشرق الاوسط الجديد...اتفرق العباد...بين الدين و الالحاد ...و اسرائيل ليها امتداد

طب فين الحل ولا احنا خلاص مكتوب علينا الذل
ازاي تقدر تقاوم ولقوتك تستغل
ازاي تقدر تتجمع تحت راية تجيب الكل
ازاي تقدر تكون قوة منافسة تبقى  البطل

عاوز تحارب تسترد حقوقك المنهوبة
كون قوة منظمة قوة كاملة مش معيوبة
ولو بصيت هتلاقي جيش واحد فلت بالأعجوبة
خير أجناد الأرض وإسرائيل منه مرعوبة

انسى الاختلاف في الدين والملة والمذهب
كونوا جيوش منظمة تقدر لعدوك ترهب 
خليك متقدم زيهم وبعلمك انت تقدر
 تستقل برأيك ولبلدك ولجيشك انت تنصر

عاوز تعرف شيطان أمريكا بيخاف من ايه
بيخاف من مجتمع قوي ودينه عايش فيه
 الدين الوسطي مش دين التطرف تقتل بيه 
والعلم سلاح في ايدك تبني قوة موازية ليه

الشرق الأوسط الجديد العرب فيه زي العبيد
الشرق الأوسط الجديد  شيطان بيقتل من بعيد
الشرق الأوسط الجديد بيحكمونا من حديد
الفتنة في أرضنا بتزيد خلونا مجتمع مريض
الشرق الأوسط الجديد فرق كل البلاد
الشرق الأوسط الجديد حلم ارض المعاد
الشرق الاوسط الجديد...اتفرق العباد...بين الدين و الالحاد ...و اسرائيل ليها امتداد


Sooty

Sootyy

Popular tracks