🚬🖤

الجوكر - الواقع

El Joker - Ib2i Iftkrini الجوكر - ابقى افتكرينى

My Acc : www.facebook.com/OnlyForZamalek1

سلمي 2 - الجوكر

موناليزا تانية الجوكر

من وهو لسه صغير و الجيران بتحلف بيه
المتفوق ، المؤدب ، اللي جامع دنيا و دين
كبر و دخل جامعة و آن أوان تاء التأنيث
يمكن مشافش بورنو بس إتفرج علي ونيس

و رغم طول الرحلة فالوصول بينسي التعب
أخينا لقي أخيرا اللي تحبه و يحبها
دايما كان بيكلمها عن إن التعليم تجهيل
واحد زيه في بلد بتفهم كان زمانله شأن كبير

فهمها حاجات كتير ، في الآخر فهمته 
إن حوا مش لآدم، حوا لفلوسه و شقته
و في عز ما هو حزين ، الأتوبيس وقف في كمين
الظابط قاله "إنزلي" ، نزل ، زقه للأمين 

شاف بطاقته ، بدأ تفتيش ، "إقلعلي الكوتش" ، يا باشا معيش
ممنوعات ، فمتحرجنيش ، "طب جنب إخواتك يا برستيج"
روح بعد يوم طويل ملوش تعازي مقبولة
يمكن حزين من الأول بس نفسه مش مكسورة

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه (x2)

أخينا في عز الوحده قابل شلة ثانوي اللي 
كانوا خدوا طريق معاكس للى هو فيه بالمللى 
قالوا فُك يابنى وشك وإبدأ واجه الحياه 
واذا كنت مش مُتكيف ، ف العلاج مكيفات 

أخينا خد الرحلة لحد القاع دحرجة 
بس اخينا لسه اخينا ، فـعايش مع نفسه في معركة 
يقع ، يبطل مدة ، تيجى فلوس ، تيجى بكتره
تيجى بفكرة ، تيجى ببودره ، تيجى بقعده ، تيجى في سوسته 

فجأه حوا رجعت لما ابو شقه سابها 
والغريبة حال أخينا الحالى لسبب ما جذبها 
طبعا أجر نفسه ليها روميو بالفلوس 
ونام معاها ضمان لإنه يلاقي لما يعوز 

وزى كل كدبة صعب للآخر نداريها 
عيلة حوا صعايده ، عمر موتها ما يكفيها 
أخينا إتقتل ، هو ميت في الحالتين 
لو كان إنتحر بدرى شويه مكانش مات اتنين 

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي عالم لولا الصحبة عرفته 
على المخدر اللى جاب المخدر المعروف آخرته

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه

الجوكر اخينا

prod by : Ahmed kamel
mastring by : Ahmed kamel 
3ezbet El Hiphop Rec( 2016 )

Godzee Yakuza - ياريت

El Joker - Ba3d El Nesyan l الجوكر - بعد النسيان

حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني 
ودعها وسافر ، سنتين واكتر بيعافر 
18 ساعه شُغل ، وياكل أرخص شئ يتاكل

ويصبر نفسه بفكرة حوش أكتر ترجع أسرع 
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات

قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه 
مفادهمش بحاجه ، ومحتاجوش دليل إدانه 
علشان يرموه في زنزانه ، لحد ما كل التحقيقات تتقفل

إترحل لبلده بعد عذاب 16 شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو ... صدقت ؟

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ ... رد بعجز: اتجوزت
ثار و سأله: الاقيها فين؟ ... رد: إعقل ، موضوعكوا خلص

لفتره إكتئب بس لإنه مؤمن غلب 
الإكتئاب بفكرة لو كانت ليا كنت اتجوزتها 
و بدأ من جديد بطاقة اول مره إشتغل 
و استوعب بالتدريج ان النجاح وليد الفشل

من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم

و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد

الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك 
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا

محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
________________________________________­________

24 2irat

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker
Category
Music


الجوكر 24 قيراط

3- Ahmed Kamel - Dare7 El 3esh2 - أحمد كامل - ضريح العشق

Lyrics :

V1 ' KARIM MOKA | العقرب '
-----
ساعه النكد بتضيق خولقى .. من غلبى
حبيت كل إللى منى و إشتغلت فى ذكرياتهمـ طوربى
إنتى إللى قولتى صورتى مش عجباكى حالها
بتدفى فى برد الليل و أحضن سكاتى و أستخبى

مكنتش عايز كده .. خالص !!
الكل سابنى فى وقت ما كنت عايزه إنت إللى ناقص
يا إبن أبويا !! يا إللى إرتوى دمك من دمى
أحسنلى العمى أحسن ما أحبك .. مش محتاجلك إبعد عنى

لما إتلموااا أنا موت إتمنيت مكونش منهمـ ولـا بشبهومش
اللمه لمت و أنا إللى بتلـامـ مكان ما كل الخلق عاديهمـ
كويت كفوفى إتاكلت أنا كون متوكل عـ الرحمن
و فضلت عقرب متكسرش " هعيش كيان و أموت كيان

حبت كلـامـ .. مع حبت حكمـ حبكوها و خلصت
منعوااا الغنى فى الليل كل العوالمـ رخصت
متحزمين بالنقص .. حبوااا الرقص علشان شواااذ
إسكر و على فى صوتك .. إكسر عينهمـ " كل عيون الناس دى إزاااز
-----

COURAS ' KARIM MOKA | العقرب '
-----
متنفعنيش ولـا أنفعك .. نقصك بيجوعك
عقرب دهب " كان سند " بعد عنك ناس عايزه ترقعك
مفضش بيا أحكى لحد أما داااب كعبى فـ دوااايرى
بجرى و مهمااا بجرى برجع نفس الدااايره " لوحدى
X2
-----

V2 ' KHOFASH | خفاش '
-----
حيطه سد و ضالمه بتدااارى إللى فى نفسى
حابب حالتى معاها لو محبتهاش هتمشى !!
و لسه بحاول أصلح .. إللى كسرتوااا زمان
أنا وصلت حالى لكده .. فـ مش  هكون ندمان

كلوااا بيحلمـ يبقى كويس و أنا أحلـامى مش موجوده
وريهمـ إنى كنت نضيف وريهمـ أخر صوره
صدقت صاحبى .. لما قاللى مش هاخونك
أنا فى دنيا و إنت فى دنيا .. مباقيتش سامع صوتك

طلعت أنا أحسن منك إنت خايف ترجع تانى
صفيت أخر كلـامـ فى نفسى و مش باقيلى غالى
لو باقى فـ إللى باقى مش كتير .. مش هحلمـ
كلوااا حابب حالتوااا حالتى مش هترجع أحسن

طولت فى الغياب .. إنسانى مليش علـاج
صاحبك رماك فى السكه علشان طمعان تشدوااا معاك
إنت إتشديت و لسه !! بتحسب أيه ناقصها
عمرك بيضيع حياتك غامقه و مش حاببها
-----

COURAS ' KHOFASH | خفاش '
-----
إسحبنى للطريق إللى هلـاقى فيه سعادتى
شوقنى أشوفك أحسن واااحد قبل ما أشوفك صاحبى
مش خايف من إللى جاى .. مش باقى حاجه و ساكت
صاحبك باعك بسهوله علشان لقاك معاك للـأخر
X2
-----

V3 ' BASSAM '
-----
أنا متحبيتش من كئابتى .. يا بختى
مش بعرف أحكى .. مش عايز برضو أكون لوحدى
يا لهوى .. شوفتك فى حضنى كنتى حلوه
يا خيبتى إحبك إنتى و أخرى أنا أكتبك فى غنوه !!

أنا إتعايرت بيك .. من كتر حبى فيك
و إتقاللى شوف بعنيك أدى إللى قولت عليها ليك
الدنيا فعلـاً وسخه .. كل إللى جاى نسخه
خلـاص يا عمـ فوق مش كل ليل بيفوت تعوزها

لما إنت مشيت .. أنا قولت كلـامـ يبكى الحيطـ
وحدى و أنا بين أهلى جوه البيت .. أنا جضيت
يا عمـ !! متسألنيش عن حالى أنا كل  همـ
ضحكنى أصل أنا مش هحكى و إنت كأنك مش مهتمـ

أنا مش هصفالك .. كنت ليك و رضيت بنارك
عرفنى بيك أنا مش عارفك ولـا دااارى أيه جرالك
إنت مين !! ولـا أنا إتبعت لـأجل مين !!
محدش فيها هيحبك أدى أحلف بـ 100 يمين
-----

COURAS3 ' BASSAM '
-----
محسوبك خايب .. مبيدوملوش حبايب
خويت الليل يا صاحبى ما إنت صاحبى و كنت عايب
جبت أخرى !! بضحك للدنيا و بتردحلى
إسمحلى أنا مش شكلك فـ أضحكلك أنا عنى نفسى مش مرتاحلى
X2
-----

Artist : Karim Moka Ft. Khofash Ft. B-Nova
Mix & Master By : Karim Moka (عقرب) ®
Prod By : Khofash (الغرب) ®
Poster By : Sief Hamza ®
All CopyRights@Scorpion

Single

Glass | إزاز - Karim Moka Ft. Khofash Ft. Bassam

2ابريل

NINJA EL-SHAB7 ❂ 01152171281

اغنية 2 ابريل - الجوكر

الكلمات 
.
 كانت بتمص مني كل مللي طاقه ، وانا على أمل أصحى يوم ألاقيها حست ... ألاقى حالها اتعدل بالتدريج فقدت الأمل ... كل اللي هيتعمل إتعمل معادش عندي غير انتي صح ... علشان معدتش حمل جدل كان سهل أسيبك بدري ، لولا قلت سهل أسيبك لو حالك متعدلش ... ومتعدلش ... وخايف أسيبك لأحسن أتوجع في البعد وجع مستحملوش فبقول وجع عارفينه أضمن من اللي منعرفوش مش يمكن أسيبك أتعب .. أضعف .. أرجع .. ترفضيني أو تقبليني وانتي عارفه إن انتي إمتلكتيني فأخسر حتى صرخة جبت اخري ، وهى يادوب بتخليكي بعد سنين عجاف تروي عطشي يوم ياريتني كارهك انتي ... انا كاره نفسي وانا معاكي كاره نفسي عشان حباكي ... رافض نفسي عشان قبلاكي ونفسي ييجي يوم وأكتفي ، ييجي يوم وأختفي نفسي أحط راسي على المخدة راضي عن موقفي كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة معادش فيا مكان لطعن ... معادش لحاجه طعم مجرد رفس الغطا ، والقوم من على السرير بقى صعب عدت سنه من يوم ما بعدنا ، ولأجل ما أكون صريح سنه تقلها ميتوصفش .. مهما أكون فصيح تدريجيا كان بيموت إحساسي .. لما عيني فضيت عشت معاها بصفتي لوح إزاز .. وكتر خيرها رضيت ولسه بحكي عنك للحيطان ، وللطريق ولسه العمر بيجري ، ولسه كل يوم بطيء وكل ما ائن .. أفقد الأمل في كون الجرح يلم فـاقول مسيرها تزهق ... هي تقول مسيري أحن انا في وضع ببذل فيه مجهود يسوء .. ميتحسنش مانا بتواجه إني مزيف .. بنفجر مش عاجبك إمشي أحلامنا كان مبالغ فيها ولا الواقع خاننا العيب كان في إجاباتنا ، ولا العيب كان إمتحاننا عزفنا على أوتار اللوم ، وعلى أوتار الأسف نكره كل شيء مش كامل ، واحنا مش كاملين للأسف كنتي أول نمرة أحفظها ... أول صوره في المحفظه أول خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة كنتي آخر نمرة أحفظها ... آخر صوره في المحفظه آخر خوف هستيري لسبب زي إنك موبايلك فصل أدمنت حضورك .. حتى لو هتنامي على السماعة اكتشفت معاكي إن المكالمة بتفصل بعد ساعة

الجوكر- كنتي

الجوكر - متهمش

Khaled Essam - Ana La Banam   خالد عصام -  انا لا بنام (720P HD)

خالد عصام - وايه يعني | خلاص متجيش انا كويس

المزيكا حياة ♥
"ده عينيكي شبابيك أغاني .. بَطُل منها و بشوف"

El Joker - Ib2i Iftkrini الجوكر - ابقى افتكرينى

Soska Nabil

Recent comments

Nader Mohmed

Ahmed Abd Elrahman 19

Islam Muhammad eldeeb

Mohamed Ali Mourad

Related tracks