
كلمات التراك :
عايش في مجتمع تافه بتعاطى العنصرية
لازم الاسود يكون تحت زي م في الجاهلية
بتتبدل المسميات ، بتتبدل الآلية
بس بفضل نفس التعامل وبتفضل نفس العقلية
مبدأ بقول انه الزول لازم يتقيم بلونو
يفضل تحت مدام هو اسود تتكسر حصونو
اول يستبعد بعدين يستعبد بعدين يلاقي الإضتهاد وكل الإسئات عليه تردد
مواقف شخصية وتجارب فإبتديت اتنبأ
كفرت بالمجتمع لما المجتمع آمن بالمبدأ
زي العصر الأول بإستثناء تجارة الرقيق
في كل مكان غصبن عنك منهم تسمع كلمة عبيد
ماف اختلاف في التعامل رجعية تامة
23 سنة صابر على السطحية السامة
بتشوفني ببتسم للكل في الواقع انا بتألم
لكن خلاص الكيل طفح فإضطريت اني أتكلم

بفني بعبر عن قضيتي مبدأ ما بتغير
بعيش حياتي راسي عالي مخير ما مسير
ثورة هيب هوب تغير افكار العنصرية
تحمل رسالة للجيل تصرخ تسقط العرقية

ليه الرجل الأسود بقولو عليه انسان بدائي
ليه الرجل الأسود ديمه بيوصف بالفكر العدائي
اله الكون خلقنا مافي بيننا إختلاف
كلامي ليك يا عنصري واجب عليك الإعتراف
مجتمع قذر والمصالح عنوان للكلام
عندك قروش عندك نفوذ بتلقى كل الإحترام
اشبه بالعاهرة البتستعرض جسدها عشان وضع حميمي بينهم قاسم مشترك هو الإستغلال التام
اكره ما اكره في حياتي زول يقلل من قدري
او يقلل من فكري او حتى يحاول يسخر من ثقافتي
لو كان الهدف من كلامه هو الشماته
بحاول أمشي الموضوع اصلا طول البال من طبعي
لوني اسود والحمد لله انا راضي بيه
حكمه ربي ودا القدر ما بعترض عليه
زي ما في الغني والفقير
زي ما في العامل والوزير
بنفضل كلنا سواسية وبيفضل ربي هو الكبير

بفني بعبر عن قضيتي مبدأ ما بتغير
بعيش حياتي راسي عالي مخير ما مسير
ثورة هيب هوب تغير افكار العنصرية
تحمل رسالة للجيل تصرخ تسقط العرقية

ما من حقك تنعت انسان زيك بالعبودية
او تنظر لو من منظور تاني زي باب الدونيه
زهجت من تفاهاتكم قرفت من القبلية
تصرف صبياني وأكبر ودليل على الأمية
لو كان كلامك نابع من حسد يستحسن انك تفهم
يا أما تقول كلام طيب او انك ما تتكلم
سخرية وعبارات لاذعة قمة السخافة
واقع بعيشو كل يوم كلامي ما خرافة
الفكر الرجعي بصحي الفتنة ياخ سيبو الوقاحة
الفتنة اشبه بجازولين مستني القداحة
حريتي ما مرتبطة بلوني ما تجي وتتفلسف
من قمت بكسر كل قيود الذل بدون ما اتكلف
مولود من يومي رافع راسي حر ما كنت في يوم ملجم
عكسك تماما في المبدأ يا ذو الفكر المرمم
عندك نقصان في ذاتك فبتلجأ للعنصر
احساسك بالعجر القصوري بخليك زي الخنصر

بفني بعبر عن قضيتي مبدأ ما بتغير
بعيش حياتي راسي عالي مخير ما مسير
ثورة هيب هوب تغير افكار العنصرية
تحمل رسالة للجيل تصرخ تسقط العرقية

   


Al3on9oreya Leesa 7ayah | العنصرية لسه حية


كلمات التراك :
to the lady on the world , to the women on the world
to the people who they struggle , to the suffer around the world
keep your head up..
keep your head up..
im sending the msg now feel my record and keep the faith in ur mind
1/
دي قصة عنصر كادح في المجتمع
بفرح بكل قرش دخل عليه بلقمه الحلال بستمتع
اتناست كل مشاكل الدنيا و بدت تكافح
قدرت بمهنة تربي جيل وترسم ليه ملامح
رغم الهموم الحايطه بيها مافي ليها رادع
قناعة ممزوجة بإيمان عشان كدا بتصارع
قبل ما ادخل في الموضوع واكتر في الكلام
حقيقة بقيف لكل مرأه كادحة وقفة احترام
من تشرق شمس الصبح عليك تقومي تغادري دارك
دعواتك بامل جديد تقومي تشدي نارك
تستني متين الرزق يجيك عشان تعزي عيالك
تتقاسمي معاهم اللقمة وتزقيهم من زادك
تجاعيد مرسومه في وشك وبتحكي الف حكوة
سينارو من الالم بيختتم ببسمة حلوة
ظروف الدنيا ضاقت بيك وخلت فيك فجوة
بس بصبرك عرفت كيف كم هي عظيمة حواء

c"
منك نتعلم معنى الصبر..كيف نوطأ على على الجمر
كيف نكسب لقمتنا بنضالنا وكيف نغتال عيشة الفقر
كيفن نقيف في وقت القاسية ونفتش للمرسى
نشرع سفينة الأمل عشان لبكره ترسى
قصة معاناتك مكتوبة في جبينك ويا حليلك
اول م اكتشفت انو الزمن قصر من سنينك
بالرغم انو اولادك ما اتمتتعوا بكامل حنينك
بس يا حجة ..فعلا كنت ليهم اليد المخلصة
كبروا باخلاق مؤسسة ..
اول م فتحوا عيونهم كنت انت المدرسة ..
شخصيات برزت في المجتمع في الطب والهندسة..
كبرتيهم وعلمتيهم وكل الفضل راجع ليك يا ست الكل يا مؤنسة
معنى الالم محفور في قلبك وبرضو ما كترتي من السؤال
همك انك تبلي ريقك بالقرش الحلال
يا حجة آمنة اتصبري عارف الوجع في الجوف شديد
عارفك كمان ما بتقدري بس أدعي شان يوما جديد

التحية لكل مرأة كادحة في المجتمع
التحية لكل مرأة بتكسب حلالها بعرق جبينها
ست الشاي ,, ست الكسرة
التحية لكل مرأة ضحت عشان تشوف فرحة اولادها
التحية لكل مرأة صابرة على المضايقات سواء من السلطات او من فئات المجتمع
التحية لأمي واختي حواء ,,,التحية لحواء البتصنع المجتمع

Spestian (MG)_Keep UR Head Up

Spestian (MG)_ عِيار الكلم

Spestian (MG)_ حثالة الراب 2


الانترو :
لما يبقى تدهور الاقتصاد بأثر على حياة الفرد وتبقى العيشة على حافة هاوية .. اكيد انا ببقى رافض !!

الكورس :
رافض لكل غلطة , رافض لكل زلة
رافض لكل قانون خلى الفرد يعيش مزلة
رافض لكل مبدأ بيناقض حياة كريمة
رافض لكل منهج بيدعم فكرة غير حكيمة

الفيرس :
ماشي في طريق مُقطع , كيان بالجهل مُشبع
كيان رافض لمبدأ التغيير بالذل مُلطع
اشلاء ضمير مُخلع بس بالجبن مُرصع
عشان تقول الحق لازم انك تكون مُتبع
زوايا الذل تتجمع تجبر ضميرك يخضع
تنسج نسيج من النفاق عشان المال تتصنع
تفتح خشمك تتصفع , تمد ايدك تتقطع
عشان ما تحيا عيشة كريمة لازم روحك تطلع
ممكن تلقى ليك وظيفة بدون شهادة جامعية
بسبب واسطة في لمح البصر تبقى وزير للخارجية
اي ما تستغرب..!! ايوا وزير للخارجية
حتى بدون ما تتكلم تلقى الماهية هي هي
ماهية لو كبوها في ميزان توزن بحر
فقير سمع راتب مسؤول من الصدمة قام انتحر
كلامي ما حسد ولا حقد ولا اي حاجة
بس كلامي مكبوت في قلبي وقلت اعبر بيه عن حاجة
كلامي واضح صريح ناتج من باب مسائلة
اكيد لازم نحارب الفساد من دون مجاملة
نطبق في القانون ونعوض في المعادلة
شان المواطن تاني ما يشكي من سوء معاملة
نظام رأسمالي كبير يدوس صغير في الاقتصاد ولا يبالي
فقير في المجتمع يقعد يتمنى في الاماني
سقف المطالب عالي , لسه المسؤول في الاسواق
بيضع منتج بسعر غالي
كلها عبارة عن خطط نعم اسلوب تجاري
تسأل تاجر عن السبب يقول دا ما مجالي
برامج قايمة علي اساس المصلحة الشخصية
والمواطن في الاول والاخير هو الضحية
ما تقول ضحية !!,, بقولو عليك جاحد
لا ضحية .! وعن الظلم ما ببقى ساكت
أصلا منهاج اسلامنا انو الناس تكون سواسية
بطلب أبسط حق من حقوقي ,اذأ عقولكم ناسية
انا من بنسى ,! ميزني ربي بمخ بفكر
بحتج على الغلط لحاجز السكوت بكسر
بسكب حبر على الورق للجيل الجاي بسطر
شرف حرية الكلام في زمن بالخوف بخدر
ليه كل صاحب سلطة وقوة قام في الشعب يكفت؟
ليه كل زول فكر يتكلم مشى على قبرو يحفت؟
بقول بكل صراحة .. حقيقة ماف تطور
تعال شوف البنية التحتية كيف الوضع اتدهور
طلاب في مرحلة أساس وثانوي بفكر جاهل
يدخل مرحلة الجامعة بس متين ح يبقى عاقل
انا مواطن من قمت ما برضى التخلف
رافض دايما فكرة اني أصنف في خانة تخلف
رافض لكل غلطة , رافض لكل زلة
رافض لكل قانون خلى الفرد يعيش مزلة
رافض لكل مبدأ بيناقض حياة كريمة
رافض لكل منهج بيدعم فكرة غير حكيمة
رافض لكل زول اساسو كان تجارة بدعة
إتلاعب بعقول الناس وخلاهم زي السلعة
رافض لكل خائن باع بلدنا بترابها
منافق واسي بكل بجاحة بصلي في محرابها

الكورس :
رافض لكل غلطة , رافض لكل زلة
رافض لكل قانون خلى الفرد يعيش مزلة
رافض لكل مبدأ بيناقض حياة كريمة
رافض لكل منهج بيدعم فكرة غير حكيمة


Spestian (MG)_ رافِض


كلمات التراك :
verse 1:
أتابع دوما عن كثب ما يحدث في حياتي
أحاول جهدا أن أفيق حقا من سباتي
لحظة فشل . ولا أمل ان الأمل سيأتي
ذقت مُر الهم شربت حنظل من كأس التحدي
على أريكة الزمن جلست أتامل
ورغم كل الامنيات مساري لم يتعدل
أتنفس من شهيق الحزن حسرة وحيرة
وكل ذرة تدخل فيا لا تخرج زفيرا
غبار ذكرياتي قد دفن أحلامي في تابوت
من مشرحة الماضي , أقُدم للحانوت
أمشي على كف القدر لا حق لي الا السكوت
ورغم كل الموت فيا تلك النبرة لم تموت
انا قابع في تلك الحفرة لا صديق ولا صديقة
لا ميثاق ولا وثقية لم اعرف معنى الحقيقة
جاهل بمعنى ان تلك المظاهر قد تخدع
غافل لاني في يوم صدقت كل ما اسمع

C :
u see the niggz playin dirty game ..
and when the all niggz not a same ..
get ur focus on ur level let them niggz know ur level. put ur mind on...

Verse 2:
رأيت في حياتي ما يكفي من الخيانة
أرى النفاق في عيونهم يترك علامة
ثم إبتسامة , وثم يظهرون الطيبة
مجرد ادير ظهري يبدأون الغيبة
ههه هذه الصداقة لا تسوى للزمان
إسمع كلامي إفهمه يا إنسان
هذه الحقيقة لا تحتاج الى برهان
لهم نفس الملامح حتى اذا اختلفنا في المكان
في وقت الشدة لم اجد الا قليلا منهم
من صدمتي حقا لم استوعب ما يبدر عنهم
ناديت هذا صرخت لذاك , ذاك يرفض
اجل وعندها آمنت أن القناع يسقط
قناع مصالح قناع تافه قناع مزيف
قناع خداع مثل الحرباء على الوضع تكيف
لن يرغني ابتسامهم لنفاقهم سأدوس
لان نصف الابتسامة قد تخفي مافي النفوس

C :
u see the the niggz playin dirty game ..
and when the all niggz not a same ..
get ur focus on ur level let them niggz know ur level. put ur mind on...

Part 3 :
إحذر من تلك الشاكلة قدر ما تستطيع
فكلهم يبدأون العلاقة بالدعابة
حذاري منهم لا تدري متى قد يبيع
انا اعطيتك السؤال فلتبحث عن إجابة
ابداء ترتيب الحروف .ان شاءت الظروف
في سكون الجنون تستطيع الوقوف
فان لم تكن ذئبا اكلتك الذئاب
ان لم تكن هزبرا فصووتك لن يهاب

C :
u see the the niggz playin dirty game ..
and when the all niggz not a same ..
get ur focus on ur level let them niggz know ur level. put ur mind on

Spestian (MG)_ كيان مجوف


كلمات التراك :
هربت من طيف الماضي اتفاجأت بطيف الحاضر
انسان عايش بين القطيع منقاد بفكر قاصر
دابك بنباصر حق العشية ولسه الناس بتكابر
كيف نبني الاقتصاد بعقلية مريضة بضمر الخاصر
عقلية مهوسة بالجنس الناعم.
شبيبة ديمة في الحفلات وماشي بفكر واهم
مواطن في حالة غيبوبة وللكسل بساهم
كيف انك تكون فاهم في مجتمع الجهل فيهو بداهم.
تصنيفك عنصر خامل . بديك على راسك على طول في الحقيقة انا م بجامل
اسمع كلام الببكيك.ولا تسمع زول بضحك فيك.
لانك شئت أم ابيت العالم لسه بغفل فيك
العالم كلة بسيير فيك لانك ببساطة دولة عالم تالت
الناس تكتشف في العلوم وانت في مكانك قاعد
م ح تتقدم لانو العتمة طافية عينك
وكلمة أمي بالخط العريض مطبوعة في جبينك
*
we fooling by the liyer
they burn us on the fire
they killing our dream and wishes flyer
they rule us on the bussines we r sickness
and all my niggz losing a focus somking higher

ما بدينك غير تيار فسادك في الامانة
محكوم عليك حكم مؤبد مسجون في زنزانة
حكم الادانة صدر.مافي رجوع او مفر
الناس قاعدة في ارض بور وراجية هطول المطر
حتى السلطة في بلدنا ليها شكل تاني
واحد من شروط السلطة انك تكون عدواني
واي زول خالف رايك ع طول تديهو رصاصة
في كل مكان تنشر مليشيات تزرع قناصة
هه بلد غريب . مواطنين اكتر غرابة
أطلفنا شربو الخوف ورضعو من لبن كآبة
سنين من الهوان . حكم دستور الغابة
كيف نتطور والمسؤول بتعامل بلغة دبابة
تيار حقيقتي مواصل ، بزرع بذرة
تبت عقلية من الوعي وبتحصد ألف فكرة
اجيالنا ضاعت بس ما ح نفرط في الجاي
اتمعن في سطور كلماتي وردد الكورس وراي
c
وحتى الطيبة الكانت الفي نفوسنا اتشلات فجاة
بقينا نتصنع في الطيبة ونحرف في المبدأ.
سناريو من النفاق العايم في نفوسنا
ما فضل غير نكوس تراب عشان ندفن تحتو روسنا
وحتى نفوذنا الفي قروشنا اتلاعب بيه من هب ودب
مسرحية من المحبة عشان بعدين بقرار يدوسنا
لكل مقام مقال فماذا انت فاعل
لما يكتر السوال هناك ح تنتهي المشاكل

Spestian (MG)_ عنصر خامل

Spestian (MG)_It's My Game


كلمات التراك :
V1 :
كلامي بمثل نبض الشارع ، نبض الشارع
هو العملني كيف أخرق أذن السامع بحقائق موثوقة
حبر بدافع عن حقوق ، قلم بصارع في الشكوك
ضمير غير خاضع لظلم القوانين المكتوبة
منكوبة ، عيشتنا وللأسف حياة مسلوبة
محجوبة ، عنا الكرامة أصواتنا غير مرغوبة
مصفوفة ، من الفساد وعيون الحق مكفوفة
معروفة ، كلمة الحق في اذن الظالم مكروه
الناس بالجد همها كتر والغم في قلوب الناس كبر
والمسؤول في سبات ناتج ضميرو مضروب في صفر
قول لي إيه ح نلقى ؟ غير التشتت والمزلة
قول لي إيه ح نلقى نتيجة سياسات مدسوسة ؟
اعرف انك مسير تبع نهج عشوائي
منقاد غير مخير فكرك لازم يكون بدائي
أصلا صميم الخطة انك تكون مغيب
ما تستغرب لما تشوف شباب بدخن في ملفوفة
c :
mr president tell why we living like this
and tell me why see the pic like damn inverse
im impress , my generation lost his way
start to pray for a better day
and now we living without a success

V2 :
لسان حر ، بعيد عن تزييف الاعلام
مواصل في الطريق حتى لو حكم علي اعدام
تماما عكس الجاهل ، القام جمد عقله وقتل
في ظل الأزمة الاقتصادية طلب تراك غزل
كيف اكتب عن الغزل والشعب نصفه جعان ؟؟
كيف اكتب عن غزل والسودان بنزف من الشريان ؟؟
كيف اسكت عن مصير شباب افضل من فيهم غلبان ؟
علاقة حال البلد طردي بين الطارق والسندان
كل ما يزيد الضرب ، كل ما يشتد الألم
قرابة الفساد والطارق انهم اولاد عم
أحسن تقفل الفم , دي اول خطوة في التخدير
يشربوك الذل جرعات عشان ما يحصل تغيير
tihs how we do it by rap
والتغيير فينا مبدأ...ثورتنا ما تهدأ
tihs how we do it by rap
ضجيجنا ح يهز الارض نزيل فساد المفسد موجة التغيير ح تبدأ...

V3 :
خلو المواطن يسك اللقمة عشان ما يبدا يفكر
سياسة جوع كلبك بكره يجيك خاضع راكع ذليل
انشر في نفوسهم الإرهاب قبل ما لعقله يحرر
دوامة من الأكاذيب 2012 أكبر دليل
أكذب على نفسك يا سيد ما تستخف بعقلي
تاريخك اسود ما ح اخليك تتحكم في امري
مستقبلنا بنبنيه برانا خلاص كفاية اكاذيب
هل يعني الأقتصاد متدهور عشان كفار تل أبيب ؟؟
ياناس خلو السخافة ، مشكلتنا في الرقابة
المختلس لازم يحاسب مش زي قانون الغابة
نتبع منهج تحليل : من أين لك هذا ؟؟!
نتعقب كل الثغرات سؤالنا لازم يكون لماذا
نستغل كل الوسائل عشان نحارب الجهل
نحارب السذاجة ، هدفنا تنوير العقل
نعلم الجيل الجاي كيف يتخطى مرحلة الجمود
ننشر الوعي بالحقيقة والحق ما بعرف حدود

Spestian (MG)_ لِسان حُر

كلمات التراك :
رجعت تاني . ببصمة صوت بتبادر
بتعكس واقع راكع من ذل الهوان الفينا بدافر
واقع خلانا نعافر . واقع خلى الطبيب يسافر
واقع خلى الطفل يقيف وسط التيار ثائر
هجرة عقول وبلدنا في امس الحوجة
هجرة عقول ونص شباب البلد ركب الموجة
والنص التاني قاعد في البلد والجرح بنزف
عشان جرح الاسرة لازم يبقى هو المسعف
اعمل زووم للصورة ادرس الواقع واعرف
اعمل زووم وشوف كيف المسؤول للمال العام بيسرف
حتلقى الرجعية . وح تشوف الهمجية
ح تشوف اسر فقيرة عايشة في خانة هامشية
عايشة في كابوس الموت بتقاسي المر بتضوق اذيبة
لا رحمة انسانية مبدأ الكل عنصرية
بس الراب حنضوي شمعة ونمسح بيهو الف دمعة
نغلف افكارنا في صندوق وديهو للاطفال هدية
c:
all my ppl got a ... all this life and im a ....
hold my mic and show the pain of hard time ...
all my ppl got a ... all this life and im a ....
hold my mic and show the pain inside the rhyme ...

لسه في بلدنا سيناريو الذل قيد الكتابة
ولسه لوحة المستقبل بتفتش الوان كآبة
ولسه المخرج بسطر في نصوص الاعدام
ولسه الرسام بطلي بريشته لون العتمة الهوان
فئات شباب بتعاني من ألم ضيق المعيشة
في العقد التالت ولسه بصبر نفسه بجمر الشيشة
واقع محبط . اكيد خيبة أمل كبيرة
بهرب لزيف الخيال يستسلم وفي يده الحشيشة
ضاعت الاحلام الليها سنين جوانا بتكبر
كلما نمد جسور بأمواج العدو بتتكسر
ركز واتمعن في ازقة المدينة
شوف كيف العاجز ببرر كل الغاية بالوسيلة
شوف كيف الفقير بعتذب شان حق العلاج
وكل الغلطة انو اتولد في الدانيا زول محتاج
محكوم عليهم بالسجن شاهد شهد شهادة زور
محامي باع المبدأ والقاضي بحرف في الدستور.

  

Spestian (MG)_ بصمة صوت

Spestian (MG)_ عكس التيار

Big Hass Interviews Spestian (MG) on LAISH HIPHOP

Spestian (MG) ft Black Bone_Legendary

power of the music

Re-volt Cypher Part ii featuring 6 MC's from the Arab World.

Beat is by Orient Squad
Mix & Mastered by : Anas Arabi (Run Junxion)

Artwork is ilakh

Re-Volt Cypher (Part ii)

Revolutionary

Spestian (MG)l صوت الشارع l Music By Orient Squad

Verse 1 :
ثورة الراب اشتعلت وهي لينا ترياق 
قوافي بتعمل تغير نوسع بيها الافاق 
كلماتنا تهز كيان جبل صامد على مر السنين 
الراب متأصل في عقولنا واصواتنا من الاعماق 
مصداقيه في الكلام بعيدة عن شكل النفاق 
مرصرصة رص جوة اللحن داخلين مع الزمن سباق
ارح نعمر الذخيرة نحول السلاح قلم
نزيد من العزيمة قوة نرفع رايتنا زي العلم 
نطرح قضايا في التراك ونقوم نفتش عن حلول
مدام بيدنا الكتابة لازم نكون اصحاب عقول
الواحد يكون قدر كلامو وعن كلامو مسئول 
بدون كذب او حتى نفاق الواحد للحقيقة يقول
بقينا نكابس شان نعيش ومافي مسئل لينا بسمع
تخدير من كل الجهات نجابد في حقوقنا ونقلع
غلاء معيشه فاق الحد والتاجر للقروش بيجمع
لكن حتشوفو ف القيامه هناك شمس الحقيقه بتسطع
becouse we need 2 live we must 2 get the pay?
becouse we see the worth & suffer we strougling everyday..!!
Verse 2 : 
الاسعار كلها زادت وديون الناس حصلت السما
جشع غريب من من هم اصحاب القرار فكيفما
قالوا ونادوا تظل حياه البؤساء تعيسه
كيف لا والصياد يصوب سلاحه ضد الفريسه
بنشوف طمع من التجار ما لية نهاية او امد
اول ما الغلبان يسرق طوالي بقيمو عليهو حد
غلاء معيشة شان كدا الشباب هاجر خلى البلد
اولى نحنا بي بلدنا بدل العمادة الفي البلد
رب الكون خلقنا كلنا سواسية من عدم
وصانا بالحق والعدالة بس ضميرنا انعدم
لو بقا فيك ذرة خير حاولت تعمل تغير
حتلقى كل الامة قالت ليك اسكت وانكتم
الزول براهو شايف الاسعار بقت غريبة
لو داير تعمل ليك قروش لازم تعمل ليك مصيبة
بدون ما تحس حتشوف ضميرك ولع حريقة
ضيعت دينك واخرتك بي سبب دقيقة
becouse we need 2 live we must 2 get the pay?
becouse we see the worth & suffer we strougling everyday..!!
veres 3 :
زمان بأقل قرش كان ممكن تعمل اكبر حاجة
في زمنا الحالي انت بدون قروش ما بتسوي  اي حاجة
لو ما كونت ليك ثروة بعتبروك قمامة
عايشين وهم ما حاسبين حساب يوم القيامة
لو نزلت السوق تشتري كم قميص وبنطلون
تلقى ناتج الحساب قرب يحصل نص مليون
اتفه سلعة في السوق اسعارها ما عادية
هل هو غضب الهي ولا لعنة ربانية
اقتصاد الدولة يومي ماشي نازل في الحضيض
مواد البلد تستهلك منتجات سعرها يزيد
يقتلوا القتيل وبدم بارد يمشو في جنازتو
يشيلو عليه الفاتحة بعد احلو   .
هو يسمع ضحكاتهم لما يرقد في اللحد
لكن ما بسمع صراخو الا الواحد الاحد
ما طار طير وارتفع الا كما طار وقع
تبا لمن باع الضمير من اجل المال وانتفع

becouse we need 2 live we must 2 get the pay?
becouse we see the worth & suffer we strougling everyday..!!


Spestian (MG) _ موت الضمير (Pro By Spestian [MG] )

verse 1 :
بتمر عليك لحظات كتيرة وبعديها بتقوم تستسلم 
ما بتفكر انك تطلع من دوامتك او تتعلم 
طيب قول لي ايه ح يحصل لو نفضت غبار الفشل
وبديت تحاول تبدا من جديد حتى بدون م تتكلم 
يازول م تشوف ظروف الناس وبعديها احمد ربك!!
اطلع عاين في الشوارع شوف الامة وشوف الجنبك 
لاحظ كيف الناس يتعاني ومنهم البيعش ماسي 
ومنهم الفي راسو مشاكل وهم اكبر من همي وهمك
وفي منهم كبير البيت الاشتغل وساب دراستو
عشان يوفر حق اللقمه لاخوانو ضحى بدراستو 
والفي البنات الشوفو كل المضايقات 
يشتغلو في الاسواق ويستحملو كل المعاكسات 
ومنهم الدنيا بتقفل في وشو بدون مقدمات 
وشويه شويه يلقى نفسه في تيار مخدرات 
وفي البقولو ضايع او بضيع في طريقه
يلف ويدرو في مكانه قيل انه بيختصر في طريقه

 chorus :
sometimes you ask about your situation and you are complain
take your chance cuz maybe you can't live it again

verse 2:
ياخ م تشوف كيف الواحد بيتعب عشان يجيب قروشو 
يشتغل من الصباح عشان يوفر حق مصروفو 
وشوف كيف (الكماسرة) ما بيلقوا من اهانة 
لو كنت في مكانهم هل ح تقبل الاهانة ؟!!
وانت قاعد في بيتك ماكل شارب قادم لابتوبك
تفتح اكاونت الفيس تكتب استيتوس وتشكي همك 
ابسط حاجه اشكر الله على الوضع الاداك ليه 
لانو ح تكتشف انك كنت بتجحد في نعمة ربك
م تخليك انسان متحجر غير من طرق تفكيرك
ممكن وضع الناس الغيرك يبقى في لحظة هو مصيرك
جرب حخت نفسك مكانو وقول لي كيف ح يكون شعورك
لو ما عشت واقع غيرك م بتقدر تحل امورك
انا ما بقصد ابدا انك تبدا تنكد كل حياتك 
بس لو مرت بيك مشاكل ما معناها تحدد مماتك
انا بقصد انك تشوف الصورة من كل الابعاد
وفي لحظة قارن بين حياة التحتك وبين حياتك
chorus :
sometimes you ask about your situation and you are complain
take your chance cuz maybe you can't live it again

verse 3: 
I remember when i was kid my mama told me
she is the person who let me know the truth and show me :
put your trust in ALLAH keep your faith in Quran
that's simple words now its really help me
and my father told me : you must to keep head up 
keep the patience in your life even if you fed up
I don't wanna see you loser hey BOY Stand up ..! 
ALLAH created you to be a MAN so don't give up
now it's time to fight now it's time to live...
now it's time to simplify your both hand to give 
now it's time to to change ,, we can clean the derange
we can make it and we can throw it to height range 
we are brother we are represent one nation 
i know we have many ways to build a new generation
so pleas open your mind we got the opportunity ..
and my lyrical rhymes can fix my community ...


chorus x2:
try ,,try no matter what you fell 
don't let you struggle die

Spestian (MG) _ a7med rabbk (Be Thankful To ALLAH)


verse 1 :
من يوم 25 مارس ونحنا لسه متواصلين
كيف افرط انا في حبك وانت مكانك جوة العين
حبيبتي ما بقدر اوصف انت اميرة في زمانك
عمت في بحر قوافي بس عشان ارسي في مكانك
ما بقول عليك جميلة بس بقول انت الجمال
ولولا خوفي من السؤال انا كان وصفتك بالكمال
يا ناس ورب الكعبة اتلمت فيها كل الخصال
ارجع وأسيبك بس دقيقة في حياتي جد محال
يا غالية لولا خوفي من الحسد انا نطقت اسمك
اسمك محفوظ في قلبي ومحفوظ معاه رسمك
عيونك أحلى من شعاع نجوم وسط قمر
خدودك نايرة زي ورود تزين حدود بحر
شفايفك سهد معتق قطرة منه تحل نهر
قوامك ميزة بين الناس وميزك بيها القدر
يا حلوة ليك طلة بتطفي نور الشمس
ويومك البتغيبي عني بكون صباحي بدون شمس
يا راقية من بنات الدنيا فيك ميزة وليك نبرة
اتغزل فيك احلى الغزل يا ناس والله حبها عذاب
انا عشت معاك اجمل لحظة وعشت معاك احلى ذكرة
اكتب فيك ديوان شعر مؤلف من ستين كتاب
وما بفكر في فراقك حتى ولو مجرد فكرة
أصلا منظومة بعدك بالنسبة زي العقاب
وبالجد بعدك من حياتي زي طريق مليان السراب
انت الحقيقة والخيال انت السؤال وانت الجواب

chours x2:

when u smile definitely the world smile with u !
when u talk u attracts everything around u !
when u walk , the star fallin from the sky !!!!
& really honey i need all the time 2 be with u


verse 2 :
لو قلت عليك ملاك والله بكون بقصر
جمالك بحتاج لاكتر من معجم عشان يفسر
ممكن يقولوا عني اني في الكلام ببالغ
لكن دي الحقيقة بالجد والحقيقة ما بتبالغ
انا بس بكون معاك قاعد وبفهم لغة اعيون
انتي الوحيدة في حياتي الغيرت معنى السكون
وراك وصلت لي منعطف اسمه سكة الجنون
كتبت في احلى الكلام وصفتك بأجمل فنون
عاوزك تكوني لي قريبة وتحسي بالامان
نتبادل اجمل المشاعر ونغوص في وادي من حنان
وتمر علينا سنين كأنها بتمر زي الثواني
ما بقدر اقيف من حبك والله عشقك ادمان
وبسأل ربي ديمة انك تكوني من نصيبي
نبني بالعشق قصور وحبك لي يزيد زيادة
اجمل لحظة في عمري لما اسمع كلمة حبيبي
هواك ما بفارق قلبي قلبي لابسه زي قلادة
عاوزك تكوني لي شريكة ونعيش في عالم تاني
تجمعنا الابتسامة وتتخلد اسمى المعاني
اكون انا الشريك وأحميك من قساوة الدنيا
احترامي وحبي ليك ما بتوصفه اي غنية
انا عاوز اكون ليك الصديق انا عاوز اكون ليك الحبيب
انا عاوز اكون ليك السند انا عاوز اكون ليك النصيب
انا عاوز اكون ليك الضهر اكون منك اقرب قريب
انا عاوزك في لحظة بتنادي اكون انا المجيب



chours x2 :

when u smile definitely the world smile with u !
when u talk u attracts everything around u !
when u walk , the star fallin from the sky !!!!
& really honey i need all the time 2 be with u



Spestian(MG) 25 March part II

verse 1 :
قلمي هو لساني , لساني هو سلاحي 
سلاحي ناطقٌ بالأبجدية نعم هويتي 
عربي الأصل , نعم أفتخر بذاتي 
حريتي : عبادتي لأوامر الاله 
وكلما يزيد الغزو أزيد من عنادي 
مهما إشتد حمى الوطيس لن أركع لثقافة أعدائي 
باقٍ منتصب القامة حافظ لعرش أجدادي 
حتى اذا من حولي مات إرثي يحرر أصفادي 
أطلي السطور بالكلمات فتلتمع كالذهب الخالص
رسالتي هي تمامة للعقل الناقص 
أخاطب العقول أنا أخاطب الافكار 
مبادئي بنت جسور , كل عليها سار 
سُقينا المجد من أجدادنا ولكن قد فرطنا 
بعنا أمجادنا بثقافه غيرنا إرتبطنا 
جثينا وإنحنينا بعد أن كنا الصفوة 
فمتى نفيق من سُباتنا ونقف من هذه الكبوة 
نعم 

verse 2 :
أسلافنا ضحوا وماتوا في جيوش قاهرة 
وشباب اليوم يستلذ في قوام عاهرة 
كلامهم أفعالهم صاروا في حال يرثى لهم 
الا من رحم ربي هذه فئات نادرة 
أُصٍبنا في خصالنا تمزقت عاداتنا 
فصرنا نعوي كالذئاب ننهشُ في أجسادنا 
السفينة تغرق , ونحن نمشي كالقطيع 
تصلبت عقولنا نقول ما لا نستطيع 
في القدم كانت العروبة رمزا للقتال 
وفي زماننا ترى رجال صاروا أشباه رجال 
امتطوا الأنوثة صاروا أنعم من النساء 
حل الوباء , أين الدواء ؟ حقا اختلطت الحبال 
لذة عصرية تضاجع الأفكار فينا  
إرتوت من قتل النفس وفي نفوسنا نسينا 
أن الدين واقي اذا نحن به إحتمينا 
ولكن نحن قد غفونا في اللذات قد إرتمينا 
أجل 

verse 3 :
أجسد الواقع تجسيدا لا أتحدث من فراغ
هوايتي أن أعالج العاهاتٍ بالإبداع 
إن الضمير إن سكت لضاع في صراع 
يحكم عليه بالميت يُقبل قبله وداع 
فمالكم تستغربون أيها المنافقون 
ترون العرج بأعينكم ولا تتكلمون
إن كان الأمر منكرا ستعقدون إتفاق 
او كانت صفقة في رذيلة تدخلون في سباق 
نرى المسئول لا يحاسب إطلاقا بما فعل 
وهل يطبق نفس الحكم اذا المستضعف فعل 
نعيش في كهوف أبقى لنا من الامل 
تحيطها هياكل تستاء من حكم البطل 
طقوسها طقوس طيش تدمى بها المسامع 
ترتضي بالذل قهرا حتى كثرت المدامع 
نفوس أجرمت فأصبحت بدون قيمة 
مهما ناضلت للعيش للأسف صارت عقيمة 


 

Spetian (MG)_رسالة للعقول

Spestian (MG) _سوداننا لسه بخيرو

Spestian (MG)_حثالة الراب

verse 1 :
ولدت في كوكب مشؤوم عليه لعنة السماء 
دستوره الكذب والظلم يلبس كالرداء
حكمه قانون الغاب والاقوى أهل للبقاء 
في كوكبي تعامل الشعوب معاملة الجراء
وبإفتراء يجوعونهم , يعذبونهم 
وبإزدراء يعاملونهم , يقاتلونهم
يبقى الرجاء املاً فينا وثم يندثر 
قسماً برب الكعبة اني سأكشف الغطاء
مادمت حيا , بفني سوف أوصل الرسالة
لا يهمني حكم ولا خدم ولا جلالة 
متشبث بالمنصب لن أقدم استقالة 
سيادتي فرضت على أن احارب النذالة 
سكوتنا ضعف في ذاتنا حياة مخيفة 
ماذا يبقى من العقل إن صار مثل الجيفة 
طفيانهم وقود زادنا نحو الثمالة 
نترنح كالسكارى عندما تمحى العدالة 

cor :
u better believe it i keep it real when i say : بوادر صحوة 
and every time when i but the rhyme i just say : بوادر صحوة
ومهما طال ليل الظلم سنستفيق من هذه الغفوة
اين هو ضجيجكم ؟ فهذه بوادر صحوة 


verse 2 :
فن الابادة , كهنوت المادة , طغيان القادة 
ذاك الصبي يتاجر بالحشيش في فناء الجادة 
قلوب في استماتة , خطيئة في ازديادة
فقير فارق الحياة ففاته ما فاته 
استعمار فكري طغى على كياني
تجسد في مصطلحات سلبت وجداني 
في شف الهاوية وقفت العدو ورائي 
أتاني بالاماني ضحك على ثم رماني
الان كيف اخرج ؟ كل الخطط قد فشلت 
رأيت تاريخ الامة فستنتج ماذا فعلت 
اني اراهم كالاشباح يزدادون في الصياح 
تابوت الجهل غلف العقول وريحه استفاح
نسير في وادِ نتن مليء بالحجارة
نقيد بالسلاسل لا مجال للاستنارة 
نعيش في زمن يشبه عبادة الاصنام 
هل سيأتي يوم ونحرر ذاك اللجام 

cor :
u better believe it i keep it real when i say : بوادر صحوة 
and every time when i but the rhyme i just say : بوادر صحوة
ومهما طال ليل الظلم سنستفيق من هذه الغفوة
اين هو ضجيجكم ؟ فهذه بوادر صحوة 


verse 3 :
إني أرى كياناً من الظلم يطرق بابي 
وعندما ركلته قد زاد من عتابي 
لكنني رأيته فرأني ثم استنفر 
فالكلب لا يوطأ مكان قد زاره الغضنفر
أرادوا ان ندمر . لكننا صمدنا 
فكرهم قد تخمر ,ونحن انتصرنا
نعم الان قد رفضنا ان نساق كالعبيد
عصياننا داء لدائنا هدفنا لن يحيد  
حروف قيد الكتابة , تفضح كل العصابة 
بوادر صحوة في الشباب , اذن لما الغرابة ؟
سنبحث عن اجابة , سيزيدوا في الرقابة 
أصواتنا تزأر في الظلم إذن سنرى استجابة 
بدؤوا طمس الهوية , لكننا سوية 
سنحارب بالاقلام مادامت نفسنا ابية 
انا وانت نبض واحد اخوتي البقية 
هيا هلموا يا رجال فأمتي قوية 

cor :
u better believe it i keep it real when i say : بوادر صحوة 
and every time when i but the rhyme i just say : بوادر صحوة
ومهما طال ليل الظلم سنستفيق من هذه الغفوة
اين هو ضجيجكم ؟ فهذه بوادر صحوة 



Spestian (MG)_بوادِر صحوة

verse 1:
جواي أحلام كتيرة وامنيات ما بتنتهي
بس ليه لمن تولع نار التغيير تاني بتنطفي
شايف قدامي ملامح مستقبل كامل بتختفي
وأنا عايش في زمن نادر ما تلقى فيهو صديق وفي
بقول كلامي لانو ناتج عن قناعة
ضميري صاحي ما بنوم ليوم قيام الساعة
بالجد حقيقة انو بلدنا ماشة في سكة هاوية
وما بعيد انو السودان بعد سنين يدخل في مجاعة
كل ما نقول نعبر , يقولوا خططكم مستحيلة
كل ما نقول نغير , يقولوا وين الشخصية البديلة
كل ما نقول نفكر , يقولوا خلاص اسكتوا كفاية
وتلقائيا تلقى روحنا لسه في نقطة البداية
مهما قولتوا ومهما عدتو بنبقى شمعة وسط ظلام
ومهما كتفتوا الايادي ما بتكتفوا الكلام
ح نبدا نطور في سوداننا مدام شايفين بصيص أمل
وما بيهم الانتقاد مدام هدفنا هو العمل

I see my people keepin tryin , all time ....
but the leards keepin lying , all time ...
I wonder why we live like animal in zoo...
and why the strong eat the weak and kill em too...

verse2 :
2013جات ونحنا لسة زي ما نحنا
شعوب بتبني ناطحات ونحنا بكباري فرحنا
اسمع ما تتسرع وتقول علي جاحد نعمة
أنا بس بقول :
ماف توافق بين الأخد والعطا
أسر ممرمطة , امورهم ملخبطة
أطياف الفقر لافة حوليهم زي أشباح مسلطة
غضب إلهي , وهم شايلين الصبر
راس مالهم دعوة خالصة للإله في صلاة فجر
من قمت وانا ما بسمع في السودان غير الوعود
هل انكتب علينا نشوف ماّسي في خانة البنود
أحلامنا إتبخرت في وشها قامت السدود
ريحة الظلم والفساد فاحت وفاقت الحدود
وفي النهاية أنا بقول لكل جائر رب
بتمنى لكل ظالم لجهنم يكون حطب
عدالة السماء تتحقق وينزل عليه غضب
دعوة المظلوم لا ترد مهما كان السبب


c:

verse 3:
75%من المجتمع طبقة كادحين
والسبب سكوتنا على الوضع العايشين عليه سنين
رب الأسرة ماشي في الشارع وبيتكلم مع نفسو
مصاريف العيال كترت وبقت أكبر من همو
حسابات , وتضريبات , وزمن البهجة ولى وفات
والشاب في عمر الثلاثين نتلقى الشيب في شعر راسو زاد
مراسم الزواج , قرابة ال200 مليون
والشاب يعيش حياتو كلها غارق في الديون
ملعون ابو القروش الخلى الناس تبيع ضميرها
ملعون ابو القروش الخلى الناس تدوس فقيرها
ملعون ابو القرش البصنع من المسؤول إله
ملعون ابو أم الأمة الما بتقدر تصنع مصيرها
ملعون ابو القرش الخلى البت تبيع شرف
ملعون فكر أي فاجر في الرذيلة إنجرف
ملعون الحكم الظالم الإتحكم في الناس وإتجبر
إتشبه بفرعون أفسد في الأرض وكمان إتكبر

c:

verse 4 :
أحسن أعيش تحت الأرض يمكن تكون لي هي الوطن
بدل ما أنا عايش في بلدي والهم في قلبي إختزن
عالم مركب بالغلط , باع ضميره واقترض
سجن نفسه في زنزانة بعد ما الواقع إنفرض
عالم عامل زي الضباب , تلقى الأمل يطلع سراب
تجري وتسك حقك , والله يشربوك الذل شراب
نسيت أنا ذكرياتي ودفنتها في تابوت حياتي
وكل ما أحب أفضفض برجع وأقرا حروف كلماتي
ليه الأمة كلها بتتقدم وحضارتنا بتتهدم
خطوات عملية بتتكتب , والانسانية بتتغلب
والموزاين بتتقلب , والمروءة بتتسحب
صفات قبيحة بتنتشر , أخلاق حميدة بتندثر
قلتها وبعيدها تاني :
مستحيل نحاول نحصد , من غير ما نفكر نزرع
نتكلم من غير ما نسمع , نتفلهم من غير ما نصنع
ولو بالجد دايرين نتغير نبدأ بالأنفس أول وتاني حاجة هي المجتمع


Spestian (MG) _ حبر على الورق


الفيرس الاول :
كتبت بيانا رسميا سألقيه على الاّذان 
سأدخل في صلب الموضوع فلينصت كل كيان 
لما انا في محكمة شخصي فقط هو المدان؟ 
لما انا امام قاضي يسلب حق الانسان؟ 
جرمي اني قلت الحقيقة وانا شاهد عيان 
نطقتها نطقأ فقالوا ويحكم من هذا فلان
يعيش في زمن الفتن حذاري من هذا الإنسان
تناسوا ان عصرنا أهون ما فيه سب الاديان 
تبا للساسة والسياسة وكل من نثر النجاسة
وكل من قطم الرقاب بحكمه وشفرة فأسه
فني ينبض من نبض قلبي لا يحتاج الى طلاسم
صار هم أمتي شكل الأساور في المعاصم 
هل يستقيم ظلنا إن كان عودنا أعوج ؟
هل سنسابق غيرنا إن كان ساقنا أعرج ؟
لا , وألف دعنا نواجه الحقيقة 
فلن نقوم بالتغيير إن لم نبحث عن المخرج

الكورس :
هل هذا واقع أم خيال ؟
هل نحن متنا أم حيينا , في عقلي حقا قد كثر السؤال 
هل هذا واقع أم خيال ؟
للأسف نحتاج لمعجزة . اذن فأمرنا محال 
 
الفيرس الثاني: 
إنتفاضة القوافي في عصري لها سبب
فكلما زاد التخبط حبري نزف و انسكب
وما رأيت من قضية الا قلمي لها كتب
دونت نقدي في سطور حتى لا يخفى العتب
القدس يا عرب تنادي , نصف قرن وهي جريحة
كذاك سوريا لم تسلم من بطش الشبيحة 
أول قضية تناقش عند القادة , هي المذاهب 
هذا سني ذاك شيعي  , وكافر فالنستبيحه
إعلامنا مضلل , ينقل نصف الحقائق 
يساهم في انتشار الفتنة بين الخلائق
إنظر لأمة النبي كم شعبة قد تقسمت 
كم قمة قد تجمعت , وكم وكم تفرقت 
وهذا الكم الهائل من الحشود العابرة 
جرح بنزف له سنين والأمة صابرة
وكم قرار صدر وهم على الكراسي يقبعون 
ولكن لا يهمهم فهم للمال يحصدون

الكورس
هل هذا واقع أم خيال ؟
هل نحن متنا أم حيينا , في عقلي حقا قد كثر السؤال 
هل هذا واقع أم خيال ؟
للأسف نحتاج لمعجزة . اذن فأمرنا محال 


في يوم أذكر أن حلما راودني في المنام 
أن امتي تعافت , وعودها استقام
وما لبثت الا ان استيقظت من المنام
وقلت مستنكرا في نفسي : ما هذا الكلام ؟
هل هذا واقع أم خيال 
هل نحن متنا ام حيينا في عقلي حقا قد كثر السؤال
للإسف هذه الأمة أصابها مرض عضال 
تحتاج لمعجزة لتشفى إذن هذا محال



Spestian (MG)_إنتفاضة القوافي

Underground hip-hop artist from sudan started in 2008 ,
sharing music interested in describing what is happening in the Sudanese street, spreading awareness and fighting corruption through free poetry.  Keep it your mind revolutionary !

Spestian (MG)

Popular tracks