ابي شوفتش من دون موعد ولا تنسيق - محمد بن الذيب

ضيدان بن قضعان - و السبب قلبٍ من الفرقى ملوّع

عبدالله بن عون | أنا غرب واللي خاطري ينتحي له شرق بعيدٍ وطن مضنون عيني عن أوطاني

تدانت الشمس عقب اشراقها للغياب
‏وتشرّع الصدر للضيقه وقال أرحبي

‏وصرت انظر الكون كله من ثقب عين داب
‏وقمت أصفق براحة إيديني في روس ركبي

‏سجيت وأنا أحسب إن مادمع عيني بصاب
‏والله ماوعاني الا حرته في شنبي

‏وسريت أدور من الضيقه لرحلة إياب
‏لرضاك يا إلي زعلكْ وضيقتك بسببي

رسايلك من ثمان أيـام شك ، وعتاب
‏وعتابك وشكك أكثر مايزيد تعبي

‏تنامت الغيره وفكت على الشك باب
‏واستوطن الضيق في عينك ياعين الظبي

‏ياوجهها إلي لبسك الحزن لبس الثياب
‏قلي وش الحزن في ذيك الملامح يبي

‏لو الحزن يستحي ؟ من وجهها كان تاب
‏الحزن مايدري إن شكله عليها غبي ؟!

وإن دمعها لو يطيح ، تطيح دونه رقاب
‏ومايدري ان قلبها وصى عليه النبي ؟؟

‏كان الفرح لي رفيق وبعد ماغاب غاب
‏صار يتحشد ماعاد يمر كنهْ أجنبي

‏وشلون أبقوى فراق أبو الوساع العِذاب
‏وفراقه آمر من فرقا الأبو للصبي

‏حتى دموعه من مفارق عيونه تهاب
‏تنزل من عيونه الدمعه تقول تحبي

قولو له اني من مفارق عيونه مُصاب
‏وان منزله في الحشا من جاء يبيه يهبي

‏وان في عيوني عن الخفرات غيره حجاب
‏لو ينقضون الشعور وينطلون العبي

‏واني ماخليت وقتٍ للدعاء مستجاب
‏الا وفيه ارفع كفوفي وأبل هدبي

‏وقولو له إني في وجهه لا يطول الغياب
‏وانه من الحزن في وجهي وفي وجه ابي

عبدالله بن عون

عذيّه

Recent comments

.

A

Sultan

نود

Related tracks