‎⁨ الله يجازيهم💔

عمرو حسن  وحشتيني - ساقية الصاوي

Ela El Bent Elly Sahrana - الى البنت اللي سهرانه

عمرو حسن_فريند زون_ Amr Hassan-Friend Zone

عمرو حسن تقابليني / وحشتيني

باندا - عمرو حسن

محمد ابراهيم _ -متعتذريش - من ديوان لما كُنا in متعتزريش.mp3

السيرة الذاتية لحى الزمالك - عمرو حسن

يا ست الحسن .. يا سبب الحزن والعله #  للشاعر / عمرو حسن # الاداء الصوتي / احمد المغاوري

كوبليه واكتأبك رد بابك

ربك والحق
انا حابب أولّع عود كبريت واحدفه بالقصد على العالم
واقعد ف مكان عارفه لوحدي 
انا وامي وحبه من صحابي
اتأمل في المشهد واضحك 
وكإن النار عرض اضاءة 
اتخابث واضحك ببراءة 
واتفرج على كل مشاكلي وهي بتخلص 
والحفره اللي ف روحي بتنقص 
وارجع بني ادم من تاني 
لكن يزعجني يموت فني أسانسير 
كان جاي يصلح عطل قديم من غير أجره 
يزعجني يموت عاشق فجأة 
من غير ما يصرّح لحبيبته بأي مفاجأة 
وينتهي أمره وهو مجرد واحد شغال وياها ف شيفت 
أو جار بيغمض بسذاجة ساعة مايشوفها على السلم 
هاحزن على أوضة مزيكا ف مدرسة ثانوي 
على قطة بتتبع خطواتي ف شارع متفرع من روحي 
هاحزن على فرحي على جروحي 
وعلى بنت بتضحك لو ضلي فات على ضلها من غير ما اقصد 
هاحزن ع الوحده اللي لقيتها ف سن العشرين 
ومشيت وياها سنين بسنين 
الوحده اللي انا سميتها وفاء عبد الدايم 
وماكنتش بلقى صديق غيرها أوقات الكرب 
لكن والحرب !
ماقصدش الحرب ام السلاحين 
لكن قصدي الحرب التانيه 
حرب البني ادم والدنيا 
اتخيل كده واحد زيي ف سن التلاتين 
شاف حرب خليج أول تسعين 
والسينما هي بتتسلم للتجاريين 
والموضه طلوع م الشارلستون ولحد هدوم الفضائيين 
ووقوع برجين
وحضور ثورة ف وسط الملايين 
واحد شاف روسيا بتتحول 
تابع أمريكا بتتسول وبتدخل حرب البنزين 
والقوة العظمى وهي بتبقى ف ايد الصين 
واكتشف ان الكون الخالي من البني ادمين  
بقا ضيق جداً على وسعه 
بقا قرية حزينه ساكنها الخوف 
واتمنى ف لحظة ماليها الشوف 
يحدف بايديه عود الكبريت ويحط نهاية تليق بالفيلم 

باتخيل دكتور بيحل الحاله الحرجه 
وبيشيل الفيشة من الانعاش 
علشان عيان يوصل للراحة الحقيقية 
من غير ما يكون كداب ويقوله كلام عارف آخره 
نفس الموقف 
أوقات مابشوفش الا الحل الصح الأبدي 
حل اني اتخلص م العالم 
بالطفل اللي انا عايش جواه 
طاقتي بتتوزع ع الأخبار 
ع النوم ساعتين وياريتني بنام 
طاقتي بتتفرق ع التيك اواي 
والسوشيال ميديا وع الدخان 
طاقتي بتتفرتك ف الزحمة وقولة علشان 
روحي بيشربها الاداريين ومكاتب تكفير العملا 
روحي بتتقسط ع الزملا
ف موقف اتوبيس النقل العام 
دمي بقي ينقط بالجمله ف كل القعدات 
شجر الكام صاحب بقا طارح نفس الأحاسيس
بنصبر بعض وبنلزق قطعنا بالوقت 
وحكاية اني اسافر بايخه 
هنروح على فين 
كلها كدبة
هنا زي هناك 
تتهان علشان يبقي البنزين خمسه وتسعين 
تفقد نفسك  ف المول اللي اسمه التضحيه علشان التانيين 
وتعود كراتين 
او فيزا ببالطو وسد ملازم للشرايين 
تضحك على مين كلها واحده 
فاضل ف الدومنه يادوب كارتين 
اقفلها وقوم روح بدري 
احسن ما تاخدلك ساعه كمان شاي علي دخان 
اخسر علشان تطلع كسبان 
أو خيب ظني وقول بكره 
هنلاقي النور بعد الأُكره 
واتمنى الناس تسمع ظنك 
وماتسمعنيش
أنا اهو واقف مستني وف ايديا الكبريت 
ويا اما هموّت 
يا اما هجرب اني اعيش

https://m.facebook.com/kemiakarim?refid=7&ref=m_notif&notif_t=like

تقريباً مش فاضل غيرك | عمرو حسن

عمرو حسن وحشتيني - ساقية الصاوي

Beba Mousa

Related tracks