sh3ar msr7 al3ra2s

Men Senen

Nd7k ... Nfr7 ... wnl3b

arnoub s7be gdn

2rb3 as7ab 7lwen

هونجا شونجا هونجا

ربنا موجود

بحارة

Operetta mezzo

ملاهى فيشو  بارك

أسماك

Ya Awlad

rbe ysw3

خدمتنا دي لكل جيل

حكايتنا ابتديت من زمان .. لما قولنا آن الاوان .. ويبقى فى كنيسه مارمرقس فريق بالماسكات مليان .. ومن هنا ابتدى قطر جديد يتحرك .. و بقوه ربنا يكبر ويتمسك .. وسموا القطر ده فريق القديس نيقولاوس لمسرح العرائس ... وكان اول ركابهمن الخدام ميزيدوش عن العشرين .. على القطر راحوا راكبين وقالوا فى ايديك يارب احنا ماسكين .. ربنا ابتدى معاهم المشوار فى مهرجان الكرازه 2004 وبدايتهم كانت " انتم نور العالم " مسرحيه جميله لسن ابتدائى الصغير .. 
وبعد الانطلاقه القويه .. بقى فى محطات اقوى متتاليه .. وابتدا قطر المفاجات .. يتحرك بسرعه ويقدم كتير من الاسكتشات ... خدم بيها الولاد والبنات ... وحاول يعدى على كل الاحتياجات .. ويفيد اطفالنا من الروحانيات وكمان السلوكيات .. ومن بدايه عيد الطفوله 2004 لغايه عيد الطفوله 2005 ... عدى القطر على محطات جوه الكنيسه مليانه العاب ومهرجانات .. وطبعا مليانه باسكتشات الماسكات .. وكان فى كل مهرجان من المهرجانات مش اقل من ثلاث او ست اسكتشات وبقى عندنا من الاسكتشات .. عربه الحمار الجديده –  سايبر النت – الهدوء فى مدارس الاحد – اداب حضور الكنيسه – حجاب الهيكل – قصه داوود – قصه يشوع – قصه يوسف – قصه الفتيه الثلاثه – قصه فلك نوح – قصه جزيره المحبه – طاعه الوالدين – جزيره المحبه -  النظافه محطات كتيره .. كانت لينا ولولادنا بركه كبيره ... 
وعلشان قوه ربنا هى اللى بتحرك .. القطر بتاعنا فضل بقوه يتحرك .. ابتدا انتاج الماسكات يزيد .. وعدد خدام الفريق كمان فوق الخمسين خادم وبيزيد ... وحب الناس للفريق يكبر مع كل يوم جديد .. وكان اول عرض مسرحى لمسرحيه كبيره .. 
فى " رحله ميزو العجيبه ( عيد الطفوله 2005 ) " اللى قولنا فيها ربنا موجود .. فى كل مكان وزمان ملوش حدود .. ومن هنا قطرنا بقى ماشى بشكل اسرع .. وانتاجه للمسرحيات الكبيره بقى بشكل مبدع .. ومع كل وقت كان بيقدم عرض ممتع .. ومع " مدينه الاجراس ( يناير 2006 ) " وازاى نتعلم المحبه ومساعده بعضنا ... " لآله الطاعه ( مارس 2006 )" وازاى نسمع كلام الاكبر مننا .. ومنسيناش اننا لازم نشكر ربنا فى " الغابه المسحوره ( اغسطس 2006 ) " ... وازاى اكون مسيحى بجد فى " كوكب المنقطين ( عيد الطفوله 2006 ) " وبرضه منسيش قطرنا .. يقف عند اهل السما ..ويعرف ولادنا على " اصحابنا الجداد ( فبراير 2007 )" اللى فوق بيصلولنا عند ربنا .. وان لكل حاجه فى حياتنا ليها وقت .. ويكون ليها نظام بالظبط .. جالنا " عم تكاتيك ( اغسطس 2007 ) " يعلمنا ان لكل نظام تكتيك .. والمحطه الجايه بتحكى ان القوه دى من قلبى وفى " سر النهر البللورى ( عيد الطفوله 2007 ) " عرفنا ان قوه ربى دى مصدر سرورى.. وعلشان نفرح الزعلان .. ويكون معانا فرحان .. لما يكون قلبى بالمحبه مليان رحنا على " مدينه الالعاب ( اغسطس 2008 ) " وعرفنا سر قوتنا ده من جوه كنيستنا .. واسرارها السبعه .. دول اعظم بركه .. وكان هو ده الكلام .. فى " سر نجوم البستان ( اغسطس 2009 ) "  وعلشان بحبك اوى ياربى .. راح اقدملك احلى ماعندى فى " مصنع الشيكولاته ( عيد الطفوله 2009 ) " وعلشان انا ابنك .. ولازم اكون شبهك ... هعمل كل حاجه " عشره على عشره ( عيد الطفوله 2010 ) " وعدينا كمان على شجرتنا " شجره القوه ( عيد الطفوله 2011 )  " ودى حبيبتنا كلنا .. كنيستنا امنا .. انت اللى بتقويها .. وبتزيد البركه فيها .. وفروعها تكبر يوم ورا يوم .. وبنتقوى بيها كل يوم 
وعلشان قوتنا دى من جوه كنيستنا .. كان لازم فى كل وقت نفرح ولادها وكمان بناتها .. ونفرحهم بالعابنا ومهرجاناتنا  .. وعلشان كده عدى القطر على محطات مهرجان عيد الطفوله 2004 – مهرجان نصف العام 2005 – مهرجان الصيف 2005 - 2006 –2007 – 2008 ... وكمان مهرجانات ختام النادى 2009 – 2010 – 2011 – 2012 
ولما جه الوقت المناسب .. عدى قطرنا على محطات اكبر .. وبقى يعمل مهرجانات اكبر بارض العبور.. والكل بيها كان مبهور.. وكان بدايتها مهرجان كبير بالمفاجات والالعاب والمسرحيات مليان .. واسمه كان اقدملك ايه ( عيد الطفوله 2009 )  وهدفه كان علشان بحبك ياربى راح اقدملك احلى ماعندى .. ووقتها كان الخدام اعدادها فوق ال100 خادم وبتزيد .. ومحبتها وحماسها لخدمه ربنا بتكبر وتزيد .. وربنا كان فرحان بيهم .. وعلى الطريق السليم كان بيوريهم .. وبالافكار الحلوه كان دايما بيغذيهم .. وعلشان كلنا نكون عايشن معاه ... كان لازم نعرف كلامه وكمان نحياه .. ومن هنا كان مهرجان عايشين معاك ( اغسطس  2010) من خلال انجيلك وكلامك .. اللى عيشنا معاه وحبناه .. ولاننا كلنا عايشين مع بعضنا .. وفرحنا لما نساعد بعضنا.. ونكون ايد واحده كلنا .. هنكون عشره على عشره ( عيد الطفوله 2011 )  ولانك معانا وبيك بنكبر .. ومفيش غيرك على كل شىء يقدر .. انا كمان بيك هقدر .. ومن قلبى هقولها بكل ايمان ..  بيك يارب I CAN  ( فبراير 2012 ) مهرجان خدم ولاد كنيستنا ومن باره كمان .. من ابتدائى لجامعه والكل استفاد وكان فرحان 
ولاننا بنطور دايما من نفسنا .. وبمساعده وقوه ربنا .. بقى فيه عرائس ماريونيت وباتون عندنا .. بجانب عرائس الماسكات وكمان عرائس الجوانتيات .. بقى فى عروض لعرائس الماريونيت مليانه معلومات وحكايات .. وعروضنا كانت عن اوانى المذبح – دخول السيد المسيح اورشليم – رحله العائله المقدسه – مغاره عيد الميلاد 
كل ده وقطرنا ماشى فى كل مكان .. بيركب فيه واحيانا ينزل خدام .. لكن اللى كان قلبه دايما بالحب مليان فضل راكب وقلبه فرحان .. لما عدى محطات كتير .. واخد منها بركات كتير .. ولما ان الاوان .. نطلع باره كنيسه ونخدم فى كل مكان .. نفرح كل قلب زعلان .. ومعندوش من الافراح زى اللى عندنا الان .. وعلشان ربنا علمنا .. ان الخدمه لكل انسان .. فقير او غنى مسلم او مسيحى .. كله ده فى قلب الحنان .. قلنا يارب خليك معانا .. ارشدنا وابتدي معانا احلى بدايه .. وكانت زيارتنا لكل اخواتنا وولادنا .. فرحنا اليتيم فى " دار ايتام بالعجوزه فى يوم اليتيم 2011 " وكمان استضافنا المريض فى " حضانه مارمرقس – حفل لمرضى السرطان الاطفال 2011 " .. وكمان قدمنا اسكتش " بكره احلى"  لينا كلنا وازاى اننا بنحب بعضنا القريب او البعيد عننا المسلم والمسيحى مننا منسيناش اخواتنا البسطاء من المسيحين والمسلمين فى " خدمه خاصه لمسلمى ومسيحى قريه كوم اشفين ( صيف 2011 ) " وكمان " كنيسه العظيم الانبا بولا . ام بيومى ( صيف 2011 )"  واطفال " مدرسه سان جون ببطمس ( يونيو 2011 ) " وملايكتنا ذوى الاحتياجات الخاصه اخدنا بركتهم فى " مركز القلب الفرحان ببطمس ( يونيو 2011 )"  وولادنا البسطاء فى " كنيسه الانبا شنوده بالقطاميه ( اغسطس 2011 ، يونيو 2012 ، اغسطس 2012 ) " وبركه " كنيسه الانبا اثناسيوس بقليوب ( اغسطس 2011 )"  وكنيسه " القديسه هيلانه بارض ايوب ( فبراير 2012 )"  وحفل خاص " لدار ايتام بالزيتون ( اغسطس 2012 ) " وطبعا منسيناش اطفالنا مرضى السرطان واحتفلنا معاهم " بمستشفى 57357 ( سبتمبر 2012 )"  ونولنا بركه خدمه اولاد ذوى الاحتياجات الخاصه " بكنيسه الشهيد العظيم مارجرجس . الزاويه(  سبتمبر 2012 ) "     
ولسه القطر ماشى بقوه وثبات .. على قضبان قويه ومليان مفاجات .. وتاريخه اللى مليان بالبركات .. على مدار 8 سنوات .. لسه مستمر ومستعد يعدى على اجدد واقوى محطات .. ويعيش مع ولاده اجمل اللحظات .. ويفرح ربنا باقصى المجهودات .. ويقرب الناس من ربنا الولاد والبنات .. ويعلم الكل ان الحب موجود لكل الناس والفئات .. وطول ما معانا رب القوات .. هنقدر بيه نعدى فى كل الازمات .. ونخدم بمحبه ونكران ذات 

‎St.nicholas team

Popular tracks