Name: Adam Ali ...Harmony band - ثمرة الإصرار by Ahmed Nagy :) in Under ground
Duration: 3 min 31 s
Description: ميييين اللى قالك انك عاجز عن تحقيق الأحلام :)

Under ground

كلمات: فؤاد حداد

أنا حرّه وأموت في الحريّه

ومزاجي أعمل سحليّه

أزحف ع الأرض وع الحيطه
...
واطلع وانزل واعمل زيطه

واضرب في الشمس طرمبيطه

أنا حره بديلي وبراسي

وماحدّش يكتم أنفاسي

وما احطش ماسك لإحساسي

ولا احط ازاز

ولا أقفل شيش

عقلي يا هزاز

كلّك نغاشيش

أنا حرة - غالية بن علي

ميييين اللى قالك انك عاجز عن تحقيق الأحلام :)

Adam Ali ...Harmony band - ثمرة الإصرار

رؤية  خاصة لجزء من قصة أيوب المصري  مع فريق كذا مدى و غناء دنيا مسعود

ايوب

زمان بس مش زمان  ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات  
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد  
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش
 
عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل  
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات  
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال  
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
 حس بيا واللي فيا من مكالمة وفي اولها
 ونص ساعة وكان تلاتة من  صحابيقصادي جم
 زادوا اكتر بعد ساعة ايوة دول صحابي اهم
 ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
 قام ابويا بعدها كانوا سندي وقتها
والحكاية دي حقيقة والله مألفتها
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش

الصحاب - زاب ثروت و ساري هاني و حمزة نمرة 2018 | Al Sohab - Zap Tharwat ft. Sary Hany & Hamza Namira

مأساة الحلاج

كلمات : صلاح عطية
الحان : غاندى
توزيع : بيدو ياسر
كلمات الأغنية:
الموال:
ياللى صاحبك زى صاحبى
 ربنا يعوض عليك
ايوا جرحك زى جرحى
 واللى فيا برضو فيك
اللى كان بيقول بحبك 
واللى كان عامل شاريك
هو اول حد باعك
 جه بغدر وضحا بيك


انا صاحبى ساحر لما اعوزه بيختفى
وفجأه يظهر بس وقت المصلحه
فى الشده مابشوفهوش مهو اللهو الخفى
وتشوفه ايوه لو الأمور متصلحه

انا صاحبى اصلاً فى الحقيقه اونطجى
البحر عمله طحينه ليا وكلتها
حريف نداله وفى المقالب فوريجى
والطبع غالب فيه نهيته ولا إنتهى

انا صاحبى زيه فيه كتير نفس الفصيله
صُحبه تأخر 100 سنه بيهم إبتلينا
نلاقى فين ولاد حلال وناس اصيله
يصونوا عيشنا وملحنا مايجوش علينا

انا صاحبى ناكر للجميل بيقل اصله
وبينسى مين علاه وخلاه يبقى حاجه
ملعون ده حظ لما جه لخسيس رقصله
وعمل تمن لرخيص مايسواش اى حاجه

انا صاحبى قصدى اللى كان صاحب الندامه
ياما نصحته وقلبى ياما تعب وهاته
اهو راح لحاله يلا وفـ 60 سلامه
فى سوق الرجال يتقال عليه خيال مأته

صاحبى ساحر .. محمود الحسينى وغاندى 2019 كلمات صلاح عطية

مهرجان - انا عيني علي التاتو  | حسن شاكوش | حمو بيكا 2019

قصة: مصطفى السيد سمير
إخراج وهندسة صوتية:عمروشاهين
أداء: زينب فرحات
************************
http://www.facebook.com/notes/%D9%85%D8%B5%D8%B7%D9%81%D9%89-%D8%A7%D9%84%D8%B3%D9%8A%D8%AF-%D8%B3%D9%85%D9%8A%D8%B1/%D8%AD%D8%AF%D9%88%D8%AA%D8%A9-%D8%A7%D9%84%D8%B4%D9%88%D8%A7%D8%B1%D8%B9/10151681644688266


حدوتة الشوارع
************************
في نهاية كل يوم بعد ما يروح آخر واحد ماشي الشوارع هي كمان بتروح عشان تستريح

بتروح مكان واسع وتقعد تمدد وتلعب برجليها في الرملة .. وفيه منها بينزل البحر عشان يريح جسمه المهدود من شيل الناس والعربيات وسند الشجر والبيوت طول اليوم

الشوارع الكبيرة أول ما بتوصل بتقلع أنوارها العالية وبتديها للشوارع الصغيرة والحواري عشان يلعبوا بيها _ وبعدين بيحطوا سماعات في ودانهم ويسمعوا مزيكا هادية عشان يستريحوا من الدوشة .. أو ياخدهم الكلام مع بعض عن اليوم كان شكله إية وعن المظاهرات الكبيرة والطوابير والخناقات وقفلة المرور لما العربيات كلها تتلخبط مع الاتجاهات والبشر في النص باصين لبعض بعجز يدل على إنهم قد إية كائنات تعيسة مش عارفة حتى تحافظ على براح عشان حاجة تعدي.

أما الشوارع الصغيرة فبيقعدوا يرغوا كتير عشان بقالهم طول اليوم مش لاقيين حد يتكلموا معاه .. حتى الناس اللي بيعدوا غالبا مش بيبصولهم ولا بيستنوا عشان يسلموا عليهم لا بيمشوا على طول

 
محدش أبدا كان يعرف الموضوع دة لحد ما في يوم جت بنت نزلت بالليل عشان تشتري شمس صغيرة من عند عمو بتاع الشمس .. عشان أخوها كان عيان ومحتاج نقل نور والدنيا ليل والشباك نايم .. نزلت عند باب العمارة واستغربت قوي .. هي كانت أول مرة تنزل فيها بالليل كدة وملقتش ولا شارع .. قعدت تبص يمين وشمال ملقيتش .. وبعيد خالص كان فيه شارع صغير خالص يادوب يعدي واحد قلبه كبير أو اتنين ماسكين إيد بعض.. شاورتله من بعيد فابتسم قوي وساب السحابة اللي كان بيقرا فيها وجه ناحيتها وقال لها ازيك اية اللي نزلك دلوقتي .. قالت له الشوارع راحت فين .. قال لها بتستريح من الشغل وبتاخد دش من التراب .. قالت له طيب انا عايزة اروح لعمو بتاع الشمس عشان اخويا عيان .. هرش الشارع في الخطوط البيضا اللي في راسه وقال هو مش من هنا .. هو لازم تعدي شارعين بس اكيد مش حيرضوا يصحوا دلوقتي .. انا ممكن اوديكي بس متقوليش لحد .. عشان انا حانتحل شخصيتهم وهما ممكن يزعلوا

البنت صقفت بإيديها وقالت له انت شارع حلو قوي وراح مسك ايدها ومشيوا..



طول الطريق كان الشارع الصغير بيحكي لها عن البيت الكبير على البحر اللي بتستريح فيه الشوارع بعد كل يوم .. وكان بيقول انه لما كان بيروح كان بيحب قوي يحط الصدفة في ودنه ويسمع وبعدين يحطها على بقه ويتكلم وكإنه بيتكلم مع البحر عالتليفون .. ويقعد يحكي هو عمل اية النهاردة .. البنت ضحكت قوي لما قال لها ان البحر رد عليه مرة " ها وبعدين "!!

البنت مشيت هي والشارع الصغير وكان كل شوية شباك أو إشارة مرور تسلم عليه وتناديه باسم الشارع اللي منتحل شخصيته فيسلم عليه جامد وكإنه يعرفه والبنت كانت بتكتم ضحكتها بصعوبة وبعد ما تمشي شوية بعيد تضحك كتير بصوت عالي ..

 

البنت جابت الشمس وروحت البيت ووقفت عند الباب وقالت للشارع الصغير انت شارع شاطر قوي .. ممكن أسألك سؤال : هو انت لية مرحتش معاهم عشان تستريح .. قال لها عشان فيه بنت في يوم عدت عليا لقيتني ساكت راحت جابت رواية وقعدت جنبي وقعدت تقرا بصوت عالي وتضحك قوي .. ساعتها فيه بياع ورد عدى اداها وردة وقعد جنبها وبعدين بياع جرايد وسحابة ويمامتين .. ومن ساعتها وانا حاسس اني دافي قوي ودايما الحاجات بيعدوا عليا ويسلموا ونقعد نفتكر القصة والبنت .. فقلت افضل مكاني يمكن تحب تخرج بالليل تلاقي حد يوصلها

الشارع سلم على البنت ورجع مكانه وسابها تفتكر براحتها

Adam Ali ...Harmony band - ثمرة الإصرار

Ahmed Nagy :)

Related tracks