mazen

Enfsam 7aad
Written by: El Joker
Music: ( Free Beat )
Vocals: El Joker
Master and mix by: El Joker
© 2012 El Joker

Watch on YouTube & Download: http://youtu.be/78XNovKHfcE

Enfsam 7aad - انفصام حاد

الـــــكـــــلـــــمـــــات

كان نفسى أشق طريقى والفشل يغرق ورايا
الناس مش عايزة تآمن ، يعمل أية موسى بعصاية ؟
مش فاهمين الفرق بين المعجزة والسحر
رغم وجود كل دى تراكات شايفك ساجد لـعجل !

كاره كل شمس طالعة ، بحب كل يوم عدى
هاخد أية لو قالوا عنى عبقرية نادرة ؟
الناس مش عايزة الصح ، الناس دى جاية عشان تصقف
بعدين يروحوا يصقفوله ، اتساوى فنه بفنك

اللعنة مش فى القلم ، مش بستعمى الأعمى أنا
سبب سوء فهم الجمل عدم استيعابكوا وجة الشبة
معقولة شافوا الصورة كاملة رغم عدم وجودك ؟
معقولة تشوفها فى حضنه ملكش الحق تقول بتخونك ؟

بصالى من كل إتجاة ، تكون موناليزا تانية ؟
مش شايفك لابسة تاج ، ولا سامع مزيكا هادية
خايف بعد بوستى  ،،  برضة يقولوا موتى
ساعتها مش هيوافقوا يحطوا جنب قبرك صورتى


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك


آسف لوحتى غامقة ، مش قاصد مسح إبتسامتك
طول ما ماتعاقبش حد مش هطيق أسامحك
رايح مصحة يمكن أعيا عشان تقولوا عالجوه
فى الطوفان سفينتى تعوم ، مش فى البحر اللى شربتوه

قاعدين فوق نفس الكنب ، مر علينا نفس الزمن
عشنا نص ساعة سوا ، عشت لوحدى حوالى سنة
متقوليش الذنب ذنبى ، جيتى هروباً من كوكبك
محدش فى المدينة يتوه فى طريقه لقصر الملك

مش لازم كل كلمة تتبعت كتفى الشمال
ممكن تبقى النية مهدى بس أنت تشوفه دجال
مش هتتسمى العروسة  إلا لما يزوقوها
طول ما إيدى ماسكة إيديها عمرى ما همسك إيد أبوها

عمرى ما لعبت كورة ، فـ عمرى ما خسرت فورة
أبويا قالى يابنى متمثلش دور مش دورك
رميت صنارتى ، طلعت سمكة ، أكلتها ورميتها
يمكن تنزل تقولهم مش كل الناس فوق وحشة


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك
___________________________________________

MonaLisa Tania

Written by: El Joker
Music: Free Beat
Vocals: El Joker
Master and mix by: El Joker & Hamboli
© 2013 El Joker

MonaLisa Tania - موناليزا تانية

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

الـــكـــلـــمـــات

قبل مرحلة الثانوية كنت مريض بالكسوف
كانت علاقتى بالبنات فاشلة زى البامية بموز
بعدها صاحبت موديل عشان ستايلى يتعدل
سابتنى فبعد ست شهور كان ستايلى قدم

وقتها مكنش عندى غير كام فكرة وكام كتاب
أشرحهم وسط القعدة يمكن اجذب البنات
كانت بتاخد رأيى فى كل حاجة وكل عريس يجيلها
كله ارتبط بكله انا الأخ الوحيد فى الشلة

فجأة انفصمت ، بقيت شخصيتين فبعض
بسهر اسكر كل ليلة بس عمرى ما افوت فرض
من كتر ما كنت بظبط كل واحدة ساعة ما اقابلها
كنت اشوف بتاعت الأربع الخميس ومش فاكرها

عقلى اختل لدرجة إنى كنت بشوف كتاباتى
أقول معقول انا كنت عارف كل المعلومات دى
صحاب مدرستى مصدقوش إنى مـ الخمورجية
صحباتى فى البار اتصدموا من إنى أجيب 100%

مش بحكى اللى حصلى بحكى اللى بيحصل عموما
مين فينا مكنش بريئ قبل ما هما يتهمونا ؟
مين فينا حلمه كان يتعدى أتارى وعجلة وكورة
الكلام للجيل بتاعى مش لأجيال عبده موتة
______________________________________________

90's

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

90's - تسعيناتى

Nafs El 7al - نفس الحال
Lyrics : El Joker 
Music : Hassan El Shaf3i

التراك متسرب xDD

حصرى على
 Jokerians And Proud

أهلا بيكمـ فى كوكب الجوكر <3

نفس الحال - Nafs El 7al

The final version of Not Used, enjoy! Share and help get the word out, Future Noir 002 is coming

More musics:
sleepingawake.bandcamp.com/
@sleepingawake
Like:
www.facebook.com/SleepingAwakeProject
Follow:
twitter.com/SleepingxAwake
Tumblr:
http://sleepingxawake.tumblr.com/ 

Not Used [final]

Pre-order

The Word Alive - Broken Circuit

Spotify

The Path. The Heart Decides - Nocturne, 03 Jun - Piano Solo

تتر بداية مسلسل الصياد يوسف الشريف 

Out now on Itunes: http://smarturl.it/mjcandgapsit
Out Now on Beatport: http://smarturl.it/mjcandgapsbp
 
Released on all other outlets September 22nd

mayajanecoles.com
www.facebook.com/mjcofficial
www.instagram.com/mayajanecolesofficial/
www.twitter.com/mjcofficial
www.youtube.com/mjcofficial

https://www.facebook.com/gapsmusic
https://twitter.com/GAPSmusic
https://soundcloud.com/gaps
http://www.youtube.com/user/WeAreGAPS

Maya Jane Coles & GAPS - "In Dark, In Day"

مهرجان طلعنلهم عضلات
غناء صلصة العجيب و كاريكا و هوبا 

mazen

SteVan Zoz