القداس الإلهى - أبونا إسطفانوس فايز - نهضة الخدام 25 - 6-2021 كنيسة السيدة العذراء مريم بالفجالة

MATA 10

MATA 9

MATA 6

MATA 5

MATA 4

MATA 3

MATA 2

MATA 1

جبال العتمة - بانوراما 2023 - كنيسة السيدة العذراء مريم بالفجالة

الجحيم – إصحي معايا 

عدو الخير: 

ابوك هيفضل مصلوب لحد ما يموت .. 
و يشرف بعدها عندي في الجحيم.. 
وعشان أنا بأحبك ياصاحبى مــــــــــــــــــــــــــــــــــــــــــــــــــــــــوووت ... 
هاخدك حفلتى .. ما انت من المعازيم
هحـــــــــــــــــــققلك أمنيتك اللي كان نفسك فيها 
هاخليك تروح لأختك اللي عيطت عليها 
عشـــان تعرفوا قيمتكوا ومصيركوا كويس
ماانتوا كلكم في إيدي ما أنا أصلي الريس
▪︎إصحي معايا ياصاحبى وفوق
    وقل لي كلام عليه القيمة 

    إنت في حضنى سجين مزنوق
    في عار حياتك القديمة

▪︎أنا جبار و حكيم و جميل
    طردني إلهكوا من زمان
 
   بس سلاحي مالوهش مثيل
   و بأبني جـبال العتمة كمان
 
▪︎أنا راح أنغص كل حياة
    راح أكويكم هنا بالنار 

   مش حبيتوا تعيشوا في سماه
   جبتكوا هنا لجحيم العار 

▪︎بتقولوا فيه قصايد و مدايح
    إنه أب و راعي حنان
    
    ده لو مكانش عايزكو دبايح
    ماكنش عملكم خرفان 

ربنا يسوع المسيح: 
▪︎مش عارف مين كنت معادي
   على مين بتبجح و تنادي
 
   أنا جايلك هنا في اللحظة دي
   وهآخد منك كل ولادي
 
▪︎مربوط بسلاسل هتكون
    مفضوح بهزيمتك مسجون 

   أنا بأكسر فخ الأركون
   وبإسمي تندك حصون 

▪︎و قوتي أنا أعطيكم
    سلطان تدوسوا بيه الحيات
 
   ونعمتي بتسكن فيكم
   لو جيتوني طالبين ثبات 


منير و منيرة والابرار : 
  لو جيناك طالبين ثبات؟!!

ربنا يسوع المسيح: 
▪︎مجهود بسيط لو له باذلين
    تصلوا تكونوا معايا صاحيين
 
   وتعالوا لبيتي تايبين
   وفي جسدي و دمي ثابتين
 
   وقوتي دي لو عايزين
   بلجاجة كونوا ليها طالبين

   تعالوا يللا لبيتي تايبين
   وفي جسدي و دمي ثابتين
 

منير و منيرة والابرار: 
▪︎إدينا قوة ماليها مثيل
    بدل كل التوهة واللخمة 

   ف إيدينا علامات تشكيل
   نهدم بيها جبال العتمة 

علامات تشكيل... لأي ذليل... 
تحت الخطية واقع محصور
تسند قلبه... تزود حبه... 
يرجع شبهه وديع منصور

طالبين "كسرة"... لشيطان حسرة... 
ياما وقعنا في بير محفور

عاوزين "شَدة"... في وقت الشدة... 
تجبر فينا أي كسور

أيوة لـ "فتحة"... تفتح صفحة... 
مكتوب فيها فرح وسرور

وكمان "سكون"... للي مفتون... 
بخطية شهوة وكم شرور

نفسنا "ضمة"... ترفع ضلمة... 
وتوصلنا لحد النور 


ربنا يسوع المسيح: (يأخذهم بيده ويصعد بهم) 
في حضني "الضمة"... تبدد عتمة... 
جوايا توصلوا وطن النور

جبال العتمه

Finale - وطن النور - جبال العتمة 2023 - كنيسة السيدة العذراء مريم بالفجالة

الجلجثة – ليه يارب سامحت تقصيري

ليه يارب سامحت تقصيري
ورضيت تعدي بيا سدود 

رغم إن أنا مجرم وضميري
وقت جرمي كان مفقود 

أكيد هييجي يوم ومسيري
أفهم حبك مش محدود 

حياتك إديتني أخدت مصيري
وأنا مكاني الموت والدود
 
قلت لنفسي برئ وكبيري
تتشد وداني العدل يسود
 
لقيت علي رأسك آثار تعييري
مسامـــــير وحربة عليا شهود
 
صلاتي ليك شـكري وتقديري
ليك كل كرامة وسجود 

نعمتك دي مصدر خيري
تخللي جهادي عليك مسنود

ليه يا رب ؟! - جبال العتمة 2023 - كنيسة السيدة العذراء مريم بالفجالة

الخميس – كاطا تين طاكسين
كاطا تين طاكسين طو ملشي سيديك
تيليوس أجيوس إس شيروس  
جايلنا على طقس ملكي صادق 
رئيس الكهنة الأعظم القدوس 
من قبل موسى ووعده صادق
قال جايلنا وفعلا جه مخصوص 
الطاهر الكامل بلا خطية
خروف برىء بشكل واضح ملموس 
جه يتدبح وهو برىء فى القضية
بدل بشرية ياما نخرها السوس  
أو ساركو ثينتا إك إبنفماتوس
ميجاتو ميستيريون... أجيوس أثاناطوس


شد المنديل على وسطه لأجل ما يكسيني
وطى بحب... يغسل رجلي ينقيني 
م الأدناس... ينشلني ينجيني
عايزني أرجع له... يرحمني ويشفيني 
ماللي إتغسل كله... ده يبقى من الطاهرين
ومش محتاج... بس غير غسل الرجلين 
يعني توبة... مستمرة فى كل حين
تغفر وتغسل... رجل ناس تانيين 
يسجى تى تين إمي إأونيا
تين ثينو إشوب آريتين شاناي

ده سر فاق عقول البشرية
طريقة بيها غفران للخطية 
تجديد قلوبنا المرضية... وتبقى نقية
تشفيها وكمان تديها... حياة أبدية 
وتطرد عنا إني ذيمون...
حقيقي أوونيشتي إمميستيريون...

خميس العهد- جبال العتمة 2023 - كنيسة السيدة العذراء مريم بالفجالة

الاربعاء – إفحص قلبك

إفحـــــــــــص قلـــــــبك شيل العيب ربــــــــــــــــــــــــــــــــــــــنا عاوزك تبقي بديع
واحدة جميلة بتسكب طيب وغيرها في نفس اليوم بيبيع

راجــــــــــــــــــــــــــــــع ذاتك كل حياتك إعــــــــــــــــــــــــــــمل كده وبشكل سريع
عيــــــــــــــــــــــــــــــــــــــــد ترتيب اولوياتك وخـــــــــــــلي جبل العتمة صريع 

إحذر جبل العتمة قصادك حـــــــــــــــاطك جوة حصار مريع
إنــــــــــــــــــــــــــطق ياللا بإسم إلهك إســـــــــــــــــــــــمه برج حصين ومنيع 
  
وافحص قلبك افحص قلبك .. افحص ياللا بشكل سريع

إفحـــــــــــص قلـــــــبك شيل العيب ربــــــــــــــــــــــــــــــــــــــنا عاوزك تبقي بديع
واحدة جميلة بتسكب طيب وغيرها في نفس اليوم بيبيع

افحص قلبك- جبال العتمة 2023 - كنيسة السيدة العذراء مريم بالفجالة

خارج الهيكل – خطية وبُعاد

ليه حالنا في خطية وبعاد
ايه جري لنا ماكفاية عناد
بتعدي علينا قوام سنين وشهور وأيام
نتفاخر بالأحلام ونقول الله ده كان زمان
ليه بعد ماكنا كبار بنسبح ليل ونهار
حاجة جوانا بتنهار جري لك ايه ياانسان
وبنرجع نسأل ليه بقي لينا إيه نبكي عليه
قلبى في ظلام حواليه
محتاج الفادي يمد ايديه
حالنا لايمكن يفضل ابداً في خطية وعناد
نسمع صوت كنيستنا يجلجل بينادي البُعاد

ليه حالنا فى خطية وعناد ؟! - جبال العتمة 2023 - كنيسة السيدة العذراء مريم بالفجالة

الشعانين – وسط المنتصرين

هي فعلا زفة صحيح
والعريس هو المسيح
 
والعرايس هى النفوس النقية
اللي قدمت له تعبها هدية 

فاستحقوا يكونوا معاه ماشيين
هنا فى موكب المنتصرين 

١. ماما العدرا الطاهرة... 

شايفك وسط المنتصرين 
ياللي حضنك دافي معين
أم حقيقي للملايين
أبرار وكمان الخاطيين 
عشان إتضاعك غالي ثمين
أنت فى موكبه يوم الشعانين
 
يا ماما يا عدرا طوباكي 
صلي لنا عشان نكون وياكي


٢. رئيس الملائكة الجليل جبرائيل 
٣. رئيس الملائكة الجليل ميخائيل
 
شايفكم ويا المنتصرين 
يارؤساء جند السمائيين
فى معسكركم متحاوطين
ومحفوظين ومرشدين
عشان أنتو ليه حقيقي مطيعين
حراس موكبه يوم الشعانين
 
أشفع فينا يا جبرائيل 
وأحمى ولادك يا ميخائيل 


٤. أبونا مارمرقس 
٥. آباؤنا الرسل الأطهار 

أهلا بفخر المنتصرين 
أسدنا إحنا المصريين
ليك بإيماننا مديونين
ولكل الرسل الغاليين
بحياتكم كنتم شاهدين
يا زينة موكبه يوم الشعانين 

يا مارمرقس يا أبانا 
يا رسل فادينا كونوا معانا


٦. الأمير مارجرجس 
٧. العظيم أنبا أنطونيوس 

يا أمير شهدا المنتصرين 
ويا عظيم آباءنا القديسين
ياللي بإيمانه متمسكين
وفى البرية متنسكين
بعد العذاب وجهاد سنين
موكبه ده مكانكو يوم الشعانين
 
يا مارجرجس يا أمير
ويا أنبا أنطونيوس الكبير


٨. الصابغ يوحنا المعمدان 

يا منور وسط المنتصرين 
يا صديق عريس نفوسنا الأمين
صلي لنا نكون على طول تايبين
ومن الخطايا مغسولين
وهو يزيد وإحنا الناقصين
نلحق موكبه يوم الشعانين
 
يا مار يوحنا المعمدان
يا شهيد الحق فى كل زمان 
ويا كل مين على أرضنا كان
شاهد لإلهنا الحنان
نفسنا يجمعنا بيكم مكان
مافيهوش تنهد ولا أحزان 

ونكون فى سماه متجمعين
فى زفة موكبه يوم الشعانين

موكب المنتصرين- جبال العتمة 2023 - كنيسة السيدة العذراء مريم بالفجالة

حــــــــــــــــــــــــكموا عليا بالإعدام وأنا غــــــــــــــــــــــــــــــلبان والعيشة ضنك
عـــــــــــمال أسمع أي كلام كــــــــــــــــــــــــله وعـــــــــــــــــــظ ورغي فشنك
فيه ناس عايشة زي الفل وجــــــــــوة قلوبها شوك مخنوق
وأنا ماعـــــــــــــــــــملتش زي الكل بــــــــــــــــــــــــــــــــــس لازم أموت مشنوق  
أقــــــــــــــــــدم توبة قبل الشنق عشان مصيري مايكونش النار
هــــــــــــو لسه فيه نار ياخلق ماكـــــــــــــــــــــــــفاية عيشتى ليل ونهار

حكموا عليا - جبال العتمة 2023 - كنيسة السيدة العذراء مريم بالفجالة

كَيْفَ سَقَطْتِ مِنَ السَّمَاءِ يَا زُهَرَةُ بِنْتَ الصُّبْحِ؟ كَيْفَ قُطِعْتَ إِلَى الأَرْضِ 
يَا قَاهِرَ الأُمَمِ ... وَأَنْتَ قُلْتَ فِي قَلْبِكَ: أَصْعَدُ إِلَى السَّمَاوَاتِ. أَرْفَعُ كُرْسِيِّي فَوْقَ كَوَاكِبِ اللَّهِ وَأَجْلِسُ عَلَى جَبَلِ الاِجْتِمَاعِ فِي أَقَاصِي الشِّمَالِ .. أَصْعَدُ فَوْقَ مُرْتَفَعَاتِ السَّحَابِ. أَصِيرُ مِثْلَ الْعَلِيِّ لَكِنَّكَ انْحَدَرْتَ إِلَى الْهَاوِيَةِ إِلَى أَسَافِلِ الْجُبِّ ( أش 14 : 12 – 15 )

--------------------------------------------------------------------------

إيه يا أستاذنا .. إحنا وقعنا ولاحـــــدش هنا سمي علينا
إحنا إتباعنا من أتباعنا ... ولا الـــــــــــــــدنيا غدرت بينا

لا ياشطورة .. لسة الفورة سقوطي مش سهل خليك فاكر
ازاي أسقط ؟!! وأنا من الأخر أكتر واحد فيكوا مذاكر

كلامك حلو بس خسارة فات آوانه يا أبـــــــــــــــــو الشياطين
خسرنا مكاننا وولي زماننا هنعيش هنا متمرمطين

طب أوعي تقول كده لأزعـــــــــــــــــــــــــــل منك أنا مش قِله أنا الكبير
أنا لو مُت ولاده في إيدي وإســــــــــــــــــــــمع منى ده سر خطير
إحنا بتوع صقيع و برودة إحــــــــــــــــــــنا جيش الليلة القاتمة
إحنا هنزرع نجيلة سوداء إحـــــــــــــــــــــنا هنبنى جبال العتمة 


يعنى ايه ؟!! يعنى ايه ؟
يعنى ايه جبال العتمة ....... ماتفهــــــــــــــــــــــــــــــــــــــمنى ياللا و قول
لو شياطينك هتكون فاهمة ..... هتلاقي مليون بعلزبول

جبال العتمة فكر شيطان .. عــــــــــــــــــــــــــــــــــــارف دوره بيعمل أيه
يلعب لعبة علي الإنسان .. يخــــــــــــــــــــلي اللي معاه يبقي عليه
لو فيه متواضع غلبان .. جبل العتمة يقــــــــــــــــــــــــــــــــــــــوله يا بيه
يخلي المجد ليه عنوان .. واخـــــــــــواته يصغروا جوة عينيه

لو بنت حلوة وشخصية .. يخــــــــــــــــــلي جسدها محل عيون
مش بنقاوة لا بخطية .. وفـــــــــــــــــــــــكر الشهوة بيها مجنون

أصل جبل العتمة يخلي .. الشــــــــــــــــــــــــــــــــــــــــــــــــــيطان هو نمبر وان
مش شايفين غيره تملي .. ولخـــــــــــــــــــــــــــــــــــــــــــــــــــــــــــداعاته الكل يحن

ايوة 
 جبل العتمة يخلي .. الشــــــــــــــــــــــــــــــــــــــــــــــــــيطان هو نمبر وان
مش شايفين غيره تملي .. ولخـــــــــــــــــــــــــــــــــــــــــــــــــــــــــــداعاته الكل يحن

أنا هأزرع في الأرض النقمة .. ناوي أخــــــــــــــــــــــــليها قفر و بور
واللي رقبته تيجي في محاكمة .. هأخــــليها في الحبل تدور

راح نزرع في الأرض النقمة .. هنخــــــــــــــــــــــــليها قفر و بور
واللي رقبته تيجي في محاكمة .. هنخــــليها في الحبل تدور

أنا ناوي أبنى جبال العتمة .. وأحجب عـــــــــــــــــن الكل النور
هأخلي ولاده ناقمة وشاتمة ..راح اسجنهم وابنى السور

أنا هأخلي عيشتهم سوداء .. أسـود مــــــــــــــــــــــن الليلة الكاحلة
قاعدين ويا الهم صاحبهم عايشين جـــــــــوة الطين والوحلة
يوم مايعوزوا المية الحــــلوة راح أغرقهم في بــــــحور ضحلة 
واللي يفكر يتحداني هأمســــــــــــــــــــــــــــــــــــكه وأسحله حتة سحلة

بينى وبينكم موت وحياه ... ريح شــــــــــــــــــــــــمالية وهبو ونار
واللي قال من مثل الله ... بينــــــــــــــــــــــــــــــــــــــــــــــــــــــا وبينه حرب وثار
إلهكوا ده عايش في سماه ... وســـــــــــــابكم ليا في أرض العار
وأنا بجبل العتمة أياه .. ها تبقـــــــــــــــــــــــــــــــــــــــــــــــوا عِبرة ليل ونهار

تندهوني ولا تنسوني .. هتلاقوني في الحــــــــــــــــــــــــــــــــــــــــــــــــال والتو 
كل حال مُحال يتشال .. إلا لما مــــــــــــــــــــــــــــــــــــــــــــــــــــــــــــــــــــــــــــــــزاجي يحلو 
أنا شيطان معجون بفنون شياطين جامدين بتقول ها او
سمي وسهمي غالب وبأحارب ما أنا سلطان الهواء والجو

جبال العتمة - جبال العتمة 2023 - كنيسة السيدة العذراء مريم بالفجالة

ارميا وقف بكل جسارة
وقال لشعبه عن نبوته
قال الشيطان افكاره مرارة
عاوزنا نعيش جوة عتمته
وحيطان العتمة عالية وجبارة
زي جبال سوداء بقسوته
وكأنه عاوزنا نلبس نظارة
مانشوفش منها غير قوته
قبليه أيوب قاسي في أيامه
بعد تجارب تهز الثقة
حس إن ربه صابه بسهامه
فبان في كلامه حزن وبكاء
قال الهاوية عريانة قدامه
والهلاك مالوش غطاء
والإنسان هيعيش في الآمه
عشان الشيطان عليه اشتكي

Intro - جبال العتمة 2023 - كنيسة السيدة العذراء مريم بالفجالة

نبنى نبنى 
ترنيمة ألفها ولحنها من زمان  أستاذ سامح عدلي (مثلث الرحمات نيافة الأنبا صموئيل أسقف شبين القناطر)  وحفظها لأجيال وأجيال
وبعد كده أجيال تانية اتعملتها من أستاذ جمال ملك لما كنا بنوسع الكنيسة ونفرش مبنى الخدمات.
دلوقتى كلنا بنعتلمها ونقولها مع بعض وإحنا بنعيش دلوقتى مشروع ترميم تاريخي للكنيسة بيتزامن مع مرور 140 سنة على تأسيس الكنيسة. 
بتكلفة تفوق الـ20 مليون جنيه.. 

يمكننا المساهمة فى هذا المشروع الضخم 

من داخل مصر
من خلال البنك الأهلي المصري
كنيسه السيدة العذراء بالفجالة
البنك الأهلي المصري - فرع الفجالة
رقم الحساب
0083070581656500018
Swift Code
NBEGEGCX008
IBAN
EG470003000830705816565000180

Instapay من خلال تطبيق
بالخطوات التالية
1- Send Money
2- Bank Account
0083070581656500018
IBAN
EG470003000830705816565000180
3- Receiver Name
Saint Mary Church Fagalla

من  خلال مكتب التبرعات بالكنيسة
متاح يومياً بعد القداسات صباحاً
ومن الساعة 7.00 إلى 9.00 م

من خارج مصر 
من خلال بنك الأسكندرية
Bank Account: Saint Mary Coptic Church Fagalla
Bank of Alexandria S A E Branch: Kasr El Nile street 49, Cairo, Egypt
Swift Code: ALEXEGCX003

USD Account: 101001233002
IBAN EG720005100100000101001233002

Canadian Dollar Account: 101001233003
IBAN EG450005100100000101001233003

Euro Account : 101001233004
Iban EG180005100100000101001233004

نبنى نبنى - تجديدات كنيسة السيدة العذراء مريم بالفجالة 2024

لحن تي شوري الحزايني - المرتل أيمن ماهر - كنيسة السيدة العذراء مريم بالفجالة

لحن طاي شوري الحزايني - المرتل أيمن ماهر - كنيسة السيدة العذراء مريم بالفجالة

لحن تي ابيستولي- المرتل أيمن ماهر - كنيسة السيدة العذراء مريم بالفجالة

لحن اوكاتي شيسيس - المرتل أيمن ماهر - كنيسة السيدة العذراء مريم بالفجالة

لحن أومونوجينيس- المرتل أيمن ماهر - كنيسة السيدة العذراء مريم بالفجالة

لحن أفتشينون- المرتل أيمن ماهر - كنيسة السيدة العذراء مريم بالفجالة

الابركسيس الحزايني - المرتل أيمن ماهر - كنيسة السيدة العذراء مريم بالفجالة

مرد قطع الساعة السادسة من يوم الجمعة العظيمة- المرتل أيمن ماهر - كنيسة السيدة العذراء مريم بالفجالة

مرد قطع الساعة التاسعة من يوم الجمعة العظيمة- المرتل أيمن ماهر - كنيسة السيدة العذراء مريم بالفجالة

لحن غولغوثا - المرتل أيمن ماهر - كنيسة السيدة العذراء مريم بالفجالة

ترنيمة الجحيم بانوراما طريق الآلام 2017 كنيسة السيدة العذراء مريم بالفجالة

ترنيمة الموج عالى ومش شايفينك بانوراما طريق الآلام 2018 كنيسة السيدة العذراء مريم بالفجالة

ترنيمة فى سفينة على بحيرة طبرية بانوراما طريق الآلام 2018 كنيسة السيدة العذراء مريم بالفجالة

محاضرات فى تاريخ الكنيسة ج 1 - الأنبا رافائيل

كنيسة السيدة العذراء مريم بالفجالة

تأملات فى إنجيل الراعى الصالح - أبونا إرميا بولس - نهضة السيدة العذراء 16/8/2018

لحن السبع طرايق - الأنبا رافائيل - عيد الغطاس 2019

الفداء في فكر القديس أثناسيوس الرسول- الأنبا رافائيل - سيمنار تجسد الكلمة 26/6/2019

الحكمة - أبونا إرميا بولس - نهضة السيدة العذراء 15/8/2019 كنيسة السيدة العذراء مريم بالفجالة

السقوط المتكرر - أبونا داود لمعى - نهضة السيدة العذراء 10/8/2019 كنيسة السيدة العذراء مريم بالفجالة

الصفحة الرسمية لكنيسة السيدة العذراء مريم بالفجالة القبطية الأورثوذكسية

Popular tracks by St. Mary Church Faggala