Fake Fucks

طوفان
ياموت ما تبكّر ع أيامي
تركني لوحدي وروح
عمري أنا رح لملمه وخبيه
الأيام عم تغرق بهالأيام
والكلمة ل كانت تجي وتروح
غرقت بهالطوفان .. ماتت على شفافي
وحدي أنا .. والليل عم يزحف على كتافي
يامسافر بهالليل خدني معاك وسوح
مطرح ما بدك روح
يا جبال آرارات وينا سفينة نوح
وحدي أنا والناس عم تغرق بهالطوفان
شراع العمر ناطر هبوب الريح
والموج يلي خرطش بأيده ع هالعالم سطور
جايي تيمحي حكايته العالم مع الطوفان
والفلك عم بيدور
يامركبي .. يامركبي رح نفترق يا مركبي
هي آخر السفرة معك
شو العمر .. بكرا بعاصفة المقداف رح بيودعك
لمّن عيوني تزوغ بدها تلمحك عم تختفي
ومابعود فيي أقشعك .. غني ولنو شوي
بلكي بسمعك
يامركبي الختيار .. رح أغرق معك

***************
قطفولو ورد
متل ها النسيان جايي من السهول
الحب.. متل الموت
وليالي الضيعة بين الحجار تقول
رح يوصلّون هالصوت .. ؟
تحت الشتي عم ينحنو يقطف وراق النار
ابكي عليهون يا عتبة الدار..
قوليلهون فلو قوليلهون ضلو.. والليل بيفتح قمار قمار
والفلاحين الطالعين من الندي بيرنخو.. أرض المنام الباردة..
بعدون عا الورقات زخات الشتي
فرو هاالعصافير وضل لحالو يغني الزمهرير
قطفولو ورد للنسيان
الموت عم بيشكشك وراقو عا شريط الزمان .
هل كان عندون بيت ..
وصورة عليها ناس معلقين بخيط
وقعو عن سطوح العمر وسلقتون الحجار
وقعو متل ما بيوقع المشمش عا الولاد الصغار
وين أهلي وين طاحونة حزن خيي الصغير
وين طيارة ورق نومي عا هزت سرير
وين الأيدين الحطت بريق الشتي فوق الحصير
وين اللقي راسو عا أيدي وصفن .. وطلع وعلى كتير
وين شبابيك الي فات منها الصوت متل الزمهرير
وين .. رمان السقف مقطوف ومعلق متل عمر الكبير
ولك عن يا قلبي متل ها النحل جوات القفير
وقع العمر ما بين أيد وبين هزات السرير ..

*******************
"هـ الكان عندن بيت..."
هـ الكان عندن بيت 
و صورة عليها ناس
معلقين بخيط 
وقعوا عن سطوح العمر
و ستلقتن الحجار
وقعوا متل ما بيوقع المشمش
على ولاد الزغار...
وين أهلي؟
وين طاحونة حزن خيي الزغير؟
وين طيارة ورق نومي
على هزة سرير؟
وين الإيدين؟
الحطت بريق الشتي فوق الحصير
وين شبابيك
الفات منها الصوت
متل الزمهرير 
وين رمان العمر
مقطوف و معلق
متل عمر الكبير
لك.. عنّ يا قلبي
متل هـ النحل
جوات القفير
وقع العمر
ما بين إيد
وبين هزات السرير...


*****************
مَ دام
نوم ولادهن طيّر ورق بالسهل
مَ دام
ما عاد بدهن يخلوا الصبي
يدقدق جراس النحل
مَ دام
إيديكِ البيوت الفاضيه
مَ دام
ما بَقْ في حدا
غير القفاص العاليه
وغير الصدى
مَ دام
إيديكِ السهول
مَ دام
بس تلململي دَيْكي
بيتلملموا طراف الحقول
مَ دام
مهما قلت
رح أسكت ع طول..
ما عاد بدي قول

********
صياد النوم
كانوا عهالطرقات
سرقون النوم...
ونزلوا معو
عغير هالطرقات..
في ولاد عم يتسابقوا
تيطلعوا من أرض النسيان
فزّوا عن الحيطان
ووقت الإجو...
خدهن معك يا نوم
خدهن يا بياع الزمان
.......
يا زغار...
يا وراق السجر...يازغار
ياشتي...
محّت دفاترها الحجار
وان كان بدون يكتبوا...
رح شعّل بهالنار
....
سكّروا عليي النوم
هبّطوا بيوت الورق
وهرهر تراب اليوم
....
يا زغار...
يا شريط البساتين...إنتوا يا زغار
وقت اللي كنتوا تلعبوا بالتلج....نمتوا
تركتوا صوت التلج.
عم دور عليكن
قالوا شبابيك الشتي: ناموا بقلب التلج
.......

يا زغار...
يا نطرة المقهور عكومة حجار.
رن الجرس...
خلصوا اللي بدون يكبروا...
خلص النهار...
خلصت الفصول بهالدني
ونزل الستار
....
بيطلعوا عالنوم...
بيهرهر تراب
بتبكي عليهن نطرتون حد البواب
........
بينتهوا...
متل الأسامي...بينتهوا
متل الفصول ....بينتهوا
متل الزمان...
لا بيبتدوا...ولا بينتهوا
بيفتّحوا قبل الأوان....
من القصايد:فرّة عصافير...
تنقوت الكلمات بكتابون
وتلملم القشّات بغيابون
وبقيت على سياج الزمان...مخزّءة تيابون
يا قاعدين بهالزمان...خلّولنا سجرة على مفرق زمان

**********
وحدن
حدن بيبقو متل زهر البيلسان
وحدهن بيقطفو وراق الزمان
بيسكرو الغابي
بيضلهن متل الشتي يدقوا على بوابي
على بوابي
 
يا زمان
يا عشب داشر فوق هالحيطان
ضويت ورد الليل عكتابي
برج الحمام مسور و عالي
هج الحمام بقيت لحالي لحالي
 
يا ناطرين التلج ما عاد بدكن ترجعو
صرخ عليهن بالشتي يا ديب بلكي بيسمعو
وحدن بيبقو متل هالغيم العتيق
وحدهن وجوهن و عتم الطريق
 
عم يقطعوا الغابي
وبإيدهن متل الشتي يدقوا البكي و هني على بوابي

**********
جفلة فرس

محني متل برج الأسد
رمّانك العالي
جايبلك بحرجـــي دهــب
يرخصلك الغالي
شكّيت حدن قصب
تيضلّن ببالي
كلّن
اساميهن هلا
وإسمي أنا زواله
هـــَ العمر جفلة فرس
والناس خياله
حطيتن بوجّ الهوا
وهبّ الهوا شمالي


طلال حيدر_مجموعة قصائد

01.Paul van Dyk & Rafael Osmo - Two Rivers [Album Version 2025]
02.Rafael Osmo - Feel The Ecstasy 
03.Yahel - Around The World (Rafael Osmo Rework 2025) 
04.Rafael Osmo - Carboon 
05.Astrix - Coolio (Darwish Remix) 
06.Rising Dust - Infinity + 1 
07.Alien Art - Planet X (Out of Orbit remix) 
08.Daxson & JKult - Beyond Belief
09.Liquid Soul - Salvation
10.Markus Schulz vs. Ferry Corsten & Omnia - Loops & Tings 
11.NIFRA - NRG 
12.Daxson The Temple of Time (Transmission 2025 Theme)

Rafael Osmo - Spring Mix 2025 [Vol II]

Get it 

Infected Mushroom & Yahel - Electro Panic Remix (Eitan Reiter remix) [sample]

Unkown style of music, kind of free style..

Vocals from the movie "Shutter Island"

Sides - Shutter Island

My voice from within..
صوت من داخلي

Hawajis \ ْهواجِس

" إنما.. لا أموتْ، الميادينُ تذكُرُني والبيوتْ "
19.8.2020(الاربعاء) الذكرى السادسة لرحيل الشاعر سميح القاسم 
(11.5.1939 - 19.8.2014)
مقطع من مقابلة على قناة الشرقية

سميح القاسم - من البدايات

Out Of The North

أصوات من أوضة
OdA
meaning “Room” in Arabic (Turkish), is a home studio located in Rama Village, Upper Galilee. 
Founded in 2009 OdA is Specializing in all aspects of sound recording, sound design, audio post production and music composing.

@yasir-alqasem
@Maqssalah

Hawajis \ ْهواجِس

OdA

Related tracks